﮼ولِيـف

‏" ذاكرة نسّاي" ‏- ‏الايام ( ظلما ) والليالي عديمة راي ‏مشاويرها " حرمان " ودروبها حرة ‏خذت مني أغلى ما تمنيت في دنياي ‏و خلّت لي اللي ما تعوّذت من شره ‏أنا بخير والله .. لو معي ذاكرة نساي ‏ماهي بالحنين ولوعة الوجد مضطرة ‏تفاصيل ماترحم وقوفي ولا ممشاي ‏وجعها يجي ويروح .. ويعاود الكرة ‏سلامي على المتحكمة بزعلي ورضاي ‏وعلى الغرة اللي ( طوّقتني ) على غرة ‏ولا هان عودٍ شوفته تطلق محيّاي ‏نسيم الهبوب .. يداعبه كل ما مره ‏هذي جرته في مرتع الصدر رايح جاي ‏من أبسط حقوق الحر خطواته الحرة ‏يا محبوبتي لا زال كوعي على مركاي ‏تحلويت صكات الليالي .. وهي مرّة ‏أنا آجر قلبي مع طريقك وآجر خطاي ‏وآخاف أجرحه ويسيل دمي على الجرة ‏تغرّبت حتى عن ربوعي وعن مرباي ‏أحس الوطن ما فيه عارض ولا حرة ‏بعدك الليالي صوتها صوت عازف ناي ‏يهيّض جروح القلب .. ويقلّب صوره ‏اذا ما بقى ؛ ( حنّيةٍ ) تستعيد قواي ‏حنانيك بـاللي يقطع الشوق بالمرة ‏وقوف الحياد أستنقصه من سنين صباي ‏أشوف آهله فـ الغالب أصغر من الذرة ‏لا شان الزمان يضرّني واحد من عداي ‏ولا غاليٍ ؛ لا " سرّ وضعي " ولا ضرّه ‏لو الموت مرّة ما تعنّيت في دنياي ‏أنا آشوف لي حيّين ماتوا مية مرة عبدالله السراهيد

والغياب اللي يهد الحيل ويجيب الطواري ما يزيد إلا اشتياق ولا يزيد إلا غبيـنه لكن الرجال يصبر ويتحمل كل جـاري لا يقول ان الوقت عناني وتتعبني سنينـه

‏يا ليت الزمان يعود بي لاول المشوار ‏قبل لا تقص (أحداث الأيام) تذكرتي ‏وتاخذني الدنيا عن الدار وأهل الدار ‏غريبٍ يضج بغصّتي همس حنجرتي ‏شعوري شعور التايه المرغم المنهار ‏آعرف آوّلي لكنّي آجهل وش آخرتي ‏أنا اللي بعد زود الغلا والسلام الحار ‏تنازلت لـ عيون المها عن مكابرتي ‏يابنت المطر مالك مصدٍ عن الامطار ‏من الغيم ولا من نسيمه تعطّرتي ‏عرفتك وانا نفسي صبوره على الاقدار ‏قبل تختبر . . صكات الاقدار مقدرتي ‏ماعاد آعرف من كثر ماني معك محتار ‏تغيّرت انا . . ولا أنتي ، اللي تغيرتي ‏يا شين الخطايا يوم تكبر مع الاعذار ‏تروحين كنك مخطية . . ما تعذّرتي ‏كلام العيون . . يبرر الواقع اللي صار ‏عطاك الزمن عدة خيارات واخترتي ‏ورحتي وأنا من يوم رحتي غريب أطوار ‏من الضيق صرت آدور في نفس دايرتي ‏يا ليت الكلام اللي حبسته ورى الاسوار ‏مجرد " رسايل عالقة " في .. مذكرتي ‏على كثر ما كانت . . ليال الوصال قصار ‏على كثر ، ما كانت " طويلة " بـ ذاكرتي عبدالله السراهيد

﮼ولِيـف pinned «ياغربة الروح مال المغترب منك اياب متاهةٍ وسطها الرحال مثل المقيـم ودي لو ني بعيد أمارس الاغتراب ولا تعاملني الدنيا معامل غريـم معي مفاتيح لكن مال الأفراح باب ولا عاد ينفع رفيق ولا يسلي نديـم خرجت من بطن حوت وجيت مرقب عقاب تحيي صبابة معدينه هبوب…»

