أبيات قصايد .

النفس طابت… ما بقى لك بها شوف والباب مسكّر لو تبي له يديني إن جيتني مِنّه ترى ما لك وقوف ما عاد لك قدرٍ ولا لك مكاني كنت أعدك بين ربعي من الحروف واليوم صرت اسمٍ يمرّ وينساني لا تنتظر منّي بقايا معروف أنا عطيتك لين ضيّعت شاني إن كان جيتك بس عشان الظروف خلّالظروف اليوم تعطيك ثاني أنا كفخت القلب يومه يشوف إن الغلا ما ينحط إلا بمكاني واليوم أنا غير… ووقتي ما يطوف على أحدٍ ما يعرف قدري وشاني

Channel photo removed

مرحوم ياحبٍ ترعرع بالأعماق متغذي دم العروق الصّخافي في كل عضو له مقر وميثاق بين الضلوع العوج بيّن وخافي يروق مع روقه مزاجي اليا راق ويحس بي اليا لحقني أخلافي ويحس بأشواقي اليا صرت مشتاق قدّام يصبح فالامور اختلافي واليا هنا علقّتها فوق معلاق وسليت سكين الخيانه ياكافي ودعتك النسناس ياورد الأشواق كرامتي تحكم علي بأنصرافي قطفت منّك ما تهيّا وما لاق ورميت باقي ذكرياتك خلافي لا دمعة طاحت ولا خاطر ضاق ماقول غير اللي على البال كافي يكفي ثلاث سنين مرّت على ساق عين فراش لك وعين لحافي واليوم في تسعه وتسعين طقاق قلبي كذا طبعه اليا عاف عافي

زعلك ماهو بذنبً ندخل به النار ورضاك مايفتح لنا باب جنه

وكتمْتُ آلام الحنين فأفصحَتْ عيني وأنطقها الفؤادُ بأدمعي الكلُّ يسمع في الوداع حنيننا لكنّ أصدقه الذي لم يُسمعي ورجوتُ عيني أن تكفّ دموعها ‏يومَ الوداعِ نشدتُها لاتدمعي ‏أغمضتُها كي لاتفيضَ فأمطرت ‏ايقنتُ أنّي لستُ أملك مدمَعي ‏ورأيتُ حلماً أنني ودَّعْتُهم ‏فبكيتُ مِن ألم الحنين وهُم معي ‏مُرٌ عليَّ بأن أُودّعَ زائرًا ف ‏كيفَ الذين حملتُهُم في أضلُعي ؟!

بعد الفراق الي مثل واهج النار ماعاد لي في باقي الحب عازه فقدت من يدرا على القلب ويغار وحبه ورا حدب الظلوع ارتكازه الحب من فرقاه خليته يسار وسلمت تسليمه صلاه الجنازه

Channel name was changed to «أبيات قصايد .»

Channel photo removed

معك واشتاق لك وشلون وانا بعيد المشاعر ضوامي غصب تنساق لك كل ما ابطت بك ألايام شوقي يزيد شف جنون الغلا عقبك وأنا عاقلك

يالحون العود ولا يامجارير الربابه اختلف معنى القصيد وضيع الفنان فنه

ياما على وصلك ركضت وتعنيت وفتحت لك قلب عن الحب تايب وياما كسرت بخاطري كل ما جيت وارجع ودمعي فوق خدي سكايب والحين عنك ياهوا البال صديت حل الفراق وخاطري منك طاب

• الظبي ماله شبيه وبينك وبينه تشابه • - التفت بشويش والقى فيه منك وفيك منه -

. بيني وبينك تعد الفرق عشرين عام . - ماتدرني ان الاودام تفرق افكارها - • تجارب الوقت مامرت مرور الكرام • " خلت عقول الرجال اكبر من اعمارها "

عقبال ياماخذ فؤادي مية عام ضيعتني منك وانا ما اهتديتك لا ..ما نسيتك كيف بانساك ما دام ذكرى الفراق تهزني لو نسيتك حبك قدر وانا على دين الاسلام مكتوب في وجه الجبين ورضيتك لك في الضمير الود والحشمه اتوام ولي في ضميرك مثل ما انا بغيتك ولك منزلٍ في نايف القلب وخيام وذود الغلا ترعاه ولا شكيتك يفطر عليك القلب وان فارقك صام والله لونك شوك سدره كليتك القلب طيرٍ لادعي للهوى حام والا انت وكره من كثر ماهويتك كن العيون من النظر عقبك ايتام وكني ماريت الا انت من يوم ريتك وكنك معي وانا فقدتك من اعوام مع الخيال القاك كني لقيتك من صعب وصلك ما تهنيتك احلام وان جابتك فزيت شوق ومحيتك يعني وصالك صعب واهدافي اوهام يعني زرعتك للقدر ماجنيتك صبرك يقولون العرب كل الايام يوم عليك ويوم لاجاك جيتك ويا قلب ياللي ورثك اجروح وآلام بليتني ماهو بانا اللي بليتك ولعتني من عادني في الهوى خام واسرفت بي وانا خطامك عطيتك طعتك وزبدة طاعتك هم وهيام مالله كتب لي واستخرت وعصيتك لوللقلوب اسواق بايع وسوام لاابدلك وان جيتني ماشريتك والا انت ياللي جيش عينيك مقدام لا اقنعت منك والرجا مارجيتك كني سجين بين..افراج ..واعدام وكنك سجن وانا بنفسي بنيتك تنبيك عن حالي محاصيل الالهام وتخبرك نظراتي نهار التقيتك عقب الوصال اللي على عين من لام قدهو يكفيني عن الوصل صيتك وقدني الى مريت بالشارع العام لديت من ما في الضمير ودعيتك ادري ان صوتي ماقطع عشرة اقدام وادري بي اعود الى من نصيتك ياشينها يامحنيٍ راس الابهام ماقدر على شوفك وانا عند بيتك الاعمار ما تضمن وانا اخاف الاحكام ارثيك خاف اودعك ما رثيتك

السلام عليكم لاتنسونا من دعواتكم الطيبه عندي اختبار مصيري بكرا🤍

ماتدري وش يسوي بي العطر بالمنديل ، يقهوي عروق القلب لاصاب فنجاله .

• وين انت قلي غايب ولا نشوفك • • وانا ازعل الدنيا عشان اكسب رضاك •

شلون عسى البعد عني مكفيك؟ اسأل عندك بعد ما كنا احباب والله للان قلبي هاويك لكن افترقنا وصرنا اليوم اغراب