أمل🤍

احس احجي وحدي هنا

ا تزعل مني إذا شفت بيّه نقص، تره أني مو كامل لكمال لله وحده ويمكن مرات أقصر أو أخطئ بدون قصد. بس صدگني ما أريد أزعلك ولا أخليك تحس إنك مو مهم عندي. إذا شفت مني شي يضوجك، احچيلي وخلينا نصلحه سوه، لأن مكانتك عندي أكبر من أي زعل أو سوء فهم هاذا لشي تسمعه من انسان صدك رايدك 🤍

الانسان ما نکدر نعرفه لا من مظهره ولا من كلامه وحتی ما نكدر نعرفه من افعاله الظاهرة الانسان تعرفه بحالتين فقط اولا بالمعاشرة ثانيا بالمواقف لا تنخدع بالناس حتى لو شفت كلامهم نور على نور لا تكون ساذج و مغفل لا تمدح الناس بدون ما تعاشرهم او تجربهم حتى لا يجي يوم وتنصدم بيهم ولا تتوقع الخير من غير الله ولا تنتظر واحد يساعدك خليك مقتنع اقتناع تام ان كلشيء قابل للتغير🤍

كل شيء يكضي، وكل حزن مرّ على عيونك راح يعوضك اللّٰه عنه، ويخلي بقلبك طمأنينة. بس خلي عندك شوية صبر، ولا تخلي الحياة تكسرك أو أحد يشفق عليك. تذكر، الكل يمر بظروف صعبة، وهاي الدنيا يوم إلك ويوم عليك، وماكو مهرب منها غير الصبر والمواجهة. الصفحة اللي جاند أشر أيامك، وما يبقي منها غير ذكرى. اللّٰه راح يهون كل مرارة عشناها... واليوم هذا، أكيد راح يجي🤍

الانسان ما نکدر نعرفه لا من مظهره ولا من كلامه وحتی ما نكدر نعرفه من افعاله الظاهرة الانسان تعرفه بحالتين فقط اولا بالمعاشرة ثانيا بالمواقف لا تنخدع بالناس حتى لو شفت كلامهم نور على نور لا تكون ساذج و مغفل لا تمدح الناس بدون ما تعاشرهم او تجربهم حتى لا يجي يوم وتنصدم بيهم ولا تتوقع الخير من غير الله ولا تنتظر واحد يساعدك خليك مقتنع اقتناع تام ان كلشيء قابل للتغير🤍

صاير بيه مرض اسمه ابو الصوف ابو سربحان وصلبوخ وام بعرور ابو جماميس انتوهم مثلي لوو اروح اتعالج نفسياً 🤣

اليوم لبي عسر وراه يُسرين، وباب الامل ما ينسد بوجه العنده إيمان. لا تخلي حزنك العابر يخرب طعم الشغلات الحلوة المنتظرتك.. كول 'يا الله' واستبشر بالخير!" "ترا روحك تستاهل تفرح، وكلبك يستاهل يرتاح. لا تشيل همّ الباجر.. الرب العظيم المدبّر، راح يكتبلك لخير وأحلى مما تتمنى وزيادة. "خلي إبتسامتك هي الرد على كل ظروفك الصعبة.. ترا الشدة تمشي، والطيبة تدوم، والفرج جاي بالطريق لا محالة واتذكر قول الله ﴿وَلا تَيْأَسُوا مِنْ رَوْحِ اللَّهِ﴾🤍

يوم جديد، وشهر جديد، وبداية جديدة… مو كل بداية تعني إن كلشي راح يتغيّر، بس تعني إن عندك فرصة تبدي من جديد بگلب أخف، وأمل أكبر، ونية أحلى. خلّي هالشهر يكون بداية لراحة بالك، وتحقيق أمنياتك، وخل كل يوم بيه يقربك أكثر من الشي اللي تستحقه🤍

لا تخرب فرحة غيرك، يمكن هي الفرحة الوحيدة اللي منتظرها من زمان و الانسان اللي يتعمد يخرب فرحة غيره، عمره ما يذوك طعم الفرح الحقيقي خلي گلوبكم أنظف، لأن السعادة ما تنبني على كسر خاطر غيركم 🤍

الأشخاص اللي نلتقي بيهم، مو شرط يكونون من نصيبنا. مرات يمرّون بحياتنا حتى يعلّمونا شنو نريد وشنو ما يناسبنا، وحتى نعرف إن مو كل شخص يستحق مكان بقلبنا. كل تجربة، حتى لو كانت مؤلمة، تترك أثر يفيدنا بالمستقبل. ولما يجي الشخص الصح، نكون ناضجين أكثر، نعرف قيمته، ونقدّر وجوده، ونتمسك بيه لأن التجارب السابقة علمتنا شكد الفرق كبير. فلا تزعل من كل شخص طلع من حياتك، لأن مو كل اللي يجي حتى يبقى. أكو ناس يمرّون حتى يكونون درس، مو نهاية. والأهم من كل هذا، إنك تاخذ العبرة، وتتعلم، وما تكرر نفس الأخطاء🤍

الشي اللي ما ترضاه على نفسك، لا ترضاه على غيرك. لأن الإحساس واحد، والكرامة ما تختلف من شخص لآخر. عامل الناس بما تحب أن تُعامل به ولشي لتاذي ناس بي يرجع عليك بيوم من الايام صدكني هاي عداله رب العالمين، ولي تزرعه من خير راح يرجعلك أثره ولو بعد فتره من الزمن 🤍

