ونـس.

us

وأنَّ الجميع يستحق مَن يُحاول من أجله ♡︎

إمبارح رضيت وأنا مش فاهمة. والنهاردة رضيت لما فهمت. الرضا الأول هو ما تَقرب به العبد لربه من باب الإيمان، والرضا الثاني هو ما جَزىَ به الرب عبده من باب الجبر. فاللهم لك الحمد ♥️.

حاول تلغي من دماغك فكرة هصلي الفجر لما أصحى، اللي هو الساعة ٧ أو ٨ أو ١٠ حسب التساهيل يعني صلاة الفجر مُهمة لدرجة تخليك تقطع نومك لتؤديها، وبعدين تشوف اللي وراك، مش تعمل نفسك مش واخد بالك منها وتصليها وقت ما تصحى! حاول بس وربّنا هيوفقك "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا"

الرسول كان بيدعي دايما " اللهم اني اسألك قرة عين لا تنقطع" يعني ربنا يرزقه الاستقرار و الرضا و انه يشوف لطف ربنا فى كل قضاء ف اللهم إنا نسألك قُرّة عينٍ لا تنقطع، اللهم إنا نسألك الرضا بجميع أقدارك، خيرها وشرّها، اللهم ارزقنا راحة البال وعفة النفس وطمأنينة القلب وحُسن الخِتام وارحمنا واغفر لنا يا رب العالمين .💗

أتمنى افضل شيفاني شاطرة وبحاول،صابرة وبتعلّم، أتمنى ان ما أكذبش على نفسي، وأتمنى ما أخلصش رصيدي من الستر مع ربنا، وأفضل دايماً ممتنة للنجاة في اللحظات الحرجة، ويفضل جوايا إيمان بالمعجزات.. وأتمنى أن ما انساش اللي بتمناه.

"أليس من الحرمان أن يسهر الإنسان حتى الفجر ، ولم يقف بين يدي ربه ليصلي؟ ولو علم أحدكم فضل صلاة الفجر، لما طاب له جفن دون أن يصليها، فهنيئاً لمن ترك الفراش و أراح قلبه بركعتين الفجر ."

يا سَعد من نالَ حبيبُه، ويا سعد من له مُحب يُقاتل لأجله.

أحتاج إلى شخص يمدّ لي يده حين أشعر بالضعف، يمسك بها ليخبرني أنني لست وحدي، يحتوي كفّه كفّي ليخبرني أنه سندي الذي لا يملّ ولا يكلّ في هول زحمة الحياة، وأنه ترك العالم أجمع خلفه ليقف إلى جانبي. لمسة يدٍ واحدة كفيلة بأن تُنسيني كل حزن تجرّعته روحي، وكل ألم لامس قلبي. وحدها يد حنونة قادرة على مسح الخوف من قلوبنا، والتخفيف عن أرواحنا. لمسة واحدة قد تعني أنك لست وحدك في مواجهة هذا العالم، بل هناك من يُمسك بيدك، ليشدّ عليها ويدعمك في كل خطوة تخطوها.💗

‏لا عليك إلا تفويض أمرك لله من قبل ومن بعد، كل شيء بيد الله فلا تحمل هم رزقك ولا مستقبلك، وما كتبه الله لك سيأتي إليك ولو كنت نائم أو منغمس في مشاغلك اليومية، واجه الظروف بكل رضا واعلم أن الرضا عن القضاء من أجل النعم وبها يبلغ المرء منزلة رضا الله عنه (من رضي فله الرضا)

مع ملاحظتي المتكررة لأثر الأذكار في يومي.. وجدت إن اليوم اللي بقرأ فيه الأذكار، بيكون خفيف علىٰ قلبي مهما كان صعب، واليوم اللي بترك الأذكار فيه، كل شيء فيه مهما كان صغير بيكون صعب وأثره ثقيل. اليوم إاللي بقرأ فيه الأذكار - غالبًا - نشاطي فيه بيزيد، وكَسلي بيقِل، عكس اللي بيحصل وقت ما بغفل عنها.. فـ قراءة الأذكار، هي فعلًا احتياج مش رفاهية نهائي. وأصح تشبيه لأهميتها: "احتياج النفس للأذكار، أشدّ من احتياج الجسد للطعام والشراب." كلنا في احتياج - دائم - للأذكار.

🤍

‏الله يكتب من نصيبي الشخص اللي يشوف إني أجمل وأغلى واحدة في الدنيا، شخص يخاف يخسرني ويشوفني الخير والعوض اللي دعى ربنا بيه، يحسسني بالأمان دايمًا ويخليني أول اهتماماته ومايهونش عليه زعلي ويفرق معاه غيابي.. يا ربّ شخص يصوني ويصون محبتي ويصون عشرتي وقلبي ويكتفي بيا قبل أي شيء.💗

فيه جملة بتقول "لما يجي الشخص الصح هتلاقيك مرتاح ورايق وهتلاقي ربنا بيمشّي الأمور بهدوء عظيم". وبصراحة أنا مؤمنة بالكلام ده جدا، انت مهما قعدت تعدد المواصفات اللي بتتمناها في شريك حياتك، ومهما قابلت ناس وحسيت إنك مش هترتاح لحد من كتر رفضك، ومهما اتلخبطت واتخبطت قبل كده فانت بوجود الشخص المناسب هتنسى كل ده وهتلاقي ربنا ميسّر كل خطوة ومبارك فيها .. هتلاقي نفسك حد تاني، أهدا وألطف وأحن وجواك حاجه بتقولك إن خلاص نصيبك معاك. ♥️

كل ما أشعُر ببوادِر شيل الهم تجاه أيّ أمر ، بقيت أستودعه عند ربنا ومفيش شيء لحد الآن استودعته عند ربنا ، وضرِّني فيه أبدًا وسبحان الله الإنسان ممكِن يقضي عُمرُه كلُّه بيختار يشيل لوحده ، وعنده ربّ كريم بيقوله: " وَتَوَكَّلْ عَلَى الْعَزِيزِ الرَّحِيمِ * الَّذِي يَرَاكَ حِينَ تَقُومُ * وَتَقَلُّبَكَ فِي السَّاجِدِينَ * إِنَّهُ هُوَ السَّمِيعُ الْعَلِيمُ " اللهم إني وكلتك أمري فكُن لي خيرَ مُعين ، ودبِّر لي أمري فإني لا أحسِنُ التدبير :)) 🌿

‏كُلُّ شيءٍ يُوضعُ علىٰ الكتفِ يُثقله ، إلَّا رأسُ المَحبُوب)'🧡.

‏بدعي ربنا يلهمني القرار الصح في الوقت الصح؛ يعني إمتى أغامر وإمتى ااصبر، إمتى أَخد الخطوة وإمتى تتأجل، إمتى أوافق وإمتى أرفض، لإن كل حاجة من دول كفيلة إنها تقلب حياتي 180 درجة عشان كدا أنا ما ببطلش أقول الدُعاء دا: اللَّهُمَّ ألهمني خير القرار وارزُقني حُسن التصرف ودبر أمري.")

♡

ربنا عارفك بطريقة محدش يعرفك بيها، ربنا الوحيد اللي بيعلم اللي بيحصلك. ﴿رَبَّنا إِنَّكَ تَعلَمُ ما نُخفي وَما نُعلِنُ وَما يَخفى عَلَى اللَّهِ مِن شَيءٍ فِي الأَرضِ وَلا فِي السَّماءِ﴾🤍