ذكريات تحت المطر🙂🙂

https://t.me/+4H6XOkR0gSBmMTYy

صباح الخير

https://t.me/+NjQ46Ub9GmYwNmM6

السلام عليكم الرجاء مغادره هذه القناة والانضمام لهذه بدل عنها

https://t.me/+NjQ46Ub9GmYwNmM6

السلام عليكم ارجوا الانضمام لقناتي الجديده

https://t.me/+NjQ46Ub9GmYwNmM6

انتقلوا هنا هاي القناة استركها

واذا احتاج قلم مساحه هديل...من زمان تشتغل بعد عندك فلوس .مختار....لا ماعندي هديل ....مااعرف وين فلوسك مختار....انتي محركه جيس الطحين هديل....شنو قصدك اني حراميه مختار....منو غيرج اخذهن هديل....منا وهيج لو تشتغل وتنطيني الفلوس مكان ماكاعد بهذا البيت اعتبرها حصتك من الاجار لو اضيعك بليله ضلمه اني مو امك حتى اتحملك فهمت لو لا مختار....عفته ورحت اتاكدت هي ماخذه فلوسي ومستحيل اكدر اطلعهن منها بعد شكد حقيره ونذله ابوي الي يدفع الاجار وهي تريد اشتغل وانطيها حصتي من الاجار ماكو هيج بشر ابد من بعدها كمت كلما اطلع اجي الكاها نافشه المكان ادور بلكت تلكه فلوس تاخذهن ليش اني زوج بعد اخلي فلوسي هنا واني هم مااشتغل علمود الدراسه اريد اقرا اجا ابوي هلمره وانطاني فلوس هي راسا خزرتني عود ذني إليه بس طلع ابوي اجتني هديل...جيب الفلوس مختار.. اي فلوس هديل....اخذتهن من ابوك انت تشتغل ما محتاجهن انطيني اياهن خلت ايدها بجيبي وأخذت مصرفي كله هديل...وين باقي الغلوس مختار... كلهن اخذيتهن هديل...اقصد فلوس شغلك هليام وين اضمهن مختار...مجاي اشتغل هليام بسبب المدرسه هديل...عوف المدرسه واشتغل احنا شمحصلين من المدرسه تاليتها عسكري نفس ابوك وعمامك مختار...مااعوف المدرسه ومااشتغل هديل.. مو بكيفك اسود عيشتك فهمت لو لا مختار....ولله احجي كلشي الابوي هديل انت تهددني شنو ولله اموتك انت واحد دايح محد يسئل عنك ابوك كلهن كم يوم وراجع للعسكريه منو يحميك مني مثلا مختار...انتي ما تخوفيني اني عايش بيت ابوي وابوي الي حاي يصرف عليه مو انتي ترا احجي الابوي قصة الذهب الي ضميتي يم امج واتهمتي عماتي بي اني اعرف كلشي عنج عوفيني بحالي احسلج هديل ...