السيره النبويه ❤️.

طيب دلوقتى النبى خارج خلاص للغزوة, وولى أمير على المدينة هو: "على بن أبى طالب".. فالنبى يروح لعلى ويقول له: "يا على, ابقى بالمدينة, واحفظها فى غيابى".. وفضل علي فى المدينة وخرج النبى مع الجيش.. لكن المنافقون قالوا: "ما ترك النبى علي إلا استثقالا منه لعلى" يعنى النبى ساب سيدنا على فى المدينة عشان تقيل على قلبه والنبى مش بيحبه! فطبعاً سيدنا علي سمع كلام المنافقين, وبسرعه جرى وراء النبى ولحقه, وقال له: "يا رسول الله, يقولون أنك تركتنى استثقالا منك الى", فقال النبى: "كذبوا والله يا على، بل انى تركتك على أهلى وأهلك، يا على, أما ترضى أن تكون منى كمنزلة هارون من موسى غير انه لا نبى بعدى؟!".. فقال علي "رضيت يا رسول الله".. ورجع سيدنا علي للمدينة رضى الله عنه وأرضاه. وصل النبى عليه الصلاة والسلام لمنتصف الطريق, وطول السكه كان النبي صلى الله عليه وسلم كل شويه يلقى نظرة على الجيش ويتمم على وجود الجميع فقال: ", "أين أباذر؟", فالصحابة بصوا حواليهم فملقوش أبو ذر, فيقولوا للنبى انه مش موجود.. فيقول النبى: "ان يكن فيه خيرا يلحقه الله بنا, وإلا فقد أراحكم الله منه".. يعنى كأن اللى بيدافع عن النبى لسه فيه خير, واللى تخلف عن النبى ومش هيدافع عن الدعوة, ده شخص مفيهوش خير.. وقيسوا بقي الكلام ده علينا دلوقتى.. المهم بعد شوية يشوف النبى عليه الصلاة والسلام خيال جى من بعيد, فيقول النبى: "كن أبا ذر. كن أباذر".. فلما اقترب الرجل, قال المسلمين: "هو يا رسول الله", فيفرح النبى به ويسأله: "أين كنت يا أباذر؟", فيقول: "والله يا رسول الله, كان بعيرى بطئ, فقفزت من عليه وجئت سيرا على قدمى", فيبتسم النبى ويقول: "يرحم الله أبا ذر.. يعيش وحده, ويموت وحده, ويبعث يوم القيامة وحده".. وفعلاً هيموت ابو ذر وحيداً زى ما قال النبى.. صدق رسول الله.. و بعد شوية يبص النبى حواليه تانى و يسأل عن سيدنا "أبو خثيمة", فيبص الصحابه فميلقوش ابو خثيمه فيقول النبى: "" ان يكن فيه خيرا يلحقه الله بنا, والا فقد أراحكم الله منه".. طيب فين أبو خثيمة؟ أبو خثيمة يوم خروج الجيش دخل بيته وكان غنى قوى و عنده زوجتين.. فلقى الماء البارد، والطعام حلو والجو رطب وجميل, فبصلهم وقال لنفسه: "سبحان الله. أيكون النبى فى الصحراء الى تبوك وحده, وأكون أنا فى هذا النعيم!! والله لا يكون ذلك أبدا". فكانت كل زوجة تروح له وتقدم له الشراب والطعام, فيقول: "والله, لا أذوق ذواقا حتى ألحق برسول الله", فعلا ركب ابو خثيمه فرسه وجرى عشان يلحق النبى.. ويشوف النبى خيال من بعيد فيقول: كن خثيمه.. كن خثيمه.. فيقرب خثيمه فالصحابه يقولوا هو يا رسول الله.. فيفرح النبى بيه قوى صلى الله عليه وسلم.. نكمل بكره إن شاء الله قصة حياة النبي صلى الله عليه وسلم♥️♥️

والمفاجئة إن فى صلاة الفجر, وقف النبى عليه الصلاة والسلام على باب المسجد وقال: "أين المتصدق بعرضه البارحة؟", فسمع علبة النداء وجرى بسرعه على النبى وقال: "أنا يا رسول الله", فالنبى قال له: "أبشر, فإن الله عزوجل قد قبل صدقتك".. تخيلوا ربنا اوحى للنبى عشان يفرح قلب علبة بقبول الصدقه دى شايفين قد ايه صدقة العرض غالية على ربنا.. لان دى بتحقق الاية الكريمة. طيب دلوقتى النبى بيجهز الجيش فتيجى مجموعه اسمها الأشعريون"دول قبيلة أبو موسى الأشعرى", وقالوا للنبى: "احملنا", يعنى اعطينا ناقة أو بعير نركب عليها عشان نطلع الغزوة وندافع عنك يا رسول الله.. احنا معناش فلوس نشترى., فالنبى قال لهم ان عدد البعير صغير وانه مش معاه.., فمشوا وبكوا (عشان كان نفسهم يطلعوا مع النبى عليه الصلاة والسلام.. فينزل قول الله تبارك وتعالى فيهم: "لَّيْسَ عَلَى الضُّعَفَاء وَلاَ عَلَى الْمَرْضَى وَلاَ عَلَى الَّذِينَ لاَ يَجِدُونَ مَا يُنفِقُونَ حَرَجٌ إِذَا نَصَحُواْ لِلَّهِ وَرَسُولِهِ مَا عَلَى الْمُحْسِنِينَ مِن سَبِيلٍ وَاللَّهُ غَفُورٌ رَّحِيمٌ وَلاَ عَلَى الَّذِينَ إِذَا مَا أَتَوْكَ لِتَحْمِلَهُمْ قُلْتَ لاَ أَجِدُ مَا أَحْمِلُكُمْ عَلَيْهِ تَوَلَّوْا وَّأَعْيُنُهُمْ تَفِيضُ مِنَ الدَّمْعِ حَزَنًا أَلاَّ يَجِدُواْ مَا يُنفِقُونَ"[سورة التوبة] بس ربنا هيجبر بخاطر الأشعريين, وهيزيد عدد البعير وهيناديهم واحد ويعطيهم البعير وفرحوا جداً جداً انهم هيقدروا يخرجوا مع رسول الله شوفنا الأغنياء تصدقوا لتجهيز جيش الغزوه بأموالهم وممتلكاتهم, طيب الفقراء عملوا ايه؟.. فى فقير راح للنبى عليه الصلاة والسلام وحط قدامه تمرة واحدة بس لانه مش معاه غيرها وييجى فقير تانى ويحط قدام النبى بعض الشعير.. فالمنافقون استغلوا الموقف ده واستهزءوا بيهم, فينزل القرآن فى سورة التوبة: "الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لاَ يَجِدُونَ إِلاَّ جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ" - وبدأ المنافقون يقدموا الأعذار لرسول الله عشان ميطلعوش معاه الغزوة.. فمنهم من تحجج بمرض زوجته, وحجج كتير تانيه, وينزل قول الله تعالى فيهم فى سورة التوبة: "وَجَاءَ الْمُعَذِّرُونَ مِنَ الأَعْرَابِ لِيُؤْذَنَ لَهُمْ وَقَعَدَ الَّذِينَ كَذَبُواْ اللَّهَ وَرَسُولَهُ سَيُصِيبُ الَّذِينَ كَفَرُواْ مِنْهُمْ عَذَابٌ أَلِيمٌ" لما خرج النبى للغزوة, فرح المنافقون بمقعدهم خلاف رسول الله, يعنى بقعدتهم فى المدينه ومخرجوش مع النبى.. فينزل فيهم القرآن ويفضحهم: "فَرِحَ الْمُخَلَّفُونَ بِمَقْعَدِهِمْ خِلافَ رَسُولِ اللَّهِ وَكَرِهُواْ أَن يُجَاهِدُواْ بِأَمْوَالِهِمْ وَأَنفُسِهِمْ فِي سَبِيلِ اللَّهِ وَقَالُواْ لاَ تَنفِرُواْ فِي الْحَرِّ قُلْ نَارُ جَهَنَّمَ أَشَدُّ حَرًّا لَّوْ كَانُوا يَفْقَهُونَ, فَلْيَضْحَكُواْ قَلِيلاً وَلْيَبْكُواْ كَثِيرًا جَزَاء بِمَا كَانُواْ يَكْسِبُونَ" ويجى واحد اسمه: "الجد بن قيس" للنبى ويقول له: "يا رسول الله, لن أستطيع الخروج معك. ائذن لى ولا تفتنى" يعنى ايه؟ يعنى أنا ضعيف من ناحية البنات, ولو شفت بنات الرومان الحلوين هسيب المعركة وهاتفتن بالبنات!.. فيحكى عنه الله تبارك وتعالى فى القرآن ويقول: "و َمِنْهُم مَّن يَقُولُ ائْذَن لِّي وَلاَ تَفْتِنِّي أَلاَ فِي الْفِتْنَةِ سَقَطُواْ وَإِنَّ جَهَنَّمَ لَمُحِيطَةٌ بِالْكَافِرِينَ" ويجى للنبى عليه الصلاة والسلام واحد من كبار المنافقين " عبد الله بن أبى بن سلول" ويعتذر للنبى ويقدم الحجج ويقول للنبى:" أصل المسافة بعيدة وأنا مش هقدر عليها", فيفضحه القرآن: "لَوْ كَانَ عَرَضًا قَرِيبًا وَسَفَرًا قَاصِدًا لاَّتَّبَعُوكَ وَلَكِن بَعُدَتْ عَلَيْهِمُ الشُّقَّةُ وَسَيَحْلِفُونَ بِاللَّهِ لَوِ اسْتَطَعْنَا لَخَرَجْنَا مَعَكُمْ يُهْلِكُونَ أَنفُسَهُمْ وَاللَّهُ يَعْلَمُ إِنَّهُمْ لَكَاذِبُونَ" - بعض المنافقين قالوا يا جماعة روحوا استئذنوا الرسول, فإن أذن لكم فاقعدوا, وان لم يأذن فاقعدوا ! فينزل فيهم قول الله تعالى فى سورة التوبة: "يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللَّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ". وتنزل آية صعبة جدا: "قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِي اللَّهُ بِأَمْرِهِ وَاللَّهُ لاَ يَهْدِي الْقَوْمَ الْفَاسِقِينَ"

