وه‌ڵامه‌كان

دەنگی ویژدان؛ ئەو ئامۆژگاریکارەی خودا لە دڵتدا دایناوە 🤍✨ ئایا هەرگیز ئەو هەستەت بۆ دروست بووە؟ کاتێک بۆ یەکەمجار هەڵەیەک یان گوناهێک دەکەیت، دڵت توند دەبێت و جەستەت دەلەرزێت. یان هەستت بەو ئازارە کردووە؟ کاتێک لە مەستی گوناهەکە خەبەرت دەبێتەوە، پەشیمانی وەک قامچی لێت دەدات و ئازاری ویژدان دەتگوشێت. 🥀 ئەوەی تۆ هەستی پێ دەکەیت، ڕێک ئەو "ئامۆژگاریکارەی خودایە لە دڵی هەموو موسڵمانێکدا". ئەوە ئەو ویژدانە زیندووەیە، ئەو سروشتە پاکەیە کە خودا پێی بەخشیویت؛ بۆ ئەوەی پێش هەر لادانێک ئاگادارت بکاتەوە، و دوای هەر هەڵەیەک بانگت بکاتەوە بۆ سەر ڕێگا ڕاستەکە. 🛣 وەک چۆن پێغەمبەری خودا (ﷺ) لە فەرموودەیەکدا باسی دەکات: کاتێک مرۆڤ دەیەوێت دەرگایەکی گوناهـ بکاتەوە، ئەو دەنگەی ناوەوەی پێی دەڵێت: "نەکەیت! ئەو دەرگایە مەکەرەوە، چونکە ئەگەر بیکەیتەوە تێدەکەویت و نقوم دەبیت!" 🛑 أخرجه النسائي في السنن الكبرى (11233) ، وأحمد (17634) ، وصححه الألباني في صحيح الجامع. 💡 زانایانیش لەم بارەیەوە وتەی جوانیان هەیە: ئیبن سیرین دەڵێت: "ئەگەر خودا خێری بۆ بەندەیەک بوێت، لە ناو دڵی خۆیدا ئامۆژگاریکارێکی بۆ دروست دەکات کە فەرمانی پێدەکات و ڕێگری لێدەکات لە کاری خراپ." ئیبن تەیمییەش دەڵێت: "لە دڵی هەموو باوەڕدارێکدا ئامۆژگاریکارێک هەیە؛ کە بریتییە لە هاندانی بۆ کاری باشە و ترساندنی لە کاری خراپە." خودایە گیان، ویژدانمان هەمیشە بە زیندوویی بهێڵەرەوە و بیکەرە هۆکارێک بۆ گەڕانەوەمان بەرەو لای خۆت. 🤲اللهم آمين. ———————————- #بەكورتی (٦٤٦) https://t.me/ba_kurty

