وَقَــفَــات🕊️

من السلامة النفسية ألا تنغمس في عداوات مع أحد، وأن تتجنب المعارك غير اللازمة، وأن تدرك أن كل موقف تخرج منه سليم النفس مُعافى القلب وإن لم تنتصر فيه فهو مكسب، فعافية النفس خير من نجاح مشوه بهشاشة مؤذية لها، وأن ترضى بما وُكل إليك، وأن تزهد فيما عند غيرك ولا تنظر إليه، وأن تتقبل ذاتك كما هي وتحبها بما فيها من قوة وتتجنب مابها من ضعف، وأن تسلم أمورك إلى الله فهو خير مدبر وخير مُعين.🤍

اقرأ مش مهم في ايه، المهم اقرأ كتاب، مجلّد، قصة أو رواية حتى لو شيء مناقض فكرك، كملّه قراءة لتثبّت لذهنك اختلافك مع النقطة، ولعلك تجد ما يجعلك توافقها! اقرأ في الشيء والشيء المضاد المهم اقرأ

يا سعد من له مُحبٌ يُقاتل الحياة لأجله!🤍

كل العلاقات الإنسانية خُلقت للراحة والرحمة متخلقناش عشان نثبت حُسن النوايا أو ننتصر على بعض في أوقات الخلاف. "العلاقات وُجِدت لتكون بمثابة راحة لنا بلا تعب ولا مشقة".

‏ياربّ أنال ما طال به الرجاء على خيرٍ وسعة وفضلٍ منك يا ربّ. ")

السلام عليكم ورحمة الله وبركاته صباح الخير يا شباب قال النبي ﷺ: "من قرأ سورةَ الكهفِ في يومِ الجمعةِ، أضاء له من النورِ ما بين الجمُعتَينِ." ماتضيعش الفرصة من ايدك.💙

أنت في الأصل مشوش تائه؛ لا تعلم ماذا تريد! فكيف تجد من يألفك؟ ومن يحب فيك خصالك؟ ومن يتودد إليك بما تحب ويبتعد عما تبغض؟! كيف لك أن تريد من يبحث عن المفقود فيك، وأنت لم تجده بعد؟ - إسلام منصور.

لا تدمن شيء -حتى ولو كان مُباح- إلا لو فيه عبادة مُباشرة، مثلًا في فترة من الفترات أدمنت شُغلي وكنت بطبَّق أيام مُتتالية بدون نوم، لدرجة إني كنت ببقى قاعد وسط أهلي بجسمي بس، لكن عقلي بيشرح معلومة، أو بيصحَّح فكرة، أو بيجهِّز دورة جوا دماغي وأنا بشرب الشاي معاهم ومش قادر أفصل! الإدمان حرفيًا بيطيَّر الوقت، وبيسحِل الذهن، وبيخليك مُستهلَك ٢٤ ساعة، وأنا هنا مش بتكلِّم عن اللي طالع عينه وبيشتغل كذا حاجة علشان ياكلها بالحلال فنقول عليه مُدمِن شُغل! لاء، أنا أقصد سحلة الدماغ؛ الشغف، التعلُّق، والتلذُّذ بالحاجة لدرجة إنك تتسرق وتخلي عقلك مشغول في كل الأحوال والأوقات. طيب، ماذا لو أدمنت قراءة القرآن؟ ونِعمَ الإدمان والله! إدمان بيورَّث سَكينة وطهارة، وبيخلِّيك تشوف الدنيا بحجمها الحقيقي؛ مجرّد محطة! تبقى ماشي في الشارع، وبدل ما دماغك تتلوِح أو عينك تزيغ؛ تلاقي الآيات بترن في ودانك، ولسانك بيردِّدها لا إراديًا، وقاعد تستطعِم في حلاوتها! ولو حصلَّك موقف مش لطيف، أو حد استفزَّك، فتلاقي عقلك-اللي اتبرمج على القرآن- بيسحَبك لآية زي: ﴿وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا﴾؛ فتلاقي نيران الغضب بِردِت جوَّاك! حلاوة القرآن لمّا بتتمكِّن من القلب، بتخليك تستغنى بيه عن أي هجص دنيوي، وهتلمِس بركة في وقتك وصحتك ورزقك وحياتك. وأنا هنا خصصت كلامي وركزت على العبادة المُباشرة؛ لأننا ممكن نحوِّل شُغلنا أو دراستنا أو أي شيء مُباح لعبادة بالنية الصالحة، ودا شيء عظيم جدًا.. بس في النهاية دي حاجات فيها مكسب دنيوي وحظ للنفس، إنما العبادات المُباشرة زي القرآن.. دي عبادة خالصة مُخلصة لله، ومفيهاش مصلحة أو واسطة. علشان كدا.. أي إدمان في الدنيا أعراض انسحابه مؤلمة، إلا إدمان القرآن.. أعراض انسحابه بتقودك إلى الجنَّة بإذن الله. #عبدالرحمن_مهدي