الحلقة 87 من السيرة النبويه يلا صلوا على النبى🌸💜 غزوة تبوك (ج1) هنتكلم سوا النهارده عن اخر غزوة فى حياة رسول الله خلاص وفاة النبي قربت..💔 صلى الله عليك يا سيدى يا رسول الله.. غزوة تبوك كانت فى سنه 9 هجرياً من شهر رجب.. واتسمت بالاسم ده لأنها كانت فى منطقه تبوك.. وكمان ليها اسم تانى فى القرآن فى سورة التوبه وهو غزوة العسرة وده بسبب صعوبة الغزوة دى ومشقتها وكمان اتسمت فى السنة "بالفاضحه" لأنها فضحت المنافقون.. طب إيه قصتها الغزوه دى؟ فاكرين غزوة مؤته لما انتصرنا على الرومان.. فدلوقتى الرومان عايزين ينتقموا فهيجهزوا جيش من 40 ألف مقاتل .. وتوصل الأخبار للنبى ﷺ وهيخرج طبعاً لمواجهتهم وهيكون معاه 30ألف مقاتل من المسلمين ومش هيستنى لحظه.. وهيخرج بسرعه عشان الرومان مايهجموش على المسلمين فى المدينه.. الغزوة دى كانت صعبة جداً..لأن كانت المسافه بين المدينه وتبوك حوالى 1000كيلو.. المسلمين كان معاهم بعير بس كان عددهم قليل فكان كل تلاته من المسلمين بيتعاقبوا على بعير واحد.. كل واحد يركب شويه.. كمان كانت الغزوة فى عز حر الصحراء.. وكمان يوم خروج المسلمين لغزوه تبوك كان قبل موسم الحصاد فى المدينه ب 4 أيام بس.. والمدينه بلد زراعى يعنى معتمدين على الزرع فكان خروج الصحابة للغزوة اختبار من ربنا كبير لأن هيبقى عندهم صراع داخلى مابين انى اطيع النبى واخرج للغزوه قبل الحصاد ب4 أيام.. ولا اتخلف عن النبى ومطلعش الغزوة دى واستنى موسم الحصاد عشان أجمع فلوس وأجيب أكل لعيالى؟ وطبعاً مينفعش النبى يستنى لمدة 4 ايام ويخرج بعد موسم الحصاد.. عشان كده ممكن الرومان يدخلوا المدينة فى اى لحظة ويقضوا على المسلمين بكل سهولة فكان لازم النبى يخرج بجيشه بره المدينة.. فالمسلمين هيخرجوا مع النبى ومن غير طعام.. يادوب كل واحد هيخرج وفى جيبه 3 تمرات.. لدرجة ان الصحابى كان يمص التمره عشان تفضل معاه فتره اطول وكان يشرب حبه مايه وبس.. شايفين قد ايه الصحابه تعبوا !! كل ده عشان انا وانتوا نعرف ربنا ونقدر نعيش فى سلام نفسى... طيب نكمل كلامنا عن النبى عليه الصلاه والسلام انه قرر يستعد لمواجهه جيش الرومان.. فبدأ يجهز جيش المسلمين.. فيقف النبى عليه الصلاة والسلام على المنبر ويقول "من يجهز جيش العسرة"؟ وتبدأ روعة الصحابه تظهر ومواقفهم الرائعه ماهما طبعاً تربية النبى عليه الصلاة والسلام.. فيرد على النبى سيدنا عثمان ويقف ويقول: أنا امد الجيش ب100 بعير بأحلاسها وأقطابها (يعنى بالأكل والسلاح بتاعها) فالنبى يبتسم ويهز راسه و يشكر عثمان.. ويقف النبى من تانى ويسأل "من يجهز جيش العسرة" ويقف سيدنا عثمان من تانى ويقول أمد الجيش ب200 بعير بأحلاسها وأقطابها.. فالنبى يبتسم لسيدنا عثمان ويشكره.. وللمرة التالتة يقف النبى ويسأل.. فيقف سيدنا عثمان ويقول أمد الجيش ب300 بعير بأحلاسها وأقطابها.. فيبتسم النبى ويقول: ما ضر عثمان ما فعل بعد اليوم (يعنى مهما عمل سيدنا عثمان مغفور له.. بسبب العمل الصالح ده.. يعنى خلاص وجبت له الجنه رضى الله عنه وأرضاه..) فيسمع سيدنا عمر بن الخطاب نداء النبى.. فيقول فى نفسه: "اليوم أسبق أبا بكر".. (بيتنافس معاه على طاعه الله عزوجل) فدخل سيدنا عمر بيته وقسم كل حاجة يمتلكها بالنص.. تخيلوا!! وخلى نصها لله وساب نصها له ولأهله.. طبعا صعب جداً ان حد بسهولة يتصدق بكل ده.. يعنى قسم أكله وشربه وفلوسه وكله المهم جمع سيدنا عمر نص حاجته كلها وحطها أمام النبى, فالنبى بص عليهم لقاهم كتير قوى, فقال له: "يا عمر, ماذا تركت لأهل بيتك؟", فقال: "يا رسول الله, تركت نصفهم", فيفرح النبى قوى.. المهم راح سيدنا عمر يستخبى بعيد عشان يشوف سيدنا أبو بكر هيقدم ايه للنبى, ويجى سيدنا أبو بكر ويقدم الصدقه بتاعته قدام النبى.. فالنبى يحس انها كتير فيقول له: "ماذا تركت لأهل بيتك يا أبا بكر؟", فقال ابو بكر "تركت لهم الله ورسوله.. تخيلوااا!!( يعنى مسبش لأهله حاجة خالص )".. فبيحكى سيدنا عمر ويقول انه ساعت ماشاف كده قال فى نفسه: "ما بالك يا أبا بكر لا احد يسبقك أبدا".. ويسمع صحابى نداء النبى: تصدقوا.. وكان صحابى صغير فى السن عمره اقل من عشرين سنه وكان شديد الفقر وكان اسمه "علبة", ففضل يبكى لانه معندوش حاجه يتصدق بيها. . بس بعد كده جت لعلبة فكرة فقام وصلى ركعتين ودعي ربنا وقال : يارب إنى أتصدق بعرضى على المسلمين.. طب ده معناه ايه ؟ يعنى الحسنات اللى كنت هاخدها يوم القيامة بسبب حد غلط فيا أو اغتابنى فأنا مش عايزها وهتصدق بيها للمسلمين.. ودى من أشرف الصدقات.. لأن بسببك هتخلى ميزان حسنات المسلمين يزيد فممكن بسببك حد ينجو ويدخل الجنه.. المهم دعي علبة ودخل نام.. ومكنش متخيل ان ممكن ربنا يقبل الصدقة دى.. قال تعالى: (.... وَلۡیَعۡفُوا۟ وَلۡیَصۡفَحُوۤا۟ۗ أَلَا تُحِبُّونَ أَن یَغۡفِرَ ٱللَّهُ لَكُمۡۚ وَٱللَّهُ غَفُورࣱ رَّحِیمٌ) [سورة النور 22]

إنَّ الرَّسُولَ لَنورٌ يُسْتَضاءُ بِهِ, مُهَنَّدٌ مِنْ سُيوفِ اللهِ مَسْلُولُ .. والنبى يفرح بيه ويشاور للصحابه عشان يسمعوه.. قبيلة طيئ دى على أول الشام وكانت عايزه تحارب النبى عليه الصلاة والسلام والقائد بتاعها اسمه عدى بن حاتم وهو كان نصرانى فالنبى يبعت لهم سريه (يعنى جيش صغير مش بقيادة النبى) وبعت النبى السريه عشان ما ميهجموش على المدينه فخاف عدى وهرب وساب اخته اسمها "سفّانة بنت حاتِم " وتبقى من ضمن أسرى المسلمين ومن معاملة المسلمين هتسلم.. والنبى هيعتقها وتمشى سفانه وتقابل اخوها عدى وتحكى له عن النبى وعن المسلمين واخلاقهم فيشرح الله صدر عدى ويسلم.. بعد كده بدأ النبى يبعت الصحابه للبلاد اللى لسه فيها أصنام.. زى اليمن كان فيها قبيله اسمها دوس وعندهم صنم اسمه "ذات الكفين" فالنبى يبعت لهم الطفيل بن عمرو وده كان مسلم وكان هو وأهله من قبيله دوس برضه فيروح ويهدم الصنم.. نكمل بكره ان شاء الله قصة حياة النبي صلى الله عليه وسلم♥️♥️

الحلقة 86 من السيرة النبوية 🙌 يلا صلوا على النبى🌸💜 غزوة حنين (ج 2 واﻷخير ) زي ما شوفنا امبارح الحمد لله انتصر المسلمين.. صحيح النصر مكنش سهل.. بس الحمد لله ربنا نصرهم وفى نفس الوقت ادى المسلمين درس عمرهم ما هينسوه.. بس قائد المسلمين تعبان.. مين؟ سيدنا خالد بن الوليد.. فيسأل النبى عليه ويعرف انه تعبان وفى خيمته فالنبى عليه الصلاة والسلام يروح له ويقعد على ركبته الشريفه ويحط راس خالد فى حجره ويمسح على راسه ويدعى له ويقول له قم يا سيف من سيوف الله.. ويقول سيدنا خالد: ففتحت عينى.. وبمجرد ما النبى وقف كلام.. قمت قايم جرى وركبت فرسى وكأن مفيش حاجه حصلت .. وقولنا امبارح ان هوازن وثقيف هربوا من أرض المعركة.. وراحوا على منطقة الطائف يتحصنوا فى حصن هناك.. فيبدأ النبى يتوجه بجيشه للطائف.. عشان يحاصر هوازن وثقيف.. عشان يتفادى انهم يحاربوا المسلمين تانى.. ويستمر الحصار لمده 40 يوم.. ويفك النبى الحصار.. ويرجع النبى عليه الصلاة والسلام لمكان اسمه الجعرانه.. ده جنب حنين.. وفيه أتحطت كل غنائم غزوة حنين.. ويبدأ النبى عليه الصلاة والسلام بتوزيع الغنائم.. هتتوزع الغنائم ازاى؟ النبى عليه الصلاة والسلام هيدى مسلمين قريش الجدد اللى اسلموا بعد الفتح ودول اتسموا بالمؤلفة قلوبهم لأنهم كانوا من سادات قريش.. فالنبى كان عايز يفهمهم ان مش معنى انكم اسلمتم يبقى هتروح مكانتكم.. لا بالعكس هاعطيكم أموال وهتفضلوا معززين مكرمين.. فالنبى عليه الصلاة والسلام أعطى لهم غنائم بسخاء عشان يألف قلبهم.. خلص رسول الله توزيع الغنائم.. بس فى مجموعه ما أخدتش.. مين دول؟ الأنصار.. الأنصار مش هياخدوا غنائم.. وهيزعلوا قوى بس ده مش طمع فى الغنائم أبداً.. الأنصار تاريخهم معروف.. لكن هيحسوا ان النبى بيوزع على ناس كتير من مكه وبيعطيهم بسخاء وهيقوم واحد منهم يقول: وجد رسول الله أهله.. (عشان النبى من مكه) ويحزن الأنصار حزن شديد وياخدوا بعضهم ويروحوا يقعدوا فى حته بعيده.. زعلانين.. مش عايزين يكلموا حد.. طب وبعدين؟ هيروح سعد بن عباده "واحد من الأنصار" للنبى ويقول له: يا رسول الله الأنصار بيقولوا كذا وكذا.. فالنبى يرد عليه ويقول: وما رأيك فيما يقولون يا سعد؟ فيقول له: انا واحد من قومى.. فيطلب النبى عليه الصلاة والسلام من سعد أنه يجمع الانصار.. كأنه اجتماع مغلق مش هيكون فيه أى حد غير الانصار وبس.. تعالوا بقى كده نشوف سوا جمال النبى.. النبى هيدخل ويقول لهم: "يا معشر الأنصار بلغنى انكم تقولوا وجد رسول الله أهله !! أحقا قلتم ذلك يا معشر الانصار ؟! فالأنصار خفضوا رؤسهم وقالوا نعم يا رسول الله.. فالنبى سألهم: يامعشر الانصار أفلم تكونوا غير مسلمين فهداكم الله بى؟ فردوا وقالوا: لله ولرسوله المنة والفضل.. ويسألهم النبى تانى: ألم تكونوا متفرقين فألف الله بين قلوبكم بى؟ فيرد الأنصار: نعم لله ولرسوله المنة والفضل.. ويقول لهم النبى: ألم تكونوا فى مرض وشفاكم الله بى؟ ألم تكونوا فقراء فأغناكم الله بى؟ فقالوا لله ولرسوله المنة والفضل.. فالنبى يروح قايل: أيها الانصار إن شئتم لرددتم علي ما اقول(يعنى قولوا فضلكم عليا) فقالوا له: وما نقول يا رسول الله؟ فقال النبى: قولوا وأنت أيضا جئتنا طريداً فآويناك.. جئتنا فقيراً فأغنيناك.. وجئتنا مكذباً فصدقناك وجئتنا حزيناً فواسيناك.. فبكى الأنصار وبسرعه قالوا: لا لن نقول ابدا بل لله ولرسوله المنة والفضل.. فقال النبى: يا معشر الانصار أغضبتم أن ألفت قلوب قوماً أسلموا حديثاً بالمال!! أيها الانصار أما ترضون أن يرجع الناس إلى ديارهم بالشاة والبعير والاموال والابل وترجعون أيها الانصار بالله ورسوله؟! فيبكى الانصار وفى نفس واحد يقولوا: رضينا برسول الله قسماً ونصيباً.. فقال النبى عليه الصلاة والسلام: يا معشر الانصار والله لو سلك الانصار طريقاً وسلك الناس طريقاً لسلكت طريق الانصار.. الأنصار شعار والناس دثار (الدثار هو الرداء الخارجى أما الشعار هو البطانه بتاعت الهدوم يعنى يقصد انهم ستره.. هم اهله الحقيقين والاقرب له من اى حد) .. ويكمل النبى كلامه ويقول: ولولا انى مهاجرى لوددت أن اكون من الأنصار.. فاللهم من أحب الأنصار فقد أحبنى ومن أبغض الانصار فقد أبغضنى.. أيها الانصار المحيا محياكم والممات مماتكم (يعنى هاعيش معاكم واموت معاكم).. صلى الله على محمد.. صلى الله عليه وسلم.. جميل يا رسول الله وبكده قدر النبى يراضى الأنصار.. خلصت أحداث غروة حنين وبعدها هيجى واحد يسلم بين ايد النبى.. مين ده؟ ده كعب بن زهير.. كعب كان شاعر وكان بيهجو زمان النبى.. وأول ما يدخل على النبى.. النبى يقول له وهو بيبتسم: انت زهير الشاعر؟ فكعب بن زهير يفرح: ويقول له: اتعرفنى؟ النبى يقوله نعم.. فينطق كعب الشهادتين ويسلم ويقول قصيدة جميله للنبى.. اخر بيت فيها بيقول..

