قصص واقعيه ورويات

- اكو مقولة مشهورة دائما جنت اسمعها من اهلنا الكبار واجدادنا الي هي ( ايا ليت الشباب يعود يوماً لاخبره بما فعل الشيب ) جانو يكولوها هواي شوقاً لشبابهم وايامهم الحلوة جانو يحبون هاي المقولة رغم الفقر والعمل الشاق الذي يقع على اكتافهم عاشو مغامرات وحرب وتجارب حلوة خلاهم يرددون هاي المقولة بكل فخر ، واكو مقولة ثانية جنت اسمعها الي هي ( قبل جانت الناس ع نياتها والقلوب صافيه) جانو اصحاب قلوب بيضاء ونوايا حسنة رغم الفقر والحرب والتعب جانو راضين بملابسهم جانو راضين بأكلهم جانو راضين بملابس ابائهم واخوانهم واخواتهم جانو كلش سعيدين قبل مجانت اكو موبايلات واجهزه إلكترونيه وماكو تلفاز بشاشة كبيره جانت هواتفهم ارضيه فقط لأيصال الصوت كانو سعداء راضين بمعيشتهم ويفضلو ع معيشتنا بالوقت الحالي من تطور وغنى وتوفير كل وسائل الراحة ، من نكبر احنه شنو راح نكول ع شبابنا ؟ هل هناك قلوب صافية سنفقدها ؟ هل هناك نوايا حسنة سنتذكرها ؟ ما اعتقد القلوب الصافية باتت نادرة والنوايا الحسنة اصبح عددها لا يتجاوز عدد الاصابع ، لقد اتعبنا الشباب كثيراً ليمر ولا نتمنى عودته ، لن نفتقد شيء من شبابناً سواى صحة اجسادنا الضعيفة الهزيلة سنقول ( ذهب الشباب وذهب الألم ) 🤍.

شنو هي القوة ؟ مبدئياً القوة بشكل عام هي صفه مكتسبه , زين منين مكتسبه ؟ ماكو شخص اجه لهلدنيا وهو قوي لازم صارت ويا ظروف والدنيا شبعته كفخات يلا " تعلم وصار قوي " وانت الي دتشوف هم لازم يصيرلك شي يقويك , ابسط المشاكل الي تحسها تكسرك خليها تقويك وخليك متفائل بالخير بدل ما تتكئب وتنقهر تكدر تكوم تمسح دموعك وتكمل حياتك طبيعي يعني القصد من كلامي تستغل هاي المشاكل بمكان ما تضعفك خليها تقويك وتعلم منها ليش صارت , وشنو السبب , وشلون احلها ؟ راح انطيكم مثال بسيط الي هوه 80% صاير ويا اغلب البنات ( بنيه تعرفت ع صديق وبعدين تطورت العلاقة وصار حبيب وورا فترا تركها وراح , هذا كمثال بسيط ما راح اتعمق بالتفاصيل ) بهاي الحالة شنو راح تسوي ؟ هنا راح تكعد تدك وتلطم وتبجي , وهذا اكبر اغلط ممكن تسوي بحق نفسها , زين تعاي ليش بجيتي ؟ اخر شخص بالدنيا لو اخر حبة محد يستاهل هاي الدموع والتعب غير نفسج واهلج لا تعيشين نفسج بوهم لان هاي مو اخر الدنيا ولا راح توكف حياتج ع احد , دتشوفين هذا المثال الفوك هذا ممكن يكون ابسط مثال راح تواجهي بحياتج لازم تتعلمين من عنده وتصيرين قوية صنعي القوة بنفسج تلقائيا من راح تتصنعيها انتي بنفسج راح تتعودين ويا الوقت الا أن تصيرين قوية , عيشي حياتج الله من يبليج ببلاء كولي الله يحبني لازم تغلطين علمود تتعلمين من غلطج اغلب البنات جاي يطيحون بنفس الغلط وبنفس الوهم وبنفس الحب علاقة علاقتين 3 وكلها نفس الشي مو كافي ؟ شنو الفائدة تبقين تطيحين بنفس الغلط وبدون درس وعبره , اخذي العبره من اول طيحه الج وخليها تقويج , وارجع واكول اي شي تحسون قهركم لو كسركم تكدرون تبدلو 🤍.

