Yakun

Bo’lmayotgan bo’lsa,majburlama! Yo hayollaring parishon bo’ladi,yoki qalbing… Unutgan kishi kabi bo’l! Chunki go’zal narsalar hech kutmagan oningda haqiqatga aylanadi! Shams Tabriziy

Vafot etishingiz bilan dastlab nomingiz unutiladi. G’assol kelib jasad qayerda? — deydi. Mansabingizni ham nasabingizni ham hatto nomingizni ham so’ramaydi. Janozangizni o’qishdan oldin Imom marhumning yoshi nechida edi? — deydi. Mansabingizni ham nasabingizni ham hatto nomingizni ham zikr qilmaydi. Keyin tobutni ko’taringlar deyiladi. Bunda ham na mansab, na nasab va na nomingiz eslanadi, tobut bo’ladi balki ismingiz. Mayyitni qabrga qo’yinglar deyishadi so’ngida nomingizni eslashmaydi. Mayyit sizning nomingiz u yerda. Shunday ekan zohiriy narsalar ila g’uruga ketmang,dunyoga sarmast bo’lmang,men falonchiman deb kekkaymang,kim bo’lishingizdan qat’iy nazar kun kelib nomingiz bilan chaqirishmaydi. Jasad, marhum,tobut,mayyit deyishadi. Magar sog’lom qalbgina sizga as qotadi manmanlikdan kibrdan sog’lom bo’lgan qalb. O’zingizni isloh eting,Qalbingizni uyg’oting!

Қуръони каримда ибодат оятлари 110 тани ташкил қилса, аҳлоқ оятлари 1504 тадан иборат. Қуръоннинг тўртдан бири хулқ ҳақидадир. Абу Дардо розияллоҳу анҳудан ривоят қилинади: «Набий соллаллоҳу алайҳи васаллам: «Қиёмат куни мўминнинг мезонида ҳусни хулқдан кўра оғирроқ нарса бўлмас. Албатта, Аллоҳ фаҳш ва чиркин сўз айтувчини ёмон кўрур», дедилар». Термизий ва Абу Довуд ривоят қилган. Албатта Аллоҳ таолони ғазаблантирсанг, осмонлар ва ердаги барча сенга ғазаб қилур.

Садақанинг фазилати. Бир аёл ҳар сафар ўғилларидан биронтасини хулқида ёмон ўзгаришни кўрса, дарров садақа қилиб таом тарқатар ва ушбу: “Уларнинг молларидан садақа ол. Бу билан уларни поклайсан, тозалайсан ва уларнинг ҳаққига дуо қил...”, Тавба сураси, 103 -оятни ўқиб дуо қиларкан: “Аллоҳим, ушбу садақам фарзандимнинг ахлоқи покланиши учундир, чунки унинг бу ҳоли менга у касал бўлиб, хасталанганидан кўпроқ таъсир қилади, безовта қилади” дер экан. Яна бир аёл бўлса, камбағал эди, кунлик топганларига кифоя қиларли кун кечиришарди. Шу сабаб садақа қилишга ҳеч нарса тополмасди. Эри ёки ўғли бирон айб, гуноҳ содир қилишса, кечаси туриб намозида Бақара сурасини зам қилиб ўқир ва: “Аллоҳим, бу менинг садақамдир, уни мендан қабул эт. Уни менга ислоҳ қилиб бергин”, дея дуо қиларди. Нима учун вафот этган инсон дунёга қайтиш имкони берилса, садақани танлайди? Бу ҳақда Қуръони каримда: “Ва бирингизга ўлим келиб: «Эй Роббим, агар менинг ўлимимни яқин муддатга орқага сурсанг, бас, садақа қилиб солиҳлардан бўлсам», демасдан аввал Биз сизларга ризқ қилиб берган нарсалардан нафақа қилинг”, Мунофиқун сураси, 10- оят, деб айтилган. Нима учун “умра қиламан” демайди, “намоз ўқийман” демайди, “рўза тутаман” демайди, балки “садақа қиламан” дейди?! Илм аҳли дейишди: "Вафот этган киши ўлимидан кейин садақани қай даражада фойдаси, асари улкан бўлишини кўргани учун ҳам шундай дейди". Садақани кўпайтиринглар, албатта мўмин қиёмат кунида садақасининг сояси остида бўлади.