ويرجع تانى لسيدنا ابو عامر بس للأسف يلاقيه خلاص بيموت فيطلب من ابو موسى أن يبلغ النبى منه السلام ويطلب ان النبى يستغفر له.. ويموت ابو عامر شهيد.. ويرجع ابو موسى الأشعرى ويحكى للنبى اللى حصل.. ويبكى النبى ويدعى لأبو عامر ويستغفر له.. وانتصر المسلمون والحمدلله. نكمل بكره إن شاء الله قصة حياة النبي صلى الله عليه وسلم♥️♥️

لكن مع الدفعه الرابعه تحصل الكارثه.. إيه اللى هيحصل؟ بدأت تخرج كمائن العدو من كل مكان وأتفزع الصحابه وجيش الكفار بدأ يقتل بعنف وبقسوة غير طبيعيه.. والصحابة ارتبكوا فبقوا عايزين يرجعوا ويطلعوا على منحدر صغير.. لكن ناس من المسلمين كانوا نازلين لسه ومش عارفين اللى بيحصل.. فدول طالعين ودول نازلين ووسط الارتباك وفزع الخيول.. الكل داس على بعضه.. وأغمى على سيدنا خالد بن الوليد من كتر القتال وكانت معركه شديدة وكان ده لازم يحصل عشان يبقى درس يزلزل المسلمين.. عشان يعلمهم نتيجة الإعجاب بالنفس ونسيان ان التوفيق من عند الله وبس.. درس مكنش ينفع ياخدوه فى خطبة أو بكلمة من النبى عليه الصلاة والسلام.. كان لازم تحصل كارثه تفوقكم يا مسلمين وينزل قول الله تعالى: "لَقَدْ نَصَرَكُمُ اللَّهُ فِي مَوَاطِنَ كَثِيرَةٍ ۙ وَيَوْمَ حُنَيْنٍ ۙ إِذْ أَعْجَبَتْكُمْ كَثْرَتُكُمْ فَلَمْ تُغْنِ عَنكُمْ شَيْئًا وَضَاقَتْ عَلَيْكُمُ الْأَرْضُ بِمَا رَحُبَتْ ثُمَّ وَلَّيْتُم مُّدْبِرِينَ" [ سورة التوبه ] المسلمين بدأوا يجروا ويسيبوا أرض المعركه.. ومسلمين تانيين مش عارفين يلاحقوا على القتال من هنا ومن هنا.. وفجأه النبى عليه الصلاة والسلام يلاقى نفسه لوحده فى ارض المعركه.. فبقى النبى عليه الصلاة والسلام عايز يجمع المسلمين من تانى.. فيقوم النبى بمنتهى الشجاعة يقول: "أيها الناس.. أنا النبى لا كذب.. أنا بن عبد المطلب ".. طبعا ده شئ خطير جدا ومجازفه كبيرة لأن النبى كده حدد مكانه فى أرض المعركه.. فالكفار كده هيعرفوا مكانه ويهجموا عليه ويقتلوه.. بس الموقف كان شديد والنبى شجاع.. قرر يعلن عن نفسه عشان يثبت المسلمين.. ويسمعه سيدنا العباس ويجرى عليه ويقول له: لبيك لبيك.. بأبى أنت وأمى يا رسول الله.. ويبدأ النبى يطلب من العباس انه يجمع الناس.. طب هتخلى العباس ينادى على 12 ألف جندى؟ لا النبى هيخص النداء لناس معينه.. فيبدأ العباس ينادى ويقول: يا أصحاب الشجره.. يا أصحاب بيعة الرضوان.. يا اصحاب صلح الحديبيه.. ( بيفكرهم بوعودهم والمواقف اللى ثبتوا فيها زمان ونصروا النبى).. طب الناس اللى حضرت المواقف دى كتير؟ لأ.. اللى حضروا الاحداث دى زمان كانوا 1400 مسلم تقريبا.. لكن الواحد منهم ب100 مقاتل ولو ثبتوا الباقى هيثبت.. عارفين ليه.. عشان ربنا قال عنهم.. قال تعالى: "لَّقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ وَأَثَابَهُمْ فَتْحًا قَرِيبًا" [ سورة الفتح ] .. وفعلاً هيبدأ الصحابه يتجمعوا حوالين النبى من تانى.. حوالى 1000 ويزيدوا لحد ما يتجمع 3000.. طب وبعدين؟ هيبدأ القتال بثبات لدرجة ان السيوف بقت تتكسر من قوة القتال وفى وسط الدوشة دى كلها.. يحصل خيانه.. ازاى؟ يجى واحد من المسلمين الجدد اللى لسه مش ثابتين على دينهم اسمه شيبة بن عثمان بن طلحه.. ويقوم جى من ورا النبى بخنجر ولسه هيقتله.. يقوم النبى لافف له وطبعاً احنا عارفين ان من خواص النبى انه كان بيشوف من ضهره (معجزة).. فيلف له النبى ويقول له: ما بك يا شيبة؟!! فشيبة يتخض والخنجر يقع من ايده.. والنبى يقول له: يا شيبة اريد بك الخير وتريد لنفسك الشر.. لا تفعل يا شيبة.. اتق الله يا شيبة.. (حبيبي يا رسول الله حتى فى عز القتال يا رسول الله.. بتصبر على الناس تنصحهم وترحمهم؟! ايوه لأن هى دى رسالة النبى وهى دى أخلاقه صلى الله عليه وسلم).. فيقول شيبة: والله قبل هذه الكلمات كان محمد ابغض اهل الارض إلي ولكن بعدها اصبح احب اهل الارض إلي.. ويتوب شيبه وينطق الشهادة من قلبه.. طيب دلوقتى المسلمين لسه بيحاربوا بقوة.. وتبدأ بشرى النصر.. وينزل قول الله تعالى : "ثُمَّ أَنزَلَ اللَّهُ سَكِينَتَهُ عَلَىٰ رَسُولِهِ وَعَلَى الْمُؤْمِنِينَ وَأَنزَلَ جُنُودًا لَّمْ تَرَوْهَا وَعَذَّبَ الَّذِينَ كَفَرُوا ۚ وَذَٰلِكَ جَزَاءُ الْكَافِرِينَ" [سورة التوبة] ويبدأ المشركين يشوفوا سيوف بتطاير.. اصل الملائكه بتحارب.. ويتفزع المشركين.. وفى لحظات يهرب المشركين من أرض المعركه.. طب ده معقول دول 25 ألف مقاتل من الكفار.. معقول يهربوا!! بعد ما كانوا منتصرين!! بصو متسألوش عن الأسباب المادية.. قال تعالى: "وَمَا النَّصْرُ إِلَّا مِنْ عِندِ اللَّهِ الْعَزِيزِ الْحَكِيم" [سورة الِ عمران ].. وقال تعالى: "سَأُلْقِي فِي قُلُوبِ الَّذِينَ كَفَرُوا الرُّعب" [ سورة الأنفال]ْ ويهرب قائد الكفار اللى اسمه مالك بن عوف ورجاله لمكان اسمه أوطاس.. ويبعت النبى عليه الصلاة والسلام وراهم سريه بقيادة صحابى اسمه ابو عامر.. ومعاه ابن اخوه الصحابى أبو موسى الأشعرى عشان يتتبعوهم.. لكن واحد من جيش الكفار ضرب الصحابى ابو عامر بسهم فى رجله وبدأ ينزف للأسف.. ويجرى سيدنا ابو موسى الأشعرى ورا الكافر ده ويبارزه ويقتله..

الحلقة 85 من السيرة النبوية 🙌 يلا صلوا على النبى🌸💜 غزوة حنين (ج1) بعد ما فتح النبى عليه الصلاه والسلام مكه فى انتصار عظيم للحق على الباطل سنين هجرة وتعب.. وتنزل الآيات على رسول الله صلى الله عليه وسلم " إِذَا جَاءَ نَصْرُ اللَّهِ وَالْفَتْحُ * وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجاً * فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّاباً" صدق الله العظيم اول ما نزلت السورة دي بكى سيدنا ابو بكر الصديق.. ليه؟ اصل ابو بكر خايف، لأن ده نعي رسول الله.. خلاص النبى قرب ميعاده.. اصل ما دام الدين بيكتمل كده، يبقى رسالتك هتخلص يا رسول الله.. وساعتها ربنا هيحب انك تبقى جنبه يا رسول الله وترتاح فى الجنة، وهيحب ربنا ان انت تقابله يا رسول الله.. فتح النبى مكه.. احنا دلوقتى سنة 8 هجريا، يعني بقالك يا رسول الله 21 سنة جهاد يا رسول الله.. وبعد فتح مكه فضل النبى فى مكه لمدة 19 يوم بالظبط.. هيحصل أيه؟ هيحصل.. غزوة حنين.. هتيجى قبيلة هوازن وقبيلة ثقيف ومعاها عدد كبير من القبائل عشان يحاربوا المسلمين ويقتلوا النبى.. فالقبائل الكافره دى هتجمع 20 ألف مقاتل بقيادة واحد اسمه مالك بن عوف وبدأ يستعد للخروج لمحاربة المسلمين.. بس مالك بن عوف هيعمل خطة فى منتهى الخبث لكن مكنش يعرف ان الخطه دى هتبقى فى مصلحه المسلمين.. أيه الخطة؟ جاب جيشه ووقفه صفوف واول صف كان الرجال وتانى صف النساء والتالت الأطفال والرابع الخيول وخامس صف الأموال.. طب ليه عمل كده؟ اصل مالك متأكد من قوة جيش المسلمين.. وبخطته دى كأنه بيقول لجيشه لو هربتوا هتسيبوا أموالكم ونساءكم واطفالكم وخيولكم للمسلمين فالأحسن ما تهربوش.. واثبتوا.. بس سبحان الله كانت النتيجه فى صالح المسلمين.. لان المسلمين هينتصروا وكأن مالك جهز للمسلمين غنائم المعركه على طبق من دهب.. وبسهوله.. بدأت الاخبار توصل للنبى عليه الصلاه والسلام بتجهيزات هوازن وثقيف للقتال.. فبدأ النبى يجهز حيش المسلمبن لمواجهة العدو ده.. هيخرج النبى ومعاه 10 الاف مقاتل اللى كانوا معاه فى فتح مكه وكمان 2000 من المسلمين الجدد اللى اسلموا جديد بعد فتح مكه.. طب ليه يا رسول الله هتاخد معاك من المسلمين الجدد؟ لأنهم ممكن لو كان سابهم فى مكه.. كانوا يرجعوا تانى للكفر بإن حد يهز دينهم.. طيب هيخرج النبى بسرعه من مكه وهيحارب العدو بره مكه؟ طب ليه؟ لان ممكن المسلمين الجدد اللى لسه اسلامهم ما تثبتش يتفقوا مع هوازن وثقيف ويحاوطوا النبى جوه مكه فالأمان الاكتر ان الحرب تبقى بره مكه.. شايفين.. الله عليك يا رسول الله.. طب أيه التجهيزات اللى النبى هيجهز بيها جيش المسلمين.. ويا ترى النصر هيكون سهل بدأ النبي يجهز الجيش على أعلى مستوى من السلاح وهيأجر اسلحه من صفوان بن اميه ونوفل بن الحارث وكمان هياخدهم معاه عشان يحرسوا اسلحتهم.. اهتم النبى كمان بالحراسه الليليه وحط عليها صحابى اسمه أنس بن ابى مرثد.. ومن قيادات جيش المسلمين فى الغزوة دى كان خالد بن الوليد والزبير بن العوام وسعد بن ابى وقاص.. ودول قيادات على مستوى عالى من الخبرة الحربيه.. فالنبى عليه الصلاه والسلام مجهز الجيش تجهيز تام.. بس للأسف هتبدا تحصل مشكله كبيرة لجيش المسلمين.. هى الاعجاب بالنفس.. ازاى؟ اصل اثناء مسيرة جيش المسلمين.. قام طلع واحد من المسلمين من اللى هم حديثى الاسلام اللى اسلموا بعد فتح مكه وقال "لن نغلب اليوم من قله" يعنى ايه؟ يعنى احنا عددنا كبير استحاله نتهزم.. ولسه مكة مفتوحة ومعانا سلاح كتير... وللأسف بسرعه الجمله دى انتشرت فى الجيش وأنتشرت معاها حالة الثقه بالنفس والتعلق بالأسباب.. ونسيوا يستشعروا ان التوفيق من عند الله.. اصل مهما كانت قوتك وشطارتك اوعى تعتمد عليهم.. لان انت من غير توفيق ربنا ..اعرف انك ولا حاجه. المهم كانت نتيجة اعجاب بعض المسلمين بنفسهم.. ان حصل تراخى فى جيش المسلمين والمسافه اللى المفروض تتقطع فى نص يوم قطعوها للأسف فى 4 ايام... فوصل جيش المسلمين وكانت النتبجه الاسوا ان جيش الكفار عسكر فى مكان اختاروه بمنتهى الخبث.. ايه المكان ده؟ المكان اسمه حنين.. وده مكان سىء جدا مليان وديان ومنحدرات وارضه مش مستويه ومليان اماكن مستخبيه ورا الجبال ودى طبعاً هيستغلها العدو عشان تبقى كمائن له. فبعت النبى صحابى اسمه عبدالله الأسلمى عشان يشوف فى كمائن ولا لأ بس للأسف سيدنا عبد الله رجع للنبى وقال له : مفيش كمائن.. وكان ده طبعا مش صح.. بس النبى كان قلقان.. فبعد ما وصل الجيش وعسكر فى حنين.. بدأ النبى عليه الصلاة والسلام يديهم تعليمات ان ما ينزلوش دفعه واحدة وينزلوا على دفعات بحيث لو فى كمين يظهر مع الدفعه الاولى.. وفعلاً تعدى اول دفعه بقيادة خالد بن الوليد بسلام وتعدى التانيه والتالته وده من خبث الكفار..

