UYFC Phnom Penh

ប្រតិភូថ្នាក់ដឹកនាំ គ្រូបង្វឹក កីឡាករ និងកីឡាការិនី មកពីសហព័ន្ធកីឡា​ ចំនួន៣ រួមមាន សហព័ន្ធកីឡាឡើងភ្នំកម្ពុជា សហព័ន្ធកីឡាបាល់បោះរទេះជនពិការកម្ពុជា និងសហព័ន្ធកីឡាតេក្វាន់ដូ ITF កម្ពុជា បានអញ្ជើញចូលជួបសម្តែងការគួរសម និងថ្លែងអំណរគុណចំពោះ ឯកឧត្តម សាយ សំអាល់ ប្រធាន ស.ស.យ.ក. រាជធានីភ្នំពេញ ចំពោះការយកចិត្តទុកដាក់ និងការគាំទ្រជាបន្តបន្ទាប់ដល់វិស័យកីឡា និងកីឡាករ កីឡាការិនីកម្ពុជា។ ឯកឧត្តមប្រធាន បានកោតសរសើរ និងវាយតម្លៃខ្ពស់ចំពោះថ្នាក់ដឹកនាំសហព័ន្ធកីឡា ព្រមទាំងកីឡាករ កីឡាការិនី ដែលបានខិតខំប្រឹងប្រែង និងលះបង់ដើម្បីលើកស្ទួយវិស័យកីឡាកម្ពុជា។ ឯកឧត្តមប្រធានក៏បានលើកឡើងពីការផ្តើមគិតគូរផ្នត់គំនិតថ្មី ដើម្បីធ្វើឱ្យកីឡាក្លាយជាផ្នែកមួយនៃជីវិតរស់នៅ ស្របតាមទិសស្លោក «កីឡារស់ក្នុងសន្តិភាព» ដោយផ្តើមពីការធានាជីវភាពរបស់ប្រជាជនកម្ពុជា រួមទាំងអ្នកកីឡា ឱ្យមានដំបូលលើក្បាល ម្ហូបលើតុ មានការងារធ្វើ មានប្រាក់ចំណូល កូនទៅរៀន និងមានពេលលំហែ ដើម្បីបង្កលក្ខណៈឱ្យទេពកោសល្យ និងចំណង់ចំណូលចិត្តរបស់មនុស្សម្នាក់ៗកាន់តែលេចឡើងក្នុងកម្រិតមួយកាន់តែច្រើន ដែលវាក៏ផ្សារភ្ជាប់ជាមួយនឹងការអប់រំកុមារតូច ដោយរៀបចំថ្នាក់រៀនឱ្យបានស្រឡះ បន្ទប់ទឹកស្អាតបាត និងទីធ្លាសម្រាប់លេងនិងលំហែ ដើម្បីពង្រឹងកាយសម្បទា និងកសាងទំនាក់ទំនង ផ្នត់គំនិត ព្រមទាំងទម្លាប់នៃការរស់នៅ។ JOIN 🌐@UYFC Phnom Penh 🌐 | FACEBOOK 🌐 | TIKTOK

GAW SERIES: BREAK THE BARRIERS TO STUDY ABROAD FAIR🎓🌏 តស់! ចូលរួមកម្មវិធី GAW Series: Break the Barriers to Study Abroad Fair ដើម្បីមានឱកាសជួបផ្ទាល់ជាមួយតំណាងសាកលវិទ្យាល័យល្បីៗ ស្វែងយល់ពីមុខជំនាញ និងឱកាសការងារ ចូលរួមសិក្ខាសាលា និងទទួលបានការប្រឹក្សាដោយឥតគិតថ្លៃ ព្រមទាំងព័ត៌មានសំខាន់ៗអំពីអាហារូបករណ៍ ការដាក់ពាក្យចូលរៀន និងទិដ្ឋាការសិក្សា។ 📅 ២២ សីហា ២០២៦ 🕘 ៩:០០ ព្រឹក – ៥:០០ រសៀល 📍 GIA Tower ជាន់ទី៨ 🎟️ ចូលរួមដោយសេរី 🔗 ចុះឈ្មោះចូលរួម៖ https://forms.cloud.microsoft/r/aHYnt4WbaC 📞 023 902 903 | 017 548 354 | 081 636 360 JOIN 🌐@UYFC Phnom Penh 🌐 | FACEBOOK 🌐 | TIKTOK