لە میهرەبانی پێغەمبەرەوە (ﷺ) بۆ دادگا بێبەزەییانەكەی کۆمەڵگە وانەیەک لە چیرۆکی ماعزدا كاتێك كە زینای كرد یەکێک لە گەورەترین و جوانترین سیفەتەکانی پێغەمبەری ئیسلام (صلی الله علیه وسلم) میهرەبانی و پەرۆشیی بووە بۆ پاراستنی کەرامەت و گیانی مرۆڤەکان. ئەو پێغەمبەرەی کە وەک "ڕەحمەتێک بۆ جیهانیان" ڕەوانە کراوە، لە مامەڵەکردن لەگەڵ هەڵە و تاوانی مرۆڤەکاندا، هەمیشە دەرگای تەوبە و گەڕانەوەی کردووەتەوە و تاوپەڕی توانای هەوڵی داوە سزاکان دوور بخاتەوە، نەک بەدوایدا بگەڕێت. چیرۆکی (ماعزی کوڕی مالیک) یەکێکە لەو ڕووداوانەی کە لوتکەی میهرەبانی و دادپەروەری پێغەمبەرمان (ﷺ) نیشان دەدات. دادگای پێغەمبەر (ﷺ): گەڕان بەدوای بیانوودا بۆ بەخشین کاتێک ماعز دێتە خزمەت پێغەمبەر (ﷺ) و بە ئیرادەی خۆی دان بەوەدا دەنێت کە تاوانی زینای کردووە، هەڵوێستی پێغەمبەری خوا سەرسوڕهێنەرە بۆ مێژووی مرۆڤایەتی. لەبری ئەوەی دەستبەجێ فەرمانی سزادانی بۆ دەربکات، هەوڵ دەدات تاوانەکەی لەسەر لا ببات و گومان (شوبهە) دروست بکات بۆ ئەوەی سزای شەرعی (حەد) جێبەجێ نەکرێت. گەڕان بەدوای دەرچەیەکدا: پێغەمبەر (ﷺ) پێی دەفەرموێت: "لەوانەیە تەنها ماچت کردبێت، یان دەستت لێ دابێت، یان تەنها سەیرت کردبێت؟" واتە دەیەوێت پێی بڵێت: بگەڕێوە و با ئەو تاوانە هەر لەنێوان خۆت و خوادا بمێنێتەوە و باسی مەکە. پشکنینی هۆشیاری: کاتێک ماعز سوور دەبێت لەسەر قسەکەی، پێغەمبەر (ﷺ) دەپرسێت: "ئایا شێت بوویت؟" ئەمەش بۆ دڵنیابوونەوەیە لە تەواوی ئەقڵ و هۆشیاری کەسەکە، نەوەک بەهۆی نەخۆشییەوە قسە بکات. دوورخستنەوەی سزای شەرعی: تەنها دوای ئەوەی ماعز چەند جارێک دووبارەی دەکاتەوە و بە ڕوونی دەڵێت بەڵێ تاوانەکەم کردووە (بەبێ هیچ کینایە و خواستنێک)، ئینجا پێغەمبەر (ﷺ) فەرمانی جێبەجێکردنی سزای بەسەردا دەدات، چونکە ئیتر هیچ ڕێگەیەک نامێنێتەوە بۆ لێخۆشبوون لە ڕووی یاساییەوە. ئەمە جێبەجێکردنی ئەو بنەما گەورەیەی ئیسلامە کە دەفەرموێت: "ادْرَءُوا الْحُدُودَ بِالشُّبُهَاتِ" (سزاکان بەهۆی گومانەکانەوە دوور بخەنەوە). تراژیدیای کۆمەڵگەی ئەمڕۆ: لە پەردەپۆشکردنەوە بۆ ئابڕووبردن ئەگەر سەیری واقیعی ئەمڕۆ بکەین، بەتایبەت لە سەردەمی تۆڕە کۆمەڵایەتییەکاندا، دەبینین وێنەیەکی تەواو پێچەوانەی سوننەتی پێغەمبەر (ﷺ) دەگوزەرێت. لە سەردەمی پێغەمبەردا، تاوانبارەکە خۆی دێت و دان بە تاوانەکەیدا دەنێت، کەچی پێغەمبەر (ﷺ) هەوڵ دەدات بۆی پەردەپۆش بکات و ڕەتی بکاتەوە. بەڵام ئەمڕۆ، کەسەکە نەک دانی بە تاواندا نەناوە، بگرە ڕەتیشی دەکاتەوە، کەچی خەڵکی بەزۆر دەیانەوێت تاوانەکەی بەسەردا ساغ بکەنەوە! بڵاوبوونەوەی بچووکترین دەنگۆ یان وێنەیەکی گوماناوی، بەسە بۆ ئەوەی هەزاران کەس ببنە دادوەر. بێ لەبەرچاوگرتنی ترسی خوای گەورە، لێپرسینەوەی ڕۆژی دوایی، و ئازاری دەروونی کەسەکە و خانەوادەکەی، خەڵکانێک بەوپەڕی ئازایەتییەوە لەسەر مۆبایلەکانیانەوە خەریکی تەشهیر، غەیبەت، و قەزف (تۆمەتبارکردن بە داوێنپیسی)ـن. ئایا ئەمە سیفەتی شوێنکەوتەی سوننەتە؟ لە وەڵامی ئەو پرسیارەی کە ئایا دەبێت کەسێک خۆی بە موسڵمان و شوێنکەوتەی سوننەت بزانێت و ئاوا ڕەفتار بکات؟ وەڵامەکەی بە دڵنیاییەوە نەخێرە. پێچەوانەی شەریعەت: تۆمەتبارکردنی کەسێک بە تاوانی زینا بەبێ بوونی چوار شایەتحاڵ کە بە چاوی خۆیان ڕووداوەکەیان بینیبێت، پێی دەوترێت (قەزف)، کە یەکێکە لە تاوانە گەورەکان (الکبائر) لە ئیسلامدا و سزای تایبەتی خۆی هەیە. پێچەوانەی ئەخلاقی پێغەمبەر (ﷺ): ئەگەر کەسێک سوننەتی پێغەمبەری خۆشبوێت، دەبێت لە میهرەبانی و پەردەپۆشکردنی عەیبی خەڵکیدا شوێنی بکەوێت. پێغەمبەر (ﷺ) دەفەرموێت: "مَنْ سَتَرَ مُسْلِمًا سَتَرَهُ اللَّهُ فِي الدُّنْيَا وَالآخِرَةِ" (هەرکەسێک عەیبی موسڵمانێک پەردەپۆش بکات، خوای گەورە لە دونیا و قیامەتدا عەیبەکانی پەردەپۆش دەکات). لەدەستدانی تەقوا: ئەو کەسەی بە ئاسانی یاری بە ئابڕوو و شەرەفی خەڵکی دەکات لەپێناو کۆمێنتێک یان قسەیەکی ناو مەجلیس، درک بە گەورەیی وەستان لەبەردەم خوای گەورە ناکات لە ڕۆژی قیامەتدا. کورتەی پەیامەکە ئایین تەنها عیبادەتی ڕواڵەتی نییە، بەڵکوو بریتییە لە پاراستنی زمان و ڕێزگرتن لە حورمەتی مرۆڤەکان. چیرۆکی ماعز پێمان دەڵێت: گەر بینیت کەسێک لەناو قەیران و گوماندایە، دەستی بگرە و ڕزگاری بکە، نەک پاڵی پێوە بنێیت بۆ ناو ئاگر. ئەو کەسەی بانگەشەی خۆشەویستی پێغەمبەر (ﷺ) دەکات، دەبێت ئەخلاق و بەزەییەکانی ئەو زاتە لە کردار و گوفتاریدا، تەنانەت لەسەر کیبۆردی مۆبایلەکەشیدا، ڕەنگ بداتەوە. ------------------- #بەكورتی (٦٤٣) https://t.me/ba_kurty

