الخادمة ام علي رضا الشريفي الحسيني

الخادمة ام علي رضا الشريفي الحسيني pinned «قصيدة لمولاتنا #رجوع #زينب الحوراء سلام الله عليها تقرأ في جميع المناسابات مناسبة لمجالس الرجال والنساء *ثكيل بالباااااب/وكفن كل خواتك بالباااااب/وكفن كل بناتك بالباااااب/عادت ذكرياتك يحسييييين يحسيييين بالباب يحسين الحرم…»

#العباس شور تقرأ في جميع المجالس مدد.. مدد.. مدد.. يبوفاضل مدد ....... يصاحب اسراري يالصورته ابداري ياما تشب ناري والگاه نعم السند مدد.. مدد.. مدد.. يبوفاضل مدد ........ مامره رداني واشگد وفى انطاني مهيوب خلاني ويفل بيده العگد مدد.. مدد.. مدد.. يبوفاضل مدد ........... يالنعمة من ربي ياماكشف كربي خص لو گلت حسبي ايرد الحگ الاسد مدد.. مدد.. مدد.. يبوفاضل مدد ........... چم مره يم گبره حلفته بالزهره بس تنزل العبره ينطي ابچفه الوعد مدد.. مدد.. مدد.. يبوفاضل مدد ........... جيناه ندگ بابه وانحلفه بصوابه خل يكرم احبابه وظلت يمك بعد مدد.. مدد.. مدد.. يبوفاضل مدد .......... ام علي رضا الشريفي الحسيني القصيدة مهداة الى سيدي ومولاي علي بن موسى الرضا ع رحم الله من قرا الفاتحة لروح المرحومة يوخة بت زهرة https://t.me/umaliridashrify

بسم الله الرحمن الرحيم اللهم صل على محمد وآل محمد وعجل فرجهم الشريف #لاستشهاد #الرسول الأكرم صلى الله عليه وآله هديه مني# للشيعيات المواليات اتلوك إعله النبي لطمت الشيعيه اصيله معربه وربات نشميه محلاته اللطم لوشدته الحره بنص ميدانها ومكَابله الزهره تمنيته لطمجن يمه بالحظرة يتنومس نبينه بالعراقيه تهوسن عالكبر ياريتجن يمه يتنومس نبينه إي وحكَ أمه نملخ أرواحنه لمن نجيب إسمه ندكَ أعليه غصبن عالوهابيه ميت يارسول الله عمت عيني والزهره نختنه تكَول عينيني مايمي حبايب بله إسعديني لبو إبراهيم ادك وحيل مابيه يستاهل لطمنه ونوحنه ودكنه ياهو يلومنه من ننفعل حكَنه نبينه اليوم متوفي وتحركَنه هذا إهديب موش ربات عاريه اثوبلك واسوي قرايه ممنونه واليوصل حظرتك الف خيعونه واليطلب صدك مولاي تنطونه وإحنه نريد منك حاجه مكَظيه جازيهن حبايبكم يبو الزهره المصايبكم يلطمن والدمع يجره وحده تريد صحه ووحده مظطره والمحرومه تبجي تريد ذريه نسأل الله تعالى القبول تمت بقلم خادمة الإمام الحسين عليه السلام #إم علي رضا الشريفي الحسيني https://t.me/umaliridashrify

الخادمة ام علي رضا الشريفي الحسيني pinned «#الرسول هوسات هاك اسنين عمري وچمل اسنينك اشوه ولاخبر ينطش امضيعينك يالمعلم الزچية اعله الهلا وحياچ مروتك لاتعلمها على الوينك گبل الموت ياممدوح والتابوت صيح الفاطمة وخل عينها ابعينك ايودعونه.... هيچ المحبوب ................. ماعندي حبايب ينعن ابمگفاك ولاام…»