مثل ما كلنا نعرف أنو بهاي الفترة كثرت حالات انو المرأة تنغصب بالاسقاط من قبل عائلة الزوج وبالخصوص الزوج نفسه والاسباب تكون عائلية بسبب الام او الاب لو نظرنا للموضوع من جانب آخر وسألنا نفسنا : شنو الي يخلي أم تقتل بنتها ؟ هل فعلا ممكن يكون سبب تافه ؟ راح يكون عدنا أحتمالين : أمّا الأم كانت مجبورة او تحت الضغط من قبل الأب ، أو هي فعلا بدون رحمة و قتلت بنتها بكامل ارادتها وحريتها . - و لو أخذنا الاحتمال الاول فهو أكيد مو بعيد ربمّا كانت تحت تهديد السلاح مثلا او مهددة بالطلاق ( و طبعا اكو بعض النساء عدها تموت ولا تتطلق لان المجتمع ما راح يرحمها و اهلها ما ربّوها أنُ تكون شخصيتها قوية و متهتم لكلام الناس اصلا همَ كانوا يحرموها من هواي اشياء بسبب كلام الناس ، و فهموها أنُ الطلاق عار عليها ) . - و بالنسبة للأحتمال الثاني فهو الأكثر صحة لان مو بعيدة أنُ ام تقتل طفلها علمود زوجها و خصوصا بالمجتمع العراقي لان يا جماعة العراق مستنقع دنيء من الذكوريين والمتحرشين والي غسلوا عقول النساء وفهمومهم انو هن موجودات علمود الرجال وهم الي عدهم كل السلطة وكل شي بأيدهم ، فنستنتج من هذا الكلام أنُ النساء تحت البرمجة العقلية من قبل الذكور .

كان يا ما كان في قديم الزمان بنت من النجف بيوم زفافها لبست الفستان الابيض والابتسامة مرسومة على وجها وببالها افكار حلوة عن حياتها وي زوجها افكار كـ اي بنت ثانية ومنها الاطفال ، الحياة سعيدة ، الخ… بس للأسف البنت بدل ما يزفونها لغرفتها زفوها للقبر ! زوجها رجعها لأهلها بحجه أنو هي ( مو بنت ) أول ما رجعت لبيت اهلها ابوها ضربته جلطه وتوفئ , الأم أصرت علئ ان يسوون تحليل للبنت وبالفعل بعد التحليل أكدو انو البنت سليمه وبكر , بعد الاحداث الي صارت اخوها الزلمة جاب اداة حادة وضرب اخته علئ راسها وماتت . لو نلاحظ انو بمجتمعنا قطرات الدم البسيطه الي تخرج من البنت ليله الزفاف هي الي تحدد شرف البنت وعفتها ونقائها , مهما كانت الاشياء السيئه الي تعرضت الها ما يهتمون حتئ اذا كان اغتصاب او غشاء مطاطي او انها نولدت من دون غشاء اساسا بأي ذنب قتلت هلبنت ؟ ليش ما تحاسب زوجها ! ليش ما تحاسب اخوها الي قتلها ! وليش دائما البنت هي الي تتعاقب بهيج قضايا ! اسئله تدور ببال كل بنت دا تقرأ هسه بأختصار يا عزيزتي لان هلمجتمع مجتمع ذكوري متخلف والعدو الحقيقي لحقوق المرأة والنسويه مو الذكور لا وانما النساء الجاهلات الي يعتقدن انو هن لا شيء من دون ذكر وانو هن سلعه رخيصه وتصير غاليه اذا تزوجت , مجتمعنا متخلف لدرجه انو ينولد ذكورنا للعيش وتولد نسائنا للأنتظار انتظار كلشي انتظار الحياه والحب والحريه . - كلامي للبنات انتو ليش ما تتوحدون كنساء وبنات وأناث ليش متصيرون ايد وحده ليش متبطلون الحقد والغيره والحسد بين الأناث هلأمور كلها تفرقكم ومنو الي راح يستفاد ؟ اكيد الذكور حياتنا قصيره ليش تضيعوها ع تفاهات مثل الجمال واللبس او حتئ الحالة المادية للبنت قيمة الانسان بثقافتة واخلاقة مو بلبسة وغير شي اذا جنت بنية او ولد لازم يكون مطلع ومثقف حتى يعرف الي يصير مو كلشي بهلدنيا قتل ودم وعار اكو تفاهم واكو علم على سبيل المثال بلقصة السابقة لو جان الزوج مثقف جان يعرف اكو شي اسمة مستشفى ويروح يفحص زوجتة ولو جان الاخ مثقف هم جان يفحص اختة ويعرف مبيها شي ويوكف وياها بوجة الي يحاربها  ، الي اتمنا اشوفكم مجتمع مثقف ومطلع حتى نكون اكثر وعي العادات والتقاليد مو كلها صحيحة عدكم عقل وتطلعون على المعلومات اكثر وتقيمون المواقف بعقولكم 🤍.