مژدە مژدە مژدە مژدە بۆ سەرجەم مامۆستایانی مزگەوت و ڕێکخراو و ناوەندە ئیسلامییەکان بە بۆنەى هاتنی پشووی هاوینەوە پاکێجی پەروەردەى منداڵی موسڵمان کە پێک هاتووە لە کۆمەڵە کتێبێکی پەروەردەیی بۆ خولی هاوینەى منداڵان بە زمانى شرینی کوردی و بە دیزاینێکی ناوازە و جوان ئامادە کراوە بۆ سێ ئاستى جیاواز لە تەمەنى شەش ساڵی تاوەکو پانزە ساڵی. ----------        --------        ----------- * تێبینی: دەتوانى تەنها داواى ئەو کتێبانە بکەى کە خۆت دەتەوێ و نەک پاکێجەکە هەمووی. ----------        --------        ----------- * داشکاندنی زۆر تایبەتمان هەیە بۆ خولی مزگەوتەکان ، و جوزئی عەمە و تەبارەک بێ بەرامبەرە * گەیاندنمان هەیە بۆ سەرجەم شارەکان. ......... بۆ زانیاری زیاتر سەبارەت بە ناوەڕۆکی کتێبەکان ئەم لینکە بکەرەوە https://t.me/parwardah2026/4 ----------        --------        ----------- * بۆ داواکردن پەیوەندی بکەن واتسابی ئەم ژمارەیەوە ٠٧٧٠١٥١٧٣٧٨ یاخود لەڕێگەى ئەم لینکەوە نامە بنێرە. https://t.me/malpariba8

باشترین دوعا دوعای ڕۆژی عەرەفەیە فەرموون بۆ: یەکەم: دوعاکان لە قورئاندا https://walamakan.com/613 دووەم: دوعاکان لە سوننەتدا https://walamakan.com/607

