بلوجيكس

‏راقي بـ أسلوب التعامل مع الـناس ‏من مبتدا المنطق .. وحب الكرامه ‏أمشى على قانون مبني على ساس ‏المحترم يفرض عليك احترامه

‏رغم الظروف ورغم ميلات الايام ‏ماوقّفت رجلي على باب تاجر

‏رغم الظروف اللي تعّكر لنا البال ‏نضحك ولو ناطى بالاقدام جمره

‏احب الرفقه اللي مابها حاسد — ومحسود ‏واحب الصاحب اللي صحبته ماهو بجالبها

‏معادن الناس في وقت الشدايد تبين ‏احدن كلامه فعل واحدن فعوله كلام

‏لحدٍ يقول إن المعاريف . . سهله ‏من حط بك معروف كنه مقيدك

‏"أنا خويّك بالليالي المعاسير ‏ولّا الرخا . . كلٍ يسدّ بمكاني"

‏عسى الله يعين إللي تعود على الكتمان ‏ " تجي ساعةٍ " ما عاد يقدر يقاومها "

لي كم يوم وحالتي تحت الصفر ‏ حتّى السوالف قافلٍ صندوقها

‏مبطي عن نومة الليل يا نوم النهار ‏سامح الله راحة البال في تقصيرها

‏تشب فيهم ضو في سرعة الصوت ‏تنسف عمايمهم عمامه . . عمامه ‏غاراتها ما هي تشـغل . . بريمــوت ‏" يقـودها اللـي ما تراعد عظـامه

دنياك لو شانت تراها مقادير ما في يدينك … غير حلم وقناعه واللي انكتب رحمة وخيره وتدبير واللي مضى ما يعود منه لو ساعه وأصبر على المقسوم لو فيه تقصير إما تزين او جعلها .. للقلاعه

تجارب الحياه ما مرت مرور الكرام خلت عقول الرجال اكبر من أعمارها

‏لا تصدق الناس في هرجٍ يقولونه ‏الناس في وقتنا .. كثرة مذاهبهم ‏كم شخص تلقا بني عمه يسبونه ‏واذا بدا اللازم اطلق من شواربهم .

لكن الله اللي يكتب الرزق ياخطاب ‏هو اللي يفك الباب ويقص الاقفالي

دربن يحد النفس ل الضيق عفناه ،، ‏ صوب السعه ي قلب قدام سقها

لولا الامل ماعاش يونس بدنياه ‏ ولولا الصبر ماذاع صيت المهادي

‏ماتشيب الاماني لو تخيب الظنون ‏وماتضيق الحياه وعند ربي سعه .

‏لا تقهويني ابي لي شي حالي ‏مل قلبي من شراب المر مله ‏ماكفاني شاربٍ مر الليالي ‏صب شاهي لا تزيد الطين بله

‏من نصائح سعد بن جدلان / ‏إذا انشدوك الناس احرص على الميم ‏ماشفت ، ماسويت ، ماقلت ، مادري