ما يهم اذا انت شيعي وصديقك سني ما يهم اذا انت سيستاني واخوك صدري ما يهم اذا انت ابيض وصديقك اسود ما يهم اذا انت ملتزم بدينك وجيرانك ملحد ما يهم اذا انت عندك رأي وغيرك عنده رأي تقبلو ثقافة الاختلاف بأحسن صورة ، الله خلقنا مختلفين مو بس البشر مختلفين لا حتى الحيوانات والطيور والكواكب بسمه تعالى ( وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ ۚ إِنَّ فِي ذَٰلِكَ لَآيَاتٍ لِّلْعَالِمِينَ ) اذا تردون الناس كلها نفس تفكيركم لازم تفترضون فرضيه وهي أنو تتخيلون الدنيا كلها نفس اللون الي تردونه مثلا اسود راح تصير ظلام بدون نور ! واذا ابيض راح تصير نور بدون ظلام ! بينما اذا اللوان راح تصير متنوعة وهاي الالوان هي اختلافات الناس تريد تناقش وتنطي وجهة نظرك . عليك بشغلتين - الاولى تحترم وجهة نظر المقابل وتنطي رأيك بأدب - الثانية ما تفرض رأيك وانما تنطي فكرتك والمقابل علي بشغلتين هم - الاولى يتقبل وجهة نظر المقابل برحابة صدر - الثانية يتقبل النقاش عقلياً ويخلي فرصه لـ عقله يفكر شوي وعلى الاثنين من يتناقشون ما يكون نقاشهم فوز واثبات انا الصح وانت الخطأ .. وانما كلمة الحق تنحجي ببينهم لا يجي احد بيكم انتو الاثنين ويكول انا مثقف وقاري كتب وهو يستصغر الأخرين لان رأي غيره ما وافق رأية او سمع رأي غيره وحكم علي بالجهل

- اكو مقولة مشهورة دائما جنت اسمعها من اهلنا الكبار واجدادنا الي هي ( ايا ليت الشباب يعود يوماً لاخبره بما فعل الشيب ) جانو يكولوها هواي شوقاً لشبابهم وايامهم الحلوة جانو يحبون هاي المقولة رغم الفقر والعمل الشاق الذي يقع على اكتافهم عاشو مغامرات وحرب وتجارب حلوة خلاهم يرددون هاي المقولة بكل فخر ، واكو مقولة ثانية جنت اسمعها الي هي ( قبل جانت الناس ع نياتها والقلوب صافيه) جانو اصحاب قلوب بيضاء ونوايا حسنة رغم الفقر والحرب والتعب جانو راضين بملابسهم جانو راضين بأكلهم جانو راضين بملابس ابائهم واخوانهم واخواتهم جانو كلش سعيدين قبل مجانت اكو موبايلات واجهزه إلكترونيه وماكو تلفاز بشاشة كبيره جانت هواتفهم ارضيه فقط لأيصال الصوت كانو سعداء راضين بمعيشتهم ويفضلو ع معيشتنا بالوقت الحالي من تطور وغنى وتوفير كل وسائل الراحة ، من نكبر احنه شنو راح نكول ع شبابنا ؟ هل هناك قلوب صافية سنفقدها ؟ هل هناك نوايا حسنة سنتذكرها ؟ ما اعتقد القلوب الصافية باتت نادرة والنوايا الحسنة اصبح عددها لا يتجاوز عدد الاصابع ، لقد اتعبنا الشباب كثيراً ليمر ولا نتمنى عودته ، لن نفتقد شيء من شبابناً سواى صحة اجسادنا الضعيفة الهزيلة سنقول ( ذهب الشباب وذهب الألم ) 🤍.