40 خاڵی گرنگ سەبارەت بە دە ڕۆژى یەکەمی مانگی حاجیان لینکی کتێب بە pdf https://walamakan.com/Kteb-118 لینکی کتێب بە نوسین https://walamakan.com/3317

چۆنێتى حەج کردن بە ئاسانترین شێوە لەم نامیلکەیەدا : بە کورتى و پوختى باسی چۆنێتى حەج کردن کراوە و بە وێنە شوێنەکان ڕوونکراوەتەوە بۆ ئەوەى تۆى موسڵمان بەرچاو ڕوون بیت لە کاتى سەفەرى حەجدا و بتوانى بە باشترین شێوە حەج کردنەکەت ئەنجام بدەى ، وە هەروەها باسی ڕوکنەکانى حەج و ئەو شتانەى کە لە کاتى ئیحرامدا حەرامن ئەنجام بدرێ . 👇👇👇 https://walamakan.com/Kteb-43

https://t.me/parwardah2026/4

پاکێجی پەروەردەى منداڵی موسڵمان بەداشکاندنی تایبەتەوە ئەم لینکەى خوارەوە بکەرەوە تەواوی زانیاری تێدایە 👇👇👇👇

سێ سوننەت لە یەک ڕۆژدا سبەی ١. پێنج شەمەیە. ٢. لەمانگی شەشەڵانداین. ٣. له ڕۆژە سپییەکانە. بۆیه بەڕۆژووبە سێ سوننەت دەپێکی إن شاء اللە . ئەگەر توانیت ئەوا هاوسەفەرى کاروانى ڕۆژوگرانى سبەینێ بە ئەگەر ناتوانیت ، ئەوا یادی کەسانى ترى بخەوە چونکە تۆ نازانى کە کێ بەهۆى یادخستنەوەکەى تۆوە بەڕۆژوو دەبێ! وە ئێستا زستانە و دنیا ساردە و ڕۆژگاریش کورتە و کەس عوزرى گەرما و برسێتى نیە ----------------- ماڵپەڕى بەهەشت ba8.org