بحب الناس اللي بتسهلها وبتحسسك إن كل حاجة بسيطة، مش علشان هم مغفلين ولا بيتهاونوا بصعوبة الحياة المعروفة، لكن من باب الرفق في التعامل مع النفس وإنزال الأمور منازلها، رغم إن القسوة وتعقيد الأمور وتهويلها أسهل! ‏"إِن الله رفيق يحب الرفق، ويعطي على الرفق ما لا يعطي على العنف" ♥️

أنا رأيي في العلاقات إن البذل الأكبر فيها للرجل، لإنه مكلف بده. ربما الست تبذل في دخول العلاقة أو اقناع الأهل أو أو أو... ولكن ده بيتحط تحت بند الفضل، لإنها المفروض يعني ما تعملش كل ده، وأنت مطالب تروح وتيجي وتعمل كل حاجة لحد ما الأهل يوافقوا عليك ثم تجيب كل ما يرضونه أو تحاول تقنعهم بحالك ووضعك. ورأيي برضو لما يكون فيه راجل مش عايز يبذل، أو مستثقل البذل ويتمنن عليها بإنه يحاول وبيعمل وبيعمل، ثم يحتاج نتحيل عليه عشان يتحرك، ومحتاج الست هي اللي تعمل كل حاجة، فلا أظنه يصلح زوج... فلو كان لا يبذل ولا يتحمل لأجل من يريدها، فلأي شيء يتزوج؟! المحب لا يبرر ولا يستثقل البذل.

هو اي الي اصل بنت الاصول تعيش ع بوء المياه طب واعيش ع بوء المياه معاك ليه بجد مانا عايشه عند ابويا ع بوء اللحمه والفراخ والكفته والعصاير والالبان ونشوفلنا واحد زي ابويا وانت شوفلك كولدير تعيش معاه بوء مياه اي

ربّما أنت ضالّةُ أحدهم في ذلك الرُّكن البعيد، في شرق الأرض أو غربها، هُناك مَن تَعِبَ مِن وَعثاءِ الطّريق يَدعو ليلًا ونهارًا أن يرزقهُ اللّٰه بخبيئةِ دُعاءه في شخصٍ يُصبحُ له كُلَّ الدُّنيا ربّما أنت الدُّنيا بالنسبةِ لأحدهم، رغم الضّيق داخلك، لا تَزال الضوء الهادي والسّراج المُنير.

حاول تستمتع بنجاحك وتحب شخصيتك وصفاتك لإن الناس هتفضل ما بيعجبهاش العجب طول عمرها 💗💗

كام مرة بنفضل نرجع نفسنا لورا ونقول: لو كنت نزلت بدري، مكنتش اتعطلت في الزحمة..لو فلان لحق العملية بدري، يمكن كان لسه عايش..لو كنت دخلت كلية تانية، يمكن كنت بقيت أسعد بس التفكير في ( لو ) مش هيغير اللِّي حصل، بالعكس، ممكن يفضل يستهلككّ في حاجات خلاص خرجت من إيدك والنبي ﷺ قال: إن أصابك شيء فلا تقل: لو أني فعلت كان كذا وكذا. ولكن قل: قدر الله وما شاء فعل؛ فإن لو تفتح عمل الشيطان وقال الله تعالى: ﴿إِنَّا كُلَّ شَيْءٍ خَلَقْنَاهُ بِقَدَرٍ﴾ يعني حياتك مش ماشية بالصدفة، ورزقك مش صدفة، وحتى الأوقات اللِّي بتحس فيها إنك خسرت أو اتأخرت أو أخدت طريق مش اللِّي كنت عايزه، كلها داخلة في قدر ربنا مش لازم تفهم الحكمة من كل حاجة بتحصل لك، لكن المهم تثق إن ربنا أعلم بيك وباللِّي ينفعك أكتر منك فكل ما يحصل شيء يوجعك أو تحس إنه كان ممّكن يبقي بشكل تاني، بدل ما تفضل عالق في ( لو ) فكّر نفسك: قدر الله وما شاء فعل. واطمن..أقدار ربنا كلها خير، وفيها من الحكمة والرحمة.