الحلقة 84 من السيرة النبوية 🙌 النهاردة الحلقة صغيرة عشان بنخلص فيها اخر المواقف لحبيبنا النبي ﷺ في فتح مكة ومن بكره إن شاء الله هندخل في أحداث جديدة... يلا صلوا على النبى🌸💜 فتح مكة (ج4 والأخير) فى قصه جميله حصلت وقت فتح مكه ناس كتير اسلمت وناس النبى عليه الصلاة والسلام عفى عنها.. ووسط ما النبى مشغول كده.. فيشوف من بعيد سيدة عجوزة قوي بتتعكز كده على عصاية فأبتسم لها النبي عليه الصلاة والسلام وبدأ يشاور لها يعني بيقولها تعالي تعالي، وجت المرأة وكان النبى لابس وشاح على كتفه، قام فارشه على الأرض.. وقعد يتكلم معاها ويسألها عن أحوالها.. طب هي مين الست دي؟ دي صاحبة السيدة خديجة رضي الله عنها.. تخيلوا يا جماعة دي ستنا خديجة ماتت من 10 سنين ولسه النبى فاكرها.. النبي عليه الصلاة والسلام هو اللي علم البشرية الوفاء... فالنبى كان قاعد مع المرأة العجوز وبيتكلم معاها بس في واحدة واقفة ومضايقه مين دي؟ السيدة عائشة طبعا.. فبعد ما النبى رجع قالت له: من هذه السيدة يا رسول الله؟ فقال النبى: يا عائشة هذه السيدة صاحبة خديجة.. فقالت له: وفيما كنتم تتكلمون؟ فقال: يا عائشة كنا نتذكر ايام خديجة.. شوفتوا وفاء النبي صلى الله عليه وسلم !!.. تعرفوا أن لما دخل النبي عليه الصلاة السلام مكه.. الصحابة قالوا له انه يبات في بيت السيدة خديجة لان ده بيته.. فقال لهم وهل تركت لي قريش بيتاً!.. أصل قريش أخدت كل شئ يخص النبى والصحابة.. بيوتهم وكل حاجه تخصهم بعد هجرة الصحابه للمدينه بعد تعذيب أهل مكه لهم.. ومع ذلك النبي عليه الصلاة والسلام سامحهم لما فتح مكه.. فالمهم الصحابه قالوا للنبى طب هتبات فين؟ فقال النبى: انصبوا لى عند قبر خديجة.. فى واحد كمان من كفار مكه اسمه هبار بن الاسود فاكرينه؟ ده اللى خرج وراء السيدة زينب (بنت النبى ) لما خرجت في عز النهار عشان تهاجر للنبى من مكه للمدينه.. فمشى وراها هبار بن الأسود ولحقها وفضل يضرب ناقة السيدة زينب كذا مره عشان يوقعها.. اصل عيب عند العرب ان الرجل يقتل إمرأة فعشان كده هبار لجأ لفكرة ضرب الناقه دى.. وفضل يضرب لحد ما الناقة خافت وجرت بسرعة شديدة فوقعت السيدة زينب من فوق الناقه وكانت زينب حامل وجالها نزيف جامد جدا وحصل إجهاض.. ومين لحقتها؟ هند بنت عتبه وكانت ساعتها كافره.. بس كان عندها إنسانيه.. فالنبى بعت لحد يجيب زينب من مكه.. ولما النبى شافها بكى بكاء شديد على حالة زينب.. وبعدين فضل الجرح مأثر على زينب لمدة كذا شهر وبعدين ماتت.. وحزن الرسول عليه الصلاة والسلام عليها وقال: من رأى هبار بن الاسود فليحرقنه بالنار بس النبى قال كده من حرقة قلبه على بنته.. بس لما هدى عليه الصلاة والسلام قام قايل " ايها الناس اني امرتكم انه من رأى هبار بن الاسود فليحرقه بالنار، وانه لا يحرق بالنار الا رب النار، ولكن من رأى منكم هبار بن الاسود فليقتله (وده طبعا قصاص) " فلما فتح النبي عليه الصلاة والسلام مكة.. فهبار بن الاسود كان عارف ان المسلمين هيقتصوا منه.. فحاول يتخفى.. بس فضل هبار يدور على النبي عليه الصلاة والسلام لحد ما عرف مكانه ووراح له، واول ما وقف قدامه كشف اللثام عن وجهه ..فقال هبار: يا محمد! أنا هبار بن الاسود.. فالنبى اتخض وافتكره وافتكر اللى قتل زينب بنته حبيبته رضى الله عنها.. فبسرعه قال هبار: اعف عني يا رسول الله فيرد النبي صلى الله عليه وسلم: عفوت عنك.. ومن عفو وسماحة النبى أسلم هبار بن الاسود.. ويتحول هبار من كافر لصحابى وبقى يروى أحاديث كمان بكده نكون خلصنا كل احداث فتح مكة. نكمل بعد شويه إن شاء الله قصة حياة النبي صلى الله عليه وسلم ♥️♥️

بس بعد فتح مكه صفوان خاف جداً إنه يتقتل.. فكان أهون عليه أنه يموت نفسه بدل ما المسلمين يقتصوا منه فيروح فى أتجاه البحر عشان ينتحر.. فيلاقى واحد جى من بعيد.. مين؟ عمير بن وهب.. صاحبه القديم .. فعمير لقى صفوان هيرمى نفسه فقال له: ويحك.. قد أمنك رسول الله.. جئتك من عند أبر الناس وأرحم الناس وقد قلت له: يا رسول الله، سيد قومي خرج هارباً ليقذف نفسه في البحر، وخاف ألاّ تُؤَمِّنه، فأمِّنْهُ فداك أبي وأمي.. فقال لى رسول الله: "قَدْ أَمَّنْتُهُ" . فخاف صفوان وقال: لا والله لا أرجع معك حتى تأتيني بعلامةٍ أعرفها.. فرجع عمير للنبى فالنبى قال له: "خُذْ عِمَامَتِي إِلَيْهِ".. وقال: قل لصفوان أنى ادعوه للإسلام وهو فى أمان لمده شهرين حتى يفكر فلما صفوان بن أمية عرف كده.. وافق يروح للنبى مع عمير بن وهب ولقى النبى بيصلى بالمسلمين صلاة العصر، وصفوان بدأ يسأل عمير: كم تصلون في اليوم والليلة؟ قال: خمس صلوات.. فلما خلص النبى عليه الصلاة والسلام صلاته، فوقف صفوان يكلم النبى من فوق الفرس.. وطبعا ده فيه سوء أدب بس النبى عنده حلم وصبر وتقدير ان صفوان خايف وعايز يدى لنفسه فرصه للهرب.. فقال له بهدوء ولين: "انْزِلْ يا صفوان" فقال صفوان: لا والله حتى تبين لي أنى بأمان لمده شهرين كما اخبرنى عمير.. فقام النبى قال له "بَلْ لمدة أَرْبَعَةَ أَشْهُرٍ يا صفوان.. ومد النبى لصفوان المده لشهرين زياده كمان ومن حسن معامله النبى أخلاقه.. هيسلم صفوان فى وقت قصير جداً.. طب ازاى؟ فى غزوة حنين اللى هنتكلم عنها بالتفصيل الحلقات الجايه.. هيتعرض المسلمين لحرب هتقوم بيها قبيلتين ثقيف وهوازن ودول عدد الجيش بتاعهم كان 20 الف مقاتل.. فالنبى عليه الصلاة والسلام كان محتاج سلاح.. وطبعا زى ما قلنا أن صفوان تاجر سلاح.. فراح له النبى عليه الصلاة والسلام وقال له: يعطيه سلاح.. بس تفتكروا بقي النبى هيقول يا صفوان هات سلاح ثمن انى أديتك الأمان؟ لا طبعا حاشاه صلى الله عليه و سلم أنه يبقى بالأخلاق دى.. فيروح النبى ويطلب من صفوان السلاح، فقال صفوان: تريده غصباً يا محمد؟ فقال النبى: لا والله.. إنما أريد أن أستعيره مقابل أجر.. النبى هيأجر السلاح.. هنا نشوف ان مفيش مشكله انك تتعامل مع كافر فى التجاره.. الاسلام مش بيضطهد حد.. الإسلام بيتقبل كل الناس.. المهم وافق صفوان بشرط إنه يحضر الغزوة مع المسلمين عشان يراقب سلاحه، بس صفوان فى الحقيقه عاوز يحضر عشان يشوف أخلاق المسلمين، المهم طلع صفوان وأنتصر المسلمون وبدأت تتوزع الغنائم على الجيش.. فصفوان بقى باصص على الغنائم.. ويعدي صفوان على وادي بين جبلين فيه حوالى 600 ناقه فيبص صفوان، فالنبي يقول ايعجبك هذا الوادي؟ فقال نعم.. فقال النبى: إذن هو لك، فبكي صفوان وقال والله ما نفس تنفق وتهب بهذا العطاء إلا نفس نبي.. وأسلم صفوان وراح لقبيلته يقول: ان محمد عليه الصلاة والسلام يعطي عطاء من لا يخشي الفقر.. نكمل بكره ان شاء الله قصة حياة النبي صلى الله عليه وسلم♥️♥️

