مُوَارَبَة

ما أنت بكفو للسهر والحزن والغيره ودموعي، وشِعري الموزون، وأوراقي كرت أحمر.. وباب طيّاره وتسفيره في قلعة وادرين وبـ ألف طقاقي

‏القصايد قبل أعرفك ما تعرف إلهامي ‏وذا قصيدي من عرفتك منفرد بإسلوبه ‏كل ما غنيت وجتاح الحنين أنغامي ‏ذكرياتك زادت أبياتي طرب وعذوبه ‏يا نديمي لو تذكرت بـ مداك أيامي ‏من بعيد اذكر هوانا لا تقرب صوبه ‏من تلقينا وأنا ادري ان الوداع إلزامي ‏من قبل وقت ألقى و أقدارنا مكتوبه ‏بين عثرات الرحيل و رجعتي واقدامي ‏ما نجا غير الرحيل الي نجا باعجوبه

‏ولازال الهوى تقوى رياحه لين زال الباب ‏وشرّع لك مواطن خافقٍ ماهو على خبري ‏من الله والله اني ما نويت وما حسبت حساب ‏من الله والله اني حيل حبيتك وأنا مدري ‏تمر بدنيتي وجهٍ يحسبونه مثل الأصحاب ‏وأنا لا مرني وجهك أغني له وطن عمري

‏"عن حديث العيون ولذة التلميح ‏يستدل العمر مجراه .. وشروقه ‏لفحة ٍمن نسيم الفجر والتسبيح ‏وراحة ٍمن هجوع الناس مسروقه"

‏أتهجى صفحة الأيام وأسرقك لـ وقوفي ‏كل ما زل القصيد أشوف جياتك وديعه ‏آه يا صبري عليك وآه يا صمتي وخوفي ‏عاشقك لو طاع عينك يا حبيبي من يطيعه ‏أتردد لكن الليلة سرت عنها طيوفي ‏وأنت لا بالك طويل ولا سما صدرك وسيعه ‏رد لي كل السنين الأوَّله أو رد جوفي ‏طالبك…

‏أتهجى صفحة الأيام وأسرقك لـ وقوفي ‏كل ما زل القصيد أشوف جياتك وديعه ‏آه يا صبري عليك وآه يا صمتي وخوفي ‏عاشقك لو طاع عينك يا حبيبي من يطيعه ‏أتردد لكن الليلة سرت عنها طيوفي ‏وأنت لا بالك طويل ولا سما صدرك وسيعه ‏رد لي كل السنين الأوَّله أو رد جوفي ‏طالبك لا تترك أيامي تشردّها القطيعه ‏الشتا لو جوَّدته النار كيف أخيط صوفي ‏في شذى غيمٍ يشد الروح بارقه ولميعه ‏ان تركت كتاب ضحكاتك على عاتق رفوفي ‏ما قدرت ترد قلبٍ جفف التغريب ريعه ‏أنت نورك يكفي انه ينسج الضحكة لـ شوفي ‏والله انه أجمل بواجد من أحداث الطبيعه ‏طلّ من فوق الحقايق وألمس البرد بـ كتوفي ‏لين أعوّد شعلةٍ حمرا على راس الطليعه ‏أستطعت أعيش لكني فقدت أحلى ضيوفي ‏عاد لو بكرهك هذا هو اللي ما أستطيعه ‏ ‏وبعتني قبل أتبصَّر في مشاويرك شفوفي ‏ولا أنا قلبك لو انه في يديني كيف أبيعه ‏قرّب ركابك وقِل لآخرك لا من حب يوفي ‏لا تعلق خاطري في صيفه وتسرق ربيعه ‏جيت من كل الدروب وشدد أيامك نكوفي ‏ما قدرت ألحق هواك وخطوة أيامك سريعه ‏هات كفك والله اني باسطٍ لأجلك كفوفي ‏جعل تفداك الكفوف الطيبة قبل الوضيعه ‏أتعقَّل في ديارك وأتجرَّد من سيوفي ‏كل ظلّ معك أحبه كل دربٍ فيك أضيعه ‏أقرا لي من فارق الأبيات لا زلّت حروفي ‏القصيدة من شهدك أحلى ومن صوتك بديعه ‏ما سريتك بالليالي لأجل أجمع بك صفوفي ‏المساري تحتفل لا صارت لـ وصلك ذريعه ‏أنت تعرفني وتفهم حزني وتجهل وصوفي ‏يتصنع خاطري نسيانك ويخسر صنيعه ‏ليش ضاقت من بعدك الأرض وأحتالت ظروفي ‏وأنت لا منك ضحكت تعوّد الدنيا وسيعه

