هندسة الكهروميكانيك / الجامعة التقنية الجنوبية / ميسان

علقوا بهيج شي واي شي يفيدنه دزوا الي واي خريج او طالب لا يغادر هاي القناة والي ما موجود ضيفو يجي يومها

نود إيصال استيائنا الشديد من غياب أي جهود حقيقية لدعم خريجي الكلية في الحصول على فرص عمل أو حتى إقامة مقابلات توظيفية مع الشركات والمؤسسات، في الوقت الذي نرى فيه جامعات أخرى مثل جامعة ميسان وكلية العمارة تنظم لقاءات ومقابلات وفرصًا مباشرة لخريجيها. الأمر لا يقتصر على ذلك فحسب، بل إن مستوى التعليم المقدم ما زال بعيدًا عن متطلبات سوق العمل الفعلية، حيث يواجه الخريجون فجوة واضحة بين ما تم تعلمه داخل القاعات الدراسية وما تحتاجه الشركات والمؤسسات على أرض الواقع. بعد سنوات من الدراسة والاجتهاد، من حق الطالب أن يجد جامعة تسعى إلى تأهيله عمليًا وربطه بسوق العمل، لا أن يترك بعد التخرج ليواجه مصيره دون أي دعم أو متابعة. لذلك نطالب إدارة الجامعة باتخاذ خطوات جادة وعاجلة لتنظيم معارض وظيفية ومقابلات توظيفية وتحديث المناهج بما ينسجم مع احتياجات سوق العمل الحديثة. إن استمرار هذا الواقع ينعكس سلبًا على سمعة الجامعة ومستقبل خريجيها، ونأمل أن يتم التعامل مع هذا الموضوع بالجدية التي يستحقها

السلام عليكم اخوان اكو استبيان نزلوا الكلية من تدخل على الرابط سجل دخول وعلقوا من يمكم او بهيج كليشة راح ادزها الكم رابط الاستبيان https://docs.google.com/forms/d/e/1FAIpQLSfMfuWBr5G_il_nLRWvAVWgcjY7LIygrT6Le0zgJtU_0urzWw/formResponse?pli=1

الدفعة الرابعة 👨🏻‍🎓 نتمنى لكم حياة مليئة بلسعادة 🎊

الانتخابات الداخلية للفريق الخاص https://docs.google.com/forms/d/e/1FAIpQLSeGPzaCB7Z5O2x2Y7Ul7-nJPhvHKthGUb8PCaX4Rx8sbGoimQ/viewform

السلام عليكم شباب اني "سيف حيدر طالب " مرشح على مشروع الشباب اني خريج منكم وبيكم كهروميكانيك هذا المشروع خاص للخريجين والشباب يفيدهم من خلال درجات وظيفيه فا أني كدامكم واخوكم شغلي راح يصير بمجلس المحافظه اي شخص يحتاج شي او تجي درجات وظيفية اني موجود ومتابع الموضوع وافيدكم وحتى رقمي يمكم وإن شاء الله عد حسن ضنكم اتمنى تصوتون باسم سيف حيدر طالب وتكتب اسمك وبعدين رقمك ورقم البطاقه والوطنيه وإن شاء الله اكو عند حسن ضنكم واي شخص يصوت يدز سيفي مالته و معلومات وإن شاء الله ما اقصر وياكم وهاي الاستمارة 👇🏻

وتخرجت دفعة جديدة ثالثة 👨🏻‍🎓👩🏻‍🎓 مبارك لكم الفرحة والشهادة والحياة الجديدة ايها الدفعة القريبة منا ♥🤍 كذلك مبارك لباقي المراحل 🎊

بأخر مرحلة تخلصها لازم تسوي برائة ذمة بس هاي تبري ذمتك انت اما اكو ناس بلكلية ما مبريين الذمة دنيا واخرة، لما قدموة من قرارات وظلم وحرمان ودخلوا بعض الطلاب بعذاب نفسي وقلق وسهر وكلشي سلبي الله ما يقبلها ولا عبادة مقارنة بلمادة العلمية فرق جبير وتالي تخرجنة طلعوا كلشي ممسويلنة لا مقدمين كتب للشركات لا للدوائر، مبارك بس السم عفونا عن الكثير بس اكو مواقف ما تنسي واكو بيكم ما مر بيها بس اني والاغلبية مرينا بيهن كلهن لان داومنة ببداية الشسمة 🌀