Hech kim sizni Allohdek kutmaydi. Bu dunyoda biror kishi bormi,siz bilan kuniga besh marta uchrashishga rozilik bildiradigan? Baxtli bo’lsangiz — Alloh sizni chaqiradi. Namoz — shukronangizni bildirish uchun imkon. Qayg’uda bo’lsangiz — Alloh sizni kutadi. Unga yig’lab itoat qilishingiz — eng go’zal najot. Tushkunlikda,zaif yoki kuchli bo’lishingiz hech narsani o’zgartirmaydi. Alloh sizni har holatingizda ham qabul qiladi. Namoz — bu Alloh bilan uchrashuvdir. Kuniga besh marta, eng mehribon Zot sizni kutadi. Siz-chi, javob berasizmi? Bu dunyoda Allohdan boshqa hech kim siz bilan kuniga besh marta uchrashishga — xoh baxtli, xoh qayg’uli,xoh tushkunlikda,xoh zaif,xoh kuchli holatda bo’ling rozi bo’lmaydi.

Инсонларнинг сенга эхтиёжи борлиги чинаккам неъматдир. Сен буни малол олмагинки, бу неъмат азобга айланиб кетмасин. Билгинки, энг яхши кунинг — истовчи эмас,исталадиган одам бўлган кунингдир.

Kim ortiqcha so’zlarni tark etsa,unga hikmat beriladi. Kim ortiqcha qarashni tark etsa,unga qalb xushu’yi beriladi. Kim ortiqcha taomni tark etsa,unga ibodat lazzati beriladi. Kim ortiqcha kulishni tark etsa,unga xaybat beriladi. Kim mazaxni tark etsa,unga baho beriladi. Kim dunyo muhabbatini tark etsa,unga oxirat muhabbati beriladi. Kim boshqalar aybi bilan mashg’ul bo’lishni tark etsa,Unga o’z aybini isloh qilish beriladi. Kimning kulgusi ko’paysa Xaybati ozayadi. Kimning so’zi ko’paysa,uning xatosi ko’payadi. Kim insonlarni kamsitsa,o’zi ham kamsitiladi. Kim biror narsaga ko’p mashg’ul bo’lsa, Shu kasbi bilan taniladi. Kimning kibru-havosi ko’paysa, hayosi kamayadi. Kimning Hayosi kamaysa,taqvosi kamayadi. Kimning taqvosi kamaysa, Qalbi o’ladi. O’zingizni isloh eting,Qalbingizni uyg’oting!

Qalbni Allohga burib qo’yguvchi bir duo bor. Abdulloh ibn Amr ibn Oss rodiyallohu anhudan rivoyat qilinadi: Rasululloh sollallohu alayhi vasallam: اللَّهُمَّ يَا مُصَرِّفَ القُلُوبِ صَرِّفْ قُلُوبَنَا عَلَى طَاعَتِكَ «Allohumma ya musorrifal qulub sorrif qulubana 'ala to'atika», deb aytardilar. (Ma'nosi: Ey qalblarni burib qo'yuvchi Allohim, qalbimizni toatingga burib qo'ygin.) Imom Muslim rivoyatlari.

Биз яшаётган дунёда, жаноза майитдан муҳимроқ, тўй эса севгидан, ташқи кўриниш ичкаридан. Биз аслиятни инкор этувчи маънавий қобиқда яшаймиз.

Уйида яхши муомалани кўрмаган қиз кўчанинг ўлжасидир. Биз атрофимиздаги кишиларни муҳаббатга кўмсак, уларни ўткинчи хушомадлар тузоғидан асраган бўламиз. Даволанишдан кўра касалликдан сақланиш яхшироқдир. Портлаш эҳтимоли бор нарсаларнинг пилигини суғуриб олиш портлагандан кейин синган нарсаларни териб юришдан афзалдир!

