TIRIKCHILI

Dizayn “kulgusi” Ishxonada sherigim yaqinda chiqqan Dizayn jamoasini konsertini 20 daqiqadan oshiq koʻrdi, ammo biron marta kulmadi. Inson qiziqchilarni konsertini koʻradiyu, lek kulmasa ajoyib Gap bu haqida emas, gap boshqa yoqda. Konsert soʻngida monolog yaxshi yakun boʻldi. Biron marta duch kelmagan bunday yakunni Muhammadiso Abdulxairov boshqacha tugatib berdi. Qandaydir ma’no bor shu yakunda.

Bir stakan pepsi Koʻchada chamasi 3 yoshli boʻlgan qizcha bilmay qoʻlidagi yarim stakan (bir martalik yumshoq stakan) pepsini tapichkasiga toʻkib yubordi. Ayasi shunaqangi boshiga tarsaki tushirdi, deyarli hammani e’tiborini tortdi. Bola tabiiyki ovozi boricha yigʻlab berdi 5 metr nariroqda pepsi "ta'mlar jangini" oʻtkazayotgan ekan (pepsi orginal bilan pepsi yuppini tanlaydigan). Arzimaydi bolani urushlikka

Instagramsiz 2-kun Bugun biroz qiyin bo'lmoqda lek imkon qilsa bo'ladi o'zimni chalg'itib. Xuddi yana bir Ismoilni boshqarayotagnday bo'lyapman. Fikrlar oqimi yaxshilandi yoki yomonlandi deyolmayman, lek men uchun qiziq davomi qanday borishi.

Ba’zida kech bergani tinchroq. Avtobus bekatga ketyapman. Bekatda odam to’la. Avtobus ko’rindi. Yugursam ham yetolmasligim aniq edi. Eh mayli, nasib qilmabdi deb qo’ydim. Odamlar chiqishdi va avtobus ketdi. Bekatga kirishim bilan xuddi shu yo’nalishdagi avtobus keldi. Haligi to’da birinchi avtobusga ketganligi uchun bunisida 2-3 ta odam bor ekan xolos. Hozir mana bitta joyda o’zim, bittasida sumkam mazza qilib ketyapmiz:) Ba’zida boshqalarga berilgan narsa nega menga emas, qachon menga keladi deb siqilib qolamiz. Paloncha uylanibdi, pismadoncha ielts olibdi, u o’qishga kiribdi, bu ishga kiribdi - hammani omadini bersin. Shunchaki biling: sizga beriladigan narsa erta ham kech ham kelmaydi — vaqtida keladi. Bu manimcha yolg’izlikni minus tarafi bo’lsa kerak; sherigim bo’lganda gaplashib ketib bu narsalarni o’ylamasdim, nima qilay endi? Bir o’zimman, yo’l, o’y-hayollar. Imtihonga ketyapman yana, omad tilab qo’yarsiz:)

Xilma xillik Har kuni ishga va uyga rejimida ishlaydiganlar uchun lifehach: Koʻngil va aqliz tusagan bir ishni qilib koʻring va yashashda davom eting. Xoh doʻstlar davrasida uschrashuv, xoh qaysidir manzilni sayohat qilishlik boʻlsin qiling! Oxirida baribir qilmaganligimiz uchun afsuslanamiz, qilganimiz uchun emas

Sartaroshxona Qayerdadir eshitgan edim, avvalgi zamonda mahalladagi, umuman soʻngi yangiliklar aynan sataroshxonada boʻlishligini. Valini qoʻylari koʻpayishganidan tortib, Alini yangi uy solayotgani, qoʻyinki bari xabarlar shu “tuynuk” orqali tarqalganini aytishgandi. Albatta bu gapda jon bor. Nima deysizlar?!

"Keraksiz temir tersak” Jahon Kubogini Lui Vitto komoaniyasi 250 ming$ lik chemodanda olib chiqdi final oʻyini uchun. (Avva ham Messi bilan Ronaldoni bir stolda shaxmat oʻynashga majbur qilgan reklama qilgan kompaniya) Ispaniyalik Kukurella esa uni salafan paketda olib ketayotgani juda ajoyib tuyuldi. Shuning uchun Makvin multfilmidagi aytilgan yuqoridagi jumla bejizga emasdir

Qaytish Hayotimizda qilgan har bir yutuq va kamchiliklar va xatolarimiz biror sababsiz boʻlmaydi. Kimnidir xafa qildingizmi buni aksi ham boʻladi, kimnidir aldadiz, tamom aksi aniq sodir boʻladi. Hayot bu tarozi pallasi. Hech kimga oshiqcha ogʻishmaydigan tarozi.