ياغربة الروح مال المغترب منك اياب متاهةٍ وسطها الرحال مثل المقيـم ودي لو ني بعيد أمارس الاغتراب ولا تعاملني الدنيا معامل غريـم معي مفاتيح لكن مال الأفراح باب ولا عاد ينفع رفيق ولا يسلي نديـم خرجت من بطن حوت وجيت مرقب عقاب تحيي صبابة معدينه هبوب النسيم جيته وانا الشاعر اللي لا تعلاه جاب نوادرٍ ما يضاويهن خيال الغشيم بالشرع لا يقتّل العاشق ولا يستتاب خلوني أسعى على وجه البسيطه واهيم محتاج اعيش الحياه بدون ما احسب حساب راضي بما يكتبه ربي وربي كريـم متفائل بشكل ما يوصف وأحث الركاب لو ان بالصدر نارٍ كنهـا في هشيـم ازكي الضحكه اللي ماتكمل نصاب اضحك على شان مايضحك علي اللئيم صبرت والصبر مر وقطعةٍ من عذاب ولا تجزعت من صبر ولا قلت ضيم ريانة العود صبري معك ماله ثواب ؟ سمعي كساه الجفاف وهمسة شفاك ديم لاطال وصلك ولا الخاطر من الوصل طاب كم لي وانا اقف على جالك وعود محيم أنا ادري ان الاوادم كلهم من تراب وانتي من تراب مكه والحرم والحطيم ياقبلة الروح كان فات طيش الشباب جيبي لنا لو نهارٍ من الزمان القديم ! اليا تذكرتي ان الله شديد العقاب وش يمنعك تذكرين انه غفور رحيم ؟ حنيتك من العتب يوم ان بعض العتاب اقطع من السيف واصدق من دموع اليتيم أهديت لك ورد واهديتني اخطر صواب محدٍ رمى الورد غير انتي وعبد الحيلم شكراً على مامضى لي معك حتى الغايب انتي غيابك صنع للناس ، شاعر عظيم !!

احب الوضح والقمرا وأحب إنصافنا بالخيل وأحب الطيب اللي كل خلق الله يحبونه

من يشد الحبل بالحيل شديت الحبل بالحيل ومن يبغى المفارق قد دفعت العام عربونه

‏ابي " ضحكةٍ " منها عيوني تصب دموع ‏أنا مبطي من الضحكه إللي من الخاطر !

‏تحاليت الجـروح اللي تجيني من يدينـك ليـن ‏دريت إن كل جرحٍ في حشاي أغلى من الثاني ‏ ضيدان بن قضعان

‏عسى وضعي المزري يزينه الزمان الجاي ‏ مابي من عطاه الا اني أرجع على خبري ‏ سعد بن جدلان

مرحبا ومسهلا ، امـا بعد : احياناً يدالك الله على رفيقً كفو ولا تلقى له مثيل ابداً وما ترتاح إلا معه ولا يعجبك إلا رفقته مهما صار . ووصف المقوله احد الشعراء : غالي وله عندي مكانه وتقدير هذا رفيقٍ لـ الصعايب ذخرته .

المجتمع يشكي من صغار العقول اعوذ بك يارب من سواء القضاء البعض مافيهم حياء فيهم فضول وانا ماعندي كبر عندي ، ، كبرياء اقول لـ ظروف الحياه اللي ، تحول بيني ، وبين ملامس عنان السماء اللي علي الاجتهـاد أما القبول سبحان من يعطي القبول لـ من يشاء لقيت في صمتي مفاتيح القفول يوم ابتسم فـ الجهر وأحزن فـ الخفاء مع احترامي للمشاعر عرض طول لايوجد اجمل من شعور ، ، الاكتفاء ياغـايبه مامر فصلٍ مـن الفصول ما قام لك قلبي بتجديد الولاء أنا ادري انـك علتي من دون اقول وانك بلا الحب ، والحب ابتلاء لكن طبيعي تنوجد فيك الحلول الناس تستخرج من الداء ، ، الدواء عزالله ان معـاد لي قوه ، ، وحول اما ماكتب ربي على يدك الشفاء ! من قلة الحيله ومن كثر الحمول كم لي وانا أصارع على شان ؟ البقاء وان جيت عبر بـ الكلام وبـ الفعول مافادني حرفٍ من حروف الهجاء ! إلا اني أوقف على إطلالك ، ، واقول ؟ إلا القاء إلا القاء إلا القاء