#الرسول هوسات هاك اسنين عمري وچمل اسنينك اشوه ولاخبر ينطش امضيعينك يالمعلم الزچية اعله الهلا وحياچ مروتك لاتعلمها على الوينك گبل الموت ياممدوح والتابوت صيح الفاطمة وخل عينها ابعينك ايودعونه.... هيچ المحبوب ................. ماعندي حبايب ينعن ابمگفاك ولاام لااخت تگعد اتواسيني ابنص الفاتحة يابويه والعدوان متحلفين بيه اوداعت ابنيني اجس ضلعي واعاين الركن الباب واگللها امروتچ لاتعوريني اتيتميها... زينب يالباب ................... صدگ صارت هذيچ الخفت منها ابيوم بين الباب والحايط يعصروني اشيل ابني ردت يالوالي مااگدر وتنزف من ضربهم عيني وامتوني وحيدر بالوصية امچتف ومهضوم يگلي اعله السده يازهرة عذريني شال اوليده... بالونه ايجر ام علي رضا الشريفي الحسيني الهوسات مهداة الى روح وضريح مولاتنا فاطمة الزهراء سلام الله عليها يامولاتي نظرة. https://t.me/umaliridashrify

شوور او حماسي او حسب امكانية القارئ #الرسول واويلاه.. واويلاه..واويلاه ..واويلاه ماحاسب احسابي الموت جاي العزيزي بسكوت مويدري بالزهرة اتضيع وعگب النبي ابساع اتموت واويلاه.. واويلاه..واويلاه ..واويلاه .... .... يالماخذ اعزاز الروح گلب اليودهم مجروح خليني اگلهم بالهون عن فاطمة شلون اتروح واويلاه.. واويلاه..واويلاه ..واويلاه ........... يابويه لتغمض العين وتتيتم الدنيا ودين يالهادي قرآنك ناح والمسجد ايگلك وين واويلاه.. واويلاه..واويلاه ..واويلاه ................ ياغالي مثلك بالكون انوب كل غالي ايهون ميت عدل ياهو الچان مو مثله من ايموتون واويلاه.. واويلاه..واويلاه ..واويلاه ................ عزريل واگف بالباب يقرا بوجوه الاحباب هم نايحة وهم امصاب ووياه مافاد اعتاب واويلاه.. واويلاه..واويلاه..واويلاه ................. مشتاگ الك ربك حيل يارحمة يانور الليل حان اللقاء يالمختار ريت اهله وياه اتشيل واويلاه.. واويلاه..واويلاه..واويلاه .................. ام علي رضا الشريفي الحسيني القصيدة مهداة الى روح وضريح سيدي ومولاي رسول الله صلى الله عليه وآله وسلم https://t.me/umaliridashrify

#الرسول واذا وي روحي حچيت او لو لطمت او لو بچيت بعد انته وفارگتني. وانهدل للفرگة متني يمن عگبك لابگيت 2 .............. ياسند ياسور يالهيبة العليّ يالچنت خيمة وحنانك بيها فيّ بشيلتك ياوالدي گصصت اديّ وانا وحدة لااخت عندي واخي وانته كل اهلي وتشيل وتدري بفراگك طويل ليش عني حمليت .................. دللتني وعايشة بعز ودلال وهسه عايفني بوسط اهل الضلال من الصبح لليل اصيحلك تعال على گبرك دمعي يالمختار سال شالسبب ماتحاچيني وانا عمية اعليك عيني وعلى بيتك سيريت ................ سيرينه انا وبزري على جدهم خل نمر الشوفته چانت دوانه وتسوى لحظات العمر انا واطفالي ابمچانك بويه ونينه اشكثر غايب الكله محنة ونازل ابنص الگبر وداره تطرد مااطبها بعد ماريدن گربها رحت ليها اشحصليت ....................... للصحاري اطلع انوحن الگوم ماترضى ابنعاي وللاحزان ابيوت ابني موش للكشخة بناي ليش منعوني ازورك وليش ظل گبرك وراي حامل اواسحل ابروحي النار مشتعلة بحشاي عالابو وفرگاه اونن حنت الناگة امن احنن عگب عينه اتغربيت ........................... ام علي رضا الشريفي الحسيني القصيدة مهداة الى روح وضريح سيدي ومولاي رسول الله صلى الله عليه واله وسلم https://t.me/umaliridashrify

