𝐗𝐞𝐲𝐥𝐚 𝐦N 🕯️خەیــاڵا مـن

جۆانتڕین ۆ بالکێشی تڕین کەنال لدەڤ خۆ زێدە کەن ۆ جۆانیێ ببینن🌼 لـیست ئيك دەم ژمێرێ‌ دمـینت🕑 Join👉🏻@jiin_23 Join👉🏻@rojan_222

جۆانتڕین ۆ بالکێشی تڕین کەنال لدەڤ خوجوين بـڪـەن 👇🏻@pegvajiyan

ٰ تشتەک د دلێ من دا شکاند، ئەگەر هەمی جیهان ژی ل من ببۆریت، ئەو تشتێ د دلێ من دا هاتیە شکاندن ناهێتە چێکرن.."🖤 ٰ

ٰ ئەز گەلەک باش دزانم کا چەوا هندەک جاران بێدەنگی وەسا دیار دبیت هەر وەکی مرۆڤی پەڵەکێ ئاگرێ گەرم قوتدابیت. ٰ

ٰ ئەز مرۆڤەکم نیڤا ئەزمانێ من بێدەنگییە، و من دڤێت هندەک هەبن ل حیکمەتا کەسێن لال بگەهن. ٰ

ٰ یا ڕەب... تە ئەز دلنەرم دروست کریمە، ب بچوویک ترین تشت ڕۆندکێن من دبارن، ئەز ژ دەستێ خەلکی بێزار و ماندی دبم د دەمەکی دا تو ڕەبێ هەمی خەلکی، يا ڕەب وێ ئازار و زەحمەتا ئەز ژ خەلکی دبینم ل سەر من سڤک بکە ٰ

ٰ «من حەفتێ هزار عوزر بۆ تە دیتن، و هەر جارەکا تە ئەز بێ هیڤی دکرم، من دگۆت دیارە نە وەسایە وەک دیار دکەت، دیارە ماندیبوون زال بوویە ل سەر، دیارە خەمێ دلێ وی بەرزە کرییە، دیارە بارودۆخان گەرماتیا وی یا بەرامبەر من دزییە. من دیمەنێ تە د ناخێ خۆدا نووژەن دکر، هەر جارەکا کریارێن تە ئەو دیمەنە دشکاند، و من گیانێ خۆ رازی دکر کو ئەڤ خەنجەرە (دەربەدەریە )بتنێ خەلەت تێگەهشتنەکە، تا کو ئەز بوویمە بریندار و تو بووییە بێگونەهـ د ناڤ هەمی چیرۆکێن من دا. بەلێ نوکە... ئەز حیسابێ دگەل تە ناکەم ل سەر وێ چەندا تە کری، بەلکو ئەز حیسابێ دگەل خۆ دکەم ل سەر هەر عوزرەکا من بۆ تە دیتی، د دەمەکی دا تە ئەگەر ددانە من دا کو ئەز بچم ، و من شۆڕەشا مانێ دکر.» ٰ

ٰ «ئەز چ ژ گەهشتنێ نزانم عەزیزێ من، ئەز نزانم هەستێ وی مرۆڤی چەوایە یێ دگەهیتە وی تشتێ دڤێت، ئەو حەزا وێ چەندێ ل دەف چێدکەت بنڤیسیت کو دیوارێ غورفێ بەس نینن بۆ بالێن وی! چونکی من چ گاڤێن خۆ نەهاڤێتینە د چ رێکان دا، ئیلا و دنیا راوستیا بیت بەرامبەر دێمێ من ؛ هەر دەم هەمی رێیێن من بەرەف وی تشتێ من دڤیا دهاتنە گرتن.. بەلێ ئەز گەلەک باش وی کەسی دنیاسم یێ دنڤیت و دەستێ وی ل سەر دلێ وی؛ ئەز وی دنیاسم یێ هندەک شەڤان د غورفا خۆ دا نەشێت ب دروستی بێهنا خۆ بکێشیت؛ ئەز تەمام ناس دکەم.. "نیڤ رێیان" لڤێرێ پێت من راوەستیان ل ڤێرێ ب دروستی رێکا من ب دوماهیک دهێت، و ئەز روویێ خۆ دزڤڕینم و ب دلەکێ گری د ناڤ دەستێن خۆ دا، ڤەدگەڕێم.» ٰ