کۆبونەوەى ڕۆژى جەژن و جومعە پێکەوە پرسیار : ئەگەر ڕۆژی جەژن کەوتە ڕۆژی جومعەوە ئایا ئەو کەسەى کە ئامادەى نوێژى جەژن دەبێ دروستە ئامادەى نوێژى جومعە نەبێت و نەچێت بۆ نوێژى جومعە؟ وەڵام : زانایان  دوو بۆچونیان هەیە: بۆچوونی یەكەم : جومعەى لەسەر ناكەوێ و دەبێت ئامادە بێت و ئەمەش مەزهەبی زۆرینەیە لە : حەنەفیەكان و مالیكیەكان و شافعیەكان و وتەی زۆربەی زانایانە و وتەی پەسەندكراوی ابن المونزیر و ابن حەزم و ابن عبدالبرە. چونکە خواى گەورە دەفەرموێ : (إِذَا نُودِيَ لِلصَّلَاةِ مِنْ يَوْمِ الجُمُعة فَاسْعَوْا إِلَى ذِكْرِ اللَّه)  [الجُمُعة: ٩] لەم ئایەتەدا خواى گەورە نوێژى جەژنی جیا نەکردۆتەوە و بە گشتى باسی جومعەى کردوە کە واجبە ئامادە ببیت . وە لەسەردەمی ئیمامی عوسماندا ڕەزاى خوای لێ بێ ڕۆژى جەژن کەوتە جومعەوە لە وتارى جەژن بە خەڵکەکەی فەرموو : ئەی خەڵکینە ئەمڕۆ دوو جەژنتان بۆ کۆبوەتەوە هەرکەس پێی خۆشە چاوەڕێی نوێژى جومعەش بکات لە خەڵکی لادێ و شوێنە دوورەکان (أهلِ العوالي) ئەوا با چاوەڕێ بکات ، وە هەرکەسیش پێی خۆشە با بگەڕێتەوە ئەوا ئیزنم داوە بگەڕێتەوە . رواه البخاري (٥٥٧١) کەواتە : ئەمە تایبەتە بە خەڵکی لادێ و شوێنە دوورەکان ، چونکە ئەوان لەدەرەوەى شاری مەدینەوە دەهاتن بۆ نوێژى جەژن و ڕێگاکەیان دوور بوو قورس بوو لەسەریان جارێکی تر بگەڕێنەوە بۆ نوێژى جومعە . وەهەروەها نوێژى جومعە فەرزە بە دەقی قورئان و سوننەت و یەکدەنگی زانایان ، بەڵام نوێژى جەژن هەندێک لەزانایان دەفەرمون سوننەتی موئەکەدەیە ، هەندێکیان دەفەرمون فەرزی کیفایەیە ، بەشێکی کەمیان دەفەرمون فەرزە ، کەواتە نوێژى جومعە لە نوێژى جەژن گرنگترە و نوێژى جەژن جێگاى نوێژى جومعە ناگرێتەوە . بۆچوونی دووەم: ڕوخسەت دراوە هەر کەسێک ئامادەى نوێژى جەژن ببێ دروستە ئامادەى نوێژى جومعە نەبێت، بەڵام واجبە لەسەر ئیمام جومعە بكات و ئەمەش مەزهەبی حەنبەلیەكان و وتەی كۆمەڵێكە لە سەلەف و وتەی پەسەندكراوی ابن تیمیە و ابن باز وابن عوسەیمینە. پوختەى باسەکە : باشتر و چاکتر وایە ئامادەى هەردوو نوێژەکە ببی ، ئەگەر وات کرد ئەوا هیچ کەسێک ڕەخنەت لێ ناگرێ کە کارێکی هەڵەت کردووە  ، بەڵام کە تەنها ئامادەى نوێژى جەژن ببی و واز لە جومعە بێنێ ئەوا خۆت دەخەیتە ناو خیلاف و ڕاجیاوازی زانایان و خۆتیش لە قەلەقی و دوودڵیدا دەبیت کە ئایا کارەکەم دروستە یان نا ، بۆیە ئامادەى هەردوو نوێژەکە ببە چونکە بەڵگەى بۆچونى یەکەم بەهێزترە کە دەفەرموێ : جومعەى لەسەر ناکەوێ و دەبێ ئامادە ببێ  . والله أعلم ---------------------

ژیان لەم دنیایەدا وەک سێبەرێکی کاتی وایە، هەرچەندە ڕابکەیت بەدوایدا پێی ناگەیت و لەکۆتاییدا جێت دەهێڵێت. لێرە هەموو خۆشییەک بە خەمێک دەورە دراوە؛ تەندروستی بە نەخۆشی، گەنجی بە پیری، و ژیان بە مردن کۆتایی دێت. *​بەڵام بەهەشت پێچەوانەی ئەمەیە:* ​ *نەبڕاوەیە* : نە خەمی تێدایە، نە ماندووبوون و نە پیربوون؛ ژیانێکی هەتاهەتاییە لەوپەڕی کامەرانیدا. *​پاداشتی ڕاستەقینەیە* : شوێنێکە کە تێیدا مرۆڤ بە ئاواتەکانی دەگات و لە هەموو کەموکوڕییەکی دەروونی و جەستەیی پاک دەبێتەوە. *​خۆشییەکی بێوێنەیە* : وەک لە فەرموودەدا هاتووە، تێیدا شتانێک هەن کە "نە چاو بینیویەتی، نە هیچ گوێیەک بیستویەتی و نە بە خەیاڵی کەسدا هاتووە." *​بە کورتی* ، دنیا کێڵگەیە و بەهەشت دروێنەیە؛ عاقڵ ئەو کەسەیە لێرەدا تۆوێک بچێنێت کە لەوێدا سەمەری شیرینی بچنێتەوە.