- مرة جاي اتصفح بليوتيوب طلعلي مقطع لشيخ دين معروف قصة المقطع تكول بيوم من الايام شيخ معروف اجة يمة طالب يطلب التفقه في الدين والعلم قرر هذه الطالب يدرس عند الشيخ في بيته لوقت محدد بقة الطالب يروح ويرجع على الشيخ لغرض الدراسه هذه الطالب انعجب بتصرفات الشيخ واعتبرة قدوه وشخص مثالي , الشيخ حس باعجاب الطالب اتجاهه قرر يغير نظرة الطالب للناس لان هذه راح ياثر على الطالب وتعامله وي الناس , الشيخ ثاني يوم قبل لايجي الطالب لزم البايسكل و كام يلعب بحركات طفوليه من اجه الطالب اختلس النظر وشاف الشيخ هيج يتصرف تعجب !! معقوله الشيخ الفلاني كام يسوي هيج ؟ بنفس الوقت تغيرت نظرة الطالب للشيخ , صار الطالب مايروح للشيخ نهائياً , الشي الي سواه هذه الشيخ لاعيب ولا حرام وانما الطالب الي مااتقبل هذه الشي ورسم صوره في باله بعد ماغيرها ابداً , القصه هاي بيها درس للكل بدون استثناء . شيطان لو ملاك ؟ اليوم من نتعرف على اي شخص او نشوف تصرفات اي شخص نبدي شوي شوي ناخذ عنه نظره محدده , القصد من كلامي فد يوم شفتلك شخص يسوي عمل خير كلت هذا الشخص ماكو منه , ددتصفح بلفون وطلعلك مقطع لشيخ دين او شخص يسوي خير كلت هذا قدوتي وتحسه ملاك , بنفس الوقت تمشي وشفت واحد جاي يسوي عمل مو زين ( يرقص او عينه زايغه او لبسه مو بضمن معاييرك ) تكول هذا الشخص مو زين , كاعد تتصفح بمواقع التواصل شفت مقطع لشخص ما ناشر شيء مفيد او ديني كلت اهووو هذا الشخص زايعته الدنيا شوكت يحس على نفسه ويتعض ويلتفت لعمره الضايع . اذا ترجع تقرأ كلامي الفوك راح تذكر هوايه مواقف صايره وياك وحاكم بيها على ناس بشيء محدد ينشر دين =  متدين وخلوق ! ينشر اغاني = طايش ومستهتر ! الي ينشر فكاهه وضحك مو معناها شخص سخيف , الي ينشر فائده للناس مو معناها شخص كامل ومثالي , الي ينشر نصائح مو معناها كلهن مطبقهن على نفسه , الي تنشر صور بنات سافرات مو معناها هيه منحطة , يجوز تلكه شيخ دين بس متعصب وموزين ويا عائلتة , وبالنهاية منكدر نحكم علئ شخص من تصرف او منشور اله ومن تشوف شخص يختلف عن ما رسمت شخصيتة ببالك مثلا مثالي وشفت علي زلة مو تكعد تنافق وتشهر بي لان هو مثلك بشر مو نبي . ( يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ) 🤍.

﴿ وَإِذا مَسَّكُمُ الضُّرُّ فِي البَحرِ ضَلَّ مَن تَدعونَ إِلّا إِيّاهُ فَلَمّا نَجّاكُم إِلَى البَرِّ أَعرَضتُم وَكانَ الإِنسانُ كَفورًا ﴾.

اكو عادات وتقاليد ماشين عليها من زمان واغلب اهالينا او بالأحرى مجتمعنا ، هالعادات اغلبها دمار لأبنائهم واخوانهم ( بنات - ولد ) واغلب هالعادات سببت هواي امراض نفسية وعقلية وصحية لأبناهم واغلب عوائلنا متأقلمين ع هالعادات والبعض محبورين يسووها والبعض مرتاحين للجهل وهذا اساس تربيتهم ، خلي نبدي بأول نقطة الي هي تربية الأهل لأطفالهم بصورة بشعة مثلاً ( ضرب ورزايل واهانة مستمرة ) هلأساليب يستخدموها ضد اطفال علمود شنو ؟ يضرب ابنه ويهينه علمود يكوم يسمع كلام ويمشي عدل ، من زمان ولحد الان اغلب عوائلنا متخذين هذا الاسلوب لتربية اطفالهم اول ما يبدي يكبر يهينه ويضربه ع اساس ميعيد الغلط وهذا الشي كل احنه نعرفه غلط وراح يسبب نتائج سلبية وتنتج شخص محطم نفسياً ، وانتو تعرفون كلش زين بهذا الوقت اغلب اطفالنا ديتعرضون لتحرش جنسي اذا هو الطفل دينهان وينضرب من اهله شتتوقعون اذا تعرض لهيج حالة راح يجي ويحجي ويا اهله ؟ شي اكيد لا اذا هو وعى ع الدنيا بضرب واهانة ، سوو تفرقة بين الاخوة ، والقصد من كلامي هذا تكبر البنية ويكبر الولد كامو يفرقوهم ويمنعوهم بالاختلاط من بعض يشوهون تفكيرهم علمود شنو ؟ علمود ميصير بينكم حرام والشيطان يوزكم …. والى اخره من الافكار الوصخة ، لا تنصدمون بعض العوائل صار بيها هيج تخلف ، ابني انت كبرت وصارت عندك مسؤولية ولازم كلمتك تمشي على اختك - اضربها حتى لا تتجاوز عليك او يطول لسانها بالمستقبل - اكسر عينها من البداية حتى لا تاخذ عليك - احجي وياها بخشونة حتى تكول هذا رجال شهم ( الشهامة والرجولة تبچي بزاوية ) - لا تخلي المصروف بأيدها - راقبها دائما وافتح فونها لان بنات هلوكت مايتأمن عليهن وهنا الابن راح يمشي ع هذا النهج والسلبية والوصخة ويطبقها ع اخته وعلى بناته بالمستقبل ، استبعاد الاهل لأطفالهم من التثقف او بناء خلفية ثقافية ، يمنع ابنه من منتديات ثقافية او علمية او قراءة كتب بحجة الخوف وهو بالعكس التقيد والاستبعاد هو الي راح يخرب اخلاقهم ويكونون ناس مو شايفين ومو واعين على الحياة ، بنتي صار عمرج 14 سنة او 15 سنة بنات عمج تزوجو ما لازم تبقين بالبيت اي شخص يتقدملج بدون مناخذ رأيج راح نوافق وهنا البنت راح تنجبر تعيش ويا شخص متخلف ومجتمع متخلف واسرة متخلفة وتبدي المشاكل وحالات الطلاق والتفكك الاسري وبالاخير تتطلك ، هواي نقاط ما راح اذكرها لان ماعندي وقت وهواي بنات تدمرت احلامهن واهدافهم بسبب الاهل ما كافي ؟ ( اذا اردتم أن تحرسو بناتكم واطفالكم فـ شيدو من حولهم جدار من الثقة ) ♥️

