حجايات اهلنة

يكتب…✍️ تدرون بشغلة اول مرة بحياتي احس محتاج اطلب من واحد يوجهني بشغلة وصراحة مو شغلة عادية لان اني طول عمري معتمد علة نفسي اذا تصير عندي مشكلة اكعد ويا نفسي واحللها وحدي واحاول الكة الحل بدون ما احتاج احد بس اكو شغلات بالحياة توصل بيك لمرحلة ما تريد حل كد ما تريد واحد يسمعك واحد تحجيله وانت مرتاح وتحس هذا الشخص فعلاً دا يسمعك مو بس ينتظر دورة حتى يحجي هوة السؤال هل اكو شخص فعلاً يسوة نحجيله ونطيه من وقتنا ونهتم برأيه اي اكو بس صعب جداً شما تتوقعون لان اغلب الناس مشغولة بنفسها وبمشاكلها وبحياتها وحتى اذا سمعك مرات يسمعك بس حتى ترد مو حتى يفهمك تحجيله عن شي ضايج منه يكلك عادي لا تفكر بيها او يسلكلك كم كلمة ويغير الموضوع وانت اصلاً ما جنت محتاج واحد يطيك محاضرة انت جنت محتاج واحد يحس بيك ويفهم ليش هذا الشي مأثر عليك والاصعب من هذا كله ان مرات تتندم لين حجيت مو لان الحجي غلط لا لين اختاريت الشخص الغلط فتكتشف ان الشي اللي جان ببالك جبير ومؤلم بالنسبة الك هو بالنسبة اله مجرد سالفة عابرة ويمكن بعد يستخدم كلامك ضدك او يحجي بيه ويا غيرك ولهذا مو كل شخص قريب منك لازم يكون قريب من داخلك ومو كل شخص تحبه لازم تعرفه كل تفاصيلك لان اكو فرق بين شخص موجود بحياتك وبين شخص موجود من اجلك الشخص الصح من تحجيله ما يستهين بشي انت شايفه جبير وما يضحك على حزنك وما يكلك انت مكبر الموضوع بالعكس يحاول يفهمك حتى لو ما عنده حل لان مرات انت ما تحتاج حل اصلاً تحتاج بس واحد يسمعك ويخليك تحجي كل اللي بداخلك بدون ما يحكم عليك او يقلل من وجعك واني اعتقد حتى الشخص اللي طول عمره قوي ويعتمد علة نفسه مرات يحتاج واحد يسمعه ومو عيب تكول ما اعرف شسوي وجهني ومو ضعف انو تحتاج رأي شخص تثق بيه القوة مو دائماً انو تحل كلشي وحدك مرات القوة انو تعرف منو الشخص اللي تكدر تعتمد عليه ومنو الشخص اللي اذا فتحتله گلبك ما تخاف من اللي راح يصير بعدين فقبل لا تحجي وقبل لا تفتح گلبك لأي شخص اختار الشخص الصح لان مو كل اذن تسمع تستاهل تسمعك ومو كل گلب تگدر تودع بيه اسرارك اكو ناس مجرد تحجيلهم واكو ناس من تحجيلهم تحس اخيراً لكيت شخص يفهمك وما تحتاج تمثل وياه انو انت بخير وانت مو بخير🩶.

عيونك زهرتين وأنت مشتل ورد."

I give you a rose, and you place an ember in my hand.

صوتك يزرع بين فراغات ضلوعي ورد.!

علية شغَيرك يالچنت بية تموت .

When will our nights, our conversations, and our songs return.

منين أجتك هالقساوة بالحَلم گلش حنين .

يا حبيبي الليل هم ساكت يشبهك

I will shine in your memory forever.

مرني طيف وشوفَني شگد أحچيّ بَيك.

لا بية احبك بعد و لا بية أحب غيرك شِيحرگهن و بالگلب نِبتن تصاويرك .

I stopped searching for peace when I found you.