ما أشعر به🤍

الناس عندها كتير حكي حلو تحكيه عنك 🩷بس لازم تموت بالاول🩷

‏الفكرة تكمل بـ فنجان القهوة وتناقش ويا نفسك تفهمها انو الرحلة فردية ، مو بمعنى انو مو لازم تدخل بعلاقات ، لا ادخل عادي بس تكون علاقات صحية وجودها مُريح وغيابها ميفرق حجينا البعض وسولفنا ولو انشغلنا كلمن وعذره ميشكل فرق ومحد مضطر يبرر لأن الطرفين متاكدين انو الحُب مو بكثر الكلام .

‏انو ماعرف سبب حزني حالياً ، وهذا مو معنا انو ماكو سبب للحزن ، لا هي الأسباب موجودة والأسباب هواي ، بس الحزن من يصيبك فجاءة ومتعرف تحدد السبب ، وموضوع انتَ حزين بدون سبب معين ، حيكون متعب اكثر من الحزن نفسه .

‏حبقى مقتنعه انو الحب الوحده ميكفي ، اكو افعال هواي كفيلة تحسس الي گدامك بالأمان الكافي ، مثلاً زعله ميهون عليك ، او انتَ تتقرب منه وتفهمه ، او انتَ تدعمه وتحببه بنفسه ، وكلمة " احبج " ماكو اسهل منها ، والحب محتاج افعال محتاج اثبات مو بس كلام🤍

هناك مرحلة في العمر يصبح فيها الإنسان أقل اندفاعًا، أكثر صمتًا، وأشد فهمًا للحياة، كأنه أخيرًا تصالح مع حقيقة أن ليس كل شيء يستحق العناء.

لا يؤلمَ الفقد بقدر ماتؤلمَ الذكرى 💔

من كثر الي شفته بحياتي صرت اخاف اتعلق بإنسان او بأي شي ، وبعدين يروح مني ، احساس الخوف من الفقد مرعب .

‏انو ماعرف سبب حزني حالياً ، وهذا مو معنا انو ماكو سبب للحزن ، لا هي الأسباب موجودة والأسباب هواي ، بس الحزن من يصيبك فجاءة ومتعرف تحدد السبب ، وموضوع انتَ حزين بدون سبب معين ، حيكون متعب اكثر من الحزن نفسه .

الحياة بعد الفقد بشعة ، مؤذية الفقد بأنواعه يكسر الروح سواء فقدان شغف أو خطوة او هدف أو شخص ، مُمكن الإنسان يعوض بمرور الوقت بس شگد حيعيش بفراغ وشگد حيتصارع ويا مشاعره وتفكيره وحيرته بأنو ' هسه شسوي ؟ ' فكرة البُعد أو الفراگ مُرعبة وميفهم شي الي يقلل منها يعني مستحيل تكون هينة ع واحد فكرة انو إنسان عايش بروحك وتفاصيلك فجأة يروح بعدما هو جان يسوي المستحيل حت يغرس نفسه بأعماق روحك يصير فجأة يريد يقتلع جذور محبته من گلبك مأساة ! لهذا لتقللون من حزن أحد .

اكو ناس من يسمعون كلام حلو ومتعرف ترد فـ يكولون شكراً ، وتسكت ممكن عبالهم هاي ردود باردة بس بالحقيقة يبقى داخلها امتنان عظيم .

دائماً احضنو اشخاصكم المُفضلين وناسكم القريبة ممعلوم شوكت حتشوفوهم بعد حتى من تتوادعون احضنوهم بضمير وبكُل مشاعر لأن هم متعرفون شوكت حترجعون تلتقون .

انا بطبيعتي احب احجي احب اضحك افتح سوالف واشارك الي بداخلي بدون تكلف عندي افكار هواي واشياء احب ابينها مو لان اريد اهتمام ، بس لان هذا جزء مني بس ويا الوكت صرت اسكت مو لان ماعندي كلام ، لا ، لان المحيط الي حوالي غريب عليه ، احجي فكرة تنفهم غلط اعبر عن نفسي اتحاسب ، قصرت اطلع بعكس حقيقتي وصلت لمرحلة اسأل نفسي هم كلهم يفكرون بنفس الطريقة لو المشكلة بيه انا.

مو غلط تبعد ع الي يوجعك الغلط تبقى وتگول ، يمكن يتغير !.

مو كل الذكريات تجيبلك الحنية والشوگ الأيامها , اكو ذكريات تغث بمثابة اني شلون ضاع اغلب وگتي ويا هالأشخاص .

ما اعتقد اكو اسوأ من توگع بـ فترة مالها وصف نهائيا غير انو انتَ " متدري" متدري تنتظر لو تكمل متدري انتَ بخير لو لا متدري شلون تاخذ قرار صح ومتدري شلون ترجع تفكر صح متدري شلون تجاوب ع اي سؤال شعور مؤذي ويخليك متريد شي غير انو تختفي .

اكو اشياء من تتغير مترجع مثل الأول مهما صار ، مثلاً من مشاعرك تتغير اتجاه احد جانت روحك بي وكسر كلبك ، او مثل صاحب عمرك الي فجأة أتحول لعدوك ، او شكلك الي اتغير بسبب حالتك النفسية الي صارلها فترا جبيره ممضبوطة ، اشياء هواي من تتغير مُستحيل ترجع مثل الأول .

مو من حق اي احد يحدد اذا جان الشي الي انتَ حزين بسببه يستاهل حزنك او لا ، اذا جان الموقف يستاهل لولا ، طالما الشغله حسستك بالحزن والخنگه فـ هي مهمة .

اكو مرحله من عمركم حتعرفون انو الاحترام اهم من الحب والتفاهم اهم من التناسب والثقه اهم من الغيرة والصبر اعظم دليل للتضحية وانو الابتعاد عن المشاكل ميعني الضعف يعني انو انتو اكثر قدرة ع الاستمتاع بحياتكم ومن تصفحون فـ أنتو متغيرون الماضي بس تصنعون الفرق بالمستقبل .

مرا نجلاء فتحي كالت الأحمد زكي ‏« انتَ مش وحش انتَ بس بصيت على نفسك في المراية الغلط ، بص لي أنا أنا عمري ماهطلعك وحش » وحقيقي كلنا نحتاج نباوع ع المرايا الصح .

ما احتاج علاقة ابذل بيها جهدي حت اوصل للكمال بعيونك احتاج علاقة اتساءل بيها ليش تشوفني بهذا الكمال واني مليانه عيوب! .