Randoms

السلام عليكم ورحمة الله وبركاته، بقفل القناة والله يشهد أني تشرفت فيكم جميع واذا حصل وغلطت على احد سامحوني انا اعتذر و الى اللقاء الله يوفق الجميع

انا ما اخترتك من الناس لاني ما نويت اختار ‏وجابك حظي اللي يوم جابك .. جيت متباهي ‏تخيّرت احفظك مثل الوداعه واحفظ الاسرار ‏و لكنّك تخيرت الوداع .. و خاطرك ساهي ! ‏لو اني ما تساهلت الامانه .. في يد البوار ‏ما عودت و حسايف كلمتي تشره على فاهي ‏تغيب ولو تغيب من العدم عن ساير الانظار ‏تردك للتـفاصيل القديمه .. نظرة اللاهي ! ‏توقعتك معي .. لو الزمان يدور لكن دار ‏وشفتك تختلق من كل زله موقف واهي ‏حصل ما تطلبه واللي بغيته يا حبيبي صار ‏حبيبي ! كلمة ما احبها لو مرت شفاهي ! ‏عساني كل ما زل الكلام .. وضاعت الاشوار ‏ما اقول الكلمه اللي ما تكبّر قدري وجاهي ‏لو تجوب البسيطه وتعبر .. ما بين دار و دار ‏ما تلقى مثل قلبي لو تشوف عيونك اشباهي !

اقبالتي كانت خطأ وقفايتي رد اعتبار وصدات قلبي كبرياء يوم إن صدّاتك كِبْر

بين صدفة جابها العمر ووداع باختياري ما عرف قلبي يطيع الواقع أو يرضي ضميره كنت اظن أنّ مرّت الأيام بيجف أنتظاري ما هقيت إن الامل يستمطر اليا جفّ بيره كيف صارت وحشة الغربة تغنّي في دياري ذبلت أنوار الشوارع وانطفت شبه الجزيرة ودّي أقسى ودّي انسى ودّي أرسى في مساري وأمسك يدين اليقين اللي تخافه كل حيرة وش على يمناي تتحّمل شقا خطوة يساري وش على القلب يتحمل صدمة الوهم الكبيرة لليال الذكريات وللصباحات الطواري وللعبور التضحيات وللسنين البعد خيرة العمر ما هو مشاورني ولا رهن لقراري العمر يمضي وسيف الوقت ما يحضن جفيرة ذي نجوم التايهين اللي تجلّت في مداري وذا خفوقي مؤمن أن التيه منفاه ومصيره لا تداوين الجروح ولا تمرّين انكساري وجهك أنتي له ملامح تبري الجرح وتثيره يا عظيمة ما معي غير الموادع واعتذاري ما بقى في مرجع الإحساس درع ولا ذخيرة كنت أداري بالرحيل المرّ والله كنت داري وكنت داري أن الوداع أقسى من الدرب وهجيره إذكريني لا بكت نجد وتخطّتها الصحاري واكتبيني للرسايل كل ما انقصّت ظفيرة إنتهى عذر اللقاء من يوم ما مات انبهاري يوم جيتيني ورحت ولا طرى للشوق سيرة

أنا وين الد العين منّك و ادور درب ‏و كل الدروب اللي تودي ، تودي لك ‏- سداح العتيبي

"من غلاه وحشمتي له وخوفي لايضيع ‏ناقلٍ هم المفارق.. وهو عاده معي" وأيضًا ‏"لا تحسب أن دمعي نزل دون سبّة ‏أبكي من الفرقا.. وهي ما بعد جات"

وأظلُّ أَرسِمُ بالخيالِ عوالِمي، ‏ما حيلةُ المضطَرِّ غيرُ خيالِهِ؟

أنت صورة كل مشهد وأنت قصة كل ليله

الشوقُ قنَّاصٌ..وقلبي أعزَلُ ‏لكنه يَفنَى..ولا يتوسَّلُ ‏وأنا يذوِّبُني الحنينُ كشمعةٍ ‏لكن إذا حان الرحيلُ سأرحلُ ‏قلبي يعِزُّ علَيَّ لكِن عزَّتِي ‏فوق اشتياقي..والمذلَّةُ تقتلُ ‏وأنا أصُونُ كَرامتي قبلَ الهَوى ‏ولتفعلِ الأشواقُ بي ما تفعل

حظ منهو لا بغى شوفك يشوفك ‏اشهد ان الله عطااه ولا عطاني

محتاج لي شي من قلب البليد الغشيم ‏تمره أقسى ليال العمر .. و ينامها ‏- علي حامد

يامشيّد أسوار من خيبة .. وهادم جسر ‏من ظني .. معلّق آمالي عليه وعليك ‏اللي خسر كل حاجه ، وش يخاف يخسر ؟ ‏مايثمر اللي زرعت مْن المعاذير فيك ‏مانيب طيب بعدْك وحالتي ما تسر ‏عسى ما جاني من اللي شفت منّك يجيك ‏حبيتك بـ قلب ما يقسى ولا ينكسر ‏والحين لو تلمس اطرافه / تجرّح ايديك

صاحبي كانك لفرقاي متولم .. ‏ليه أكبّر شرهتي و اطرح سؤالي ؟ ‏اسلم بنفسك و صد ولا تسلم ‏رح و ريّح من علومي و اتصالي ‏- حمود ابو عوينه

هَوِّن عليكَ فما الدُنيا بِدائِمَةٍ ‏ولا المقادير تجري كلها سعدُ

كنت اعتبر زلاتك اللي مضت طيش ‏لين اكتشفت ان كلبوها لعانه ‏يمكنّي اسامحْك للملح و العيش لكن ما عاد اتقبّـلك للامانه

‏انتظرت ، ومقصدي اشره عليه ‏لين طال الصبر و الشرهه علي

احبّك رغم التجريح الليالي لقلبي المقهور اشوف ‏الجرح يكبر وانت تكبر وسط تفكيري

عسى راسك من صدوف الايام يبطي حي ‏ لو جروح قلبي كلها من تحت راسك ‏- حمود سرحان

‏خاب ظني .. ليت ظني فيك ماخلاني ‏ابني احلامي على حاجه ماهي مضمونه ‏وليت ماجاني من احساس الندم ماجاني ‏شيٍ يحطم صميم القلب قبل ركونه ‏الجفا اللي عقب لذة وصلك الإنساني ‏والسلام البارد اللي عقب طول المونه ‏اعتذر لك عن خطاب اسلوبي الوجداني ‏الآدمي مهما حصل يبقى رهين ظنونه ‏- مزيد الوسمي