بسيطه اني اعلمك اذا مااسويك فرجه الأمة محمد اني تهددني بعدين ياذهب هذا الي تحجي عنه خاف انت بكته مني كلشي يصير انت حرامي على عماتك مثلهن بلضبط جمانه السعيدي مختار ...هديل خلتني ابالها وقررت اطلعني من حياتها للابد لان اني كبرت واكدر ادافع عن نفسي مو مثل قبل واكدر اوكف بوجها وهذا الشي هي ماتريده من نزل ابوي المره الثانيه هي كانت محاضرتلي خطه اطلعني بيها من حياتها للابد شفتها دخلت الحمام وتحوس طالعه داخله توصل الباب الشارع وترجع تدخل الحمام الحمام والتواليت صايرات يم الباب الخارجي توصل للباب وترجع للحمام لمن اتاكدت ابوي قرب شافته بلشارع راسا صاحت عليه دخلت الحمام ونزعت كل ملابسها وبقت اتصيح عليه اني استغربت شتريد مني هي اصلا حركتها اليوم غريبه مو طبيعيه وصلت يم باب الحمام جان تفتح الباب وتلزمني من البدي وتكوم تعيط اني استحيت منها لان بدون ملابس اريدها تعوفني حتى انهزم منها بس هي لازمتني وتعيط ماكو أقل الدقيقه ودخل ابوي وجان يشوف هذا المنضر اني مدنك واريدها تعوفني وهي لازمتني وتعيط بس شأفت ابوي دخل بسرعه مرعوب على صوت عياطها عافتني وكامت تبجي ابوي قرب شاف المنضر هي عاريه تماما واني شكلي مخربط وهي تعيط ابوي شكووو شكوووو هديل....ابنك ابنك شوف المصيبه ابوي...استري نفسج شصاير مختار اني واكف واريد افتهم شكووو هي ليش جانت كامشتني وليش تعيط وليش بدون ملابس هديل....دخلت الحمام اسبح واجا وراي دفع الباب ويباوع عليه شفته شفته شسوي بيه راسا ابوي التفت عليه لزمني ضربني راشدي احس وجهي اندار ورا من قوة الراشدي كمت مااسمع كلامه يضربني ويصيح ليش ليش هيج بالحيوان مو هاي امك هاي عرضك ليش هيج تسوي بيها مختار....ولله ماسويت شي هي صاحتني واجيت اشوفها شتريد مني ابوي ماكان يسمع بس صوت هديل ومايشوف غير منظرها وهي بدون ملابس مستمر يضربني من كل مكان لمن الدم كام يجري من كل صوب لبست ملابسها وطلعت من الحمام وهي تمثل دور المسكينه سحبني ابوي وتمرني بلشارع الجوارين كانو واكفين بلسارع على صوت العياط كل الناس اجمعت بابنا وكعت بلشارع واني مكتول وتعبان كل جسمي يجري دم انتصرت هديل للمره الثانيه وكدرت تبعدني عن بيت اهلي صرت بلشارع هلمره من صدك محد اليه بعد ووين اروح يتبع

