تورکی شعرلر دنیاسی

🌿🌻🌿🌻🌿🌻🌿🌻🌿🌻🌿🌻🌿🌻 ﺧﻮﺩﺍﻡ ﺳﻨﻲ ﻧﻪ ﺧﻮﺵ ﮔﻮﻧﺪﻩ ﻳﺎﺭﺍﺩﻳﺐ، ﺳﺎﻟﻴﺒﺪﻱ ﺟﺎﻫﺎﻧﺎ، ﺁﻱ ﮔﻮﻟﻪ- ﮔﻮﻟﻪ . ﮔﺆﺯﻟﻠﻴﻜﺪﻩ ﻳﻮﺳﻴﻒ ﺳﻨﻪ ﺗﺎﻱ ﺍﻭﻟﻤﺎﺯ، ﺁﻟﻴﺒﺴﺎﻥ ﻗﻮﺩﺭﺗﺪﻥ ﭘﺎﻱ، ﮔﻮﻟﻪ - ﮔﻮﻟﻪ ﺍﻳﻨﺎﻧﻤﻴﺮﺍﻡ ﻣﻮﺷﻜﻮﻝ ﺍﻳﺸﻠﺮ ﺩﻭﺯﻟﻪ، ﻃﺒﻴﺐ ﺳﻨﺴﻦ، ﮔﻞ ﻳﺎﺭﺍﻣﻲ ﺗﺰﻟﻪ، ﻣﻦ ﻧﻪ ﺩﺋﻴﻴﻢ ﺳﻨﻴﻦ ﻛﻴﻤﻲ ﮔﺆﺯﻟﻪ، ﺍﺋﻠﻪﺩﻳﻦ ﻋﻮﻣﺮﻭﻣﻮ ﺯﺍﻱ، ﮔﻮﻟﻪ- ﮔﻮﻟﻪ ﺍﻭﺟﺎ ﺑﻮﻳﻠﻮ، ﻃﻮﻃﻲ ﺩﻳﻠﻠﻲ ﺑﺨﺘﻮﺭ، ﺳﻨﻪ ﻗﻮﺭﺑﺎﻥ ﺍﺋﻮﻳﻢ، ﻣﺎﻟﻴﻢ، ﻫﺮ ﻧﻪ ﻭﺍﺭ، ﺁﺷﻴﻖ ﻣﻮﺳﺎ ﺩﺋﻴﺮ : ﮔﻮﻝ ﻳﺎﻧﺎﺧﻠﻲ ﻳﺎﺭ، ﺳﻦ ﮔﺘﻴﺮ، ﻣﻦ ﺍﻳﭽﻴﻢ ﭼﺎﻱ، ﮔﻮﻟﻪ - ﮔﻮﻟﻪ 🌺🌺🌷🌷🌷🍀🍀🍀

مندن دئیله‌نه چوخ دا اینانما، سوروش حقیقتی، یالاندی بلکه. دوستلوق آراسیندا فتنه پایلایان، شیطانین نسلیندن قالاندی بلکه. آتیلیب آرایا بیر قاشیق کیمین، یالتاغا- یاماغا یاراشیق کیمین، دایاقسیز دورمایان سارماشیق کیمین، کؤکلو پالیدلارا گولندی بلکه. بیزیم دؤره‌میزده، بیزیم عصیرده، حقّی دانیشانین یاخاسی گیرده، یاخشی صنعتکارین قدرین، قبیرده، داشلارین آلتیندا بیلندی بلکه. ایلین خوش گلیشین یازیندان سوروش، حقّی یالانچی‌نین گؤزوندن سوروش، اوْتور «وجودی»نین اؤزوندن سوروش، گوناهین بوْینونا آلاندی بلکه. سواد وجودی