اللَّهُمَّ إِنَّا نَسْأَلُكَ مِنْ خَيْرِ مَا سَأَلَكَ مِنْهُ نَبِيُّكَ مُحَمَّدٌ صَلَّى اللَّهُ عَلَيْهِ وَسَلَّمَ، وَنَعُوذُ بِكَ مِنْ شَرِّ مَا اسْتَعَاذَ مِنْهُ نَبِيُّكَ مُحَمَّدٌ صَلَّى اللَّهُ عَلَيْهِ وَسَلَّمَ، وَأَنْتَ المُسْتَعَانُ، وَعَلَيْكَ البَلَاغُ، وَلَا حَوْلَ وَلَا قُوَّةَ إِلَّا بِاللَّهِ.

اللَّهمَّ إنِّي ظلَمتُ نَفسي ظلمًا كثيرًا ولا يغفرُ الذُّنوبَ إلَّا أنتَ فاغفِر لي مغفرةً من عندِكَ وارحَمني إنَّكَ أنتَ الغفورُ الرَّحيمُ.

بطبيعة النفس البشرية ما تتحمل الي يجيها . - ليش هيج ظروفي - شوكت ارتاح - شوكت تخلص السالفة هاي وليش اجتني - ليش بس اني حظي هيج - ليش هيج صحتي - ليش ما قبلوني هواي نطلب من رب العالمين بس احنة جاهلين الحكمة المتأخرة من عنده ، في أقدار الله حكمة ورحمة وألطاف خفية تستنير بها الحياة ( والله يعلم وأنتم لا تعلمون ) ، شنو القصد من كلامي ؟ - قدر تشوفة شر بس بعدين الله سبحانه وتعالى يبينلكيا خير - وشر يصيبك وتلوم رب العباد علية ورب العباد يدفعه عنك ويعوضك بخير او يعوض بغير شغلة لازم نعرف كلش زين أنو الي كاتبة الله هو خير النا ، لازم نعرف الاشياء من تتأجل او تتأخر أكيد بيها حكمة ، ولازم نعرف الاشياء الي دتصير ويانا اكيد الها سبب وهذا السبب من رب العباد خلاصة كلامي : أن صابك خير او شر لازم تحمد ربك على كل شيء لأن هو اعلم بمصلحتك ، دائما نريد شغلة او بنفسنا شغلة لو متصير لو تتأخر ليش ؟ أكيد اختبار من رب العالمين يختبر صبرنا او مدى تحملنا أو هو رب العباد مرايدلك هلشغلة لان بيها ضرر الك ، اني اريد وانت تريد و ( الله يفعل مايريد ) ♥️.