((((((منتصف العمر )))))البارت الرابع #الجميع مختار....من عرفت هديل ابوي انطاني مفتاح الغرفه تخبلت اتعاركت ويااا هديل...شلون تنطي مفتاح الغرفه هذا ما علي اعتماد ايجوز يطلع ويعوف البيت مفتوح ابوي...اكعدي انتي بيتج ومن يطلع اطبكي الباب ورا ابدال ماعايش بلشارع خافي ربج عندج اطفال فكري اذا انتي متي واجت وحده مكانج شلون راح تعاملهم هديل...اسم الله عليه بيش طالبني انشاء الله اعيش اربي جهالي انت تكيف تريد تخلص مني وتزوج مو ابوي.. كلشي ماريد منج بس راعي رب العالمين بلولد خطيه عليج مابقا احد بيت جده يحن علي انتي سويها لله وراعي ايجوز باجر يفيدج اكثر من ولدج هديل.. اكرها تفهم شنو اكرها مااريده بيتي ابوي....اذا طلع مختار نطلع اني وياا اني مااعوف ابني فكري زين هديل....بس مختار ابنك وذوله الثنيين وهذا الي بطني مو ابنك ابوي....ذوله انتي موجوده بحياتهم بس مختار ماله احد غيري جمانه السعيدي مختار...كلما يضغط عليها ابوي اكثر هي تشد وياي اكثر هاي الغرفه الي اني اريد اكعد بيها غرفة زغيره هي مسويته مخزن واني بس اريد انام بيها ماقبلت اطلع الطحين والغراض الي بيها حتى تشردني ماقبلت تنطيني فراش انام علي نص هاي الغراض هي غراض امي وفراشاتها من ماتت امي بقن غراضها بلغرفه من ازوجت هديل اخذتهن كلما انزل فراش انام علي تاخذه مني تكول شنو توصخ الفراش عدها فراش قديم جودليه مسحوله سحل وتكرمون نصها ريحة بول جهالها جانو ينامون عليها من جانو زغار وبطانيه تلف بيها العجين ذني اني كنت انام عليهن من ينزل ابوي تخليلي فراش زين ومن يلتحق تاخذه مني وتنطيني الفراش القديم ومستحيل تتواجدبلبيت اذا ابوي راح للجيش طبعا هو ينطيها اكثر من ثلثين الراتب عساس مصرف هي اضمهن وتكعد بيت اهلها ما تتسوك ولا تصرف اي شي اذا جعت اروح يم بيبي اكل واذا بيبي ما موجوده لو نايمه ويشوفني نسوان عمامي بطريقي برا ما يقبلن يفتحلي الباب حتى اخواني من ابوي يكرهوني لان هديل تكرهني بس انام يضربوني لو يشمرون عليه ماي لو ياخذون دفاتري يشككوهن اقلامي و المساحه والمقطاطه ماكوووو هديل تشوفهم يضربوني وتضحك الهم تشجعهم عليه ابد ما يحترموني طلعتلي هديل اسم سخيف يصيحولي بي المهم لعطله اخير السنه من نجحت من صف سادس ابتدائي قررت اشتغل واصرف على نفسي ليش ضال عايش بمنية الناس عليه اشتغلت اسبوع ابيع علاليك اطلع من الصبح وياا صاحبي للسوك اكل لفه بلسوك وارجع اخر النهار لو محصل دينار لو دينار ونص شهر كامل اشتغل ومحد يعرف اني اشتغل هديل متوقعه اني بيت جدي وبيبي متوقعه اني بيت اهلي وابوي متوقع اني عايش بيته محد يعرف عني اي شي لان محد مهتم اني شنو كاعد اسوي جمانه السعيدي اشتري بنص دينار اكل والشغلات الي محتاجهن والدينار اضمه جوه جيس الطحين اني اصلا بليل انام يم جيس الطحين كل يومين او اتلاثه اروح اشوف بيبي وارجع للبيت من ينزل ابوي مجاز مااشتغل اكعد لان ابوي موجود اكل اشرب واخذ مصرف هاي العطله خلصت واني وضعي لا بأس بي عندي فلوس اشتري حلويات المحل الي بصفنا يبيع لحم معلب اشتري واطبخ واكل اجيب خبز من الفرن على كدي لو اجيب بيض وخبز واكل بدا الدوام ابوي اخذني وياا اخواني وأشتراليا ملابس مدرسه وقدملي للمتوسطه شكد جنت فرحان بنفسي متوسطه يعني اني جبير صرت صرت شاب اني هم طويل مو مثل جماعتي اني أطول منهم قررت اعوف الشغل اهتم بمدرستي مااريد ارسب بس ارسب راح يكولون دايح بلشوارع ورسب واني هم عندي مبلغ زين يمشيني فتره قبل المدرسه سهله كلش سهله مو صعبه مثل هسه اني معلم واكول الدراسه هسه كلش صعبه ابوي بنطيني فلوس على المبلغ الي اني جمعته امشي اموري ومن اروح البيبي تنطيني تمر وراشي لو بيض تكول اكل لا ضل جوعان بعد ما فات شهرين على المدرسه اجيت لكيت فلوسي ماكو هديل محركه جيس الطحين ولا كيتهن اني متاكد هي تعرف ذني فلوسي تقريبا ١٢ دينار وياهن خرده رحت لكيته تغسل ملابس خاله الطشت بلحمام وتغسل ملابس مختار... خاله وين فلوسي هديل...اي فلوس مختار...جوه جيس الطحين هديل ...هااا عندك فلوس مختار...اي جمعتهن من شغلي هديل... دامك عندك فلوس ليش تأخذ من ابوك مصرف مختار....ابوي ينطيني شي قليل ما يكفي نص الشهر بعدين اني اشتري ببهن اكل بيت جدي ما يقبلون اكل بيتهم وانتي ماموجوده اطلع منهن واشتري اكل واكل

