@uzdsf

🌎3-Parashaxmat olimpiadasiga tayyorgarlik doirasida O‘zbekiston terma jamoasining 1-, 2- va 3-tarkiblari uchun o‘quv-yig‘in mashg‘ulotlari bo‘lib o‘tmoqda Mashg‘ulotlar davomida sportchilarning nazariy va amaliy tayyorgarligini yanada mustahkamlash, musobaqaoldi holatini yuqori darajaga olib chiqish hamda jamoaviy uyg‘unlikni oshirishga alohida e’tibor qaratilmoqda. 🧾Mazkur o‘quv-yig‘inlar jamoalarimizning nufuzli xalqaro musobaqadagi munosib ishtiroki uchun muhim tayyorgarlik bosqichi hisoblanadi. 🕊Telegram 📱Instagram 🔹 Facebook 🌍Veb sayt

Surdo karate bo'yicha O'zbekiston chempionati g'oliblari aniqlandi Namangan viloyati sport  boshqarmasi axborot xizmati 🌐Web-Sayt |📝Telegram | 📝Facebook | 💻Instagram | 🎞Youtube

Ўзбекистонда илк бор сурдо каратэ бўйича мамлакат чемпионати ўтказилди! Наманган вилояти Давлатобод туманида қадимий Шотокан каратэ-до услубида сурдо каратэ бўйича мамлакат чемпионати юқори савияда ташкил этилди. Мусобақада республикамизнинг турли ҳудудларидан ташриф буюрган қарийб 100 нафар кар ва заиф эшитувчи спортчи турли ёш ҳамда вазн тоифаларида ғолиблик учун баҳс олиб борди. Чемпионат давомида нафақат спортчилар, балки уларни тайёрлаган мураббийлар меҳнати ҳам муносиб эътироф этилди. Мураббийларга ташаккурномалар, иштирокчиларга эса медаллар, дипломлар ҳамда Давлатобод тумани ҳокимлиги томонидан тақдим этилган эсдалик совғалари топширилди. Ушбу тарихий чемпионат мамлакатимизда инклюзив спортни ривожлантириш, янги иқтидорларни кашф этиш ва сурдо каратэни янада оммалаштириш йўлида муҳим қадам бўлди. 🇺🇿«Орзу ва ҳаёт»ижтимоий лойиҳасининг саҳифаларига обуна бўлинг📱 ✅Telegram💬Facebook 📹YouTube🤖Murojaatbot

🏆 G‘alaba muborak! Uchtepa tumani yana bir yuksak yutuq bilan faxrlanadi! Olimpiya shaharchasida “Besh tashabbus paralimpiadasi” ommaviy sport musobaqalarining respublika final bosqichi g‘olib va sovrindorlarini tantanali taqdirlash marosimi bo‘lib o‘tdi. Musobaqada Uchtepa tumani “Hamdust” mahallasi vakili Ligay Elvera surdo badminton yo‘nalishida yuksak mahorat namoyon etib, faxrli 1-o‘rinni qo‘lga kiritdi. Ushbu yutuq nafaqat sportchimizning mehnati va qat’iyatining, balki yurtimizda imkoniyati cheklangan sportchilarni har tomonlama qo‘llab-quvvatlash borasida olib borilayotgan islohotlarning ham yorqin ifodasidir. 🏅 Ligay Elverani ushbu ulkan g‘alaba bilan samimiy tabriklaymiz! MATBUOT XIZMATI 📥Biz bilan birga bo‘ling — ijtimoiy tarmoqlarda kuzatib boring! 🌍 Web-site 📸 facebook 💬instagram 📹 youtube

🖐 Besh tashabbus paralimpiadasining bu yilgi mavsumi ham tarix sahifalariga muhrlandi 🧑‍🧑‍🧒 Yuz ming qamrov — bu shunchaki raqam emas, yuz ming qalbga yetib borgan ishonch va ilhomdir. Final bahslarida ishtirok etgan 364 nafar qahramon esa nafaqat g‘alaba uchun, balki matonat, iroda va orzuning chegarasi bo‘lmasligini namoyon etdi. 📰Har bir medal ortida mashaqqat, har bir olqish ortida mehnat va yana har bir tabassum ortida esa yengilgan qiyinchiliklar mujassam. 🥳 Barcha ishtirokchilar, shu jumladan, g‘olib va sovrindorlarni samimiy muborakbod etamiz! Bu g‘alabalar yangi marralar sari qo‘yilgan ishonchli qadam bo‘lsin. 📱 Instagram | 📱 Facebook 📱 YouTube  |📱 Telegram

Bugun men uchun alohida ahamiyatga ega bo‘lgan mukofotni qabul qildim. “Jismoniy tarbiya va sport a’lochisi” ko‘krak nishoni bilan taqdirlanganimni katta sharaf va mas’uliyat deb bilaman. Avvalo bu e’tirof — Ijtimoiy himoya milliy agentligi tizimida mehnat qilayotgan minglab fidoyi xodimlarimizning, bir maqsad yo‘lida ishlayotgan katta jamoamizning xizmatlari e’tirofidir. Bugun nogironligi bo‘lgan shaxslar uchun sport bilan shug‘ullanish imkoniyatlarini kengaytirish, adaptiv sportni rivojlantirish va inklyuziv jamiyatni barpo etish yo‘lida ko‘plab ishlar amalga oshirilmoqda. Bu natijalar har bir hududdagi mutaxassislarimiz, hamkor tashkilotlar va ushbu yo‘nalishga befarq bo‘lmagan insonlarning birgalikdagi mehnati samarasidir. Ushbu yuksak e’tirof uchun samimiy minnatdorlik bildiraman. Bu mukofot bizni yanada mas’uliyat bilan ishlashga, inson manfaatini ustuvor qo‘ygan holda yangi tashabbuslarni amalga oshirishga undaydi. Ishonchim komilki, birgalikda nogironligi bo‘lgan shaxslar uchun yanada ko‘proq imkoniyatlar yaratish yo‘lida izchil mehnat qilishda davom etamiz. Telegram | Facebook | Instagram