អង្គរបស់ភិក្ខុ មាន៤យ៉ាង🙏🏻🪷 ១. ពុទ្ធានុស្សតិ រឭករឿយៗ ដល់ព្រះពុទ្ធ ២. មេត្តា ត្រូវផ្សាយមេត្តា ៣. អសុភ ត្រូវចំរើនអសុភកម្មដ្ឋាន ៤. មរណស្សតិ រឭកដល់សេចក្តីស្លាប់ សូមអនុមោទនាថ្ងៃឧបោសថសីល🙏🏻🪷 JOIN 🌐@UYFC Phnom Penh 🌐 | FACEBOOK 🌐 | TIKTOK

📣‼️ចូលរួមដោយសេរីក្នុងវេទិកាអាហារូបករណ៍ និងជំនាញសិក្សា ២០២៦ ដែលរៀបចំឡើងដោយ សាលាភាសាបរទេសខេម-អាស៊ាន លីងឃ័រ និងស.ស.យ.ក រាជធានីភ្នំពេញ👏 ✍️វេទិកាអាហារូបករណ៍ និងជំនាញសិក្សា ២០២៦ ជាកម្មវិធីដែលប្រមូលផ្ដុំដោយឱកាសអាហារូបករណ៍ពីបណ្ដាសាកលវិទ្យាល័យទូទាំងប្រទេសជាង ៥០០ កន្លែង ពិព័រណ៌ឧត្តមសិក្សា និងវេទិកាពិភាក្សាអំពីការដាក់ពាក្យអាហារូបករណ៍ និងជ្រើសរើសជំនាញសិក្សាថ្នាក់ឧត្តមសិក្សា🥰👏 ‼️អំពីកម្មវិធី៖ 🗓កាលរិច្ឆេទ៖ ៦ កញ្ញា ២០២៦ ⏰ពេលវេលា៖ ១៖០០ ដល់ ៥៖០០ រសៀល 📍ទីតាំង៖ ខេម-អាស៊ាន មានជ័យ ✍️សកម្មភាព៖ ពិព័រណ៌អាហារូបករណ៍ និងកិច្ចពិភាក្សា ✅អត្ថប្រយោជន៍នៃការចូលរួម៖ •ចូលរួមដោយសេរី •ផ្ដល់ជូនអាហារសម្រន់ •ឱកាសទទួលបានអាហារូបករណ៍ •រង្វាន់ និងកាដូ •ប្រឹក្សាអាហារូបករណ៍ជាមួយដៃគូសហការ •អ្នកចូលរួម 100 នាក់ដំបូងនឹងទទួលបានដបទឹក ឬសៀវភៅពី CAM-ASEAN •លិខិតសរសើរបញ្ជាក់ពីការចូលរួម 🔗លីងចុះឈ្មោះ៖https://forms.cloud.microsoft/r/hhN9YKdjBA ***ចំនួនមានកំណត់ (500នាក់) ការចុះឈ្មោះនឹងបិទបញ្ចប់ពេលគ្រប់ចំនួន‼️ 📱គ្រុប Telegram សម្រាប់អ្នកចូលរួម៖ https://t.me/+SjMiDmgPeu00ZjI1