بعد أقل من سنه على انتقال ابوي بيته توفا جدي وهنا خربت الأمور فد مره بعد كلمن انشغل بنفسه وبس بيبي وكعت مريضه ماتكدر مثل قبل تريد واحد يخدمها والجناين ثنيينهن ما يقبلن يخدمنها كمت اروح بيت اهلي تطردني هديل ارجع البيت جدي يطردني نسوان عمامي ضعت بلنص محد يقبلني محتاج مكان استقر بي محتاج اهتمام كنت اخلص كل الوقت بلشارع مرات اكعد بلشارع اكتب دروسي وزين وجنت ادرس المعلمات يعرفن ضروفي ويساعدني بليل ادخل واروح انام بغرفة بيبي من ورا الجناين اروح ادور بلكت الكي شي بلثلاجه اكله جمانه السعيدي من ينزل ابوي اعيش بيته معزز مكرم حتى بنطيني مصرف واذا التحق اعيش مشرد بلبيوت اتعس ايام مرن عليه من ارجع من المدرسه الكا ببت جدي قافلين الباب اخلي اذني على الباب من اسمع هدوء يعني نامو اطفر واروح بغرفة بيبي من تشوفني هي خطيه تكوم بلكوه اجيبلي اكل مرات الاكل مخلص اطكلي بيض واكل حجيت الابوي عن وضعي مختار....ترا اني عايش بلشارع بيت جدي نسوان عمي مايردني وهنا هديل ماتريديني كل الوقت قافله الباب وكاعده بيت اهلها ضاج ابوي ما قبل على وضعي اتعارك وياها ابوي علمودي هديل... اوي شسويله ولد جبير وبفتهم شنو اشتغل عنده ابوي...الولد راح يضيع بلشارع من وراج عماته جانن دايرات بالهم علي هسه محد اله حتى امي مريضه حرام عليج هديل...مااريده بيتي اني حامل وتعبانه وهو يريد واحد يخدمه اني اتحسر على احد يكنسلي البيت ابوي...انطي غرفه هو يسكن بيها وهو ينظفها بطريقه هديل.. مااريده اكررها تفهم شنو اكرها كلما اشوفه اضوج ابوي...وهذا ابني ومراح اعوفه فهمتي لولا مختار... هلمره ابوي نسخ نسخه للمفتاح وانطانياها حتى ادخل للبيت يمتى ما يعجبني كامت هديل بس يلتحق ابوي تقفل كل الغرف والمطبخ وتروح بيت اهلها ادخل وابقى برا كاعد يكتلني الجوع وارجع اروح البيت جدي بلكت اكل شي عدهم من اجا ابوي حجيتله كلشي يصير وياي وهم تعارك وياها بس هي بدون احساس تريد تشردني من هذا البيت تغار اذا ابوي انطاني مصرف لو حجه وياي الحد ما مره اخذني ابوي وياا للسوك وشفت ولد وياي بلمدرسه يبيع علاليك ضليت اباوع علي وهو يباوع عليه ثاني يوم بلمدرسه سئلته منيين اجيب هاي العلاليك كال اكو واحد يبيع اخذ منه ومن ابيع اخذ الزايد وارجعله الباقي بقيت يومين افكر اشتغل مثله اني صح ابوي ينطي مصرف بس مايكفيني غير عشر ايام ويخلص اذا اشتغلت اكدر اشتري اكل واكل ومن يجي ابوي ينطيني نسخه من مفتاح هاي الغرفه بعد مالي شغل بكل احد اشتري اكل واكل وانام بهاي الغرفه فعلا ابوي انطاني نسخه من مفتاح الغرفه بس ما حجيتله على الشغل هنا اني عمري ١٢ سنه بلضبط توني طلعت من السادس الابتدائي قررت ابدي اشتغل بلعطله اتفقت وياا الولد نطلع من الصبح اني ويااا يجيبني العلاليك وبعدين نبيع يتبع

