ужанська ідея

траґедія у двох актах боже, на котрого фрасам си тредс поклав… 🫠

повічте му кось…

с. 430

+1!!! Вышня Апша: видки. її мож брати ги наохтема близкый фонетичный варіант формы выдкы, бо у Вышнів Апши звук /ы/ абсолутно усе й усяде ся золляв зо звуком /и/ (таги у літературнів українськів, авадь таги у говорах околиці Ужгорода), айбо... там ушиткі два мілліона форм, по факту, суть фонетичныма варіантома єдна другої, так што зараховуєме👔 уже зо дня на динь зріхтуву мапу, котрум вам убіцяв булше ги пув года назад (кідь дако за йсе щи ґанц тямить), также, аж маєте дяку, та годни сьте си убновити інформацію пересмотрівши дотычный відеоматеріал [...] 😎😎

айно, надурив єм вас — пруйшло лем 7 місяцю :( обы йсе компенсовати, слідучоє відео буде через два рокы. майте ся

як німицькый язык формує звук Rammstein https://www.youtube.com/watch?v=Jrf5Udw3pm0

мині тамкы у тіктокови уже зачали ныти, ож дем пропав... никдем не пропав! живый єм! имайте :)

мині ся видить, ож исе раз май ліпшоє, штом даколи читав из поезії по-нашому

НӮЧ Нӯч взяла чорный віґан, И небо всьо затягну́ла. Поле, зво́ры, гранкы́ - До всього ōна ся кыну́ла. Потемок, ни видко ся нич, Но нам тото и ни треба. Звізды єдна, а пак друга, Усе на нас кліпнут из неба. А вітер и поночи гулят, Из трáвами в голос говорит. Шумит фурт, булькоче ріка, Но на ний нитко ся ни творит. Пӯснули пиля ниї вӯльхы, Тай явӯр давно задрімав си. Кидь бы сме сяк ни ходили, Та выдкі за йсе бы я знав си. Но ты йсе, видав, ни замітиш, А я сяк усе роззирав бы. Нас темна нӯчка убнимат, Но чесно, я нич и ни спав бы. 2021 М.Чикивдя

де як кличут семый албом Rammstein ЛАЗО том ІІ, мапа №233. жерело | испис населеных пункту | коментарь #мапа #лексика #дзендзелівський #україна

я туй так подумав, а я, вцілови, годен туй не лем мапы постити й писати за слова даякі рідкі, ай и просто писати даякі посты за язык: высвітльовати даякі його ґраматичні моменты, штось из його розвитка, може даже соціолінґвістичні фішкы… уповічте ми, будьте добрі, за што бы вам было интересно почитати (што, само собов, з'язано з нашыма говорами)? ийпен даякі конкритні темы; може у дакого з вас є штось такоє, над чим уже давно сушите голову, а я бым тото муг даяк вусвітлити :)

а, и йщи: сись канал я держу ги даякоє місто на джерела, відеа а апдейты д ним. дуже много й часто контента туй не чекайте, айбо кідь вам интересна наша діалектолоґія, та туй маву многым май активный канал, де фурт пощу усякі мапы тай интерисні слова. приходьте, усьых чекаву: южнокарпатські ізоґλоссы

ІІІ. за мапу єм не забыв :) ушитко, што написали, пишуть а муть писати у коментах — усьо собі фіксуву. фідбека ийпен за вто, у кого як кажуть, онь дуже много... и даже на вырізках у тіктокови, де я ани не просив никого сесе писати — там тыж пишуть! прекрасно :) айбо я хочу зобрати інформації булше. уцілому хочу дуже подяковти усьым, ко писав... варе што писав — и ділив ся інфов за формы сього слова у свому відийкови, и особено тым, ко писав даякый фідбек емоційный — вы си ани не уявляєте, накулько ми приємно читати подобні коментарі. не буду кривити душов — ийпен числа просмотру я чекав, и дотипирь чекаву векшого... хоть мині й казали, тай и я сам вижу, ож на відео на натулько специфічну тему, тай щи й на малому языкови, статистика факт дуже добра — я сесе вижу и рунявучи свою статистику з другыма каналами +- мого розміра (читай ниякого😁), и мині прямо сесе казали... и гибы я ся не годен не согласити, айбо я дуже много сил, емоцій и часу пустив на сись ролик, обы дустати пак лем 2,5к просмотру... и не подумайте, я ни у якум разі не хочу убезцінити уже нынішню зобравшу ся туй авдиторію — кажу, такый читавый актив на такоє мало число просмотру — нонсенс, я схыляву голову сперед ушиткыма, ко репостив, ко штось писав, ко просто доникав сись парад духоты до кунця... претинзії кідь и маву, та лем ид алґоритмом ютуба й тіктака — булше ни д кому :)