ناوی كتێب : پوختەی ئەحكامەكانی نوێژی تەراویح لە (١٢٠) خاڵدا. نوسینی : شێخ فهد بن یحيى العماري وەرگێڕانی: ستافی ماڵپەڕی وەڵامەكان پێناسە: مانگی ڕەمەزانی پیرۆز، مانگی پەرستش و نزیکبوونەوەیە لە پەروەردگار، یەکێک لە دیارترین نیشانەکانی ئەم مانگەش و ئەو عیبادەتەی کە ئارامی بە دڵی بڕواداران دەبەخشێت، "نوێژی تەراویح"ـە. ئەم نوێژە کە سوننەتێکی جێگیر و پیرۆزی پێغەمبەرە (ﷺ)، دەرفەتێکی زێڕینە بۆ ئەوەی بڕوادار لە شەوانی ئەم مانگەدا بە کڕنۆش و ڕاوەستان لەبەردەم خودا، خۆی لە گوناهەکان پاک بکاتەوە و پلەو پایەی بەرز بێتەوە. لەم نامیلکەیەدا هەوڵ دراوە بە شێوەیەکی زانستی و ئاسان، تیشک بخرێتە سەر ئەم بابەتانە : پێشەکی: فەزڵ و گەورەیی شەونوێژ و تەراویح بەشی یەکەم : حوکمەکانی نوێژی تەراویح بەشی دووەم: حوکمەکانی دانیشتنی نێوان ڕکاتەکان بەشی سێیەم: پێشنوێژیکردنی منداڵ و ئافرەت بەشی چوارەم: حوکمەکانی نوێژی وتر بەشی پێنجەم: حوکمەکانی قەزاکردنەوەی تەراویح بەشی شەشەم: حوکمەکانی دوعای قونوت بەشی حەوتەم: چەند بابەتێكی جیاواز بەشی هەشتەم: حوکمەکانی دوعای خەتمی قورئان 👇👇👇 https://walamakan.com/Kteb-166

توێشووی ڕۆژووەوان؛ ڕێبەرە کورت و وردەکەت بۆ مانگی ڕەمەزان ئایا دەتەوێت لە حوکمە نوێی و هاوچەرخەکانی ڕۆژوو دڵنیا بیت؟ کتێبی (توێشووی ڕۆژووەوان) هەموو ئەو زانیارییانەت بۆ کۆدەکاتەوە کە وەک موسڵمانێک لەم مانگە پیرۆزەدا پێویستت پێیەتی. ١٩٢ خاڵی کورت و پوخت: دوور لە درێژدادڕی، وەڵامی هەموو پرسیارەکانت وەربگرە. بابەتە نوێیەکان: باسێکی وردی پرسە فیقهییە هاوچەرخەکان و ئەو شتانەی ڕۆژوو دەشکێنن. شەش بەشی سەرەکی: لە مەرجەکانی ڕۆژوو و ئادابەکانی پارشێو و بەربانگەوە، تاوەکو زەکاتی سەرفترە. ئەم کتێبە بکە بە هاوەڵی تێگەیشتنت لە عیبادەتەکانت. توێشوویەکی کەم قەبارە، بەڵام پڕ لە زانیاری بۆ هەر ماڵێکی کورد. --------------- ئەم لینكە بكەرەوە 👇👇👇 https://walamakan.com/Kteb-165

👆👆👆 خوشك و برایانی بەڕێز: ڕۆژووگرتنی مانگی ڕەمەزان بۆ بەدەستهێنانی ڕەزامەندی خوای گەورە و بەهەشتەكەیەتی، جا هەركات زیاتر شارەزابین لە خۆشی و نازو نیعمەتەكانی بەهەشت ئەوا باشتر و زیاتر عیبادەتی خوای گەورە دەكەین . * پێناسەی پڕۆژە: ئەم پڕۆژە بریتی یە لە خوێندنەوەی نامیلكەیەكی كورت و پوخت و زۆر بەسوود بەناونیشانی (گەشتی ئەبەدی: وەسفی بەهەشت و چێژی دیداری خودا) كە لەگەڵ خوێندنەوەی شەوقێكی تایبەتت بۆ دروست دەبێت سەبارەت بە بەهەشتی هەتاهەتایی . * شێوازی بەشداری: تەنها بەخوێندنەوەی ئەم نامیلكەیە و ناردنی ئەم پۆستە بۆ پێنج كەس ناوت دەچیتە تیروپشكەوە بۆ بردنەوەی خەڵات، كە خەڵاتەكان لە لایەن (ناوەندی تیشك)ەوە دابین كراوە . كاتی تاقیكردنەوە : ڕۆژی بیستی ڕەمەزان . *شێوازی تاقیكردنەوە: تەنها ئەم دوو پرسیارەیە : أ. نامیلكەكەت خوێندەوە؟ ب. ناردت بۆ پێنج كەس؟ گەر وەڵامت بەڵێ بوو ئەوا ناوت دەچێتە تیروپشك. بۆیە هەر ئێستا دەست بكە بە خوێندنەوەی و بینێرە بۆ پێنج هاوڕێت. https://t.me/ba_kurty