الحمدُ لله تمت الموافقة من قِبل فرع نقابة المهندسين العراقية/ميسان، بشأن طلب مفاتحة شركة نفط ميسان بموضوع هندسة الكهروميكانيك، والنظر بحالهم وشمولهم في تدريب شركة بتروچاينا القريب، والوظائف في القطاع الخاص أما بطلب التخصص ذاته او الموافقة بشمولهم مع هندسة الكهرباء أو الميكانيك، وسيتم رفع الكتاب الى شركة نفط ميسان ومعرفة جوابهم بذلك قريبًا إنّ شاء الله. أختكم مهندسة الكهروميكانيك عضو المؤتمر العام لنقابة المهندسين زهراء علي عبد الستار 2025/4/30 الاربعاء

خصم الحجي خليكم بلقناة ودزوها بكروباتكم يجي يوم نسويلنة شي وين نلگاكم بس هاي تجمعنة

#مهم الزملاء الأحبة اعرف عدكم امتحانات وملتهين بس ردت اكلكم على شغلة كلش مهمة اول ماسويت هاي القناة جانت فقط دفعتين تداوم ومسائي ماكو والأن بعد مرور 5 سنوات تقريباً راح تكون 3 دفع متخرجة والى الأن محد يذكرنة بشي لا محافظة ولا شركات ولا نقابة تروح للنقابة يگلك اختار ميكانيك لو كهرباء تروح لدائرة الضمان كذلك الشركات كذلك يعني ميذكرون كهروميكانيك ولا يطلبون (محد مقلدلنة ) ماعرف سببها منو لذلك هاي القناة تجمعنة المتخرجين والي مستمرين بلدراسة راح نستفاد منها ككل واي احد عندة شي يدخلي خاص ويگلي عن خبر او عن قرار او خطوة لابد يوم من الأيام نسويلنة شي عممو هاي القناة خلوها تكبر فقط طلاب الكهرو العمارة

الى مهندسين ميسان، يُرجى الإطلاع على القانون والنظام الداخلي الخاص بالنقابة وفي حال وجود اقتراح عندكم أرسلوه لي عبر المُعرف الآتي @Eng1Za1 لارفق مقترحاتكم بطلب الى نقابة المُهندسين. https://www.ieu-iq.org/the-law-of-the-union/ قانون النقابة https://www.ieu-iq.org/rules-of-procedure-2/ النظام الداخلي م.زهراء علي

جان من ينزل الجدول افرح لان احنة نداوم بلكلية على الأمتحانات نحب التحديات بعد ماخلصت السنة هواي فايتك محاضرات 🫰🏻 وبعدين تباوع على اخر يوم بالامتحانات وتكول راح تخلص سنة مثل القبلها والوراها خلي اشد حيلي شهر وبعدها الي اريدة اسوي على راحتي وهيج خلصنة الكلية وتخرجنة وصارت سوالف 🤝🏻 نتمنالكم التوفيق وشد الحيل 🫶🏻🌺

غداً عطلة #رئاسة القسم

#عاجل تعطيل الدوام الرسمي يوم الأربعاء المقبل 4/9 في ميسان، بمناسبة استشهاد السيد محمد باقر الصدر (ق س)

#عاجل مجلس محافظة ميسان يعطل الدوام الرسمي ليوم غد الأحد بمناسبة التشييع الرمزي لسيد حسن نصر الله .. المصدر : علاء المحمداوي

فرحة النهايات تنسيك تعب البدايات 👨🏻‍🎓🎊 مبارك لكم اخوان ونتمنالكم كل التوفيق 💙❤

عدنة دفعة جميلة راح تتخرج تصويرهم عكب باجر 👨🏻‍🎓🎊

كم معلومة او نصيحة ليوم تصوير التخرج الرسمي لان هليوم مو عادي ابداً للي يهتم بهيج تفاصيل - بيوم التصوير لا تغلط وما تجيب احد من اهلك واذا ماكدرو يجون صديقك خالك عمك اهم شي شخص يحبك وتحبة ويفرح بيك لان اذا ما اجاك احد راح تحس بلفراغ من تنزل من المنصة بالصورة الجماعية .. - جيب وياك شخص يصورك يعني احد قريب عليك عندة شوية خبرة بلتصوير واذا تحجز مصور بعد افضل ابداً لا تعتمد على مصور الجلسة - وبعد شخص وياك يساعدك يلزم الروب الوشاح غراضك يعدلك واخيراً لازم تلتمون من وكت لان مو من صالحكم التأخير هلشي يضركم ما يضر المصور لان راح تصير بسرعة بسرعة لا تستهين بهذا اليوم حظرلة وكأنة يوم زفافك 👨🏻‍🎓 اول الحاظرين 🖐🏻 تمنياتي لكم بلتوفيق الدائم