على طاري غرامك ياحبيبي هاك ماينقال على البحر الطويل يسوقها موجي ومجدافي حبيبي لا تضايق من عتبنا لك على الجوال هذا حبك وهذا منزلك في قلبي الوافي يعيش الحب بين اللي محبتهم وفاء ووصال ويموت الحب من فرق القلوب ومن جفا الجافي امانه ياحبيبي كل ما تشعر بضيقة بال تعال اضم حزنك في زوايا صدري الدافي وانا مافي نضامي حب يومين وجفا واهمال وجاك من المحبه والمعزه والغلا الكافي صحيح الغياب اللي حصل بيني وبينك طال لكن ماهو أنا اللي فوق حبه يسفي السافي لحقني من غلاك ومن جفاك اللي يرق الحال مثل ما كاني أشوف الحزن في طرفك الغافي يروح اللي يروح من العمر واللي بقى لا زال ويبين اللي يبين من الغلا والخافي الخافي هذا نبض الشعور اللي كتبته لك على استعجال فديت اسمك ولبى معدنك يالمعدن الصافي

‏من خمسة ايام والساعه على ماهي ‏ نامت على حزة . . الفرقا عقاربها ‏ياهي على حق ياهي مخلصه ياهي ‏ توقفت مع توقف قلب صاحبها ‏لا خاب ظن اليتيم بـ حلمه الزاهي ‏ مافيه حاجه بـ يبكي من سبايبها ‏فدوة مواطيـك روح مابقى الا هي ‏في سوق ويلي على لاماك جالبها ‏ مدغم ابو شيبه

‏يرضيـني اني عشـت وافي ولا بـرت ‏واعلنت بالهـرج الصحيح انطبـاعي ‏زاد النـفاق الاجتماعي . . وانا صرت ‏ماعاد احب اصير شخص اجتماعي ‏ سعد علوش

‏بردت بك كبدي من الصبر والانتـظار ‏عقب مانفسي من اشباه البشر طايبه ‏انـتي دخـولك حيـاتي كـان رد اعتبـار ‏ لايامي المجدبه وظنوني الخايبه ‏ سلطان بن بتلاء

يامعلة قلب من حبك عليك السلام اللي ترفرف على كبد السماء ، رايته من عهد جدي لبيدي الين عهد الإمام وصلك وفصلك هنا منشاه ، وبدايته رحتي على حين غره من حوالين عــام وجيتي على صوت معشوقك ولبايته ! مايجذب اكبر مقام ، ، إلا كبيرة مقــام و انتي طموح القصيد ومنتهى غايتـه أدور اللطف واصنع لك رقيق الكـلام وانا بـدويٍ ورد ذوده على " وايته " وده وهوبل وجاته على طفيح الغمام خفافها تازن الإيقاع ، ، ، لـ حدايته ! لو ناعسات العيون ومايسات ، القوام رهن الاشاره ، ما حس القلب بكفايته اللي عدالك من اللهفه عــداه الملام عن مثلك يعــذرب الرجـال بـ قفايته انتي شموخك عظيم ويجلب الاهتمام وانا ما اقلط عليك الفكره ، ، البـايده اليا فقدتك مابعدك في حياتي ، مرام واليا لقيتـك ما قبلك فرصةٍ فايتــه ! غويت في ماورى الشرهه ودون الحرام والمجـد للغاوي اللي يعشق غوايته عرفت منك الغرام ولا عرفت " الغـرام شيٍ من الروح ما يدرى وش حكـايته فوضى ، مشاعر و صدق ، وتضحه والتزام بيـاعته فـ السماء ، وفـ الصبح شرايته جيتك مجي الكرام ، ، ، اللي تحب الكرام واخترت دربٍ توقف عندك " نهايته " ان كان جيتي ؟ مجيك فوق صدري وسام وان كان رحتي ؟ فمان الله " ورعايته "

‏أسامر طيوفك .. كل ما غابوا السمّار ‏مع إني وحيد شلون ماآحس بالوحدة ‏ورى كل بسمة فاتنة .. تلفت الأنظار ‏عليها المشاعر فـ آخر الليل متحدة ‏حبيبي لا تخشى ضيعتي والحياة أقدار ‏ضياعي حقيقة عمر ماهيب منجحدة ‏تبيها وصل ، ولا تبيها ( فراق ) اختار ‏أنا ما قدرت أختار منها !.. ولا وحدة

‏ان زانت أيامنا والا بعد شانت ‏إليا متى وانت هقواتك تدحرجها ؟ ‏لامنّها ابطت ليال العيد مابانت ‏الله يخارجك والا الله يخارجها ‏بدوّر شفوف نفسي وين ماكانت ‏وأدّفها دفّ لين الله يفرجها !

ماجيت اسمعك الكلام اللي تبيه جيت أودع الذكرى القديمة فِ للحد خل الكلام الحاد والرأي الوجيه يمكن يكون الكلام أقسى وحد ماكنت وجه وبس من ضمن الوجيه انسان عاهدني على شي ، ، ، وجحد انت الشعور اللي ماقد حسيت فيه وانت الكلام اللي ماقد قلته لاحد .