Жаноза ўқилар бир кун бизга ҳам, Одамлар йиғилар бир-икки ҳайит. Йилдан сўнг келмайди кўзларига нам, Топганимиз қабр,исмимиз майит! Танимиз чирийди, қалбимиз каби, Суяк чаноқлари қолар бизлардан. Неларни ўргатди ҳаёт мактаби? Фойда берармикан имтихонда ҳам? Бошимиз осмонга тегарди доим, Шухратпараст эдик, мансабдор эдик. Барин авф этарми Роббим, Ҳудойим? Бир умр ғоз турган қаддимиз эгик! Тирикликда ўлди мехр, мухаббат, Оқибат нелигин, охирда билдик. Хатто шайтондан хам сўраймиз шавқат, У эмас, ўзимиз шаккохлик қилдик! Жаннатга арзирли банда бўлдикми? Қани суннатимиз? Қани фарзимиз? Беш махал намозда собит турдикми? “Ал-мисоқ” кунида қолди аслимиз! Дунёга берилдик,дунёлар қани? Оқ кафан,тол тобут кўрганларимиз. Ҳозир яшамоқдан бормикан маъно? Тан тирик, рухлари ўлганларимиз! “Мархум” йо “Мархума” аташар бизни, Ҳаттоки исмимиз бўлади унут. Айтайлик қалбларда бор барча сўзни, Қабрда кутмоқда то махшар сукут! Ўткинчи хисларга берилдик чунон, Қазолар кўпайди, кўзларимиз нам. Қанисан? Уйғонгин мурувват-виждон, Жаноза ўқилар бир кун бизга ҳам!

Фикрлаш тарзингизни Мўминлар каби фикрлашга ўзгартиринг. Агар шундай ўйлаётган бўлсангиз: Бу ёмғир кун бўйи ёғди, зерикдим Балки Аллоҳ дуоларингиз қабул бўлсин дея ёмғир юборгандир. Агар шундай ўйлаётган бўлсангиз: Оилам динимизга тўлиғича амал қилмайди. Балки Аллоҳ сизни, уларга ўрнак бўлишиз ва иймонларини кучайтириш учун танлагандир. Агар шундай ўйлаётган бўлсангиз: Касал бўлишдан чарчадим. Балки Аллоҳ бу касалликлар ила сизни баъзи гуноҳларингизни кечирмоқда ва сизни Аййуб алайҳиссалом каби имонингизни синаб кўраётгандир. Агар шундай ўйлаётган бўлсангиз: Оилам менга қўпол муомила қилишади. Балки Аллоҳ сизни синаётгандир, уларга ёмон муносабат кўрсатадими ёки Юсуф алайхиссалом каби сабр ва самимият ила муносабат қиладими. Агар шундай ўйлаётган бўлсангиз: Тинмай ўша гунохни қилябман. Балки Аллоҳ, унинг рахматидан асло умидингизни узмаслигингиз, тинмай тавба қилишиз ва ҳаромлардан узоқ бўлишиз учун буни фарқлай оладиган ақл бергандир. Агар шундай ўйлаётган бўлсангиз: Оҳирги вақтларда ҳаётимда қийинчиликлар кўпаймоқда. Балки Аллоҳ, вазиятингиз қанчалик қийин бўлса бўлсин Унга таслим бўлганингизда мутлақо бир чиқиш ёлини кўрсатишини эслашингизни истаётгандир.

Аллоҳнинг динида холис турган олим хаётда тўрт нарсанинг машаққатини албатта тортади: душманлари уни кўролмайди, дўстлари масхара қилади, жохиллар ғийбат қилади, уламолар хасад қилади.

Ризқ сабабларидан Ибн Қоййим раҳимаҳуллоҳ: "Тўрт нарса ризқни жалб қилади: – Қиёми лайл - тунда ибодатда қоим бўлиш; – Саҳар чоғларида кўп истиғфор айтиш; – Садақа беришга аҳд қилиш ва давомли бериш; – Куннинг аввали ва охирида зикрларни ўқиш", деди. "Задул маъод" асаридан.