ІІ. тямите, я ся жалів на ґеоґрафію форм "вудкі" тай "водкі"? я щи чинив укремоє відео у тіктокови ийпен обы хоть даяку інфу за йсе дустати. у цілому, на збур інформації в ня пушов даз рук — сесе не значить, ож я усьый рук лем то й робив, ож єм упорно глядав інфу — просто кідь ми ся трафляла даяка форма у текстови, тай было ясно, ож выдкы тот текст є — я си тото записовав; пораз єм мимоходом звідав людий из ушелиякых реґіону, ож де як у кого кажуть, тай такоє... и айно, ийпен из формами вуд- тай вод- быв май читавый напряг, и завто мині щи май обідно было найти але сяку інфу у статі за говур Турянської долины (ни скріншот долі), котра мало того, же уточнює ґеоґрафію хоснованя формы "водкі", так щи й індіректно дає порозуміти, же у Турянськуй долині, а вто релативно велика територія! хоснує ся форма "вудкі". сеся територія щи й лежить акорат межи тыма відийками, за котрі у ня інфа была. йо, ґеоґрафія прифікса вод- ся кус розширила, айбо не критично; усі мої умозаключіня за територіалну дистрибуцію "вудкі x водкі" ся, дуже віройимо, указали правдиві. и зашто мині обідно? та бо йся інфа у ня фурт была, богати, такой сперед носом! ийпен у сьому телеґрамови сиї збирькы ниє (но дораз буде), айбо я ся божу, я сесі, Христа їм Пана, запискы перечитав наздовж и напоперек, я знав за йсю статю о фонетиці говора Турянщины — якым боком такый релативно читавый дараб інформації пруйшов мимо мене?! споминаєме мої слова на 19:48:"сяк знає быти, кой автор ідіот, и не знає ладити нормално матеріал" ниже прикапчаву вырізку з текста, айбо самі сьте цілу статю годни найти у але сьому файлови на страници 102.

кідь уже говорити за формы, котрі ся в Зак. области не хоснуют, та можеш дописати щи як мінімум водкий, водкаль, одкаль, одкель, одкыль, одкыле - тото з діалектолоґічных даных

І. у відеови фіґуровало число 46≥; ищи там фіґуровала фраза "просто довожу до вас, ож сих форм годно быти ищи даже веце" 46 — число форм, котрі набізувно екзистувуть, котрі я авадь чув, авадь холем раз відів, обы сяк кось писав… и, посправді, ищи накулько мині ся з вершины (правді быти, доста невысокої) много досвіда та ци инша форма видить возможнов вадь ніт — у форму "выдкыть" мині повірити многым май легко, ги у, приміром, "вудка" и так, убновліня: маву confirmed ищи четыри формы, котрі у відеови при коничному пудрахункови не фіґуровали: - удка - вудка - скаді - скаль послідні дві ся у Закарпатськуй области не хоснувуть — дані из села Чертіжне, што на територійи Словацької Республікы. формы из кунцьовым -ка я, як єм казав, никдам и никдем не чув, и на момент записа відеа вни ми ся трафили лем, ачий, двычі, и ийпен пуд тым самым відеом у тіктокови, дем зберав інформацію. по публікаційи сего шедевра сесі формы написали щи дакулько раз, а єден чилядник у якомусь чатови повів, ож факт чув людий сяк говорити. нерозумно при такуй кулькости свідчінь буде заперечовати їх екзистованя, лем я бым не спішив по аналоґійи з другыма прифіксами брати суфікс -а тай комбіновати го з ушиткыма прифіксами, тай щи й придавати постфікс -ть тай -ль :) хотяяя… -ль може бы й быв релевантный, але маєме "скаль"… ко знає :) видить ми ся, ож формы "вудка" тай "удка" суть доста локалныма. за появу їм — но што, туй єм безсилен… напрошує ся лем аналоґія з суфіксом -ка — варіантом суфікса -кы як у словах типирькы/тирирька, ниськы/ниська… удкы/удка? но, иншоє ми у голову раз ани не прийде. форма "скаль" годна бы приудкрыти завісу тайны на сись сеґмент -ль: треба аналізовати й копати дале, айбо очевидна туй з'язь из словацькым odkiaľ. дуйшло до ня типирь, ож, походу, зачаточноє с- у сьому слові — прифікс из прийменника з, из, котрый свойов семантиков дуже близкый до уд (выд, од тай другых) — ун же фіґурує и у польському слові skąd. што туй є корінь — -кад-, -ка- ци, таги у нас, -к- — я не знаву, туй ся треба дале розберати й аналізовати.

з момента публикації проминув уже місяць — самый час учинити невеличкый апдейт, уточнити даяку інфу тай написати пару свойих особистых думок. І. ищи четыри формы розобраного у відеови слова: типирь їх мінімално 50 […] ІІ. уточніня за ґеоґрафію прифіксу вуд- тай вод-; я — дебіл […] ІІІ. подакотрі мої думкы просто за йсю всю двіжуху […]