فرفض النبي وقال : لا، اليوم يوم بر ووفاء، ووقتها نزلت الآيه قال الله عز وجل أنزل: "إِنَّ اللَّهَ يَأْمُرُكُمْ أَنْ تُؤَدُّوا الأمانَاتِ إِلَى أَهْلِهَا" ورجع النبي المفتاح لعثمان وفضل المفتاح قبل وبعد الإسلام مع نفس الناس وهم قبيله بنى شيبة.. وخد عثمان المفتاح من تانى.. وبعدين النبى نادى عليه وقال له: أن اتحقق كلامى اللى قلتهولك زمان يا عثمان.. فقال عثمان: أشهد أنك رسول الله.. وبكده اسلم عثمان.. طيب هو ازاي بني شيبه بقي معاها المفتاح ايام الكفر؟! زمان حصلت مشكله فى قريش، وحصل إتفاق أن المفتاح يبقي مع بني شيبه، فأصبح من تقاليد البلد، فالنبي جه مكه ولقى العاده دى ودى مش ضد الدين فمش حرام فساب النبي مع كفار بنى شيبة المفتاح، يعني إلتزم باللى كان كفار مكه متفقين عليه مع نفسهم.. فأعطى النبى عليه الصلاة والسلام المفتاح لعثمان ويقول لبنى شيبه: خذوه فلا يأخذه منكم إلا ظالم إلي يوم القيامه.. ودلوقتى ملك السعوديه نفسه ميقدرش يدخل الكعبه إلا لما توافق سلاله بني شيبه وهيفضل ده ليوم القيامه.. في قصص مهمه حصلت برضه لازم نعرفها وهي أن النبى عليه الصلاة والسلام أتعرض للإغتيال.. كان فى شاب أسمه فضالة أدعي إنه أسلم، ففكر أنه يدخل الحرم ويقتل النبي غدراً.. فمشى فضاله ورا النبى.. والنبى عند الكعبه، فالنبي عليه الصلاة والسلام كان عنده خاصية إنه يري من خلفه كما يري من امامه، فوقف النبي فوقف فضاله، فأستدار النبي، وقال: مالك يا فضاله.. بماذا تحدثك نفسك؟ فقال: لا شئ إنى اذكر الله، فقال النبي: لا تفعل يا فضاله، اتق الله يا فضاله، ورفع النبي كفه وحطها على صدر فضاله وقال يغفر الله لك يا فضاله! (( تخيلوا النبى يدعى لواحد كان هيقتله!! . المهم قال فضاله: والله قبل ان يضع النبى يده على صدري كان ابغض اهل الارض إلي، وما ان رفع يده حتي صار أحب اهل الارض الي.. ومشي فضاله وأسلم من كل قلبه.. وفى مره قابل بنت كان بينه وبينها زمان علاقه حرام.. فشافته فقالت: هلم للحديث يا فضاله.. تعالى عندى شويه، فبيحكى فضاله الموقف فى أبيات شعر و يقول : قالت هَلُمّ إلَى الْحَدِيثِ فَقُلْتُ لا * يَأْبَى عَلَيْك اللّهُ وَالإِسْلامُ * لوْ قَدْ رَأَيْتِ مُحَمّدًا وَقَبِيلَهُ * بِالْفَتْحِ يَوْمَ تُكَسّرُ الأَصْنَام ُ*لَرَأَيْتِ دِينَ اللّهِ أَضْحَى بَيّنًا *** وَالشّرْكُ يَغْشَى وَجْهَهُ الإِظْلامُ .. نكمل كلامنا بعد ما اتفتحت مكة وشوفنا ان فى 6 أشخاص بس النبى اهدر دمهم لأنهم مجرمين حرب.. وده بيحصل على فكره عالميا لحد دلوقتى.. المهم من 6 دول فى ناس طلبوا الأمان من النبى والنبى أمنهم.. ومنهم اتنين كانوا من قرايب واحده اسمها ام هانيء بنت عبد المطلب.. دى تبقى اخت سيدنا علي بن ابي طالب.. المهم خبطوا على بيت ام هانئ عشان يدخلوا فى حمايتها ومحدش يتعرض لهم.. فالمهم دخلتهم بيتها وخرجت وقالت: هما فى حمايتى.. فسيدنا علي قال لها أن مينفعش الست يدخل فى حمايتها حد، وقال منذ متي تجي النساء! الست معندهاش الحق ده (كان زمان فى حاجه اسمها حق الإجاره.. يعنى تقول فلان فى حمايتى بالظبط زى حق اللجوء السياسي بس مكنش من حق النساء) بس لما أم هانئ سمعت كده قامت رايحه للنبى عليه الصلاة والسلام وقالت هذان الرجلان فى حمايتى يا رسول الله.. فقال النبى: أجرنا من أجرتي يا ام هانئ، ومن هنا أعطى النبي للمرأة حق اللجوء السياسي.. شايفين بقي حقوق المرأة.. اللى اصلاً حق اللجوء ده مش من حقها دلوقتى.. الاسلام هو اللى عمل للمرأة حقوق.. ولكن بيتوه الدين وسط جهل الناس بالدين الإسلامى الصحيح.. دين محمد صلى الله عليه وسلم.. مين كمان أسلم من كفار قريش واحد أسمه سهيل بن عمرو.. فاكرينه؟ ده اللى فى صلح الحديبيه زمان رفض ان يتكتب جنب سيدنا محمد كلمة رسول الله والنبى مسالم وافق ومسح الكلمه بإيده الشريفه صلى الله عليه وسلم.. أسلم سهيل متعرفش عنه قصص تخص أنه شارك فى غزوات مع المسلمين، بس أتعرف عنه أنه كان عابد وزاهد، صوام، قوام، من كتر الصيام كان هزيل، وكان عنده خطان أسودان فى وجهه من شده البكاء من خشيته وحبه وشوقه لله عز وجل.. هنختم كلامنا عن فتح مكه بإسلام واحد من كفار قريش أسمه صفوان كان اكبر تاجر سلاح ومجرم حرب، فاكرين زمان بعد غزوه بدر لما قعد واحد اسمه عمير مع صفوان.. وعمير قال: لولا انى خايف على اولادى لذهبت إلى المدينة وقتلت محمد.. فصفوان قاله: عيالك عيالي هاتكفل بيهم وأربيهم.. بس أنت روح أقتل محمد.. وفعلاً خد عمير فرسه وراح المدينه وأول ما وقف قدام النبى.. بدأ النبى يحكي له عن تفاصيل الحوار اللى دار بين عمير وصفوان واتفاقهم على قتل النبى.. فعمير استغرب ان النبى عرف كل الحوار وعرف ان ربنا اللى اخبره.. فأسلم عمير ورجع لصفوان وحكى له.. بس صفوان رفض انه يسلم.. وكمان شارك ضدد المسلمين فى غزوة أحد والأحزاب.

الحلقة 83 من السيرة النبوية 🙌 يلا صلوا على النبى🌸💜 فتح_مكة (ج3) نبدأ حلقتنا مع كفار قريش اللى بدأوا يدخلوا الإسلام زى هند بنت عتبة.. دى زوجة ابو سفيان.. ولما أسلم أبوسفيان فضلت تزعق وتقول: لا تتبعوه إنه مجنون، بس بعد ما الإسلام دخل مكه جلس النبي فى مجلس وقعد مع مجموعه من السيدات بيبايعوه على الإسلام.. فلبست هند النقاب وقعدت وسطهم، فالنبي بدأ يقول للنساء: أبايعكن ألا تشركوا بالله شيئا.. ويقول: أبايعكن على ألا تزنين.. فقاطعت هند النبى عليه الصلاة والسلام وقالت: أتزنى الحره!! (هند مستغربه لأن ايام الكفر العلاقات اللى بدون جواز كان اللى بيعملها العبيد.. فهند كأنها عايزة تقول أننا مبنعملش ده أصلا.. لكن النبى عارف اللى هيحصل بعد مئات السنين بين شباب وبنات المسلمين.. فبص النبى لهند وسكت) ويكمل النبي كلامه فيقول النبي: أبايعكن علي ألا تسرقن، فقالت هند من غير ما تركز: يا رسول الله إن أبا سفيان رجل بخيل، أتري إن أخذت من ماله.. أهذه سرقه؟.. فلما سمع النبى كده عرف أنها هند زوجة ابو سفيان، فقال لها: أنتى هند بنت عتبه!! (هي اللى قتلت عم النبى سيدنا حمزة وندرت أنها تمثل بجثته.. والنبى بكى كتير على عمه وكان قلبه محروق) فالمهم بسرعه قالت هند: اقسمت عليك ان تعفو عني، عفا الله عما سلف، فقال النبي عفوت عنكي.. تخيلوا بعد كل ده عفا عنها !! صلى الله على حبيبنا محمد فالنبي كمل كلامه وقال؛ ولا تقتلن اولادكم فقالت هند: ربيناهم صغارا وقتلتهم انت فى غزوة بدر كبارا، فعمر بن الخطاب ضحك لحد ما كان هيقع على ظهره من الضحك.. فرحان بعزة المسلمين وأصلا غزوة بدر كفار قريش هما اللى أتسببوا فيها وربنا نصر المسلمين... المهم يكمل النبى كلامه ويقول: لا تعصون رسول الله فى معروف.. فترد هند وتقول: والله جئنا نبايعك وليس فى أنفسنا إلا أن نطيعك.. وأسلمت هند وباقى النساء. وهتشارك هند فى معركه من معارك جيش المسلمين.. وكان فى مجموعه من جيش المسلمين راجعه بسبب شدة المعركة فتقوم تقف هند مع السيدات المسلمات صف وتخليهم يمسكوا السيوف ووصتهم أن اللي تلاقي جوزها راجع بسبب شده المعركه تهوشه بالسيف وتشجعه أنه يرجع.. أسلم كمان أبو قحافه وده يبقى أبو سيدنا أبو بكر الصديق.. فجه يسلم بين يدي رسول الله، وبكي سيدنا أبو بكر فسأله النبي عليه الصلاة والسلام: لماذا تبكي يا أبا بكر؟.. فقال: تمنيت لو كان أسلم عمك ابو طالب بدلاً من أبى لأن هذا سيسعدك أكثر يا رسول الله.. دلوقتى المسلمين فى مكه ويطلع سيدنا بلال بن رباح ويأذن.. ياااااه أخيرا بعد سنين صوت الآذان بيجلجل فى أنحاء مكه، وبعد ما خلص الآذان فى واحد واقف على جنب وعمال يخطط.. مين؟ أبو سفيان.. رغم أنه أسلم بس قلنا قبل كده أن النبى حس انه مقلش الشهاده من كل قلبه وما زال مش قادر يخضع ان سيدنا محمد رسول الله بعد كل سنين الحرب دى.. المهم بيخطط أبو سفيان انه يحارب ويخلى المسلمين يخرجوا من مكه.. وقاعد سرحان.. فمين يعدى من جنبه؟ سيدنا النبي عليه الصلاة والسلام فبص أبو سفيان فلقى النبى.. فقال النبي: إذاً يخزيك الله يا ابا سفيان! فقال ابو سفيان: اشهد انه لا اله الا الله وانك رسول الله.. (ربنا أوحى للنبى كل اللى بيفكر فيه أبو سفيان) ومرة تانية كان قاعد أبو سفيان فى الحرم ومعاه واحد أسمه عتاب بن أسيد وكانوا قاعدين لوحدهم ومعهمش حد.. فيقول عتاب: الحمد لله الذي أمات أبي اسيد قبل أن يسمع نعيق بلال (بيشتم بلال وهو بيأذن) فقال أبو سفيان: يا عتاب أخشي إن تكلمت أن تخبر الحصي محمد بما نقول! فبعد شوية جه النبي وقال: يا عتاب الحمد لله الذي أمات أباك قبل أن يسمع شرف بلال فوق الكعبه، ويا ابا سفيان لو تكلمت لأخبرني الحصي!! فقال ابوسفيان: أشهد انك رسول الله.. أبو سفيان هيسلم من كل قلبه وهتروح عيونه فى سبيل الله فى معركه اليرموك.. طب الحمدلله ان اتكسرت الأصنام حوالين الكعبه.. ويطوف النبى حوالين الكعبه ويردد وَيَقُولُ {جَاءَ الْحَقّ وَزَهَقَ الْبَاطِلُ إِنّ الْبَاطِلَ كَانَ زَهُوقًا} [الْإِسْرَاءَ: 81] وبقى النبى عليه الصلاة والسلام عايز يصلي فى الكعبه بس مفاتيح الكعبه مع واحد اسمه عثمان بن طلحه، فاكرين زمان لما النبي طلب المفتاح من عثمان عشان يصلى فى الكعبه وكان ساعتها عثمان كافر فرفض عثمان، فالنبي قال له:َ يَا عُثْمَانُ لَعَلّك سَتَرَى هَذَا الْمِفْتَاحَ يَوْمًا بِيَدِي أَضَعُهُ حَيْثُ شِئْت فقال عثمان:ُ لَقَدْ هَلَكَتْ قُرَيْشٌ يَوْمَئِذٍ وَذَلّتْ فَقَالَ النبى: بَلْ عَمَرَتْ وَعَزّتْ يَوْمَئِذٍ بالإسلام، فلما طلب النبى منه المفتاح،.. وجاب عثمان المفتاح واخذه النبى وفتح الكعبة وبعد ما النبى خلص صلاة، قام العباس "عم النبى" قال: لا تعطى المفتاح لعثمان وأجعله مع قبيلتك بنى هاشم ،،