‏أخافك مثل ما أخاف القدر وادري ماردك خوف ‏شعورك يشبه أحلام العروبي في فلسطينه ‏أنا مستغرب أنك هالكثر في داخلي مألوف ‏مع أن ما بينك و بين الحشا ذيك الطمأنينه ‏عليك من السماح اللي حشا مايلحقك بحسوف ‏صفا قلبي و لو انها تهامز لي شياطينه ‏أعرف أن الأوادم مرحله و ان القلوب ضيوف ‏مرد الملفي بيقفي و يستودع محبينه ‏مطر عين وهوى روح و دوي بال وحشايش جوف ‏و صدرٍ من قسا صحراه ما تنبت بساتينه ‏على قلب الكتوم اللي يلعثم بالحديث حروف ‏كلامً ما يعرف يقوله إلا في دواوينه ‏يحاول يعتدل رغم انه المتطرف المشعوف ‏ بعد ما ضيعت دربه حقايقه و تخامينه ‏تعلم يلجم أحساسه و لو هو تايقً ملهوف ‏و اذا هو ينكسر قلبه فدا ولا تنكسر عينه ‏تزاوى عن مشاريه العتب في ركنه المحفوف ‏ولا عادت تناديه أسالتهم لا أسالوا وينه ‏يعرفونه بضحكات السماحه وجهه المعروف ‏عسى ما شافت عيون البشر ما بينه و بينه ‏وله وجهٍ لـ ربه غير ذاك البيّن الموصوف ‏وعلى كل اتجاهات الصدف يا بيض وجهينه ‏كثر ما عاش متعامي مع الايام كان يشوف ‏وعلى قلة سنينه يا هوْ تعلّم من سنينه

‏"سيّد البال .. تاخذني عليك الطواري ‏أثر مالي لو يطول الجفا عنك صَدّة ‏أنت ليلٍ .. تخاطفني عليه المساري ‏وأنا ما جابني لك غير صدق المودّة ‏ودي آخذ من عيونك ومبسمك ثاري ‏شي يوخذ بـ لين وشي يوخذ بـ شدّة ‏عاد وإن بان بين الساعدين إنكساري ‏من يلوم القوي لا بيّح الشوق سدّه؟"

‏عليك أخاف من جرح الكلام و لوعة التدقيق ‏و أحنّك من قساي ومن قسى الايام و آوي لك  ‏لك الله ماقدرت أسلا بعدك ولا قدرت أطيق ‏تفاصيل الحياه اللي مافيها من تفاصيلك  ‏يثير الليل شوقي — والنهار يزيدني تشويق ‏من الأسرار وش درّا النهار اني صبا ليلك  ‏يا ربّة قلبي اللي ما لقى في غيرك التوفيق ‏ولا يوصل مقامه فـ الغرام إلاّ مواصيلك  ‏تعبت مْن الحقيقه والحقيقه ماتبي تحقيق ‏واكذّبها عن الشكه و اصدق كذبة أبريلك  ‏شعور الحب في قلب الشجاع أكرم من التلفيق ‏لذا ما أعرف اغنّي فيك ، كثر ماعرف أغني لك

‏يادرع جنبي فالليال المشاهيب ‏ قرم عن دروب الهلايم منزّه ‏أنا أعتزي بك ياعطيب المضاريب ‏و أفاخر بطاريك في كل حزه ‏ذراي لا هبت علي اللواهيب ‏كل كايدٍ عني بمتنك تكزه ‏لا شفت دمعي فالعيون المهاديب ‏كنك تشوف القصف في حرب غزه ‏ تشذب الضيقه عن الصدر تشذيب ‏تضيق لو جاني من الوقت غزة

‏أنا الطريق الممتلي بالمحطات ‏لا تخدعك رحابتي وأمتدادي ‏أعرف من الألوان لون البدايات ‏أخضر ويذبل ويتحول رمادي ‏وأجهل من التوديع كل العبارات ‏الا فمان الله وطيب وعااااااادي

