متىٰ

وبغيمة دموع

‏ ‏كاضيهه انوكل ونذم ‏ازرع خير وحصد هم ‏جاي اتأذه واتألم ‏وكابر عود ما مهتم ‏والموضوع يطور ‏والحالات تتأزم ‏اعزل روحي بالغرفه ‏وكمت من اطلع ملثم ‏الله بحالتي اليعلم ‏القلق والخوف وجروحي ‏ما نايم وجاي احلام ‏اصيح وحدي بالغرفه ‏وبالحيطان اتردم ‏وصير اكبال المرايه ‏وعاتب روحي وتندم ‏اديه اشكثر شالت ناس ‏ابترهن وصير اجذم ‏اعلك راسي بالبنكه ‏ريحت موت جاي اشتم ‏شسوي اشلون اريد اسلم ‏بعيوني بعد ما شوف ‏من عيوني ينزل دم ‏لو ما امي لو ما بوي ‏افجر بيدي رمانه ‏وخلي الجثه ما تلم ‏ ‏ ‏ ‏ ‏كرار الفراجي

نضحك بل جذب

سهله عليك سهله عليك من تريد تنساني سهله عليك تبدلني بشخص ثاني احبك ومكدر بلياك وحق السواني كل هذا وتريد تعوف ليش يا أناني منو كلك بدونك نعيش بفرك وجهك نموت بثواني من تروح وخاف ترجع تدرين وين تلكاني بنص النجف مدفون وعلي يبجون جيراني كرار الفراجي

ميسي 🇦🇷

راحت أيام واجت أيام وبيدك هدمت الأحلام راحت أيام من عمرنه بس وياك ما خلص صبرنه راحت بس خذت كلشي منه بس بقه ذكراك وشوية محنه وشخصك ما يوم فارك حلمنه نحبك اني وعيوني هواي وعلى شوفت عيونك نفدي أهلنه حلمنه صعب مثل عبدالله وشرب ماي يزيد يسوي لزينب فياي حرمله يشمر ورد والشمر يعتذر جاي زغرت بعيني مثل نجمه بسماي وبعد ما اشوفك لو ترس عيني تصير يل جنت احسبك اول هسه ترتبيك اخير وماريدك بعد لاتصفن ولا تحير جنت احبك جنت اريدك جنت بكلبي فد شي جبير هسه وداعتك صرت بعيني كلش زغير و ودعتك واني مرتاح صافي بالي والهم راح جنت الي وهسه لكلهم مباح وياهم صاحب مشاعر و وياي بشخصية ذباح ماريدك بعد لو تصوغلي الشمس محبس وحتى لو جبت الگمر ونجومه انه ناري بسبع بحور ما تطفى ولا تهيد كلبي يچلمني عليك ومدري شيريد كرار الفراجي

مو بالي أعوفك لا ولا انساك وكلبي لو رحت يروح وياك لا تروح لأن بعدك ما تضل بي روح بفراكك مو جرح واحد كلي اضل مجروح بس الموت يأخذني منك لأن مستحيل ابتعد عنك يا اغلى حتى من الهوى كلشي حلو من احنى سوه بغيابك ضليت انه حاير بس صفنات ودخان الجكاير سهران وايدي عل خدي وظنوني تجيب وتودي ها باسته ها نامت بسده وكلبي ضل حيران وأيده عل خده كرار الفراجي

لكن ما لكينه الناس

تعال بوس عيني وامسح دمعها روحي مثل خرسه تشكي ومحد سمعها ويا غيري تريد تروح كلي شلون اقنعها يا كلبي ابجي على روحك وروحك غير البجي محد نفعها عيوني تحرك الوجنات لون صبت دمعها من تروح الدنيا ظلمه تصير حتى لو نشعل شمعها انت تدري بغيابك توكع النجمات وحتى الشمس تكسر ضلعها والوردات ذبلن مو من شحيح المآي خبر روحتك هوه الفجعها دجله تبجي و ينوح الفرات وبغداد تنزف من كل شوارعها وي كل نسمه هوه عابره أتمناك و لو تجي عيوني ثواب أوزعها حالي مثل عاجر ام تريد تصير ودللول يلود المن تسمعها بنص حربك لو متت روحي هم تشيعها وبحظرت جنابك تندفن روحي اكبر مطامعها كرار الفراجي

وردت بس يمك أكون

بيني وبين نفسي شكد افكر بيك..

لك حبيبي أنا البارحة اشتاكيتلك

لو نااسني ؟

انا الما باچي على الميتين باچيلك ولهسة بكُل صلاة وحضرة داعيلك بعد أكثر شسويلك.

بيدك نشفت آخر دمعه