وفعلاً هيشارك عكرمه فى حروب المرتدين بعد وفاة النبى عليه الصلاة والسلام ،، هيشارك فى معركه اليرموك كان المسلمين هينهزموا فقال عكرمه من يبايعني على الموت، فالناس روحها المعنويه أرتفعت.. وبعد المعركه لقوا عكرمه واقع فى الأرض وفيه اتنين وسبعين طعنه.. يعنى فضل يقاتل لآخر لحظه فى حياته وثابت قدام اللى بيحاربه.. رضى الله عن عكرمه بن أبى جهل هنكمل بكره إن شاء الله قصة حياة النبي صلى الله عليه وسلم♥️♥️

فعدت كتيبه ضخمه ماسكه رايات خضر، يلبسون الحديد،،قائد المقدمه" خالد بن الوليد"، والميمنة "ابو عبيده بن الجراح"، والميسرة "الزبير بن العوام " وحامل اللواء والقائد الاعلي للمهاجرين والانصار.. مين؟! سعد بن عباده الانصاري! ده من الأنصار مش من مسلمين قريش اللى هاجروا.. طب ليه يا سيدنا النبي اخترت القائد يبقى واحد من الأنصار؟ عشان النبى عايز يقول أن أه هافتح مكه لكن يا أهل المدينه يا أنصار النبى متفتكروش اني هرجع لأهلي وأنساكم، ومين المشرف على الكتيبة دى؟ عمر بن الخطاب.. وفى نص كل ده مكان سيدنا رسول الله صلي الله عليه وسلم.. حاجه فى منتهى القوة والهيبة والعظمة.. فقال ابوسفيان للعباس: لقد أصبح أبن اخيك ملكا عظيما (أبو سفيان مصمم ان النبى ملك).. فيرد العباس ويقول: هو ليس بملك بل هو رسول الله. وبسرعه يتحرك أبو سفيان عشان يبلغ أهل مكه بقدوم المسلمين.. يقوم سامع سيدنا سعد بن عباده الانصاري وهو بيقول: اليوم يوم الملحمه، اليوم يذل الله قريش.. فالنبي يزعل جدا فيقول النبى بل اليوم يوم المرحمه، اليوم يعز الله قريش.. يعزها بدخول الاسلام فيها.. طب دي قريش اللي آذتك وعذبتك يا رسول الله.. مع أنك مكنتش زمان عايز حاجه غير أنهم يسيبوك تبلغ الدعوة للناس فمن شاء فليؤمن ومن شاء فليكفر.. وياخد النبى من سعد الرايه عشان كده نفسيه سعد مش هاديه للسلام.. بس هيديها لواحد تانى من الأنصار.. هو مين؟ لأبنه.. لقيس بن سعد بن عباده.. فقال سعد: فحين أخذ الرايه منى وأعطاها لأبنى فكنت لا أدري اضحك ام ابكي! خلاص جيش المسلمين على أبواب مكه فيجرى أبو سفيان ويدخل مكه ويصرخ بصوت عالى ويقول: هذا محمد جاءكم فيما لا قبل لكم به، (يعنى بجيش كبير من المسلمين) فمن دخل دار أبو سفيان فهو آمن ومن دخل الحرم فهو آمن ومن أغلق عليه بابه فهو آمن.. ويدخل النبي فى منظر مهيب.. قائد منتصر راكب الناقه بتاعته،، موطى راسه لله عز وجل.. فى قمة التواضع، ويقرأ سوره الفتح "إنا فتحنا لك فتحا مبينا" لحد ما يوصل لآخر آيه " محمد رسول الله والذين معه أشداء على الكفار رحماء بينهم".. ويدخل الجيش.. انتو متخيلين.. سيدنا بلال بيعدي على المكان اللى كان بيتعذب فيه زمان، وهنا ماتت سميه فى سبيل الله.. هنا مات جوزها ابو عمار من التعذيب.. وهنا كان ابو لهب بيرمى على النبى طوب لدرجة ان رجل النبى تنزل دم.. والنبى يصبر رغم أنه فى قوة أربعين رجل.. ويوصلوا الحرم والحرم حواليه ثلاثمائه وستين صنم.. فالنبى كان فى إيده عصايه.. فكل ما يشاور على صنم فيقع ويتكسر.. معجزة.. ويقف النبى والكفار فى الحرم.. لأن النبى مديهم الأمان.. وهما مش خايفين هما مصدقينه.. هما اللى سموه زمان الصادق الأمين. ويبدأ النبى يبصلهم ويقول: يا معشر قريش ما تظنون اني فاعل بكم؟ فقالوا: أخ كريم وابن أخ كريم.. فقال النبي: يغفر الله لكم وهو ارحم الراحمين.. أذهبوا فأنتم الطلقاء.. (فى اعظم مشهد عرفته البشريه وبيحكى عنه الغير مسلم قبل المسلم.. عفو النبى الكريم.. رغم العذاب والآذى اللى أتعرض له هو وأصحابه وباقى المسلمين) بس هيقف النبي و يهدر أشخاص معينه.. طب أشمعنا دول؟ لأنهم مجرمين حرب.. كان منهم واحد اسمه عكرمه بن أبى جهل.. عكرمه ده اللى شارك فى قتل المسلمين غدراً وهما فى العمرة ساجدين قدام الكعبه. عكرمه عرف ان النبى أهدر دمه، فبسرعه ركب سفينه وهرب للحبشه، بس مراته "ام حليم " كانت قلقانه عليه جدا بس هي اسلمت.. فراحت للنبى وقالت ان زوجي عكرمه لقد اهدرت دمه يا رسول الله وهو خائف وكان سيد ف قومه هل ممكن أن تعطيه الأمان يا رسول الله؟ فوافق النبى من غير شروط.. ولا حتى اشترط عليها أنه يسلم الأول. فالمهم طلعت" ام حليم" ايام تدور على جوزها، بس ملحقتهوش للأسف.. وسافر عكرمه فى عرض البحر..، والموج هايج.. فالمركب كانت هتغرق.. فواحد من الركاب قال اخلصوا( يعنى ادعوا الله بإخلاص لله وحده)، فلا ينجينا من هلكه البحر إلا الله، فقال عكرمه: اذا نجنا الله فسأبايع محمد وأدخل فى دين الإسلام.. فواضح ان عكرمه كان صادق، فهدأ البحر وأستقرت السفينه ورجع عكرمه ومراته قالتله أن الرسول عليه الصلاة والسلام بيعطيك الأمان فقبل ما يوصل عكرمه للنبى.. فيقوم النبى قايل للصحابه: يأتيكم الآن عكرمه بن أبى جهل مسلماً مخلصاً.. فلا يسب أباه أحد.. ( تخيلوا!! طب ده ابو جهل كتير آذاك يا رسول الله ده من كبار الكفار..) بس النبي قال ان سب الميت لا يصل للميت ولكنه يؤذى الحي.. وفعلاً محدش جاب سيره ابو جهل بسوء، ودخل عكرمه على النبي فوجد النبي فاتح له ذراعيه، فاحتضنه النبي، فسأل عكرمه النبى وقال له: بما يدعوا دينك؟ فقال النبي : يدعو إلي مكارم الأخلاق، صله الارحام، الصلاه، فبكي عكرمه وقال الشهاده.. وياخد عكرمه عهد على نفسه انه على قد ما وقف للصد عن سبيل الله هيقف للدعوه الي الله، وكل مال أنفقه للصد عن الله هينفق أضعافه فى سبيل الله..