قصائد لاستشهاد #الرسول ص وي أهل المحنه صار الوداع يهل الزود لاتبطون بالگاع .............. الزهره امکدره وتنعه إعله واليها وابو ابراهيم مایسمع بواچیها یاحیدر الحره عينك اعليها شيل ام الحسن عن النبي ابساع .............. شيل ام الحسن راحت ارويحتها بويه اتصيح بويه وجرت دمعتها حگها ام الحسن والشال هيبتها إشلون ايرد عليها اشلون لوضاع .............. لوضاع الأبو بيمن اتعوضينه ابو حچي الثگیل وچلمة الزينه اوياچ إعله الحنين اليوم ونينه محمد يانبينه وحلو الأطباع ................ ياحلو الطبع يارحمه من الله عفيه اشگد جويه ومامتت گبله یحیدر نعش ابوي ابداعتك عطله بالغالي اشتري من كون ينباع .................... *تمت* العمل مهدى إلى صحابي أمير المؤمنين عليه السلام(عمار بن ياسر المذحجي)رضوان الله عليه *ام علي رضا الشريفي الحسيني* https://t.me/umaliridashrify الأخوة الرواديد اذكروا اسم (عبد الزهرة الحسيني) بدل إسم ام علي رضا الشريفي الحسيني

#الرسول نعي لاستشهاد الرسول صلى الله عليه وآله چلمة البويه فارگتها صار اشكثر ماسامعتها ابالي اثبتت ما ناسيتها ماناسيه بويه كلمتك وعالباب محتامه الوگفتك خليني اموت اوياك وافتك خليني اموت اويه الاوده موتت صدگ مابعد رده على بيت بته ماتعده يوميه ابوي ايمر عليه يحبني ويشم اچفوف اديه ومايرضى تنظام الزچيه عونه البعد يتسامر اوياه ويگضي اليالي ويگعد احذاه شايل محمد وين نلگاه شايل وخلانه حزانه ماگال بتنه اتظل ورانه والبيه محنه شو نسانه جبت الولد جبت البنيه وسيرت عالوالي اشويه گالولي رايح للمنيه اولادي محتاميلك حيل الجدهم مدامعهم تسيل حسين وحسن مانامو الليل ماعندي امحبات اجني واعليك بويه گابلني بس زينب اتون اعله وني تمت القصيدة مهداة الى سيدي مولاي رسول الله صلى الله عليه وآله رحم الله من يقرأ سورة الفاتحة إلى والدي خادم الحسين *خضير بن زوينه* *ام علي رضا الشريفي الحسيني* https://t.me/umaliridashrify

#الرسول صلى الله عليه وآله ابوچ البيه محنة غمض اعيونه وضلعج يم حسن راحو يكسرونه ............ عزيز الروح يازهره غلگ داره وانتي اخلاف عينه انوب خطاره راح البيه محنه وضاعت اخباره انشديه عن دلالچ ها يمحزونه ............... گولي امدلل ه انا ومحمل الفرگه شايل يالعزيز ولابعد ملگه دمع العين من دم لو يصب حگه اليفگد هيچ ابو بيمن يصبرونه ................ التفگد مثل ابو ابراهيم ماتصبر ادموع العين للشايل طفر تطفر خيمه اوفلاشاها البين ماتعمر وطشر شمل ابوي وطشر اضعونه ................ بعد ماكو هلا ولايوصل البابي فدوه الطبتك اولادي واحبابي ماجبره التجَبّر كسرة امصابي محمد شفته بعيوني يدفنونه ................ شَوف العين شفته اتوسد الغبره وظلت بالدليل اعله النبي الحسره يادفان خليني انزل ابگبره التراب اعله الابو لالا تذرونه ............ القصيدة مهداة الى مولاتي فاطمة الزهراء عليها السلام *ام علي رضا الشريفي الحسيني* https://t.me/umaliridashrify