من کیمم؟! هئچ اوزوم ده درک ائتمه‌دیم بو دونیادا من کیمم؟ نئجه دئییم وئرمه‌یه‌جم عؤمرو بادا؟! من کیمم؟ حؤکمودارلار یئره دَیدی غضبیندن فلکین، سرکرده‌لر دیز چؤکدولر بو دونیادا؛ من کیمم؟! فیرعونون یای اوخلاریندان گؤی سینه‌سی تیتره‌دی، بیر آللاهی نیشان آلدی، اوخون سسی تیتره‌دی، ایسگندرین بوینوزوندا یئر کوره‌سی تیتره‌دی، اونلار یانیب کوله دؤندو بو عوقبادا؛ من کیمم؟! نامردلرین، ناکس‌لرین، گؤزلرینه بیچاغام، اینصافسیزدان، ویجدانسیزدان، اینامسیزدان قاچاغام، طالع وئرسه، باخت گئتیرسه، دئمه‌سینلر قوچاغام، ایش دوزه‌لر بیر ایلاهی یئتسه دادا؛ من کیمم؟ اینانمیشام وار ائیله‌ین آهونو داردان خیلاص، اسماعیلی کسیلمکدن، خلیلی ناردان خیلاص. کرمیندن زرّه، بیزی ائیلر اودلاردان خیلاص، «بهمن»م بئل باغلامیشام او اوستادا؛ من کیمم...؟! بهمن_وطن‌ اوغلو

عوُمرونو آی کولک! داغیدیب سالما دیدرگین قوی دومان یاشاسین دومان عوُمرونو سونبولون اوُز عوُمرو دنین اوُز عوُمرو ساماندا یاشاسین سامان عوُمرونو طوفانلار اووجوندا سیخما داغلاری آتشه یاندیریب یاخما داغلاری آی غفیل زلزله ییخما داغلاری داغلاری یاشادان انسان عوُمرونو قویما گول، باخچالار به‌هرسیز قالا قویما آخشاملاری، سحرسیز قالا قویما آت ایگیدسیز، یه‌هرسیز قالا کوُهلنه باغیشلا میدان عوُمرونو آغری اوره‌گیمی آزدی آی آشیق فیکریم پارالاردا گزدی آی آشیق چالما مخممسی تئزدی آی آشیق قوی شاعیر یاشاسین داستان عوُمرونو گولَم چمنیمه قایتارین منی روحام بدنیمه قایتارین منی دوغما وطنیمه قایتارین منی زلیمخان گوُرمه‌سین هیجران عوُمرونو. ✍ زلیمخان یعقوب

كئچن گونه گونلر چاتماز گونو - گونه جالاسان دا دردلی آدام گجه ياتماز شيرين لايلا چالاسان دا اؤز درديني اؤزون اويوت آلما ، حئیوا وئرمز سؤيود آنلامازلار آلماز اؤيود شاهمار اولوب چالاسان دا سفيل شئنلیک آغلار _ گولمه ز نانجيب لر دوسدو بيلمه ز فاني دونيا سنه قالماز آلتون وئریب آلاسان دا... شئنلیک

چوپور   بوز تیکانلار دیددی   داغیتدی ایپک عؤمروموزو  تول عؤمروموزو گول کیمی یاشاماق ایستَسَک ده بیز قانقاللار دالادی گول عؤمروموزو خیردالار الینده  ایریلر اُؤلدو اُؤلولر ایچینده دیریلر اُؤلدو هورولر سارالدی  پری لر اُؤلدو یِئدی قاریشقالار فیل عؤمروموزو عؤمره قیمت کسیب  مَرج ائیله دیلر بورج آلیب  بورج وئریب  بورج ائیله دیلر دَیَره  دَیمَزه  خرج  ائیله دیلر پارا  عؤمروموزو   پول  عؤمروموزو باش آچا بیلمه دیک واختدان  زاماندان گؤز آچا بیلمه دیک چن دن  دوماندان گوناه پالچیق کیمی یاپیشدی جاندان دورولدا بیلمه دیک  لیل عؤمروموزو شیطان دوشمنیمیز  حیله توروموز چاتلادی قبریمیز  یاندی گوروموز کئچدی اوجاغیمیز  سؤندی قوروموز کولک لر  آپاردی  کول  عؤمروموزو زلیمخان _ یعقوب ...