نحب نفكّرك إنك مالكش دعوة بالشخص اللي لقى مراته بتفطر مع واحد تاني، ولا باللي حصل في مطعم سيزلر، ولا بمشكلة البنت وسواق أوبر، ولا باللي حصل بين موديلز كليب عمرو دياب. مش كل تريند محتاج منك رأي، ومش كل خناقة على السوشيال ميديا لازم تعرف تفاصيلها. ركز في نفسك، وفي بيتك، وشغلك، وحياتك. لأن انشغالك طول الوقت بمشاكل ناس ماتعرفهمش مش بس بيضيع وقتك، ده كمان بيأثر على نفسيتك ومزاجك وإنتاجيتك، وبيستنزف طاقتك في حاجات انت مالكش أي دعوة بيها. ياريت نتعامل بإيجابية ونوفّر طاقتنا للحاجات اللي تخصنا، والناس اللي فعلًا يهمونا.

يا رب، وأن نرىٰ من العمر أنسه وسكينته، ومن الأيام طمأنينتها وجمالها، ومن القلوب أحنها وأرهفها، ومن الحب وفاءه وصدقه، يا رب اجعل كل خير يحفّنا ‏ويعيش بيننا وفينا، يا واسع الفضل.

انتهاء أي علاقة أو حتى مرورها بخلاف، مش معناه إننا نقلبها عداوة أو نفضل نرمي كلام يقصد بيه التلقيح والتجريح.. اللي بيعمل كدا بيكشف قلة أصل قبل أي حاجة. الإمام الشافعي قال: الحُرُّ من راعى وداد لحظة. يعني حتى لو العلاقة انتهت، يفضل للذكريات الحلوة وللعِشرة حق.. يمكن الأيام تصلح اللي اتكسر، ويمكن كل واحد يكمل في طريقه، لكن الاحترام لازم يفضل موجود. أما إن الخلاف يوصل للفُجر في الخصومة والإساءة، فدي صفة مذمومة، لأن صاحب الأخلاق الحقيقية عمره ما ينسى الود اللي كان بينه وبين الناس، حتى لو كل واحد بقى في طريق.

قمه قله الذوق إنك تقول رأيك في حاجة مفهاش رجعة دخلت الجامعة دي ليه يابني دي ملهاش مستقبل ! الشغلانة دي ملهاش لازمة عملت في نفسك كدة ليه ! إتجوزتي ليه ما كنتي مرتاحة قبل الجواز .. جبتي الفستان دة ليه مش حلو خالص .. ياريتك ما دخلت أدبي كنت دخلت علمي أحسن. مش معنى إن تجاربك مكانتش أحسن حاجة يبقى تعمم تجربتك وتنصح بيها الناس وخلاص ،، حقيقي الانسان بيعيش في صراعات مع كل إختيار ،، ف ياريت نلتزم الصمت طالما فترة الإختيار وأخذ الآراء عدت محدش ناقص تأنيب و وجع قلب ! تجربتك يمكن منجحتش لعدم سعيك الجاد أو لعدم كونها نصيبك أصلا ، ف ياريت تسكت يمكن غيرك يفلح .. .

‏أن تصفّق لشخص لم ينتبه له أحد.. وتنادي لصديق يقف وحيداً في الزاوية ليأخذ معكم صورة جماعية.. و تصبر على حديث كبير بالسن وتمنحه أذناً صاغية . وتنصت لمراهق في مجلس مكتظ .. لم يتعلم بعد كيف يلفت الأنظار . أن تشجّع كل جهد مهما بدا صغيراً، وتقدّر كل عطاء مهما بدا بسيطاً. هذه الأشياء لا تُسعد الآخرين فحسب.. بل هي التي تُبقي قلبك حياً.. وتملأه برقةٍ تُهوّن عليك أنت قبل غيرك كل ما في هذه الدنيا من ثقل.

حفظتي؟ - آه سمعي يلا - بسم الله الرحمن الرحيم، بالله عليكي إستني ، هقول أهو