Ikki eshik orasi - IEK Men o'qimoqchi bo'lgan kitob albatta menga bir xulosa berish kerakki umrim davomida menga foydasi tegib tursin. Oxirgi yillar juda kam kitob o'qidim, ammo tanlab-tanlab o'qidim. Istasam 5 varoq bilan kitobni yopdim va qayta ochmadim, istasam o'zimga xos bo'limlarni mundarijadan topib o'sha bilan kifoyalandim. Deyarli barcha kitob shaxsiyatni rivojlantiradigan mavzularda edi. Biroq kechagi kuni xalq yozuvchisi O'tkir Xoshimovning "IEK" sini o'qidim. Odamni ruhan chuqur o'yga toldiradigan va alam bilan o'qiladigan kitobligini angladim. Juda bo'rttirib yuborgan desam, balkim yozganlari haqiqatdir deb qolaman. Sababi o'sha QVZchilarni haziliga o'xshab "Bizni yoshligimizda zo'rg'a darvaga tortib o'ynatardi" degan qo'shtirnoq ichidagi kattalarning haqiqati rostanam yolg'ondir. Buzuqliklar juda ko'p tasvirlangan sahnalar oxri-oqibat ne-ne kulfatlarni boshga solishini kitob yaqqol ochib bergan. Bundan tashqari farzand dog'i qanchalik alamli ekanligini bir necha oilalar timsolida ko'rishlik ham o'zgacha ruh beradi. Balkim shuning uchun kitobxonlar tomonidan sevib o'qilar. Kitob o'qing, lek tanlab o'qing!

Umr Oradan soatlar va yillar o'tganini shanba yoki yakshanba kuni emas, eski tanishlaring bilan ko'rishganingda yana ham anglaysan. O'rtada hech nima o'tmaganday suhbat quraverasan. Mavzu esa o'shal damlarni eslash va shirin hayollarga berilish. Xayrlashasan va hozirgi poezdga o'tirish uchun ertani kutasan. Bo'g'zinga nimadir tiqiladi, tomoq bir qattiq qiriladi va sen o'sha damlar qaytib kelmasligingni qaytadan anglaysan. Mening xulosam ayni damdan imkon boricha foydalanish esda qolarli ish bilan, yaqinlarni ko'nglini olish va kimgadir hech yo'q yaxshi kayfiyat ulashish va bugungi rejalik ish 100 % ga bajarildi. Bolishni quchoqlab uxlaysan tamom

Messsssssiiiii

Ispaniya terma jamoasi murabbiyi yutdi Zahiradan tushgan Fabian zahiradan tushgan Ferranga uzatdi, u esa zahiradan tushgan oʻyinchini birga bir chiqargandi ham gol boʻldi

Shunaqa kiyim sotadiganlarga mijoz boʻlish ham uyatliday nazarimda. Odam oʻzini erkin his qilolmaydigan narxlar ilib qoʻyib 60% chegirma deyishlik qanchalik ahamiyatli bilmadim

Biitirish Mana 2 yillik yana bir ta'lim o'z nihoyasiga yetti. Bakalavrdan farqli o'laroq ko'priq o'z qarashlarim tomon harakat qildim. Misol vazifalar tayyorlashda, ustozlar bilan munosabatda va boshqalarda hamma bajargan ishdan qochdim hatto noto'g'ri deb hisoblashsa ham. Men o'ylagandim magistratura bitirsam miyamda ma'lumotlar to'lib toshib ketadi, o'z yo'nalishimni asiga aylanaman deb. Qarasam qovoqxonadagi qorachadan kelgan semiz ayol o'z qo'llari bilan pishirgan chuchvaranni xom sanabman. SHuning o'qishga kirolmaganlar, yoki qaysi oliygohga topshirib yiqilsamchi deb turgan insonlarga aytar gapim, Kungfu Pandada Po' aytganiday: sirli masalliqni o'zi yo'q, hamma gap o'zingda. Hech narsaga kech qolayotganingiz yo'q va biz ham kech qolmayapmiz. Muhimi nima uchun yashayotganingizni anglab turishligingiz, tamom.

Yer qimirladi shaharda

Hamma futbol koʻrdi Shuning oʻzi asli bizning yutuq!