الناس اللي روحهم حلوة، وجودهم راحة، وكلامهم يخفف التعب، وابتسامتهم تزرع أمل حتى بأصعب الأيام. هذوله الناس ما ينسون، لأن أثرهم يبقى بالگلب حتى لو غابوا و الله يكثر من امثالكم وينطيكم على گد نيتكم لطيبه 🤍

اليوم مو بس إعلان نتائج، اليوم حصاد تعب وسهر وأيام طويلة من الصبر. الله يجعل هذا النجاح بداية لكل خير، ويوفقكم بالقبول اللي تتمنوه ويحقق أحلامكم. وللي ما حالفهم الحظ أو ما وصلوا للمعدل اللي يريدوه، لا تعتبرونها نهاية الطريق. النجاح مو مرتبط بمحطة وحدة، والفرص الجاية ممكن تغيّر كل شي. بالتوفيق للجميع🤍

مو كل معركة تنخاض بالسلاح… أكو معارك تنخاض بالسكوت. من تبتسم وإنت مكسور، ومن تكول: “آني بخير” وإنت بداخلك ألف شي ينهدم. الصراعات الداخلية ما تترك أثر بالجسم، لكنها تغيّر الروح، وتعلّمك شلون تكون قوي حتى وأنت على حافة الانهيار🤍

اي شخص بينا يمّر بفَترة صعَبة بحياته مايبقى بيها بأحسن حالاته ، صحياً ونفسياً واقباله للحياةَ شبةُ منعدم ، وبعيد كُل البعد عن سلوكةَ وشخصيته والمحظوظ بينا الي مايشوف شخص يلومةَ بوكتها ميخلي يتندم على حاله ومايحبطه بكلامه وتعليقاته بالعكس يخلي يشوف نفَسة أحسن ويذكره دائماً بالحلو الموجود بي ،لحد مايرجع ويوكف على رجلي فشكراً لكلُ أنسان وكف ويانه بـَ يومُ من الأيام او حتى عالأقل حاول ، وتأكد تماماً وكفتك وايمانك بشخص وكت احتياجه الك هو دعم لايُقدر بثمن ومعروف لايمكن نسيانه 🤍

مو كلشي يتحقق بسرعة، ومو كل انتظار يضيع. مرات الوقت هو اللي يرتب الأمور بطريقة ما نكدر نفهمها هسه. لا تستعجل نصيبك، ولا تيأس إذا تأخر اللي تتمناه. خلك واثق إن كل شيء إله وقته، وإذا إجا بوقته، راح يكون أحلى مما توقعت… لأن كلشي يحتاج وقت🤍

خليك تسعى بالخير، حتى لو ما شفت النتيجة بسرعة. الخير ما يضيع، ويمكن يرجعلك من باب ما تتوقعه، وبوقت تكون أحوج ما تكون إله. لا تتعب من فعل المعروف، لأن الأثر الطيب يبقى، والنية الصافية إلها رزقها وأجرها🤍

الإنسان اللي يعتذر ويبرر إلك، مو ضعيف… هو شايف وجودك يستاهل يوضح ويحافظ على العلاقة. أمّا اللي ما يهمّه، لا يعتذر ولا يبرر هاذا هو يريد يبتعد اساساً بس يحاول يطلعك انته لغلط وهو لصح حتى عود يريح ضميره على ساس 🤍

للبعض الشرف والاخلاق مو باللسان الطويل حته تدافع عن نفسك والثكل مو بالنضرات الصفح والتكبر عود اني ثكيل والشخصية مو بالنفخ والسيارات والمسدسات وشرب العرك (اعذروني ع هاي الكلمه بس واقع ) والفلوس المطشره يم الكير والمحبوب تره عالفطره مو الا تصير لوكي لكل الناس حته تعطف عليك وتكول محبوب ومن تريد تنشر شي وتصوره لاتصور شي مو الك وتتفاخر بي اصنع روحك وجيبه لان راح تتفشل اذا انفضحت وذني الامور ميكبرن البشر شويه فرقو بالنضريات وعيش حياتك مثل ماانت ومثل واقعك حته مينعكس عليك شي سلبي بمرور الايام وتفتر عليك صلح اغلاطك اذا جان بيك غلط وكلها مامعصومه من الغلط ابتعد عن ذني الامور كل الخير والحظ يجيك اللي ماشالله صارن مودة يستعرضون بيهن عالعالم 🤍

الناس الي تحبك والي تنطيك حافز وآلي تتفائل بيهم  مو دائمآ وياك بالنهاية انت راح تعيش ادق تفاصيل من دراستك وتعبك وجهدك وسهرك علمود تحقق هدفك وهمه بعيدين عنك لذالك أنت اصنع لنفسك حافز طور من جهدك زيد من معنويات ذاتك وكل هاي تجمعها بثقتك بنفسك الي تخلي قناعتك عاليه بنفسك وتعرف شنو قدراتك ابدأ او كمل اكو هوايه وقت عندك خلي نفسك مثال  على الاصرار على تحقيق الحلم وتذكر ان كل تعبك ميروح بلاش على قدر تعبك الله ينطيك🤍