تبليغات الاشعة المرحلة الرابعة

طلاب عيني هاي كدامكم يومين وينشروهن

مساء الخير .. طلاب اي طالب مادرب نهائياً لحد الان بمركز فدك ودينتظر تدريب شهر الثامن يراسلني يدزلي اسمة فقط الي مادربوا التبليغ فقط لطلاب مركز فدك

مساء الخير .. طلاب اي طالب مادرب نهائياً لحد الان بمركز فدك ودينتظر تدريب شهر الثامن يراسلني يدزلي اسمة فقط الي مادربوا التبليغ فقط لطلاب مركز فدك

صباح الخير .. طلاب عيني هاي استمارة التقيم لطلاب الاقضية والنواحي الي تدريبهم صار بالحكومي وطلبت المستشفيات منهم استمارة تقيم هايي تسحبوها سحب وتاخذوها .

مساء الخير .. بخصوص القرار واضافتة لحد الان القسم والجامعة دينتظرون القرار والدرجات من الوزارة توصل حتى يضيفوها لبقية المواد نفس ما فهمناكم لان بالبداية يتم تطبيق القرار على الوزاريات وبعدها الباقي من القرار يدزو للجامعة وتبدي تطبق القرار والدرجات الباقية فان شاء الله هل اسبوع يكمل كلشي 🤍.

🎓 يعلن مركز الدكتور جودت الركابي للاختصاصي بالأشعة التداخلية والتشخيصية بالتعاون مع المعهد الكندي للعلوم الصحية (TCHSI – Canada) عن فتح باب التسجيل في برنامج التدريب العملي على أجهزة التصوير الشعاعي، والمخصص لطلبة وخريجي أقسام تقنيات الأشعة. 🔹 محاور التدريب…

🎓 يعلن مركز الدكتور جودت الركابي للاختصاصي بالأشعة التداخلية والتشخيصية بالتعاون مع المعهد الكندي للعلوم الصحية (TCHSI – Canada) عن فتح باب التسجيل في برنامج التدريب العملي على أجهزة التصوير الشعاعي، والمخصص لطلبة وخريجي أقسام تقنيات الأشعة. 🔹 محاور التدريب ✅ المفراس الحلزوني (CT Scanner – 128 Slices) تدريب عملي على الفحوصات الاعتيادية والملونة وفق أحدث البروتوكولات. ✅ الأشعة السينية الرقمية (Digital Radiography – DR) تدريب عملي على أحدث أجهزة الأشعة الرقمية المستخدمة في المؤسسات الصحية. 🎯 الفئة المستهدفة طلبة وخريجو أقسام تقنيات الأشعة فقط من جميع المراحل الدراسية، مع إبراز هوية أو باج الكلية/الجامعة. 👨‍⚕️ الإشراف العلمي 🔹 الدكتور جودت الركابي مدير المركز والمشرف باختصاص بورد الأشعة التشخيصية والسونار. 🔹 الأستاذ الحسن معمر حسن السلطاني المدرب الدولي المختص في تقنيات الأشعة والذكاء الاصطناعي، والمشرف المعتمد من TCHSI – Canada. 👨‍🏫 الكادر التدريبي 🔹 الأستاذ حسام الدين. 🔹 الأستاذ محمد عبد الكريم علي. 🏅 يمنح جميع المشاركين شهادة مشاركة معتمدة بعد إكمال البرنامج التدريبي. 📍 آلية التسجيل مراجعة المركز مباشرة، وتسديد رسوم الاشتراك واستلام وصل القبض لتأكيد الحجز. للحجز والاستفسار التواصل استاذ حسام الدين من الساعة 9 لغاية 1 0781 141 2955 استاذ محمد عبد الكريم من ساعة 1 لغاية 9 ليلاً +964 780 943 2314 📍 عنوان المركز بابل – الحلة – شارع 60 – مقابل شارع الحسينية – مركز النهرين الطبي – الطابق الثاني – مركز الدكتور جودت الركابي. 🕘 أوقات الدوام يوميًا من 9:00 صباحًا ولغاية 9:00 مساءً، عدا يوم الجمعة. ✨ فرصة مميزة لاكتساب الخبرة العملية داخل بيئة سريرية حقيقية، والتدريب على أحدث أجهزة التصوير الشعاعي بإشراف نخبة من المختصين، بما يعزز مهاراتك ويؤهلك بثقة لسوق العمل. https://t.me/+o3lYLoUAv0ljOGYy