((((منتصف العمر )))البارت الثالث #الجميع مختار....من هاي اللحظه الي قرر بيها ابوي بطلع من بيت جدي انكتب عليه الضياع جنت عايش قريب من ابوي وبيت جدي يهتمون بيه بس هسه حياتي كلها راح تتخربط بليل رجع ابوي حتى يأكد الهديل بيت جدي قبلو يطلع من البيت حتى تشوف البيت الي راح يسكنون بي وتتفق ويااا اصحاب البيت على الايجار مايعرف هي متفقه مسبقها على كلشي ودافعه مقدمه الهم اتفق وياها باجر تروح اجيب المفتاح وتنضف البيت ورجع للبيت تعبان كلش دخل الغرفه ونام عماتي بليلته ابد مانامن هم اكو اتهام ضدهن وابوي صدك هديل ما صدكهن واكثر شي مزعج بلنسبه الهن هديل خططت وكدرت تحصل الشي الي تريده كعد ابوي من الصبح اخذ ريوك وراج الهديل اتريك هو وهديل والجهال هديل...نروح نشوف البيت ابوي...هااا جبتي المفتاح هديل...اي بليل رحت جبته همزين لحكت عليهم يردون يااجرو على غيرنا راحت هديل هي وابوي يشوفون البيت البيت مو بعيد بيتين عن أهل هديل الببت عجب ابوي حيل لان خوش ببت ومرتب ابوي رجع البيت جدي حتى يشيل الغراض وهديل بقت بلبيت تنضف بدا ابوي يلم بلفراض ويسفط بيهن شي خلاهن بكراتين وشي بشلفان وكواني بيبي....هااا تلم بلغراض لكيت بيت ابوي...اي جيران اهل هديل خوش بيت بيبي...بهل سرعه ابوي.. اي البيت معروض للايجار رحنا اجرنا بيبي...مبينه مرتبه كلشي ومحضره البيت ابوي...يمه رحمه الولديج عوفيها زين وسكتت على الذهب مختار ...اني هنا عمري ٩ سنوات اخذني ابوي حتى اساعده بلغراض شلنا الغراض خليناهن بلسياره ورحنا ابوي.... مختار انت ترجع اجيب ملابسك حتى تبقى يم خالتك من التحق مختار....اجيبهن هسه ابوي....لا من نرتب البيت نرجع اني وياك نجيبهم ونودع ابوي مختار...تمام وصلنا للبيت وبدينا نزل الغراض اني طفل فرحت بلبيت الجديد طبعا اني تعبت تعب مو طبيعي جيب هذا وخلي هذا على اساس الزغير ويصخروني بس تعبوني بشكل اخر شي هديل راحت بيت اهلها اجيب صونده نغسل البيت من برا واكو عدها غراض اجيبهن جمانه السعيدي اتاخرت علينا ابوي كال روح وراها خاف الغراض ثكيله حتى تشيل وياها رحت لكيت الباب مفتوح دخلت كبل جان اسمعها تحجي وياا امها هديل....ضمي الذهب زين بعدين اني اطلعه واكول اشتريت من جديد وهم اخذ فلوسه من سليم مادام نجحت الخطه وراح اصير بيت وحدي هاي هي بعد حتلو يحتركون بجهنم مالي شغل بيهم حصلت الاريده مختار...