رؤية فنية

🤪🤪🤪🥰🥰

صحابنا اللي بعمله Join علي المناقشة اعمل اسم كامل لبروفايلك عشان اقبله لان العيال بتوع الفوركس مشغالين بوتات رخمه بترزع بتاع 1000 رساله اليوم وبيبقي اسم حسابهم نقطة او حرف 😘

ان شاء الله هرد علي كل الاستفسارات خلال اليوم

هتلاقه كله بترتيب القطاع

القطاعات اللي اختارتوها في الفيديو هنا الموارد الاساسية - الادوية - الاسكان - الغير مصرفي https://youtu.be/zUwBE8S7a2I

جمعة مباركة ان شاء الله

مساء الفل عليكم

اجهزوو

اعلي تصويت الادوية الاسكان الغير مصرفي هيتم عمل فيديو و نطلع منهم افضل الشارتات ان شاء الله اليوم 🔥🔥🔥

فهتلاقي نفسك بقيت عارف هتستثمر في إيه وعندك رؤية وعندك خطة واضحة هتشتري بكام من رأس مالك وهتستثمر مدة قد إيه وهتبيع بكام خلال المدة دي وستوبك ومخاطرك كام في الشغلانة قبل ما تحط مليم واحد في السهم خليك منظم علطول السوق مش بيكافئ أكتر واحد متحمس السوق بيكافئ أكتر واحد منظم وعنده إدارة وخطة لرأس المال وعنده إدارة حقيقية للمخاطر وعارف بالظبط إمتى يدخل وإمتى يخرج وإمتى يقف يتفرج من بعيد وده هو الفرق الحقيقي والوحيد بين المتداول المحترف وبين اللي بيمشي مع القطيع