فالعباس ركب بغلة النبى وراح يفهم اهل قريش الوضع عشان ميقلبوهاش حرب.. فيقابل مين؟ أبو سفيان.. أصل الاخبار اتقطعت عن مكة .. فطلع بنفسه يشوف فى ايه! وطبعا ميعرفش ان النبي على ابواب مكه.. المهم طالع ابو سفيان ومعاه حكيم بن حزام، فشاف النيران فدب الفزع جواه فقال ابو سفيان: ما هذه النيران!!، فقال حكيم: لا ادري لعلها قبيله خزاعه.. فقال ابو سفيان: خبت وخسرت فإن خزاعه أقل من ذلك وأذل، فقال : لعلها قبيله هوازن، قال: خبت وخسرت هوازن اقل من ذلك وأذل.. فيسمعهم العباس ويقول: يا ابا حنظله (دى كنيه ابو سفيان)، فقال ابو سفيان من الصوت؟ فقال: انا العباس.. فقال ابو سفيان.. لمن هذه النيران؟ فقال هذا رسول الله ومعه عشره ألالاف مسلم من العرب لفتح مكه، ووالله لو فتحها عنوه لهلكت قريش.. يا أبا سفيان بيدك الامر، فقال: ماذا أفعل؟ قال العباس: سلم مكه للنبى محمد الان!.. فقال: سأفعل!! (يااااه.. انتو متخيلين.. شايفين كام صحابى اتقتل واتعذب فى قريش.. قد ايه الرسول أتأذى من قريش.. دلوقتى جه يوم النصر للمسلمين وجبر الخاطر) فرد العباس على ابو سفيان وقال: إذن تعالي معي.. ويخاف ابوسفيان ويقول اخشي ان يقتلونى؟ فيسمعه علي بن ابي طالب.. ويقول: يا ابا سفيان لا تخف اذهب إلى رسول الله، لن يقتلك اذا دخلت عليه فقل: تالله لقد آثرك الله علينا، وإن كنا لخاطئين (دى كلمات اخوات سيدنا يوسف عليه السلام لما شافوا يوسف بعد ما رموه فى البير وهو صغير.. فبرضه اهل قريش رمت المسلمين بره مكه..) وافق ابو سفيان انه يسلم مكة وركب ورا العباس.. مين قائد المعسكر اللى فيه النبى؟ سيدنا عمر بن الخطاب.. طب وهيعمل إيه لما يشوف أبو سفيان جه العباس للمعسكر فقال عمر: العباس ومن معك.. فبص لقى ابو سفيان!! فقال عمر: انتظر هذا ابو سفيان! فبسرعه جرى عمر على النبى عشان يسبقهم.. لأنه حس ان العباس هيخلى ابو سفيان فى حمايته.. فيدخل عمر على النبى عليه الصلاة والسلام ويقول: هذا ابو سفيان اعطيني رقبته اقتله يا رسول الله! (عمر منفعل لأن اللى عملته كفار مكه مش شويه) فقال العباس مهلاً يا عمر والله يا عمر لو كان من "بني عدي" من قومك لمهلته ولكنك تفعل ذلك لأنه من بني عبد مناف!! فبكي عمر وقال: سامحك الله يا عباس، فيوم إسلامك يا عباس كان احب الأيام إلي من اسلام "الخطاب" لو أسلم (أبو سيدنا عمر ). فالنبى باصص لأبى سفيان وطبعا النبى مش ناسى ان من ايام قليله كان ابو سفيان جاى يخدعه فى موضوع مد مدة العهد زى ما حكينا.. فبسرعة قال ابو سفيان: تالله لقد آثرك الله علينا وإن كنا لخاطئين.. فيرد النبى عليه ويقول: لا تثريب عليكم اليوم، يغفر الله لكم وهو ارحم الراحمين.. والنبي سامحه !! تخيلوا! المهم قال أبو سفيان أنه هيسلم مكه.. بس فى شئ أهم من كده عند النبى.. إيه هو؟ هو ان أبو سفيان يسلم ويهتدى لله.. فيقول النبى: أما آن لك أن تسلم يا أبا سفيان؟ فقال ابو سفيان ما احلمك وما ارحمك وما أوفاك، حقا لو كانت الاصنام آلهه لأغنت عنا اليوم!! وقال اشهد انه لا اله الا الله، فقال النبي أتشهد يا ابا سفيان اني رسول الله؟! فقال ابو سفيان: ولكن فى القلب منها شئ !(برضو بقاله سنين ضد النبى .. مش قادر فجأه يتقبل انه يخضع للحقيقه وان النبى رسول الله)، فقال له العباس: قلها يا أبا سفيان.. فقال اشهد ان محمد رسول الله، بس مش طالعه من قلبه ! والنبي عارف كده، بس النبى صبر عليه.. وراح العباس واخد النبى وقال له: إن أبا سفيان رجل يحب الفخر فهو سيد قريش.. فأعطيه شئ..، فالنبي مرن جدا فوافق وقال لأبو سفيان: أخبر أهل مكه أنه من دخل دار ابو سفيان فهو آمن (يعني انت لسه سيد قريش).. وقال النبى: ومن أغلق عليه بابه فهو آمن.. (كأن النبى عايز يعمل حظر تجوال.. عشان ميحصلش أى تصادم بين الكفار والمسلمين.. وقال: ومن دخل الحرم فهو آمن.. ففرح ابو سفيان وبسرعه خرج عشان يروح لمكه.. بس النبي قلقان أن يكون ابو سفيان خاف وأول ما يدخل مكه ممكن يرجع في كلامه ويغدر، أصل النبي فطن جدا.. النبي بياخد بالأسباب، فقال للعباس: انه يروح ورا ابا سفيان وميخلهوش يدخل مكه.. وشوف أى حجه وخده وأطلع على قمه الجبل.. وجيش المسلمين هيعمل استعراض عسكري، عشان لو أبو سفيان فكر يغدر تانى.. فيكون شاف الجيش وعرف حجمه فيتراجع ويخاف.. وبسرعه جرى العباس ورا ابو سفيان وأقنعه انه يبات معاه على الجبل لحد الصبح، وأبا سفيان مفهوش حيل يكمل الطريق لمكه فوافق، فطلعوا الجبل وبدأ يعدي جيش المسلمين.. الجيش متقسم قبائل وكل قبيله ما تعدي من تحت الجبل تقول الله اكبر.. طيب ليه يا رسول الله؟ عشان نهز ابو سفيان لأن ثباته من ثبات قريش.. المهم أبو سفيان واقف يتفرج فى ذهول وبدأ يسأل: قبيله من هذه ؟ فيقول العباس: أشجع.. فيقول أبو سفيان: أسلمت أشجع!!.. ويفضل يسأل كده مع كل قبيله تعدي، فيسال ابا سفيان: أمتي هتعدى كتيبة النبي ؟

الحلقة 82 من السيرة النبوية 🙌 يلا صلوا على النبى🌸💜 فتح مكة (ج2) شوفنا امبارح استعداد جيش المسلمين للخروج لمكة وقولنا ان النبى عليه الصلاه والسلام حاول يخفى خبر فتح مكة ومقلش حتى لغالبية الجيش انهم خارجين لمكة أصلا، لكن هتحصل حاجه مش فى الحسبان وهي أن يوم ما عمرو بن سالم قال للنبى على خبر غدر مكة بمسلمين قبيله خزاعه.. كان موجود صحابى أسمه حاطب بن أبى بلتعه.. فلما عرف حاطب بغدر قريش.. ففهم ان النبى هينوى فتح مكة.. فقام باعت رساله لأبو سفيان وقال فيها إن رسول الله يجهز جيشاً لقتالكم ومعه 10 ألاف جندى من العرب ويبعت حاطب الجواب مع إمرأة وقال لها خبى الجواب فى هدومك لحد ما توصليه لأبو سفيان.. بس تفتكروا هتقدر توصل بالجواب لمكة؟ لأ الحمدلله مش هتوصله.. بس إزاى.. نزل جبريل على النبى وبلغه باللى عمله حاطب بن ابى بلتعه.. وقال له ان الجواب مع الست واخبره بمكانها.. فبسرعه يبعت النبى سيدنا على ابن ابى طالب وسيدنا الزبير عند مكان المرأة وفعلاً يروحوا فيلاقوها.. فيقولولها: أعطنا الرسالة فقالت: ليست معى رساله.. فقالوا: كذبتى.. ما كذب جبريل وما كذب رسول الله.. فأعطنا الرساله أو سنأخذها منك بالقوة.. فقامت مطلعه الجواب.. وبسرعه راح سيدنا علي للنبى وبدأ يقرا الجواب للنبى.. ويقف حاطب وحواليه بعض المسلمين بيسمعوا الجواب.. وحاطب ده مش مسلم عادى.. ده مجاهد حارب فى غزوة بدر والخندق وخيبر.. فيسمع النبى الرساله ويبص له ويقول: ما هذا يا حاطب؟.. فيقول حاطب : يا رسول الله لا تعجل وأسمع منى.. فيقول النبى: تكلم يا حاطب.. فقال حاطب: يا رسول الله إنى لى قرابة من الأهل يعيشون فى مكه وخشيت عليهم أن تقتلهم قريش فأردت أن أفعل معروف يتذكروه لى.. وعلمت أن الله سيحميك يا رسول الله ولن يخزيك ابدا ولكنى أردت أن أحمى قرابتى.. (وده ذنب ضعف مش خيانه) فسيدنا عمر بن الخطاب مضايق جداً فقال: يا رسول الله دعنى أضرب عنقه.. فراح النبى قايل: مهلا يا عمر فهو ممن حارب فى غزوة بدر.. فلعل الله أطلع إلى أهل بدر فقال: اعملوا ما شئتم فقد غفرت لكم.. (يعنى ذنب حاطب ممكن يكون مغفور بسبب تعبه مع المسلمين فى جهاده فى غزوة بدر) فأتأثر سيدنا عمر قوى بمغفرة ورحمة ربنا الواسعه.. شايفين كأن حاطب له عند ربنا رصيد من الأعمال الحسنة بترفعه عند ربه.. قال تعالى: "إن الحسنات يذهبن السيئات" وعدت المشكله والناس بقت تتعامل مع حاطب عادى.. ونشوف هنا جمال المجتمع المسلم وهو بيحتوى اللى بيغلط ويسامحه.. مش زي اليومين دول لو واحد غلط غلطة تلاقي كل متيجي سيرتة تلاقي ناس تقول مش ده بتاع الموضوع الفلاني عرفتوا احنا ليه اسلامنا مذبذب حاليا 💔 المهم نكمل.. هيخرج الجيش من المدينه بس النبى هيأمرهم بالإتجاه إلى منطقه ذى مروة.. عشان لو مكة بتراقب النبى.. تتشتت وتتلخبط.. وينخدعوا أن النبى مش رايح ناحيه مكة.. وكمان ينخدع المنافقين ..المهم طول الطريق لذى مروة.. النبى بقى يريح الجيش وبياكلوا ويناموا فترات طويله.. وأول ما بدأ الجيش يقرب من ذى مروة.. أصدر النبى أوامر بتغيير مسار الجيش وأمر أنهم يتحركوا فى إتجاه مكه.. وهنا كانت المفاجاه..10 ألاف جندى مسلم فى إتجاه مكه.. طبعا كفار قريش.. لا يمكن تتصور ان كل العدد ده على بعد اربع اميال من مكه.. طيب مين طالع مش قادر يصبر وعايز يعرف الأخبار؟ سيدنا العباس عم رسول الله.. وده كان مسلم وكاتم إسلامه عشان يساعد المسلمين ويبقى زى المخابرات وسط كفار قريش.. بس مبقاش قادر يقعد كل ده بعيد عن النبى عليه الصلاة والسلام فخرج من مكه وجمع ولاده ومراته وهاجر للمدينه فقابل النبي فى الطريق.. وحضنه النبى عليه الصلاة والسلام وقال له: يا عمى انت اخر مهاجر.. فلا هجرة بعد فتح مكه.. سبحان الله لو سيدنا العباس كان أتأخر شويه مكنش هيتكتب من المهاجرين.. هو اه صحابي بس مكنش هيبقي مهاجر،، قال تعالى: { لاَ يَسْتَوِي مِنْكُمْ مَنْ أَنْفَقَ مِنْ قَبْلِ الْفَتْحِ وَقَاتَلَ أُولَئِكَ أَعْظَمُ دَرَجَةً مِنَ الَّذِينَ أَنْفَقُوا مِنْ بَعْدُ وَقَاتَلُوا وَكُلاًّ وَعَدَ اللهُ الْحُسْنَى وَاللهُ بِمَا تَعْمَلُونَ خَبِيرٌ} [الحديد: 10] عشان كده لازم منتأخرش على الطاعه عشان ثوابها ميقلش أو يضيع ثوابها الكبير مننا.. دلوقتى خلاص انضم العباس لجيش النبى.. والنبى قرب قوى من مكه. هتعمل ايه يا رسول الله؟ هاعمل حرب نفسيه.. طب إزاى؟.. هيأمر النبى الجيش.. اشعلوا النيران،، عشره الاف شعله نار فى ايدهم.. منوره بالليل.. النبى ليه عمل كده؟ عشان أهل مكه يخافوا ويستسلموا.. وده أكبر دليل على ان النبى عايز يفتح مكه بسلام بدون نقطه دم واحدة..

معلش النت عندي مش أحسن حاجه عشان كدا مكنتش عارفه ابعت الفتره اللي فاتت.

اصل النبى قلقان من المنافقين اللى فى المدينه أنهم يسربوا الخبر.. لكن هتحصل حاجه مش فى الحسبان ايه هي يا ترى؟؟ هنعرف بكره إن شاء الله قصة حياة النبي صلى الله عليه وسلم♥️♥️