ٰ «چ جاران ب هزرا من دا نەدهات، کو د ڤێ ژیانێ دا مرۆڤەکی ببینم پیستر و دلرەقترین بیت ، وی "ئازاردەرێ هشیار و ب ئاگا"!! ئەو کەسێ ب قەست، ب پلان و ب مەرەم ئازارێ دگەهینیتە تە!! نە ویژدانەک هەیە وی هشیار بکەت، نە هەستەک هەیە وی پاشگەز بکەت، و خو حەتا گاڤەک ژی کو تێدا دانپێدانێ ب وێ چەندێ بکەت کو سرۆشتێ وی یێ ژەهراوی یە و کریارێن وی بئێشن. رۆلێ قوربانی ب شارەزاییەکا بێ وێنە دگێڕیت، دا کو ل پێش چاڤێن خەلکی وەکو قوربانیەکێ دلشکەستی دیار ببیت. جلكێن مەغدۆری و بەستەزمانیێ دکەتە بەر خۆ، و بێدەنگیا شانۆیی گەلەک باش دزانیت، و روویێ کەسێ مافخورای هەلدیگریت، وەکو کو ئەڤە مەدالیایەکا شانازیێ بیت. دوورکەفتنا ڤان کەسان ژ ژیانا مە نە جودابوون و ژ دەستدانە، بەلکو مێژوویەکا نوو یە بۆ دەستپێکرنا ئاشتیێ؛ چونکی خوسارەتیا وان، مەزنترین دەستکەفت و قازانجێ تەمەنی یە.» ئەڤە جۆرەکێ تایبەتن ژ مرۆڤان... خوسارەتیا وان نە بتنێ ئارامیا مێشکی یە، بەلکو دەستکەفتەکێ مەزن و نیعمەتەکا وەسایە کو بها بۆ نینە. ٰ

ٰ «بۆچوونا وی دا، ئەز هەر دەم یا خراب بووم. یا خراب بووم، چونکی دلێ من ژ رادەی زێدەتر ب وی ڤە گرێدای بوو. یا خراب بووم، چونکی ئەز چاڤەڕێی وی بوم، ژێ خەریب دبوم، و ژ دیربوونا وی تووڕە دبووم. یا خراب بووم، چونکی ئەز ژ هەر تشتەکی ژ بەر وی دترسیام، تەنانەت ژ وان کەسێن نێزیکی وی دبوون ژی. یا خراب بووم، چونکی من ئەو بتنێ بۆ خۆ دخواست، نە ژبەرهندێ کو من حەقێ د وی دا هەی بەلکو چونکی من ب راستی ئەو خۆش دڤیا. یا خراب بووم، چونکی من خۆ ل بچوویکترین تشتێن وی دکرە خودان، و خەما وی بەری خەما خۆ هەلدگرت. یا خراب بووم، چونکی من د دلێ خۆ دا جهـ بۆ چو زەلامێن دی نەهێلابوو، د دەمەکی دا وی دڵسۆزیا من وەک بەند ددیت، خەمخۆریا من وەک بارەکێ گران، و (غیرەیا من وەک تومەتەکێ! و ل دوماهییێ، ئەو د دیمەنێ مەغدۆر و ستەملێکری دا دەرکەفت، و ئەز مام ئەو مرۆڤا... "خراب"» ٰ