استشهاد #الرسول صلى الله عليه وآله قصيدة لسان حال مولاتنا فاطمة الزهراء ع تقرأ بألحان مختلفة فدوه بويه احچیلي والله رايح حيلي شلون حالي وانته ناوي إعله الرحيل الخاطر ابنيتك دظل اولا تشيل لو رحت ياويلي لورحت ياويلي ____؛ وياك اخذني للگبر شلفايده اباجي العمر ورايح الغالي للموت خنحمل سوه ماريد اشمنه الهوه رَجِع دلالي انا الزچیه امدلل ه بفگد النبي گلبي ابتله وخابت آمالي آنه الوحيده الوالدي لوشال اظلن وحدي وتگصي الليالي مالي عندك خاطر ابهالبساطه اتسافر اتخلي عيني يارسول الله تسيل الخاطر ابنيتك دظل اولا تشيل لو رحت ياويلي لورحت ياويلي ____؛ ريحانتك ذبلت بعد ماعدها من عگبك أحد ظلت غريبه ضيعت بتك من وكت إلمن يوالدها شلت رادتك هيبه بالدار تنعه إعله المشه كلساع واعليها انغشه يكتل مغيبه شيبت عگبه ام الحسن ماانصف اوياها الزمن عاشت كئيبة وانت نور عيوني تمشي ويهضموني انته تدري لورحت خصمك يعيل الخاطر ابنيتك دظل اولا تشيل لو رحت ياويلي لورحت ياويلي ____؛ تدري البنيه ابلا ابو يتعمد ايطگها العدو ویهد علیها وانا الحوالیه الجمع متانین نِفسك ينگطع إسمع حچیها مایوگف ابعین الرجس لاحرمه لاعزة نفس لابت نبيها ارجع وشوف ام الحسن اعيونها اعليك انعمن لازم تجيها وحش ظل بنيانك وگابلیت امچانك ابروحتك يابويه طريت الدليل الخاطر ابنيتك دظل اولا تشيل لو رحت ياويلي لورحت ياويلي ____؛ صوبني يومك بالگلب يابويه ناديت اشعجب ناسي الزچيه تدريني مااحمل هجر مارايده ايطول العمر ردت المنيه يوميه اگعد عالثره حسبالي اكسر خاطره ويمر عليه يالنازل ابگبرك صحت ادعيلي اموتن يالمتت ماني جويه والله شيب راسي شايل أحسن ناسي ماابطلنه الحزن حزني طويل الخاطر ابنيتك دظل اولا تشيل لو رحت ياويلي لورحت ياويلي ____؛ يالماخذ إوياك البخت عشرتنه يابويه انتهت وتفارگینه یالچنت خیمه امظلله وملتمه حدره العايله ويمك ربينه شايل مُحَمد هيبتي دللني آنا وبزرتي وغمضت عينه ماشفنه مثله ابهالزمن لوگلبه يتفايض حزن يمرنا ويجينه إيحبني أبوي إهوايه وأرد اگله احچایه عمري ماالگه مثل گلبك مثيل الخاطر ابنيتك دظل اولا تشيل لو رحت ياويلي لورحت ياويلي ____؛ *تمت* *ام علي رضا الشريفي الحسيني* العمل مهدى إلى روح (صحابي أمير المؤمنين عليه السلام عبد الله بن الخباب بن الأرت) رضوان الله عليه https://t.me/umaliridashrify نسألكم الدعاء الاخوة الرواديد اذكروا اسم (عبد الزهرة الحسيني)بدل إسم ام علي رضا الشريفي الحسيني

#الرسول هوسات بحق استشهاد الرسول صلى الله عليه وآله ابشر يامحمد بالخلافات الجماعة من دروا سيد الرسل مات افتروا عالمدينه ولمو اصوات تعالو بايعو مو مرة مرات نبيكم مات واليوم انتخابات فزعوا بالخيانة البيعة اللات يالجسمك بعده...... بتغسيله ................... اذا هسه وبعدنه النبي ماشلناه ولاصحنا اعله جثته وشيعيناه ولا لحگ بلال ايصيح واويلاه على افراگ النبوه وماعمت عيناه شلون انوب لو طه النبي ادفناه اظن ذيچ الوصية اتموت وياه من وصه بحيدر...... واولاده ...................... بعد جسمك طري وحروره ظلت بيه وبعد حيدر ينوح احذاك ياغاليه عدهم چاينه اعله الراح حيل امكدرين اعليه حيدر ماتشيله امن الهضم رجليه شافوه ملتهي يجهز الچفن بيديه گعدو بالسقيفه وگالو انصفيه والبيعة المنك......... نكروها ...................... تمت القصيدة مهداة الى سيدي مولاي رسول الله صلى الله عليه وآله رحم الله من يقرأ سورة الفاتحة إلى والدي خادم الحسين *خضير بن زوينه* *ام علي رضا الشريفي الحسيني* https://t.me/umaliridashrify