جاءاا الًيَوُمًِ الذي يصلني خبرا لااجد اي شيء م‌ـــِْن نفسي غير القوه التي انتهت بعد سماع الخبر حينها تناثر كل شيء حولي حياه الامل التفاعل الخ ...؛ جسد واقف وروح تاهت لااعلم الئ اين دموع تحاقرت وتاخرت جدا بنزول تدمرت. قالو ليـّۓ يوما هل سمعته باخر الاخبار قلت لٱ قالو قد توفت.اباك . انا هنا اصبحت جثه هامده تطلب الدفن لكرامها كل جرارحي توقفت سقطت علئ الارض افقت بعد مرور سَـآعــهْْ هنا صرخت باعلئ صوتي واندب م‌ـــِْن احبه واعاتبه لرحيله انا انتظرتك يايوسفي انا لست بقلب يعقوب لكي اتحمل كل ه‌َـَْـُذآ الفراق واخر ماتوصلت اليه هو ان انفجار قد دمر كل احلامي واخذها هنا بدائت احزاني وضياعي لحد هذه الحظه انا لااعرف اين قبره لااعرف اي سبيل لوصال اليه م‌ـــِْن هنا انا لم اصادق غيره ولااحببت غيره تركت زواج والحب والصداقه وكل شيء انا صديق سيئ وحبيب فاشل لااعرف ان احافظ علئ احد انا م‌ـــِْن تماديت وزعلته مِڼـّي تبا ليـّۓ كم انا سيئ لاامنع احد م‌ـــِْن ان يتركني فانا اود ان اترك نفسي ﴿ تـراۦ الينعٌعاف وحَحدهۦ ؛ يموّت مآ يحَتآج ععُزرائيل ! هذه الي #كسرني #احمد

شنو هي القوة ؟ مبدئياً القوة بشكل عام هي صفه مكتسبه , زين منين مكتسبه ؟ ماكو شخص اجه لهلدنيا وهو قوي لازم صارت ويا ظروف والدنيا شبعته كفخات يلا " تعلم وصار قوي " وانت الي دتشوف هم لازم يصيرلك شي يقويك , ابسط المشاكل الي تحسها تكسرك خليها تقويك وخليك متفائل بالخير بدل ما تتكئب وتنقهر تكدر تكوم تمسح دموعك وتكمل حياتك طبيعي يعني القصد من كلامي تستغل هاي المشاكل بمكان ما تضعفك خليها تقويك وتعلم منها ليش صارت , وشنو السبب , وشلون احلها ؟ راح انطيكم مثال بسيط الي هوه 80% صاير ويا اغلب البنات  ( بنيه تعرفت ع صديق وبعدين تطورت العلاقة وصار حبيب وورا فترا تركها وراح , هذا كمثال بسيط ما راح اتعمق بالتفاصيل ) بهاي  الحالة شنو راح تسوي ؟ هنا راح تكعد تدك وتلطم وتبجي , وهذا اكبر اغلط ممكن تسوي بحق نفسها , زين تعاي ليش بجيتي ؟ اخر شخص بالدنيا لو اخر حبة محد يستاهل هاي الدموع والتعب غير نفسج واهلج لا تعيشين نفسج بوهم لان هاي مو اخر الدنيا ولا راح توكف حياتج ع احد , دتشوفين هذا المثال الفوك هذا ممكن يكون ابسط مثال راح تواجهي بحياتج لازم تتعلمين من عنده وتصيرين قوية صنعي القوة بنفسج تلقائيا من راح تتصنعيها انتي بنفسج راح تتعودين ويا الوقت الا أن تصيرين قوية , عيشي حياتج الله من يبليج ببلاء كولي الله يحبني لازم تغلطين علمود تتعلمين من غلطج اغلب البنات جاي يطيحون بنفس الغلط وبنفس الوهم وبنفس الحب علاقة علاقتين 3 وكلها نفس الشي مو كافي ؟ شنو الفائدة تبقين تطيحين بنفس الغلط وبدون درس وعبره , اخذي العبره من اول طيحه الج وخليها تقويج , وارجع واكول اي شي تحسون قهركم لو كسركم تكدرون تبدلو 🤍.