هيستفيدوا أنهم لما يتفقوا مع النبى على اتفاق جديد فى المعاهدة الجديدة, العقد الجديد هيلغى العقد القديم, فبالتالى سيدنا محمد لما يوصل له خبر الغدر مش هيقدر يحاربهم بناءاً على نص الاتفاق الجديد.. فرحت قريش بالاقتراح ده ووافقوا عليه.. بس طبعا هما ميعرفوش ان خلاص خبر غدرهم وصل للنبى من بدرى.. المهم فعلاً طلع أبو سفيان من مكة ووصل للمدينة ولما كان فى الطريق.. شافوه المسلمين.. بس محدش ضايقه بكلمة عشان العهد اللى بين المسلمين وبين قريش، عشان فى معاهده سلام بينهم, زائد ان كمان كان لسه الخبر بتاع قتل مسلمين خزاعه منتشرش.. دخل أبو سفيان المدينه وراح لابنته "رملة" دى زوجة النبى وكان بقاله سنين مشفش بنته.. المهم دخل ابو سفيان بيتها فلقى فرش على الارض ولسه جى ابوسفيان يقعد .. جريت رملة بنته بسرعه وسحبت الفراش من تحته! فغضب أبو سفيان وقال: "يا بنية ما بكِ؟ أرغبتى بى عن الفراش أم رغبتى بالفراش عنى؟", فقالت: "بل رغبت به عنك.. (يعنى خايفة منك توسخ الفراش), لأنك مشرك وهذا فراش رسول الله صلى الله عليه وسلم. فقال: يا بنية, لقد أصابكى بعدى شر؟ فقالت: "لا والله, ما أصابنى بعدك مع رسول الله الا كل الخير". ويخرج ابو سفيان ويروح على المسجد النبوى.. وكان قاعد فيه النبى عليه الصلاة والسلام, وقبل ما يدخل ابوسفيان, قال النبى للصحابة: "يأتيكم الآن أبو سفيان, يريد أن يشد فى العهد ويزيد فى المدة", فقال الصحابة: "نشهد أنك رسول الله" بعدين دخل أبوسفيان المسجد وسلم على النبى اصل النبى عارف كل الخدع بتاعت ابو سفيان بوحى من الله.. فقال ابو سفيان: "يا رسول الله, لم أحضر صلح الحديبية, وقد بدا لى أنه صلح خير.. فإنى أتيتك لنزيد فى المدة", فسكت النبى ومردش.. وفضل أبو سفيان يحاول.. وبرضه النبى ساكت ومردش.. لأنه عارف ان أبو سفيان جاى يخدعه.. - النبى بيلعب بأعصاب ابو سفيان ومرضيش يمد العهد.. فأبو سفيان مكنش عارف يعمل ايه فمشى وراح لأبو بكر لعله ينقذه.. ولكن سيدنا أبوبكر رفض.. فابو سفيان فقد الأمل من سيدنا أبوبكر, فسابه وراح لسيدنا عمر بن الخطاب رضى الله عنه وأرضاه.. ففتح سيدنا عمر لأبو سفيان وقال له: "أبو سفيان! ماذا تريد يا عدو الله؟", فقال: "يا عمر, جئتك فى خير" وحكاله القصة وان النبى لم يقبل عرضه وأنه عايز يتوسطله عند النبى.. فرد سيدنا عمر وقال: " ألم تجد غيرى؟! والله لو لم أجد الا الذر (اصغر حاجه) لقاتلتكم به! ابوسفيان فقد الأمل من سيدنا عمر, فيروح لسيدنا "على بن أبى طالب".. مين فى بيت سيدنا على دلوقتى؟ سيدنا على وفاطمة والحسن كان بيلعب ما بيبنهم. المهم دخل أبو سفيان وسلم على سيدنا على, وقال له: "والله يا على, لقد أصابنى أمراً شديداً.. وجئت اليك يا على لأنك أقرب الناس إلي فى المدينة" وحكى له اللى حصل مع النبى وابوبكر وعمر. فقال على: " يا أبا سفيان, انى لا أملك أن أراجع رسول الله أبدا".. فبص أبو سفيان لفاطمة وقال لها: "يا فاطمة.. هل يمكنك ان تأمرى الحسن أن أكون فى حمايته؟" (عشان عايز يضمن ان المسلمين ميحاربوش اهل مكه بعد ما يعرفوا خبر الغدر بخزاعه) فقالت: "هو طفل ولا يجير بين الناس!".. فقال ابو سفيان: "يا على, انى والله فى كرب شديد!". ففكر سيدنا على وقال: "وجدت لك حلا. اذهب الآن الى المسجد, وقف وقل " انا ابا سفيان بن حرب, سيد قريش, قد أجرت بين الناس, لا يعتدى أحد على أحد, ولا يقاتل أحد أحد".. فقال ابو سفيان: "اقول ذلك ؟! وهل تنفع اجارتى يا على؟". فقال على: "لا!", قال: "ولم تأمرنى بها؟!" . فقال علي: "لأنى لا أجد لك غيرها" وفعلا دخل أبو سفيان المسجد النبوى وقدام الناس كلها قال: "أيها الناس, انا ابا سفيان بن حرب, سيد قريش, قد أجرت بين الناس, لا يعتدى أحد على أحد, ولا يقاتل أحد أحدا". فالناس بصوا له ومحدش اهتم بكلامه.. خرج أبو سفيان من المدينه ورجع لمكة فلقى كبراء قريش مستنيينه على الباب, فحكى لهم اللى حصل, فقالوا له: "خبت وخسرت! إن علي بن أبى طالب يلعب بك.. وفهموا أن طبعا كل اللى حصل مش هيأثر فى حاجه وان اكيد النبى مش هيسكت لما يوصل له خبر الغدر.. (أصل قريش فاكرة ان النبى موصلتلوش لسه اخبار الغدر عشان كانوا حاولوا يخبوا علي المسلمين الخبر) - طيب بيحصل ايه فى المدينة دلوقتى؟ النبى بيجهز الجيوش والوقت ده كانت فيه قبائل كتيرة أسلمت القبائل تبايع النبى.. ومنهم قبيلة غفار, فيدعو لها النبى قائلا: "جاءت غفار غفر الله لها", وتأتى قبيلة أسلم, فيدعو لها النبى: "جاءت أسلم سالمها الله".. وكل دى قبائل انضمت لحلف النبى.. والنبى هدفه انه يوصل بالجيش لمكه ويفاجئ قريش.. فبرضه عمل تعتيم شديد على خبر فتح مكه.. لدرجه أن اثناء تجهيز الجيش.. النبى عليه الصلاة والسلام مش هيقول لحد انه خارج لفتح مكه إلا المقربين منه فبعض الصحابه عملوا قصيدة مدح النبى وفى أخرها بيسئلوه إلى أين يا رسول الله؟ فيسمع النبى القصيده ويبتسم ويسكت..

الحلقة 81 من السيرة النبوية 🙌 يلا صلوا على النبى🌸💜 فتح_مكة (ج1) من النهارده حبيبنا النبي صلى الله عليه وسلم هيبتدي يخطط انه يرجع لبيته وأهله ومكان طفولته طبعاً احنا عارفين المعاهدة (صلح الحديبيه) اللى بين النبى عليه الصلاه والسلام وكفار قريش وكان من شروطها ان لا تقاتلونا ولا نقاتلكم ولا تساعدوا أحد لقاتلنا.. وكانت مدتها 10 سنين .. دلوقتى عدى سنتين على المعاهدة دى.. يعنى باقى على وفاة النبى 3 سنين عليه أفضل الصلاة والسلام.. فربنا هيسبب الأسباب عشان مكة تتفتح (8 هجريا) وبسبب كفر وغدر اهل مكه.. طيب ايه اللى هيحصل؟ اللى هيحصل ان بعد معركه ذات السلاسل أسلمت قبيلة خُزاعه وانضمت لحلف سيدنا محمد صلى الله عليه وسلم, وكان فى قبيلة تانية اسمها "بنى بكر", دى رفضت الاسلام عشان تتحدى قبيلة خزاعة لان هما دايما معاهم فى خلاف ويعتبروا أعداء.. فلما انضمت خزاعة لحلف النبى وبقت تدافع عن الله ورسوله.. أشتد كفر قبيلة بنى بكر وانضمت كمان لحلف قريش. - وفى يوم ذهبت قبيلة خزاعة للنبى تطلب اذنه عشان يطلعوا عمرة.. وفعلا طلعت خزاعة العمرة, وأثناء الطواف بالكعبه عرفت بنى بكر بوجود خزاعه في مكه.. وفى نص الليل.. قائد قبيله بنى بكر اسمه "نوفل بن معاوية" راح لواحد من كبراء قريش أسمه "عكرمة بن أبى جهل".. يطلب الأذن للهجوم على خزاعة فى مكه وقتلهم.. فخلى بالكم لو قريش وافقت على القتل ده, هيبقى ده نقض المعاهدة (لأن من شروطها زى ما قلنا ان لا تقاتلونا ولا تعينوا على قتالنا).. وخزاعه أسلمت فبقت تبع النبى .. فالمفاجئة ان قريش وافقت!! وخد نوفل الأذن ومش بس كده دى أمدتهم بالسلاح كمان.. وهيأت لبنى بكر الطرق عشان تهجم على خزاعه.. ووسط ما قبيلة خزاعة بيصلوا فى الحرم ومنهم اللى راكع واللى ساجد.. يدخل فجأه عليهم نوفل بقيبلته بالسلاح فى الحرم ويقتلوا ويذبحوا واحدا ورا التانى.. ذبح وقتل غير عادى وغدر للمسلمين.. فبدأت خزاعة تجرى ناحية الكعبة عشان تتحامى فيها لأن القتل فى الحرم محرم برضه عند الكفار.. لكن نوفل كمل جرى وراهم جوه الحرم! فنادته قبيلته بنى بكر وقالت له: "يا نوفل, الهك الهك! الحرم الحرم!" (يعنى قوانين الألهه بتحرم القتل عند الكعبه) فقال نوفل: "أيها الناس, انكم تسرقون فى الحرم, أفلا تقتلون فيه؟!" (شوفوا بنى بكر كانوا الاول بيسرقوا فى الحرم ودلوقتى هيقتلوا فيه.. فمحدش يحقر أى ذنب بيعمله لان ممكن بعد كده الذنب ده يوصله لذنب أكبر. زى الكذب قال صلى الله عليه وسلم : الكذب يهدى إلى الفجور. وفعلاً دخلت بنى بكر الحرم وذبحت خزاعة, فبسرعه جرى ناس من خزاعه ..قدروا يهربوا من القتل.. وتوصل اخبار غدر قريش بالمسلمين للنبى عليه الصلاة والسلام.. وهتحاول قريش تخدع النبى عشان تخفى جريمه اتفاقها مع بنى بكر.. بس يا ترى إزاى؟ اتملى الحرم بالدماء وجرى واحد اسمه عمرو بن سالم على المدينه عشان يبلغ النبى عليه الصلاة والسلام بالمجزرة اللى حصلت.. ووقف وهو بيتقطع قدام النبى وقال الخبر بطريقه عجيبه.. قاله من خلال ابيات شعر ألفها.. (الشعر هو اعلى وسيله للتعبير عن اعمق واصعب احاسيس) قال عمرو: يا ربى إن ناشد محمدا.. حلف أبيه وأبينا الأتلدا.. قد كنت ولدا وكنا والدا.. ثم أسلمنا ولم ننزع يدا.. ولكن قريش أخلفوك الموعدا.. ونقضوا ميثاقك المؤكدا.. هم قتلونا بالوتير سجدا.. وذبحونا ركعا سجدا.. فانصرنا هداكا الله نصرا أيدا.. وادعوا عباد الله يأتوك مددا.. - بيسمع النبى كلام عمرو, وبيحمر وجهه الشريف من الغضب وقال: "نصرت يا عمرو بن سالم " لو تلاحظوا طول السيرة, النبى عليه الصلاة والسلام بيتماسك ويصطبر على أى أذى إلا الغدر, دايماً رد فعله بيكون شديد جداً, عشان محدش يفكر يغدر بالمسلمين تانى, وعشان محدش يتجرأ ويستحل دماء ولا أعراض المسلمين تانى.. طيب هتعمل ايه يا رسول الله؟ هافتح مكة.. طيب تعالوا نشوف بيحصل ايه دلوقتى عند قريش. بعد ما قبيلة بنى بكر قتلت مسلمين قبيلة خزاعه.. فاقت قريش على الكارثة اللى حصلت وأدركوا انهم خانوا العهد مع النبى وان أكيد النبى هيحاربهم, وقالوا اللى ورطنا فى الكارثة دى "عكرمة" , فبسرعه عملوا اجتماع طارئ وكان رئيس الاجتماع "أبوسفيان" فقال لهم: "أيها الناس, ويحكم! محمد لن يتركنا, أسمعونى آرائكم". فقال الأول: "يا أبا سفيان, انى أرى أن ندفع الدية لمحمد", فقالوا: "والله ليست معنا حقها". وقال الثانى: "اذاً, ندفع القتلة لمحمد يقتص منهم ونسلم بنى بكر له", فقالوا : "مستحيل, فبهذا لن يدخل فى حلفنا أحد بعد اليوم". فقال الثالث: "اذاً محمد لن يترككم وسيحاربكم لا محالة", فرد أبو سفيان وقال: "ولكنى عندى حل, اتركونى أذهب إلى المدينة, وأقابل محمد وأطلب منه أن يمد الصلح لعشرين عاما, وبالتأكيد سيقبل محمد لانه يحب السلام!".. طيب دلوقتى إيه استفادة قريش من فكرة مد المعاهدة (صلح الحديبيه)؟