لفقدك ألف آه يارسول الله 💔😭 #الرسول اشمالچ يالعمايم          ماتطيحين طيحي امن الحزن   لعيون ياسين ...................... طيحن يالعمايم  لجل ابو الزهره طيحن فدوه اله ولعمامته الخضره نوماس الزچيه هذا حد عمره وتبچي امن القهر ست النساوين .................... چود افراگ طه  وما يحملونه شلون انوب وجهه مايشوفونه ونت فاطمة وصاحت المحزونه بويه افراگ وجهك بچه كل عين .................... اسم الله اعليك بويه يومك بعيد بس ماغمضت  ودولي  تهديد تعال انشد الطاغي وگله شيريد ومر بيه ودگلي اشبيچ تبچين ..................... بويه اعمامتك شميتها بحسره يراعيها اتركتها ونمت بالغبره وخلافك علي ماينعدل ظهره وگلبه من الهضايم صار نصين .................... تعال وشوف ويلادي يوالينه ومرهم بالمحنه وچلمة الزينه كلنه امعلمين اعليك تدرينه يالمهيوب يانور  القرآئين ..................... تمت القصيدة مهداة الى سيدي مولاي رسول الله صلى الله عليه وآله رحم الله من يقرأ سورة الفاتحة إلى والدي  خادم الحسين  *خضير بن زوينه* *ام علي رضا الشريفي الحسيني*  https://t.me/umaliridashrify

♦️ طلع الموت علينا قاصـدا" روح الرســول ♦️ وجب الحزن علينا مثلمـا تبكــي البتـــول 💔 عظم الله أجورنا وأجوركم بمصابنا بخاتم النبيين وسيد المرسلين محمد (ص) .🖤

#الرسول ص https://t.me/umaliridashrify مربعة لفقد النبي الاكرم صلى الله عليه وآله من اتروح بتك يضربوها ايكسرون الضلع ويعذبوها اوگف يامحمد حزن الغالية اشتد اشوي لام الحسن ريض يبوها .................. بعد وياك اريدن اگضي الايام يمن عشنا سوه اتگاسمنا الآلام يتيمة آنه وابوي اثنينه ايتام امي انتي يزهره اموالمة اولام شلون امك عفتها عالعز عودتها او وصيتك بهل بيتك ينكروها اشوي لام الحسن ريض يبوها ....................... يتاج الراس ظلينا بلاتاج فگدناك وغدت للفتن امواج يعون الطايحة امفرح المحتاج حزنك نار بفاد البنت هاج ومچانك عيني اعليه اصدله واحاچيه وامصلايتك بويه طووها اشوي لام الحسن ريض يبوها .................. ادورلك گلب يحمل الفرگه وادورلك ابنيه مامدنگه اردن خايبة من غير ملگه ارد للبيت بويه وبيه شلگه بس حيطان غبره. وبيبانك مچدره واحبابك غرفتك حزنوها اشوي لام الحسن ريض يبوها ................ ظليت ابرجاك وما مأيسه من النوح بويه اغديت خرسه انبح صوتي وعلي مبيوك حسه ركسنا امن الفراگ وموش ركسه علينه انگلبت الناس والله امشيب الراس وبتك هددوها وچذبوها اشوي لام الحسن ريض يبوها ........................................................... القصيدة مهداة لمولاتي ام البنين عليها السلام الفاتحة قبلها الصلوات ام علي رضا الشريفي الحسيني القصيدة سجلت في سجل الزهراء عليها السلام من يغيّر اسمي اويتلاعب بها اوينسبها له خصمه فاطمة الزهراء