‏«وليف قلبي ليتك خيال .. و بروق ‏ولا فيه شيٍ يحجب الشوف دونك» ‏— سلمان النصيف

«أهلاً هلا ياطيب يافل وزهر أهلاً هلا أهلاً هلا بأغـلى البـشر💕»

‏وغيّرت وجهات نظري في كل شي، أمّا غلاك؟ ‏ وجهة نظر « باعيش واموت » ما غيّرتها

‏أدري إن الكل يبحث عن تفاصيل الكمال ‏بالملامح و الطبايع و أعذب النطق الفصيح ‏و أدري إن لكلَّ حاجة مشرق و لحظة زوال ‏الصباحات و ليالي الشوق و أحزان الجريح ‏و أنت كامل زين ناقص طبع ما فيك إعتدال! ‏تزعجك نبرة عتاب و تفرحك كلمة مديح

‏تميل الدنيا وانا اثبت ولا اميل ‏ولو كثرت الطعنات ماباح سدي ‏ربوني اللي من زحول الرياجيل ‏متوارثين الطيب من طيب جدي ‏أعطي قفى لملفقين الأقاويل ‏هرج القفى ما يجيب حتى يودي ‏وماهو غريب ان كثروا فيني القيل ‏لعيون مثلي تقوم ثورة تحدي ‏مع القلوب الصافيه نوفي الكيل ‏ولا الردي لامات مات متردي

‏ممشوقةٍ لامن تمادت فالتغطرس والغرور ‏راحت معها أرواح خلق الله تقوم وتستعد ‏على مشاعرها يميل أحساس ويغني شعور ‏وعلى مفاتنها يموت الغدر ويعيش الوعد ‏توالفتني لين جاني من تغنجها ضمور ‏عن كل ريانة قوام وكل نقاضة جعد ‏عسى القصيد الي عليها كنه وسم البكور ‏عن القصيد الي مايصلح لايغن ولايعد

‏يمكن اكذب ؛ بس مانيب في حبًك كذوب ‏كنت واضح والمحبّه عذاب الواضحين ‏و يوم في قلبي ضمنتي مكانك يا اللعوب ‏استويتي فوق عرشه وقمتي تلعبين ‏غطرسك عشقي و خلاك شرّابة هبوب ‏كنّك اخر بنت فوق البسيطة تدرجين ‏لين شفتك تلبسين المكابر لبس ثوب ‏والمكابر يخنق الشوق ويهين الحنين ‏يتبعك قلبي و قلبي عماوي مايتوب ‏يوم عقلي ينصحه عنك اشد الناصحين ‏وش يسوي فيه لا صار غادي و مغَلوب ‏الشجاع الي تجابن تحت غرة جبين ! ‏ذاب من جمرة شفاتك و لا احَسبه يذوب ‏ولان من رقة عويدك و لا احَسبه يلين ‏جل من صوّرك ما فيه في حسنك عيوب ‏كل شيٍ فيك اشوفه يسر الناظرين ‏في طرف شفرات رمشك مفاتيح القلوب ‏وفي كنف خدّك تربّع مغاتير السنين ‏يا صغيرة شايف حبّنا وجهه شحوب ‏اسمعيني ما بقى عندي الا كلمتين ‏كان حبك ذنب فرقاك تكفيرة ذنوب ‏ودي احفظ ما بقى لك من الود الدفين ‏وأدري إن فراقك اقسى من النار الشبوب ‏مير آبا اصبر لو اثرها على وجهي يبين ‏واحدٍ قد طاح ف الحب والا ف الحبوب ‏تتّضَح تاثيرها فيه لو هو شيخ دين

‏«عرفت اكتب شعوري ما عرفت ابكيه ‏أثر جرح الهوى مبلي من ضماده! ‏من يعالج جروح القلب؟ من يشفيه؟ ‏حسبت الشعر بيفيده ولااااا فاده»

‏أبتديتك وأنتهيتك وأنقفل موضوعك ‏لا تجي وإن طال بعدي عنك لاتمنّاني ‏الخطا ماينمحي لو تغسّله بدموعك والله ‏إن تبطي تدوّرني ولا عاد تلقاني ‏والله إن أبطي وأنا مركاي بين ضلوعك ‏والله إن تبطي تناساني ... ولا تنساني