អបអរសាទរទិវាយុវជនអន្តរជាតិ លើកទី២៧ ឆ្នាំ២០២៦ 🎊🎉 យុវជន គឺជាកម្លាំងចលករដ៏សំខាន់ និងជាធនធានមនុស្សដ៏មានសក្តានុពលសម្រាប់ការអភិវឌ្ឍប្រទេសជាតិ។ ការកសាងយុវជនឱ្យមានវិជ្ជាសម្បទា បំណិនសម្បទា និងចរិយាសម្បទា ប្រកបដោយគុណភាព គុណធម៌ និងសីលធម៌ គឺជាមូលដ្ឋានដ៏សំខាន់ក្នុងការធានាអនាគតដ៏រឹងមាំ និងចីរភាពរបស់សង្គមជាតិ។ ជាក់ស្ដែង ការអភិវឌ្ឍធនធានមនុស្ស ត្រូវបានរាជរដ្ឋាភិបាល នីតិកាលទី៧ នៃរដ្ឋសភា ចាត់ទុកជាអាទិភាពទី១ នៃ យុទ្ធសាស្ត្របញ្ចកោណ-ដំណាក់កាលទី១ ដោយផ្តោតលើការលើកកម្ពស់សមត្ថភាព និងគុណភាពប្រជាពលរដ្ឋ ជាពិសេសយុវជន។ សូមយុវជនគ្រប់រូបបន្តខិតខំរៀនសូត្រ អភិវឌ្ឍសមត្ថភាព និងចូលរួមក្នុងសកម្មភាពសង្គម ដើម្បីក្លាយជាកម្លាំងដ៏សកម្មក្នុងការរួមចំណែករក្សាសន្តិភាព ស្ថិរភាព និងជំរុញការអភិវឌ្ឍប្រទេសជាតិឱ្យកាន់តែរីកចម្រើន។ JOIN 🌐@UYFC Phnom Penh 🌐 | FACEBOOK 🌐 | TIKTOK

🎓 ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ បានបញ្ចប់ដោយជោគជ័យ! បន្ទាប់ពីការខិតខំប្រឹងប្រែងអស់រយៈពេល ១២ឆ្នាំ ទីបំផុតដំណើរជាសិស្សវិទ្យាល័យរបស់ប្អូនៗបានមកដល់ទីបញ្ចប់។ សូមប្អូនៗសម្រាកលំហែ ចំណាយពេលជាមួយក្រុមគ្រួសារ និងរង់ចាំលទ្ធផលដោយភាពជឿជាក់។ ចាប់ពីនេះទៅ គឺជាពេលវេលាសម្រាប់ប្អូនៗរៀបចំផែនការសម្រាប់ជំហានបន្ទាប់ ស្វែងយល់ និងជ្រើសរើសជំនាញ និងសាកលវិទ្យាល័យដែលស្របនឹងសមត្ថភាព ចំណង់ចំណូលចិត្ត និងក្តីស្រមៃរបស់ខ្លួន។ ជំពូកមួយបានបញ្ចប់ ជំពូកថ្មីកំពុងចាប់ផ្តើម។ ដំណើរជីវិត និងឱកាសថ្មីៗកំពុងរង់ចាំប្អូនៗនៅខាងមុខ! JOIN 🌐@UYFC Phnom Penh 🌐 | FACEBOOK 🌐 | TIKTOK

យ៉ាងណាហើយ សម្រាប់ថ្ងៃទី១ នៃការប្រឡង? នៅសល់តែមួយថ្ងៃទៀតប៉ុណ្ណោះ ទំព័រជីវិតជាសិស្សវិទ្យាល័យរបស់ប្អូនៗ នឹងត្រូវបិទបញ្ចប់ជាស្ថាពរហើយ។ ជឿជាក់ថា ប្អូនៗបានខិតខំប្រឹងប្រែងអស់ពីសមត្ថភាពហើយ។ បើថ្ងៃនេះមានវិញ្ញាសាខ្លះធ្វើមិនសូវបានល្អ កុំបាក់ទឹកចិត្តអីណា។ សម្រួលអារម្មណ៍ ហូបចុកឱ្យបានគ្រប់គ្រាន់ សម្រាកឱ្យបានល្អ និងសន្សំកម្លាំងទុកសម្រាប់ថ្ងៃស្អែក។ ជូនពរប្អូនៗ ប្រឡងជាប់ ដោយទទួលបាននិទ្ទេសល្អគ្រប់ៗគ្នា។ JOIN 🌐@UYFC Phnom Penh 🌐 | FACEBOOK 🌐 | TIKTOK