پێویست ناکات زۆر بگەڕێی ئەوەى تۆی موسڵمان پێویستت پێی دەبێت لە حوکم و ئادابەکانى ڕۆژوو لەم لینکە دانراوە 👇👇👇 https://walamakan.com/Ramazan تکایە بینێرن بۆ هاوڕێکانتان

ئاهەنگ گێڕان بەبۆنەی شەوی پازدەی شەعبانەوە کە ناونراوە شەوی بەرات و تایبەت کردنی بەنوێژ کردن و تایبەت کردنی ڕۆژەکەی بەڕۆژو گرتن ، بیدعەیە ، و هیچ بنەمایەکی شەرعی نی یە .

ئاگاداری و مژدەیەک بۆ هەموو خوشک وبرایەکى موسڵمانى شوێنکەوتوى سوننەتى پێغەمبەرى خوا صلى الله علیه وسلم ئاگادارتان دەکەینەوە کە لە سبەینێ وە (یەك شەممە) ڕۆژووگرتنى ڕۆژه‌ سپییه‌كان (أیام البیض) واته‌: (١٣،١٤،١٥)ى مانگى شەعبان دەست پێ دەکات کە بریتیە لە (یەك شەممە و دوو شەممە و سێ شەممە) پێغەمبەری خوا صلى الله عليه وسلم سەبارەت بە مانگی شەعبان فەرموویەتى : مانگێکە خەڵک تیایدا بێئاگان، و مانگێکە کردەوەی تێدا بەرز دەکرێتەوە بۆ لای خودا ، جا پێم خۆشە كە كردەوەكانم بەرز دەكرێنەوە بە ڕۆژوو بم . پێغەمبەری خوا صلى الله عليه وسلم زۆربەی مانگی شەعبانی وەك سوننەت بەڕۆژوو دەبوو. ------------------------------ وە بۆیه‌ پێى ده‌وترێ (أیام الیض) چونكه‌ مانگ له‌و سێ شه‌وه‌یدا زۆر ڕووناكه‌و دیاره‌. --------------------------- جا گەر توانیت ئەوا هاوسەفەرى کاروانى ڕۆژوگرانی ئەم سێ ڕۆژە بە وە ئەگەر ناتوانیت ، ئەوا یادی کەسانى ترى بخەوە وئەم پۆستە شەیر بکە چونکە تۆ نازانى کە کێ بەهۆى یادخستنەوەکەى تۆوە بەڕۆژوو دەبێ! ----------------- ماڵپەڕى بەهەشت ba8.org ماڵپەڕی وەڵامەکان walamakan.com

گەر دایکت لەژیاندا ماوە سەیری قەبری دایکم بکە کە پانزە ساڵە بەجێی هێشتووین

ئایا ئافرەت بۆی هەیە بەبێ ئاگاداری مێردەكەی لە ڕێگەی ئۆنلاینەوە شت بكڕێ و بۆی بێننە بەردەگا؟ پرسیار: ئایا حوكمی ئەو كارە چییە ئەگەر ئافرەت بە پارەی خۆی داوای شت بكات بە ئۆنلاین و دواتر وەری بگرێت كە بۆی دێت لەبەردەم دەرگای ماڵەكەی بەبێ ئاگاداری مێردەكەی و پێنەدانی هەواڵی ئەو كارەش پێی چونكە دەزانێت پێی ناخۆشە و سەردەكێشێت بۆ بەرتەسككردنەوەی كاروبار و هەڵسوكەوتەكانی لەو بارەیەوە؟ بۆ وەڵامی ئەم پرسیارە ئەم لینكە بكەرەوە https://walamakan.com/3610