أحساس متناثر

لا تگلي قوي واتحمل كلنا نحتاج نفضفض ونسولف...

على يا حزن انام .. على المحد يفهمني .. لو على الكلشي صار واني احاول ابني نفسي .. لو على الفقدتهم .. ما طلع گلب هذا اجتمعن بي كل الصدمات .. واللي يقهر يردوني اضحك واجاملهم .. كلها تريد .. لعد اني شوكت اريد .. شوكت اخلي راسي وانام بدون تفكير .. حالي حالهم اريد ترتاح .. واني استحق اكثر منهم .. ويبقى الجواب هذا اختبار الصبري .. ورب العالمين ما يترك عبده بعد صبره .. المشكلة كل اللي حجيته بقى بگلبي...

لا تگلي قوي واتحمل كلنا نحتاج نفضفض ونسولف...

شكتبلك بعد وجف چف ايدي...

ارضك وارضي متشابهتان لكن مسافتهم بعيدة...

لم أظنَّ بك سوءًا ولم أرَ منك مكروهًا كنتَ لي عونًا وقوةً وكنتَ نورًا في ظلامي كنتَ حاضرًا في شدتي ظاهرًا وخفيًّا كنتَ لي أبًا وأمًّا ماذا عساي أن أقول فيك غيرَ الخير؟ لكنك رحلت... رحت والروحه روحه .. لا ودعتني ولا تركتلك اثر اندلك بي .. دورتك بكل مكان .. ما خليت لا شجرة جنت تستظل بيها لا يم شارع جنت تتمشى بي .. ادورك واتلفت هلبت اشوفك .. هلبت الاگي شي يدليني بيك .. يبس گلبي عليك .. لا رسائل توصل ولا صوتك اسمعة .. حرت واقشمر بنفسي اكول باجر ترجع .. والباجر يجر باجر .. لا انت راجعلي ولا انت الناهي كلشي .. رحت والروحه روحه...

قرار غريب بس كلش احترمه لان منك!...

جرب تكعد وي شخص مثقف ومتفهم ويسولف هواي .. راح تحس الساعة تصير دقيقة وما تمل من سوالفه .. يونسك بكلامه بضحكته حتى بعصبيته .. يغيرلك هذا العالم بكلمات يخليك تعيش احلى يوم بعمرك .. أنت من ذاتك ما تريده يسكت تريده بكل وقت بحياتك .. لان ايجابي ومتفهم .. يخرجك من ضجيج هاي الدنيا .. يبعثلك الراحة اللي تحسها اختفت منك .. جرب اكعد وسوالف وياه .. واذا ماكو بحياتك دور عليه .. لابد بهذا العالم اكو هواي منه .. بس عيونه ماتشوف غير اللي حاولينا وما نتوسع .. وفجأة من تلگاه تحسه هوه جان يدور عليك مو أنت ادور عليه...

اخ باقي كم شهر ونعيش هيج اجواء

تدري شي .. محد راح يگلك شبيك ومنو وياك الا ما ندر .. لأن محد مهتم .. اهتم بنفسك واسكت...

وعلى ما يبدو ان الكلام سهل .. بس التطبيق ينرادله صبر ودعاء...

محتاج توصلني رسالة .. اللي ادري بيها قبل لا اشوفها .. اعرف انو هذي الرسالة راح تحاجي گلبي .. ما راح تحاجيني اني .. هذي الرساله بيها كلمات اني محتاج اقراها اليوم .. بيها كل اللي احسه .. بيها كل اللي عشته .. وتهون عليه الصعوبات .. هذي الرسالة توصلني للأكتفاء الذاتي .. توصلني لمرحله انو وجود هذا الأنسان لو حتى ساعة .. تكفيني عمر .. لان لما اكون يمه احس انو هذا الشيء اللي احتاجه كل يوم .. محتاج رسائلك يومية .. محتاج وجودك بعد التعب .. لأنك الوحيد اللي تفهمني...

ايكون لغيرك من الظهور ما ليس لك .. متى غبت حتى صارت الاشياء تدل عليك عميت عينٌ لا تراك...

ممكن تلاگي شخص يشبهك بكلشي .. بس لازم يختلف وياك بأشياء بنظرك حلوة .. وبنظرة مو حلوة .. تره عادي لا تستغرب...