#الرسول ص https://t.me/umaliridashrify قصيدة شور المستهل على لحن خبر للمخيم وصل وانگلب ليل تفارگنه بويه وصدگ صار الوداع ضعت آنه مدري الابو من صدگ ضاع مدري الموت اجاني چا ما موتاني ويلاه يامحمد.. ويلاه يامحمد ............. يجد ابني ونظر عيني يبعد الزهره حاچيني ابيوم اموادعك گلي اشلون انسكت احسيني العين المابعد تاراك اغمضها وشلي ابعيني خليت ايدي بيدك واشتمن وريدك ويلاه يامحمد.. ويلاه يامحمد ................. اعله قرآنك لگينا ادموع آياته يصبنها وصدى المحراب من يبچي يگابل فاطمه ابونها هاي اعمامتك بويه تلوعني امن اشوفنها خليتنا حزانه موش ابنيتك آنه ويلاه يامحمد.. ويلاه يامحمد ................... ماريده العمر عمريش اذا عني محمد غاب تمنيت وعلي بويه آنه النازله بتراب ادري اخلاف ابوي الگوم ينهون العمر عالباب وتتكسر ضلوعي وماتنشف دموعي ويلاه يامحمد.. ويلاه يامحمد .................. دجاوبني اشردت منك غير الملگه ياعمري يمن فدوه رحتله اني وفدوة يروحلك بزري والجناز من شالك شالك وانكسر ظهري طولك ضيعيته وصوتك فارگيته ويلاه يامحمد.. ويلاه يامحمد ................. القصيدة مهداة الى مولاتي فاطمة الزهراء عليها السلام ام علي رضا الشريفي الحسيني الفاتحة لروح والدي خضير بن زوينة القصيدة سجلت في سجل الزهراء عليها السلام من يغيّر اسمي اويتلاعب بها اوينسبها له خصمه فاطمة الزهراء

#الرسول ص https://t.me/umaliridashrify لحظة ياجنازنه... خل نودع اعزازنه تدري بي هذا الســــفر كلش طويل الفرگة صعبة وجاسية واتريد حيل لحظه ياجنازنه لحظه ياجنازنه ........................... لحظة بالتابوت لاتجفي ابساع لحظة خل بتنا اتكفى من الوداع لحظة موهذا الاخذته منها ضاع هذا ابوها الراح يتوسد الگاع لحظة اسمع صوتها.. ابموتي يگرب موتها ابنيتي ياحيدر مدامعها تسيل تدري بي هذا السفر كلش طويل لحظة ياجنازنه لحظة ياجنازنه ........................... يم ابوها خل تجي اتودع الدلال والهله والملگه والود والسؤال اليله شاغت روحها والدها شال مايجيها الغالي لوصاحت تعال تعثر المهمومة... بالنبي مصدومة اخلاف عينه الناس بالزهره تعيل تدري بي هذا السفر كلش طويل لحظة ياجنازنه لحظة ياجنازنه ........................... يالعزيزه اشلون راح اتكابرين اشلون فرگة والدچ تتحملين اتكدرت ايامكم غبره السنين غربه صرتو ياامير المؤمنين شال عنكم طه... والترب سكناها والدمع مايكفي لمصابه الجليل تدري بي هذا السفر كلش طويل لحظة ياجنازنه لحظة ياجنازنه ........................... الكم الله يابعد نور العيون فوگ فرگاي ومصابي بالمنون ابين هاي الطايفة تتغربون والزچية اتعيش بگليب الحزون شبعي من اوداعي... فارگيتي اطباعي اخلافي راح ايطول يبنيتي العويل تدري بي هذا السفر كلش طويل لحظة ياجنازنه لحظة ياجنازنه ........................... ام علي رضا الشريفي الحسيني الفاتحة لروح المرحومة جاسمية شهد القصيدة سجلت في سجل الزهراء عليها السلام من يغيّر اسمي اويتلاعب بها اوينسبها له خصمه فاطمة الزهراء

#الرسول ص اصبنا بك ياحبيب قلوبنا گضيت اسنين.. ينور العين.. وياك ورحت مني عفت الدار......يالمختار..... چا وانا اشگلت عني ..................... على الزهرة اشگلت گلي بيوم الحملت وامشيت اون وامتانية تردلي على اعتاب النزل گعديت ابوي اوماكو اعز منه اشظل عندي اشبعد بالبيت حنانك راح.. واصيح اصياح.. محمد اه يجد ابني .............................. فگدتك وافگدت شوفي وعميت امن البچي اخلافك ويهنياله الگعد يمك وبعد هنياله اذا شافك يبو الرحمة يبو ابراهيم يمن ماتنسه اوصافك خلص صبري....اشكبر كسري... درد انوب دللني ......................... يالمعلم الزچية اعليك وگايل هاي هيه امي شلون امك يبعد امك تتركها بجفن مدمي بيت احزان سوولي وراگد بالشمس هدمي ماجازيك.... واموت اعليك... يبوية ولا تضيعني ............................... اذكر طبتك بويه واتلگاك بالفرحه هسه الدار والحيطان تكتل صارت وجبحه تعال او اوصل البابي ودمعي بهدمك اتمسحه محنية.... البنية... اريد تگوم تنشدني ............ تعال وهاك كل روحي واذا اقصر تعاتبني وظل انت عمود البيت واخذني وبيدك ادفني شلي بعمري يبو القاسم يبويه وخيبت ظني فرد وحدة..... وشفت فگده... محمد لاتفارگني ام علي رضا الشريفي الحسيني الفاتحة لروح والدي خضير بن زوينه https://t.me/umaliridashrify

