Dilobar_O'rolova

КЎНГИЛДА ҚОЛИНГ У, КЎНГИЛДАН ҚОЛМАНГ ✍ Дилобар Ўролова 🎙 Осиё Мухтарова @uralova_dilobar

*** Эй, дўстим уч кунлик дунё деб ёнма, Дарду ҳасратингни олисга ташла. Эрта не бўлишин билмайсан, тонма, Бугунни энг сўнгги кунингдек яша. Иш, рўзғор деб чопиб ҳолдан толасан, Англасанг ҳар кундан ибрат оласан. Умр ўтиб кетар, сезмай қоласан, Бугунни энг сўнгги кунингдек яша. Юрагингни сиқма арзимас ғамга, Кўзларинг беҳуда тўлдирма намга. Қайтиб келмайсан-ку, аҳир оламга. Бугунни энг сўнгги кунингдек яша. Иймонинг бут қилиб ибодатда бўл, Эзгулик йўлида, ҳидоятда бўл. Мазлумга қўл чўзиб ҳимоятда бўл, Бугунни энг сўнгги кунингдек яша. Яшашдан мақсад не, ўйлагин бир зум, Умрингни ғамларга айлама маҳкум. Кулиб юр, ярашар ахир табассум, Бугунни энг сўнгги кунингдек яша. Уйингни бахт, шодлик турсин тўлдириб, Куйма, фақат юргин кулиб, кулдириб. Савоб ишлар учун қолгин улгуриб, Бугунни энг сўнгги кунингдек яша. Лек қилган амалинг бўлмасин риё, Киприкдаги ёшдек омонат дунё. Ижарада турган меҳмонмиз гўё, Бугунни энг сўнгги кунингдек яша. ✍ Дилобар Ўролова @uralova_dilobar

*** Қандай инсон бўлдим нолисам агар, Ҳақ битган тақдирга айласам исён? Бомдодларим қазо бўлсалар саҳар, Ўрнида ўқилмай қолса гар ҳуфтон. Аллоҳ минг берганин индамай олиб, Бир бор бермаганда бўлсам норизо. Охират ўйлари бир четда қолиб, Ёлғон дунёларда айласам ялло. Гуноҳлар қилсаму, тавба билмасам, Ўз ўрнин билмаса бетоқат сабрим. Бугун ёруғ кунга шукр қилмасам, Эртага зулматга тўлмасми қабрим. Битта сўз айтолмай дунё саҳнида, Шунчаки тирикман, урмоқда юрак. Уйғониб, кўзларим очиб вақтида, Бас, ўзимни англаб олишим керак. ✍ Дилобар Ўролова. @uralova_dilobar

Сизни Яратган зот албатта сизни яхши кўради! Йўқса бу тонг сизни қайта уйғотмаган, тонгги мусаффо хаводан нафас олдирмаган, олам гўзалликларини кўришга чорламаган бўларди. Бугуннинг хайру барокати барчамизга ҳамроҳ бўлсин. @uralova_dilobar

Ассалому алайкум! Тонгга соғ-саломат етмоқлик бахти, Сиз-у бизга насиб этибди, шукр! Райхонлар бўй чўзган ҳовли саҳнида, Қуёш чиқишини кўриш ҳам ҳузур. Шукронага тўлар дилинг ҳавасда, Янги орзу сари жўшар янги шаҳд. Тонгларда сен учун дуо қилгувчи Ота-онанг бўлса, шудир асл бахт! Дилобар Ўролова @uralova_dilobar

💕💕KEL💕💕 Jondan oʻtsa ozor, qiynoqlar, Qarovsiz gullardek soʻlamiz. Yetar shuncha alam, firoqlar. Kel, bugundan baxtli bo'lamiz! Toʻplamaymiz dilga toshlarni, Toʻkmaymiz behuda yoshlarni. Magʻrur tutib aziz boshlarni, Kel, bugundan baxtli bo'lamiz! Gʻam soʻzini oʻchirib tamom, Yoʻl olamiz shodliklar tomon. Oʻzimizni avaylab omon. Kel, bugundan baxtli bo'lamiz! Qara, bizga quyosh kulmoqda, Mehr nomli sabo elmoqda. Ishon, goʻzal kunlar kelmoqda, Kel, bugundan baxtli bo'lamiz! ✍ Dilobar Oʼrolova @uralova_dilobar

Алҳамдуллиллаҳ! Кечаги кундан ҳулосам учун... Янги БУГУНим учун... Эртадан умидим учун... Алҳамдуллиллаҳ! Ҳаммаси учун! @uralova_dilobar

Ўрганиб қолдим.. ✍ Дилобар Ўролова 🎤Шахло Хон @uralova_dilobar

*** Kerakmas yupanchlar yoki tasalli Qismatga roziydim boshdan avvali Aldama bari zo'r boʻlar deb xali Baxtim jim kutishga oʻrganib qoldim. Qoʻyaver koʻz yoshim... qilmagin parvo. Tashakkur taqdir ne atasa ravo. Yupatma, xilvatda yosh toʻksam goho, Men alam yutishga oʻrganib qoldim. Eshiklar yopiladi...keyingi bekat- Shodlikmi, ishq qasri boʻladi albat. Bir olam sevinchlar ichidan faqat Boʻshliqni tutishga oʻrganib qoldim. Xotirjamlik soʻrab Qodir Xudodan, Kuch oldim besh mahal faqat duodan. Kulib jim bariga, yolgʻon dunyodan, Indamay oʻtishga oʻrganib qoldim. ✍ Dilobar O'rolova @uralova_dilobar