من سمعته فهمت كلشي كان مدبر والذهب عد امها هاي خطه بينها وبين امها من شافتني ارتبكت هديل...انت شكو جاي وراي مختار...ابوي دزني خاف عندج غراض ماتكدرين تشيلهن اساعدج هديل...تعال اخذ الصوندا كدامي يله شيلها جمانه السعيدي شلت الصوندا وطلعت كدامها وصلنا نضفنا وكملنا كلشي ابوي راح يجيبلنا عين من بيت جدي نطبخ عليها وقنينة غاز الحد ما نشتري مختار....خاله اروح اجيب ملابسي واجي هديل...وين تجي انشاء الله تريد تكعد على كلبي مختار....اي ابوي كال انت تجي ويانه خالتك ما تبات بلبيت وحدها هديل.. لا عيني شكر شكو جايبتك كاعد على كلبي امشي ولي بيت جدك ماايرد اشوف وجهك هنا ابد فهمت من كلامها ماتريدني بيتها اجا ابوي جاب عين وقنينه وصينية وكدر وكم ماعون هديل... يااا بس ذني شو قليلات ابوي....العين والقنينه يردوهن هديل....اوي قحط نمونه ويردوهن عبالي يثاثثولي البيت عين عميه يردوها ما محتاجتهم امي هسه تشتريلي كلشي لله لا يعوزني الهم انشاء الله فعلا راحت هديل بيت اهلها وجابت كومه امواعين وغراض هي جابت قسم واني رجعت جبت البقيه كعدنا نتغدا غدنا كان بيذنجان وطماطمه تكلا لان هديل ما لحكت تطبخ بسبب الهوسه جمانه السعيدي ابوي....العصر يروح مختار يجيب ملابسه هديل...لا عيوني ولد شكبره مراح اخذ راحتي بوجوده بلبيت ابوي...منو يبات يمج اني ابقه واحد وعشرين يوم بلجيش هديل...واني شعليه ابوي....هذا ابني واريده يربى جوه عيني وياا خوانه هذا بيت ابو انت مراح تخسرين شي علي جبير هو يفتهم يكدر يسبح ويغسل ملابسه وياكل وحده مختار....سكتت هديل رغم الكلام ماكان عاجبها ابد الايام الي ابوي ينزل ببهن اجازه اكون تحت عينه وبيته والايام الي يلتحق بيهن ال ٢١ يوم ارجع البيت جدي الحد هيج كلشي تمام بس الوضع مايدوم ابد ياريت لو باقي على قبل وضعي كان زين ومرتاح بيت جدي عماتي ازوجن ثنيينهن وعمامي ازوجو بيت جدي يعني عماتي جانن زينات اليه راحن من البيت واجن بمكانهن ثنيين غريبات ذني الغريبات ليش يتحملني كلمه والثانيه وكالن انت ماتروح بيت ابوك شعندك باقي هنا هديل مرتاحه تلبس وتاكل بكيفها واحنا النا شلعان الكلب هذا الكلام من ورا بيبي وجدي لان ما يقبلون عليه