منیم خوشبختلیگیم اونونلا گئدیب، بیر ده بو یئرلره گله... گلمه‌یه. من قان آغلاییرام آیری دوشندن، ووصال گؤزلریمی سیله... سیلمه‌یه. اؤزگه‌یه قوینونو آچان سعادت، الیمدن قوش کیمی اوچان سعادت، مندن ایللر بویو قاچان سعادت، تزه‌دن اوزومه گوله... گولمه‌یه. بیلمیرلر حیاتیم اولوب دربه‌در، دئییرلر، گئجه‌یه دؤز گوندوز قدر! بیچاره «شوجاعت» او واختا قدر، کیم بیلیر، آی ائللر! اؤله... اؤلمه‌یه؟ #شوجاعت_کلبجرلی

آیریلیق آنلاری گلدی یئتیشدی، واختی ذرّه-ذرّه بؤل، آی «زلیمخان!» چوخ قالا بیلمزسن بو شهرده سن، گؤز یاشین اولسا دا گؤل، آی زلیمخان! من کیمه یالواریم، کیمه دیز چؤکوم؟ سرحددی نه قدر داغیدیم، سؤکوم؟ باشیما هارانین داشینی تؤکوم؟ نه قدر باغلانار یول، آی زلیمخام؟! هیجران سینه‌ن اوسته چؤکر قیش کیمی، گؤینه‌در قلبینی بوز باخیش کیمی. یامان قارالمیسان، یاغ یاغیش کیمی، قارا بولود کیمی دول، آی زلیمخان! قویور ساپاندینا، داش کیمی آتیر، طالع اینسان‌لاری تالاییر، چاتیر، ائله بیل دونیانین بیر یانی باتیر، الدن اوزولَنده ال، آی زلیمخان! سئوینج یانیمیزدان ساللانیب اؤتر، یاندیق «فضولی‌»دن «صابیر»دن بئتر. مین ایلدن سونرا دا هامییا یئتر، بول‌دو حسرتیمیز، بول، آی زلیمخان! واخت چاتیر، زامانین صبری دارالیر، گئده‌نین گؤزونده دونیا قارالیر، آیریلیق گلنده سولور، سارالیر- چمن، آی زلیمخان! چؤل، آی زلیمخان! یئنه گؤزونده یاش، قلبینده کدر، گلیشین هدرمیش، گئدیشین هدر. سنین کی دردین وار بیر «تبریز» قدر، نه‌یه یاشاییرسان؟ اؤل، آی زلیمخان..!

بو فلكى نئجه قارقيش ائتمه ييم, باهار عومروم تالان اولدو آى ننه عومور بويو قم کدرلى اوركده. آرزيلاريم قالان اولدو آى ننه. اونوتدوم دونيانين ثروتين وارين, اوركده بسله ديم سئوگى ايلقارين. زحمتين چكديگيم او نازلى يارين. وعدلرى يالان اولدو آى ننه. اكديگيم باغلارين گوللرى سولدو. بولبولون گولشنده اورگى دولدو. دوستوم يامان گونده عزراييل اولدو. بو جانيمى آلان اولدو آى ننه. آيريلمازام خازان اولوبدور يازيم. ميضرابى ويرديقجا آغلايير سازيم. اؤز قلميم اؤز دفتريم اؤز يازيم. منى درده سالان اولدو آى ننه.

دوزه قیمت یوخدو بیزیم زاماندا هامی بلی دئییر یالانا قارداش دوران ترسه گلیب بددی روزگار یاپریز یولداش اولوب ایلانا قارداش آدام وار حسرتدی بیر میثقال اته آدام وار پیلووو توکدورور ایته اولاغی بوراخیب چول طبیعته یئتن بیر شوی چکیر پالانا قارداش سعادت ایسترم من بیلنلره سئوینج آرزولارام هی گولنلره یاسدا توتانمیریخ بیز اؤلنلره گلین قیمت وئره ک قالانا قارداش باخان یوخدو سبب ندیر عیللته گون به گون جاماعات باتیر ذیللته آغلاماق درس اولوب بدبخت میللته اعداملار یازیللار گولنه قارداش اوستوموزه یامان یئللر اسیلیر حق دانیشان حلقوموندان آسیلیر آتین نسلی یئر اوزوندن کسیلیر قاطیر حاماش گئدیر قولانا قارداش «سودایار» سعادت تاپیلماز داها بنده لر حوققانی گلیر آللاها اؤلمک اوجوز اولوب یاشاماق باها قبیرده تاپیلمیر اؤلنه قارداش