Одамлар юзларини ҳар куни ўзгартириб турадилар. Шунинг учун қийматингни одамлар юзидан излама! (Аллоҳнинг ҳузуридан изла!) © Мустафо Маҳмуд @uralova_dilobar

-Бугун бормисиз? -Табассум қилинг! -Балки айни дам қандайдир синовга дуч келгандирсиз? -Табассум қилинг! -Одамларнинг макр-ҳийласидан, сизга нисбатан гина адоватидан қўрқманг ва ғамгин бўлманг! Балки табассум қилинг☺️🥰 Чунки Аллоҳнинг иродаси барчанинг хоҳиш-истакларидан устундир. Унутманг! Сиз аввало ўзингизга кераксиз ва табассум учун доим арзирли сабабларингиз бор. Ўзингизни асранг ! 🥰 @uralova_dilobar

Унутиш Сени унутмоққа етади кучим, Гарчи нигоҳларда соғинч сезилар. Кимсасиз саҳрога йўл оламан жим, Аммо юрагимдан недир узилар. Сени унутмоқлик муаммо эмас, Ўчираман ёддан сўзларинг барин. Ишқи бекамларга қилмайман ҳавас, Кўникиб кетаман кун ўтган сари. Сени унутайми, ўздан кечайми? Чалкаш фикрлардан дардларим ортган. Ишқ тилсимми, сирин топиб ечайми? Ёки оҳанграбо ўзига тортган. Сени унутаман, бу қатъий қарор, Севганим шунчаки хато эди бир. Шошибман, йўқ яна илтимосим бор, Шу кеча сўнгги бор тушларимга кир. ✍ Дилобар Ўролова @uralova_dilobar

Аллоҳим юрган йўлингизни хайрли, борар манзилингизни гўзал, ҳамрохларингизни самимий қилсин😍 @uralova_dilobar

Sogʻinch Bir xovlida yashar edik chugʻurlashib, Neki boʻlsa, birga baham koʻrar edik. Tortishardik gohi tinmay bidirlashib, Baxtning daryosida suzib yurar edik. Shamoldek tez yillarimdan ogʻrinaman, Sogʻinaman, bolaligim, sogʻinaman. Qoʻgʻirchoqqa talashganim opajonim, Borardik-a, birga dala- polizlarga. Diydoringiz istab mushtoq jonim manim,. Taqdir bizni uloqtirdi olislarga. Endi oʻzim yigʻlab, oʻzim ovunaman, Sogʻinaman opajonim sogʻinaman. Erkaliklar qilib aka-ukamga ham, Malikadek yashabman-a, gullab bogʻim. Soxtalikka uchrab boʻldi, koʻzlarim nam, Jigardek doʻst yoʻqligini bilgan chogʻim. Qadringizga yetmadim deb ogʻrinaman, Sogʻinaman, ogʻa-inim sogʻinaman. Oʻrtamizda yoʻllar, yillar qorabotir, Har kimning bor oʻz tashvishi, roʻzgʻor boʻlak. Koʻnglimizni sugʻoradi oʻsha xotir Diydor sari talpinadi bedor yurak. Buhun yana sogʻinchlardan devonaman, Sogʻinaman, jigarlarim sogʻinaman. ✍ Dilobar O'rolova @uralova_dilobar

Ҳаёт-биз унга қандай қарашимизга боғлиқ. Унга кулиб қаранг, у ҳам сизни қувонтиради. Муаммоларим билан қандай кулай, чарчадим деманг. Сиз учун нима хайрли эканини билмайсиз-ку. @uralova_dilobar

Ошиқона❤️❤️❤️ 🎤 Шахло Ботирова ✍ Дилобар Ўролова @uralova_dilobar https://t.me/Botirova_Shahlo

ОНАЖОН Қандай фарзанд бўлдим ҳолин сўрмасам, Кундалик юмушлар адо бўлмайди. Нурли чеҳрасини агар кўрмасам, Ўпкам тўлаверар, кўнгил тўлмайди. Меҳрибон, мунисим соғиндим яна, Бу шундай ёқимли, фарахбаҳш соғинч. Йўқламадинг деб ҳам қилмайсиз гина, Сиз сабр тимсоли, қалбларга илинж. Она, сизга лойиқ фарзанд бўлсам бас, Бошқа ҳамма нарса иккинчи ўрин. Ҳеч бир юмуш сиздан муҳимроқ эмас, Тўлдириб ўтиринг уйингиз тўрин. Номингиз мадҳ этдим куйу-баётда, Сиз қалбим олмоси, гавҳар дурдона. Минг турфа найрангги бор бу ҳаётда, Яхшиям сиз борсиз ғамхўрим ОНА! ✍ Дилобар Ўролова @uralova_dilobar

"Ким кўнгли синиқ инсонларга ёрдам берса, Аллоҳ таоло уни хавф-хатарлар ичидан қутқариб олади". Ҳаётингизга бирор хатар соя солар экан, ўзингиз таниган танимаган бирор қалби ўксиган инсонни хурсанд қилинг... Яхшиликларга тўла оламдаги яна бир яхши кунингиз муборак бўлсин! @uralova_dilobar

✍Дилобар Ўролова 🎙Гулруҳ @uralova_dilobar