Vagon xo'jaligi departamenti

Channel name was changed to «Vagon xo'jaligi departamenti»

🚉 2026-yil 24-iyun kuni “Harakat xavfsizligi kuni” munosabati bilan Vagon xo‘jaligi departamenti boshlig‘i Q.Q.Narzulloyev Qarshi vagon ekspluatatsiya uchastkasi filialiga tashrif buyurib, ishchi-xodimlar ishtirokida kengaytirilgan yig‘ilish o‘tkazdi. Yig‘ilish davomida poyezdlar harakati xavfsizligini ta’minlash borasida yo‘l qo‘yilgan nuqsonli ishlar va brak holatlari atroflicha tahlil qilinib, ularning kelib chiqish sabablari muhokama qilindi hamda kelgusida bunday holatlarning oldini olish yuzasidan zarur ko‘rsatma va tavsiyalar berildi. Shuningdek, harakat xavfsizligini yanada mustahkamlash maqsadida ishchi-xodimlarning texnik bilim va malakasini oshirish, o‘quv mashg‘ulotlarini tizimli ravishda tashkil etish, texnik xizmat ko‘rsatish punktlarini zarur ehtiyot qismlar va o‘lchov-shablonlari bilan ta’minlash masalalariga alohida e’tibor qaratildi. Yig‘ilishda “O‘zbekiston temir yo‘llari” AJ bosh muhandisi Sh.T.Kadirovning 2026-yil 22-iyundagi 348-НЗ-sonli buyrug‘iga asosan o‘tkazilayotgan “Harakat xavfsizligi oyligi” doirasidagi tadbirlarni sifatli tashkil etish va belgilangan vazifalarni o‘z vaqtida bajarish yuzasidan tegishli mas’ullarga aniq topshiriqlar berildi. 🚆 Harakat xavfsizligi — temir yo‘l transporti faoliyatining ustuvor yo‘nalishi va har bir xodimning mas’uliyatli yondashuvini talab etuvchi muhim vazifadir. https://t.me/vche_qarshi

Harakat xavfsizligi kuni Joriy yilning 24-iyun kuni "Vagon xo'jaligi departamenti" boshlig'i o'rinbosari X.I.Turdiboyev tomonidan Qo'qon vagon ekspluatatsiya ichastkasi hamda Qo'qon vagon deposiga nazorat safari amalga oshirildi. Nazorat jarayonida vagonlarning texnik holati, ularning ekspluatatsiya talablariga muvofiqligi, rejali ta’mirlash ishlari hamda texnik xizmat ko‘rsatish jarayonlari atroflicha ko‘zdan kechirildi. Shuningdek, ishchi xodimlarning xizmat vazifalarini mas’uliyat bilan bajarishi, texnika xavfsizligi qoidalariga qat’iy rioya etishi va harakat xavfsizligiga to‘sqinlik qiluvchi holatlarga yo‘l qo‘ymaslik masalalariga alohida e’tibor qaratildi. Depo ta’mirlash sexlarida amalga oshirilayotgan ishlar, ehtiyot qismlar bilan ta’minlanganlik holati, mehnat sharoitlari hamda ishlab chiqarish jarayonlarining samaradorligi batafsil o‘rganildi. Ishchi xodimlar bilan texnik mashg'ulotlar o'tkazilib, so'ngi vaqtlarda yuz bergan nuqsonli holatlar bilan qayta tanishtirildi.