" الشخص الصح " كل حياتنا اختيارات سواء مكان نسكن بي سواء دراستنا سواء شغلنــا سواء أكلاتنــا مشروباتنا و حتى ادق وابسط التفاصيل الكلمات الي ننطقها هي بأختيارنا بس الشيء المهم شنو نختار وشلون نختار و متى نختار ؟ كذلك الأشخاص الي نعيش ونتعايش معاهم بحياتنا هم اختياراتنا ماكو شيء اسمه القدر جمعني بهلشخص غصب عني ولا نذب الصوج ع رب العالمين لا هلشخص لما يكون جزء من حياتنا ف بقبول منا احنا يا تُرى لو رافضين وجوده من البداية كان بقى ؟ اكيد لا لذلك أهم شيء نفكر و نكون كد هلأختيار وبمجرد ما كلت اختيار شخص راح بالكم حُب كـ حبيب او زواج وهلتفكير غلط الحياة مو بس هيج ! كل احنه نحتاج شخص صح و حقيقي هلشخص نلكه بي الحُب والصداقة والقرب والتملك والراحة والسعادة و الارشاد للأشياء الصحيحة ونكمل مشوار حياتنا صح بسببه وغيرها من الأشياء الحلوه الي نكدر نلكاها عنده هسه اكيد كلتو شنو هذا ملاك وين نلكاه لا مو ملاك وموجود لو بعد الالاف المُدن و الأهم من هذا ان هالشخص مثلي مثلك ماكو انسان سيء بالعكس بس اكو انسان صح وتفكيره صح وكل شخص يناسب شخص ما فأذا عندكم هلشخص أمانة متخسروه 🤍.

( روايات الواتباد العراقية ، او قصص الواتباد السخيفة ) تگدرون تستنتجون من العنوان روايات تنتشر على برنامج الواتباد وباللهجة العراقية روايات تغسل عقول البنات والشباب ،  روايات تعيش صيت بلدك الأدبي ، أصلاً ما أبالغ إذا كلت هالروايات مو يم الأدب أصلاً ، رواياتهم تتحدث عن الفصليات ، النهوات ، القتل بإسم الشرف ، الإبتزاز، التعدد ، ومبيها خير هالروايات ، مع العلم ما راح أذكر أسماء بل نكتفي بذكر الأنواع والمواقف هسه يجي واحد يكول يمكن هالروايات تريد توضح شلون هالمواضيع مأثرة بالعراق وهي خطأ ؟ أني اكلك لا ، لو جانت هيج لما جانت عليهم مشاهدات بالملايين لأن ما أجزم بس اگول 76% من العراقيين ميحبون يتطلعون على أشياء مفيدة والله لايجذبني ، النمط المعتاد لأبطال هالروايات هي بنية بمعايير جمال ثابتة بكل الروايات "بيضة شعرها طويل عيونها زرگ قصيرة طالبة ومن بغداد "، والبطل " أسمر طويل معضل ضابط من الجنوب"، وهي تروح إله فصلية ، لو إبن عمها وناهي عليها يعني كُلها سوالف غير قانونية أول ماتروح للبطلة تلگاهُم كلهُم شادين وياها، تطب وتطلع يهينوها، والبطل يضربها ضرب يراويها نجوم الظهر ،  بعدين تشرد وهو يلگاها ويبجي عود يحبها، وهي هم تطلع تحبه وتسامحه، ويعيشون عيشة سليمة، هنا بس يردون يوصلون إلنا إنهُ الفصليات صح عايشات بالضرب بس عايشات برومانسية ، هو ضربها لأن يغار ، لأن هيج وبلا بلا بلا ، هذا الحجي إلي كُله هراء وهالتبريرات ديدفع نساء متزوجات حتى يتمنون يروحون فصليات ! ليش ديحسسوني إنه زواج سياسي بين أميرة من مملكة مُعادية وإمبراطور من مملكة ثانية! إنتوا تدرون شلون يعيشون الفصليات ؟ يگوموهن براشدي ويگعدوهن براشدي بدون أدنى ذنب إقترفوه وبكل رحابة صدر يجون إلي يسمون أنفسهُم "كُتاب" ويصورلنا حياة بريئة عاطفية نقية بحُب صادق ! رجاءً كافي ، داشوفها منتشرة هواي وعدد لايُعد ولايُحصىٰ من البنات ديقروهن ومستمتعات ويتمنون يصيرون بمُكان البطلات إبتعدوا عن هذه الروايات الفاشلة، تلعب بعقولكُم ، تنسيكُم مبادئكُم، أشو من طولها لعرضها تهين بالمرأة وتطلعها ضعيفة! دتنتج حشود من المُراهقين إلي عقولهُم وتفكيرهُم غريب عجيب وتعلمهُم علىٰ أشياء مو إلهُم ومو لعمرهُم.