عقلية القطيع عارفين الكلام اللي بيعلي الأدرينالين ويخلي الدم يغلي في العروق من نوعية الحق قبل ما الفرصة تفوتك ...و السهم خلاص هيطير ....وبلاش تبيع لأن الميكر بيخوفك .....وهما عايزين ياخدوا منك السهم....واستحمل لسه عندنا رالي والطلعة الكبيرة جاية. الكلام ده أكيد شفته كتير جدا على الفيس وفي الجروبات طيب هو ليه الكلام ده بالذات بيأثر في نفسية ناس كتير هحكيلكم تجربة نفسية مشهورة جدا وركز معايا في كل كلمة العلماء جابوا 5 قرود وحطوهم في قفص كبير وفي نص القفص حطوا سلم وفوق السلم حزمة موز كبيرة وقفلوا عليهم الباب كل ما قرد منهم يحاول يطلع السلم علشان ياخد الموز كانوا يفتحوا الباب ويرشوا كل القرود بمياه ساقعة جدا وبتكون مؤلمة وقوية وشديدة بعد كام محاولة القرود فهمت الرابط الذكي أن أي واحد فيهم هيحاول يطلع السلم الكل هيتعاقب بسببه وممكن يموت من الساقعة فبقى أول ما قرد منهم مجرد تفكير يوزه و يحاول يطلع ياخد الموز يجري عليه باقي القرود ويمسكوه يضربوه علقة سخنة قبل ما يوصل للسلم و ده علشان يتفادوا العقاب الجماعي اللي بيتكرر في كل مرة بعد شوية العلماء بدأوا يغيروا القرود اللي في القفص بالتدريج طلعوا قرد من القدام ودخلوا مكانه قرد جديد تماما القرد الجديد أول ما دخل وشاف الموز و طبيعي جدا وبحكم الغريزة حاول يطلع ياخدها لكن المفاجأة أن باقي القرود مسكوه وضربوه علقة محترمة وهو مش فاهم ليه و السبب طيب هل هو يعرف السبب و هل شاف الميه الساقعة قبل كده لا هو انضرب وخلاص بعد شوية العلماء راحوا غيروا قرد قديم تاني ودخلوا قرد جديد ونفس الموقف بيتكرر القرد لمح الموز ولمعت في عينه ومجرد ما قرب من السلم جرى عليه القرد الجديد اللي كان داخل قبله والقرود القدام جريو عليه وضربوه وعلموه الأدب واحدة واحدة العلماء غيروا كل القرود القديمة بقرود جديدة تماما وفي الآخر بقى عندك في القفص خمسة قرود جديدة ولا واحد فيهم شاف المياه الساقعة في حياته ولا يعرف قوتها ولا واحد فيهم اتعاقب بجد ومع ذلك أي قرد جديد يحاول يطلع السلم الباقي يجروا يضربوه طيب ليه بيضربوه عشان هما بيعمله كدا لأنهم شافه و اتعودوا يعملوا كده و بقو بيقلدوا بعض من غير ما حد فيهم يعرف السبب الحقيقي وراء السلوك ده وده بالظبط اللي علم النفس بيسميه عقل القطيع ولما ننقل الفكرة دي بحذافيرها لسوق المال والبورصة المصرية هنلاقي نفس السلوك بيتكرر كل يوم على الشاشة ناس بتشتري لمجرد أن كل الناس بتشتري كذا وناس بتبيع وبتصفي محافظها مرعوبة لمجرد أن كل الناس بتبيع من غير ما حد فيهم يكلف نفسه يفتح الشارت أو يطلع على أي بيانات أو أخبار مالية أو جوهرية للشركة من غير ما يحلل أساسي أو فني أو مالي ومن غير ما يسأل نفسه السؤال البديهي أنا داخل السهم ده ليه وبناء على إيه كل اللي بيحصل إنه بيتحرك مع الأغلبية تحت سيطرة عقلية الجمع وبدل ما يعتمد على تحليله وعقله الفردي يبدأ يعتمد على الجروبات والإشاعات والكومنتات والكلام الحماسي اللي بيرفع الأدرينالين في الجلسة وبعدها تلاقي قراراته الاستثمارية كلها بقت مبنية على المشاعر اللحظية مش على خطة مدروسة للاسف الشديد يشتري وهو خايف تفوته الفرصة ويبيع وهو مرعوب وخايف من الخسارة وفي الآخر يلاقي نفسه طول الوقت قلقان وتعبان ومقريف ومحبط ومش فاهم يعمل إيه ومتشتت في كل القرارات وممكن يضيع شقا عمره وده بالظبط السبب الجوهري اللي بيخلينا ندرس ونتعلم التحليل الفني والسيكولوجي التحليل الفني مش معمول علشان يتنبأ بالغيب أو يعرف المستقبل لكنه معمول ومصمم في الأساس علشان يفصلك تماماً عن عقل القطيع علم التحليل بيعلمك إمتى تدخل وتشتري لما الناس كلها تكون خايفة ومرعوبة وإمتى تكون حذر وبتجني أرباحك لما الناس كلها تكون طماعة ومسيطر عليها الهوس الجمعي بيديك قواعد وخطة واضحة تمشي عليها بدل ما تمشي ورا مشاعرك أو ورا كلام الناس في الجروبات الخلاصة أن مخك البشري مبرمج بطبيعته يضخم الخطر ويصغر الفرصة حسب حالتك النفسية والناس اللي حوليك. عشان كده لازم يكون عندك خطة واضحة وأنا هقولك أنا بعمل إيه بالظبط كا اسلام قبل ما بشتري سهم في قطاع معين براجع القطاع كله بالكامل وأشوف أفضل الأسهم اللي بتتحرك في اتجاه صاعد عام وبعدها بعمل تحليل أساسي للاسهم دي وأشوف انهي سهم فيهم عنده توقعات نمو حقيقية ومشاريع وتوسعات مستقبلية قوية تدعم وتقوي رؤيتي الفنية للسهم على الشارت خلاص قررت وعرفت هشتري إيه لازم أعمل خطة مكتوبة بالورقة والقلم قبل أي قرار شراء وده اللي بيخليني أتفادي أي إحساس لحظي أو حتى انحياز نفسي ممكن يكون حصل معايا من غير ما آخد بالي وسط الجلسة وده كمان هيخليك منظم وعندك درع كدا ضد أي كلام يقابلك فجأة من اللي بيرفع الأدرينالين وبيخرب المحافظ.

الاستفتاء هيتقفل علي العصر كدا عشان اسحب قطاعاته ليكم ان شاء الله هختار ٣ قطاعات

صباح الفل عليكم

3 شهور قافل الجروب كتيره بردو 😅

فضلا و ليس امرا

طبعا محتاج منكم الكل يتفاعل مع البوستات عشان الاشعارات و الدنيا تفوق و تصحصح عند الكل

فتحت التعليقات بجروب المناقشة

بناء عليه ان شاء الله هبداء اظبط و اشيك ع الكلام