من زامان منی سئورمی هئچ، نه بهتانام، نه شرم من اگر بیر مرد اودا دوشسه، اوندان قاباق بیشرم من بو دونیانین خسته حالین ، گلین مندن   خبر آلین، حاق دالینجا آیاق یالین، دیار دیار دوشرم من شجاعتم، کؤنول،باخ تا هر ایش ترسدی، هر ایش ساختا، نه تاپمیشام دوز اولماقدا، نه عاغیل سیز بشرم من. «شجاعت احمدلی کلبجرلی

بابك کیمی دور قوللاريني چيرمالا هئي هئي تۆرك ائللريني ييغماغا توْنقال قالا هئي هئي باش بؤلگو بؤلنلر سيزي ياددان چيخاديبلار حق آلمالي دير دور ياپيشاق قوْل-قوْلا هئي هئي غم دئو كيمي دنياني توُتوب اوْوجونا سيخدي باس بارماغي سينسين بوغازين پارچالا هئي هئي اي نسل نسيمي سيزه سوسماق كي ياراشماز تۆرك اوغلو دئمز آخ! دریسين سوْيسالا هئي هئي داغلار داغیلار گر اوُجالا نعره سی تۆرکون بیر نعره دماونده چکیب شاققالا هئی هئی مین دالغالی توفان تؤره نر همتیمیزدن دنیانی یاپیش لندی کیمین ییرقالا هئی هئی یازماق گۆنودور بیر قلم آل ساخلا الینده حق-حق دئیک حق اۆسته وئرک دال- دالا هئی هئی هر شهریده مین بابکیمیز قالدیراجاق باش بابک قالاسیندان یاراداق مین قالا هئی هئی هوشنگ جعفری

من انا قایغسی گورمدیم

گل توتوم اَلیندن،باسیم باغریما کوچه زین باشیندا،اؤپوم اؤزوندن گؤزل ساچلارینین،قوخوسون آلیم قورخوب اؤشونمه دن،ائلین سؤزوندن گل توتوم اَلیندن،بیرگه دولاناق دوُیونجا دانیشیب،صحبت ائیله یک عشقی گوناه کیمی،تانیدانلارا قارقیش ائتمه سک ده،نیفرت ائیله یک گل توتوم اَلیندن،گزَک اؤلکه نی بیرلیکده سئیر ائدَک،ماوی دنیزی یاشایاق سئوگینین،اَن گؤزلینی سیلینمز خاطیره ائدَک هر ایزی گل توتوم اَلیندن،ساریل قوینوما اؤره ییم سینه نه،توخونوب قالسین سئوگیمیز نغمه لی ،ماهنی یا دؤنسون عصیرلر بویونجا،اوخونوب قالسین گل توتوم اَلیندن،هوپوم روحونا آخیب داماریندا،قانیندا قالیم بوراخ کیم نه دئییر ،دئسین ،،سن قال دِه اؤلونجه من سنین،یانیندا قالیم ایرج اسدپور

ایتین وفاسی خلایقدن جفا گوردوم تماماً بی‌وفا گوردوم وفاسیز آشنالردن عجائب ماجرا گوردوم اولارکی لاف یک‌رنگی ووروب آخر دو رنگ اولدی تمام اقربالر عقرب اولدی جان‌گزا گوردوم کیمه بیل باغلادیم قطع اولدی امیدیم بلیم سیندی فقط بیر آشنا عقرباده تک خدا گوردوم فقط بیر تخم مرغی ساده و یکرنگ بیلمیشدیم اونوندا کوینگین رد ایلدیم رنگین دو تا گوردوم جهاندا قورخما دشمنن همیشه آشنادن قورخ نه اینکه اشنانون حیله و مکرین خفا گوردوم الین اوپسه آللانما چکر آخر آیاقیننان سو اوپسه پای دیواره ییخیب ویران سرا گوردوم زلیخا ایستمیردی یوسفی اوز نفسین ایستیردی حامی اوز نفسینین محبوبیدور دنیانی لا گوردوم صمیمیت محبت عشق بازی ایتده کاملدی بو حیوانین وفاسین راه حقه آشنا گوردوم شعیر: عاصیم _ اردبیللی ... ❤️‍🩹

دیلیم- دیلیم دوْغرا قیزیل آلمانی، وئر هر گلن یئسین اوْندان بیر دیلیم اۆچ کلمه‌دیر وارلیغیمی بیلدیرن: بیر منلیگیم، بیر وطنیم، بیر دیلیم! ✍ اوستاد کریم مشروطه‌چی