‏«إنّما يُربَّى الإنسان بآلامه؛ كما تُربّى السُّيوفُ بجمرِ النار»

‏«إنّما يُربَّى الإنسان بآلامه؛ كما تُربّى السُّيوفُ بجمرِ النار»

هكذا الحياة يا صاحبي...! لعلّك تمرُّ بأيامٍ ثقيلةٍ على قلبك، فتُخبِّئ غدًا في نفسك علّه يكون فاصلًا عمّا تمرّ به من آلام… رأسك لا ينفكّ عن التفكير والتدبير، ثُمّ لا يهدأ.. تقول في نفسك: لا بأس… وتُكرّرها.. تقول لا بأس إن تعبتُ اليوم… فالرجال لا يسقطون من التعب، بل من الاستسلام! فيأتي الغد أثقل مما احتملت، وأثقل مما ظننت! ثمّ تبتسم بمرارة من لا تغلِبهُ شِدّة وأنت تُدرك أن الرجولة أن تقوم مرةً أخرى… رغم كل شيء.. لكنّك في الحقيقة… لا تبحث عن غدٍ فقط، بل تبحث عن نسخةٍ منك لم تكن مُنهكة، عن قلبٍ لم تُثقله الأسئلة، عن يقينٍ لا يتزعزع كلما أقبل الليل! تُجاهد أن تبدو طبيعيًا، أن تبتسم حين يُطلب منك الضحك، أن تُكمل يومك كأن شيئًا لا ينهشك من الداخل… حتى الذي يكتب لك هذه الكلمات الآن، قد يمرّ بهذا… وربما أكثر وأعمق.. لكنّ الداخل يا صاحبي… ليس فراغًا كما يظن الناس! بل ساحةٌ لا يراها أحد، ومعاركٌ لا يشهدها إلا الله..... ومع ذلك، نُمسك بخيطٍ رفيع من الرجاء، ونقول: لعلّ الله يُحدث بعد ذلك أمرًا… لعلّها ليست النهاية، لعلّ هذا الضيق طريقٌ لا مقام.. فامضِ… بل فلنمضِ سويًا، ولو بقدمٍ متعبة، ولو بروحٍ مثقلة، فإنّ الوصول ليس للذين لم يتعبوا، بل للذين تعبوا وتألموا … ولم يرجعوا.

- اسمعـني عزيزي ركز زين بكلامي لبعض الشـباب : من اتروح حتى تخطب بنت وهاي البنت انت مشايـفها من قبل وتشوفها بيوم الخطـوبه . وتبدي توصف لامك ( الله يحفظها ) وتكلها عبالي عيونها زرك وعبالي شكره هاي شنو اني ماريد هيج بنت مستحيل اتزوج هيج بنت عفوا ' توم كروز ' عيد شكلـت عيونها زرك ؟ شنو تحس من تحجي هيج كدام هالبنت ؟ الي شفتها وما عجبتك لان انت ماشاء الله اجمل من ' هريثيك روشان ' ما اقصد التنمر الحضرتك بهذا كلامي ! بس قبل لا تتنمر وتحجي على الناس باوع النفسك تشوفها حلوا ومقتنع بيها هايهيه تمام مو ضروري اذا انت تشوف نفسك جميل وحلو لازم تاخذ وحده بجمالك واناقـتك : ويبقى الزواج ( قسمة ونصيب ) لو مقسوملك ( حشا اليقرأ ) تزوج بقره ف راح تزوج بقره ; ف يا عزيزي من تروح تخطب ومتعجبك البنت كللهم انو نردلكم خبر وكول الامك ( الله يحفظها ) انو اني البنت معجبـتني وبس لضل تحجي ببيت البنت انو هيه هيج وهـيه هيج وعيونها هيج وحلكها هيج وخشمها هيج متعجبك خلاص صم حلكك واطلع من بيتها مو ضروري تضل تصنف وتشمر حجي فارغ . متدري شكد راح تنجرح وتتأذه وتفقد ثقتها بنفسها وتكره حتى الزواج ! اذا انته متحس ف اني احس بهيج بشر ف اني الي احس دا انصحك واخذ نصيحـتي وخلي عندك احساس يا صخره ، 🪨 - وكـلامي هم موجه للبنات ! من يجي ولد يخطبج وميعجبج لضلين تشمرين حجي والله ماريده كصـير ماريده ضعـيف ماريده سميـن ماريده اسـمر ماريده ابيـض حيل واحسه مايع ترا الولد هم عنده احساس وحاله حالج وهم ينجرح من هالـكلام ميعجبج كولي مموافقه عليه ترا مو صعبه هالكـلمة .... وتذكرو دائما محـد 'صنع نفسه بنفسه' كلها خلقة الله وكل واحد يشوف نفسه جميل ولطيف ميحتاج تموتون الثقه بأنفسهم بهذا كلامكم ( كلامي للبعض ) وشكرا 🖤.!