So’zimizga labbay deb yaxshilik yo’lida hamroh bo’lib yordam berdingiz. Allohim hamisha Sizlarga ham labbay desin! Yaxshilik yo’lida yordamlarini ayamay bizga yelkadosh hamroh bo’lgan birodarlarimizdan Alloh rozi bo’lsin. Oqibatlarimzni dunyo va oxiratimizga xayrli va manfaatli qilsin. Ro’yxatga yozilish hayoldan kotarilgan,tarqatgan birodarlarimizdan, va beminnat yaqinlariga tarqatgan, siz obunachilardan, duolarida eslab qo’yganlardan, Alloh rozi bo’lsin ajrlarini o’zi kopaytirib bersin. Xossatan xizmat qilganlar: @zayd_qamar @azzuziy @zavoyid @MuhammadAkbarAzim @huzayriy @bymufarrid @themahbubiy @h_haqiqat @by_mahzuniy @faruqiy @zinnoorayn @yasubiy @tarixchilik_uz @alamiy_uz akamizga alohida tashakkur yordamlarini ayamay biz bilan yelkadosh bo’lganlari uchun. Barchalaringizga ( @abdurrohman_toshqandiy va @theyakun) kanallari nomidan tashakkur aytib qolamiz. Yaxshilik ishlarida doimo sobit qadam qilsin. Vassalamu aleykum va rohmatulloh.

Ота оналарга мактуб. Фарзандларингиз хусусида қўрқиш керак эмас, уларни тарбия муассасаларида зулмга рўбаро келишларидан безовта бўлиш хам керак эмас. Чунки сизлар уларни тили заҳаргина этиб, ёмон хулқли ҳамда устоз ва тарбиячиларга эҳтиром кўрсатмайдиган этиб тарбиялаб бўлгансиз. Шу билан бирга устознинг қаттиқ туриши ёки қўл кўтариши умуман мумкин эмас, урадиган ёки сўкадиган бўлса, у устоз ҳатто қамалади деб ҳам уқтириб бўлгансиз. Шу сабаб улар хақида хавотир олманглар. Балки хавотир олиб қўрқишингиз лозим бўлгани шуки, куни келиб бу тарбиянгизнинг асоратлари бошингиздаги сочингизга оқ тушириб юборганида намоён бўлади.

Кўзлар - мақсадни сўзлар! Кўз фақат кўриш учун яратилмаган. Кўзлар бор: гапиради, йиғлайди, ошиқ бўлади, хиёнат қилади, паст санаб кибр қилади... Айман Ёғий

Раббоний қоида: Намозни қанча зое қилсанг, шаҳватга шунча мубтало бўлаверасан. Бунга Аллоҳнинг сўзидан қуйидаги оят далил бўлади: «Ортларидан шундай ўринбосарлар қолдики, улар намозни зое қилиб, шаҳватларга эргашдилар» (Марям сураси, 59-оят). Намозга қанча эътиборли бўлсанг, шаҳватдан шунча йироқ бўласан. Бунга Аллоҳнинг сўзидан қуйидаги оят далил бўлади: «Албатта, намоз фаҳш ва мункардан қайтарур» (Анкабут сураси, 45-оят). Аллома Шинқитий раҳимаҳуллоҳ: «Азонни эшитиши билан намоз ўқишда бардавом бўладиган кишининг қалби очиқ, фикри теран бўлади. Зеро, ким Аллоҳнинг амрини адо этса, Аллоҳ ҳам унинг ишларини раво қилади», дедилар.

Бир қурувчи киши, бир ширкатда узоқ йил ишлаб кексаликка етди ва нафақага кетишни ва ўзини оиласига бағишлашга қарор қилди. Унинг раҳбари: «Ишдан бўшаш аризангизни қабул қиламан фақат бир шартим бор. Яна битта уй қуриб берасиз» деди. Қурувчи хоҳламайгина рози бўлди. Сўнгра уй қурилишини шошма-шошарлик билан пишиқ-пухта ва мукаммал бўлмаган ҳолда) битказди. Уй калитини бошлиғига топшираркан, бошлиқ табассум билан: «Бу уй ширкатимиздаги узоқ йиллик хизматингиз учун биздан сизга совға» деди. Қурувчи бундан лол бўлиб қолди ва қурилишни пухта қилмагани учун қаттиқ афсус қилди. Бир умрлик уй!.. Хоҳламайгина, шошма-шошарлик билан, пухта ва масъулият билан қилинмаган ибодат ҳам шундай бўлади. Билгинки, тоат-ибодатларинг охирида Аллоҳга эмас, ўзинг учундир. Аллоҳ бандаларидан беҳожат Зотдир. Аллоҳим, бизу сизга гўзал хотима насиб этсин!

Телефонингиз қувватини узайтириш учун, китоб ўқинг.... Меҳмет Йилдиз