#اربعين_الحسين هوسات للخدامة أريد انشد احسين او ارد احلفنه ابرضيعه البين اديه واسهام فطمنه مضن شهرين واحنه امكدرين اعليه وحتى اطفالنا اتعلمت عالونه يسجلنا بكتابه احسين ابوالسجاد يسجلنا بيمينه امنيه نتمنه (احسين ايجازي احبابه... حي لو ميت ماينساه) ...................... ماريدن شكر لاريد امن اعليك آ يحسين هاضمني المرار البيك وحگ يوم اربعينه البي مرد الروس لوتطلب حياتي ابلاثمن انطيك شنهو النوح شنهو اللطم شنهو الآه آنا ابوسط عيني يالولي امخليك (احسين اطلب واتخير....واخذ العين وراعيها) ........................ ياحسين ياشهيد ام علي رضا الشريفي الحسيني https://t.me/umaliridashrify

بسم الله الرحمن الرحيم #المشايه قصيدة تشرح حالة #زينب ع بعد تعزيل المواكب😭 تقرا بالحان مختلفة *المواكب قَفَلَت بيبانها* *الناس زارت وإرجعت لاوطانها* *الچان يمشي هسه رد* *ارتاح يم اهله وگعد* *بقت زينب تنعه يم إخوانها* -:-:-:-:-:-:-:-:-:-:-:-:-:-:-:-:-:-:-:-:-:-:-: هسه زينب گاعده يم الگمر تنوح نوح ايذوب من عنده الصخر ساعه تعتب ساعه تلطم عالصدر *تگعد اگبال الحسين* *اتصيح يبن امي الحنين* *شيل عن المگبره وتربانها* -:-:-:-:-:-:-:-:-:-:-:-:-:-:-:-:-:-:-:-:-:-:-: زينب بذيچ المگابر بايته تگول اخيي ماسمعت احچايته هوه يدريني بعدني ابعازته *نام نومه ابهاللحد* *اتبره من عمت الوِلِد* *الچانت اتشوفه گبل دفانها* -:-:-:-:-:-:-:-:-:-:-:-:-:-:-:-:-:-:-:-:-:-:-: تسولف اوياهم سوالف مؤلمه اتگلهم آنه من الشماته امهدمه خويه هاي عيوني صاباها العمه *احنه نسوان وغرايب* *انبات ليليه ابخرايب* *تبچي والمدمع يِبل اردانها* -:-:-:-:-:-:-:-:-:-:-:-:-:-:-:-:-:-:-:-:-:-:-: ويلي يبن الزهرة ويلي اشهالعمر العگبك اتعيشه العقيله ام الصبر تدري آنه اوداعتك محمل هجر *خوية ادعيلي اموت* *گبل لا رد للبيوت* *ولا اشوف ادياركم واحزانها* -:-:-:-:-:-:-:-:-:-:-:-:-:-:-:-:-:-:-:-:-:-:-: الچان رايح للزياره مادره الليله زينب گاعده بالمگبره والله لونندلها مانرجع تره *چاكتلنا ارواحنا* *وياحسين اصياحنا* احنه فدوه الزينب ووليانها -:-:-:-:-:-:-:-:-:-:-:-:-:-:-:-:-:-:-:-:-:-:-: العمل مهدى الى السيدة فاطمة الزهراء صلوات الله عليها *تمت* *ام علي رضا الشريفي الحسيني* الاخوة الرواديد اذكروا اسم #عبد_الزهرة_الحسيني بدل إسم ام علي رضا الشريفي الحسيني https://t.me/umaliridashrify #المشايه اقبليني يافاطمة 😭