طلاب من يوم السبت يرجع الدوام بالجامعه والقسم متواجدين من يوم السبت القادم يوم 8/8/2026

السلام عليكم / طلاب محافظة النجف / مستشفى الالماني الاهلي الي تدريبهم بشهر الثامن الى طلبتنا الاعزاء المتدربين للشهر الثامن ستكون المباشرة يوم غد الاربعاء الموافق 5/8

مساء الخير .. توضيح بخصوص القرار الجديد الذي اعلنت عنه وزارة التعليم .. اولاً : القرار 10 درجات لمعالجة الحالات الحرجة للطلبة في المراحل غير المنتهية . ثانياً : هذا القرار راح يكون للمواد الوزارية والغير وزارية يعني 10 درجات تتقسم على كل المواد .. زين شلون تتقسم ؟ تتقسم كالاتي .. - الـ 10 درجات راح يروحن للوزارة بالبداية في حال الطالب راسب بمادة او بالاثنين الوزاريات راح يقسمون هاي الـ 10 على ذني المادتين في سبيل الطالب ينجح اذا استخدمو القرار كامل للوزاريات فيعني خلص القرار على الوزاريات ونجح الطالب وعندة مثلاً بعد مادة غير وزارية هنا المادة الغير الوزارية مراح يشملها القرار لان خلص على الوزاريات .. مثال ثاني مثلاً طالب راسب بمادة وزارية ومادة غير وزارية كذلك بالبداية راح يطبق القرار على المادة الوزارية في حال ساعدة القرار ونجح شكد استخدمو لهاي المادة مثلاً استخدمو 5 درجات من الـ 10 للوزاري راح تبقى 5 يرسلوها للجامعة يبلغوهم هذا الطالب بقة عندة هلكد درجات هاي البقن الـ 5 راح يستخدموها للمادة الغير وزارية لمعالجتها . - هذه الامثلة للتوضيح فقط يعني المقصد بالبداية الوزارة راح تستخدم القرار للمواد الوزارية في حال استخدمو من القرار شنو راح يبقى درجات راح يرسلوهن للجامعة لمعالجة المواد الغير وزارية واذا الطالب ناجح بالوزاري فالقرار راح يطبق فقط للمواد الغير وزارية في حال عندة رسوب بيهن . - زين شوكت ينزل القرار وشوكت نعرف روحنة ؟ بعد كم يوم بس تكمل الاضافة والارسال والتدقيق القسم ينشر رابط خاص بكل مرحلة وكل كورس حتى الطالب يشوف النتيجة بعد القرار الجديد .

🚨 #عاجل_جدًا | جدول امتحانات الدور الثاني لقسم الاشعة الاثنين 📅 9/7 علم الامراض الوظيفي للمرحله الثالثة الثلاثاء 📅 9/15 فيزياء الرنين للمرحله الثالثة

الطلاب الي موجودة اسمائهم بهذا الكتاب للاقضية والنواحي باجر تباشرو ترحون للمستشفى مع سحب الكتاب وقائمة الاسماء والوصل حتى يبلغوكم على ايامكم ودوامكم .

هذا كتاب محافظة الديوانية للاقضية والنواحي مع الاسماء المقبولة من قبل عمادة الكلية اضافة الى وصل التسديد

طلاب عيوني هذا الوصل مال التسديد اجور التدريب مال اهل النجف الاقضية سحبو وياكم ويه كتاب عدم الممانعه واخذو وياكم للمستشفى