ٰ مارەک هەبوو پشتی کو کەفتیە بن بەرەکی، گازی دکر و هەوارا خۆ دخواست، ژنەک ژ دویر هات و ئەو رزگار کر. پشتی ژنێ مار رزگار کری، مارێ گۆتێ : "من سویند خارییە کو ئەز هەر کەسێ هاریکاریا من بکەت پێڤەبدەم." ژنێ گۆتێ: "پا من هاریکاریا تە کر، تە چاوا دڤێت بمن ڤەبدی؟" مارێ بەرسڤ دا و گۆت: "ئەز دێ بتەڤەدەم و چ رەحمێ ب تە نابەم، ئەڤە سرۆشتێ منە، و سرۆشت ناگۆهۆڕیت خو چ چێببیت." ژنێ گۆتێ: "وەرە دا پرسیارێ ژ ئێکەم ئاژەل بکەین یێ کو د رێکا مە دا راست بێت، ئەگەر وی ماف دایە تە کو ب من ڤەبدەی، پا بمن ڤەدە ." کێمەک رێڤە چوون تا گەهشتینە گورگی، چیرۆک ب تەمامی بۆ وی ڤەگێرا. گورگی گۆتێ: "ئەز باوەر ژ هەوە ناکەم تا کو هوین دیمەنی ل پێش چاڤێن من دووبارە نەکەن." ژنێ بەر دووبارە دانا سەر ماری، و گۆتە گورگی: "من ئەڤە ب ڤی رەنگی دیت." گورگی گۆتێ: "بهێلە وەکی چەوا تە دبن بەری دا دیتی، چونکی کەسێ چاکینەناس (ناکر الجميل) ب چ رەنگان هەژی هاریکاریێ نینە." و ئەو کەسێ فێری جۆحود و بێوەفایێ بووی، چ جاران ناگۆهۆڕیت تو چ بۆ بکەی. ئەڤە جەزایێ کەسێ چاکینەناسیە ٰ

ٰ خرابترین جۆرێ بەرزەبوونێ ئەوە كو تو بێ رامان بژی. ٰ

ٰ یــان هندی ئاخفتنا خۆ بە، یان ژی ئاخفتنا خۆ ل دویف شیانێن خۆ بێژە. ٰ

ٰ ئەم فێری غەدرێ بووین ژ مرۆڤان، لەوما ئێدی چ تشت مە نائێشینیت. ئەز ژ وي شەڕی دەرکەفتم ویا قەهوێ چێدکەم...!! -

ٰ دەمێ باپیرێ من تووشی نەخۆشیا زەهایمەرێ بووی، گازی مە هەمییان دکر ب ناڤێ ژنەکێ کو مە نەدنیاسی، ئەو نە داپیرا من بوو! ... بیردانکا دلێ گەلەکا ب هێزە.🤍 ٰ

ٰ هەمی گیانەوەر دشێن ژ ناڤ بچن، ژبلی وی گیانەوەرێ گەفان ل کچەکێ دکەت ب وێنەیێن وێ..!! ٰ

ٰ ئێکى وەسا بەحسێ نەئۆمێدیا خۆ کریە: ئەو چەندە وەکى وێ یە تو هزر بکەى تو ئەسمانى، پاشى بۆ تە دیار ببیت تو تنێ ڕەنگەکێ شینى ل لایێن تابلۆیەکی. ٰ

ٰ يا الله !! هەکە بەحەشتا کو سەقفێ وێ عەرشێ خودێ یە ب دوعایان ب دەست بکەڤیت، پا دێ چەوا بیت بۆ ئۆمێدەکێ ل ڤێ جیهانێ کو ل دەف خودێ ب قەدەر پەرێ پێشیکەکێ ناهێتە هەژمارتن؟ دوعایێن خۆ بۆ خودێ دەرببڕە، چونکی ب خودێ تو چو جاران ب دەستێن ڤالا نازڤری ٰ

ٰ تــەرمێن وان پەیڤێن من قوتدای و نەگۆتین، بارێ هەلگرتنا وان گەلەک ل سەر من گــرانە. ٰ