مختار....كل الي بلبيت هجمو على ابوي وطلعو هو الغلطان مايردونه يشك مجرد شك بيهم حتى لا يضعف كدام هديل ويصدك كلامها طلع ابوي راح ورا زوجته وهنا هديل كانت محدده النص الثاني من الخطه لازم تمثل زين حتى تكدر تطلع من هذا البيت وبعد ماترجع ابد تريد قطيعه بينها وبين بيت جدي للابد حتى ابوي يكون بس الها وبنفس الوقت تسكن بيت وحدها بهاي الفتره هي كانت مااجره البيت الي بصف اهلها ودافعه مقدمه وابوي مايعرف مسكين ابوي كلشي يعبر علي وصل ابوي الاهل هديل هي كانت متاكده راح يجي وراها لبست وعدلت نفسها وتعطرت حتى تتأكد هو يتمسك بيها وما يعوفها ابد جمانه السعيدي دخل بيتهم استقبلته امها ابوي...شلونج عمه ام هديل...هله عمه هله بيك شلونك الله يساعدك ابوي...الحمد لله ووين هديل ام هديل....ليش هيج عمه فوك ما مشغلينها خدامه بيتكم ومتحمله خواتك ومشاكلهن النوب ياخذون الذهب ويتعاركون وياها ليش هيج شني ماعدها اهل لكيتوها بلشارع مايصير هيج ابوي....حقكم عليه بس اريد اشوفها ام هديل... هسه كامت من مكانها وهي تصيح هديل هديل وينج تعاي زوجج يريد يشوفج شويه واجت هديل حتى تكمل تمثيل دور المسكينه دخلت علي وهي تمسح بدموعها هديل....شفت شفت اهلك شسسو بيه هاي تالية تعبي وياهم شفت اخذو ذهبي وضربوني موتوني تموت شنو تكولين أخذنا الذهب اخواتك وامك موتني تموت وصلت الاهلي منتهيه من الضرب ابوي...ميخالف حقج يرجعلج ليش ماانتضرتيني هديل... يااا انتضرك غير يموتني هو اني كلت ذهبي ماكوووو دخلو كلهم نفشو غرفتي نفش وشبعوني كتل كوه طلعت بس بلجهال اركض يموتوني مثل مرتك ذيج شلون موتوها ويكولن لكيناها ميته ابوي....ارجعي وياي واني وياج ندور الذهب ونحقق وياهم منا لمن نلكا هديل...بعد هاي المصيبه ماادخل البيتكم ابد وكدامك حل من ثنيبن لو تروح وياي اشتكي عليهم وطلع الذهب كله كون ما ناقص غرام لو اطلع بيت وحدي وبعد ماارجع ببت اهلك وهم تعوضني عن ذهبي الي راح لو اطلكني واني اروح اشتكي عليهم واعرف شلون اخذ حقي منكم اذا انت تستحي توكف وياي ضد اهلك حتى اطلع حقي مختار..... كل هاي الحلول ماتفيد ابوي لا يكدر يطلك ولا يشتكي على اهله وشلون يطلع بيت هاي الفكره مجايه على باله ابد قبل الولد بيت اهله يبقى لمن يزوج ولده وهو بعده بيت اهله شلون راح يطلع من البيت وهو الجبير ابوي.. خل نرجع للبيت هسه ويصير خير هديل...مااطلع من بيت اهلي اله المكانيين لو للمحكمه حتى اطلكني وارفع قضيه على اهلك اتهمهم بلذهب الي انباك لو للبيت الي راح اسكن بي اني وياك وجهالنا ابوي....شلون نطلع بيت وحدنا هديل...مثل كل الناس اكو بيت معروض للايجار هنا وإيجار رخيص الفلوس الي كنت تنطيهن الاهلك مصرف من كل راتب ندفعها اجار ونطلع وينتهي كلشي فكر زين لو اني لو اهلك اذا اختاريت اهلك راح تخسرني اني وجهالك للابد اجازتك سبع ايام هذا اليوم الأول خلص منا بعد يومين لو اجيب غراضنا ونروح اناجر البيت ونكعد بي لو اطلكني ومن تلتحق اروح اشتكي على اهلك واسحلهم سحل بلمحكمه مو اني الي ياخذون ذهبي واسكت اني جان اشتكيت عليهم قبل يومين بس احتراما الك سكتت ولا تنسى خواتك عدهن سوابق من زمان يبوكن وانت تعرف زبن اني ليش كنت اقفل غرفتي حتى من اطلع للصحياة فكر زين وقرر لان هذا قرارك راح يكون مصيري بلنسبه الك جمانه السعيدي مختار... زادت حيرة ابوي اكثر شلون يطلع الذهب مايعرف اذا ماطلع الذهب هديل تشتكي على اهله واذا مو هاي ولا هاي لازم يطلع بيت هو وهديل هو هذا انسب حل الكل الاطراف رجع زعلان بيت اهله الكل متوقع هديل ترجع وياااا من دخل وحده بقينا نباوع واحد بوجه الثاني بيبي...هااا وين زوجتك ابوي... لو تشتكي عليكم ونطلك لو تربد بيت وحدها بعد ماترجع هنا عمتي حياة... هااا بانت نيته تربد بيت وحدها امل...مو كلتلكم حيه ضمت الذهب حتى تطلع بيت وحدها بيبي....خل تولي اطيح حضها شنو تشتكي علينا جدي....بويه مرتك بعد ماتريدنا شوفلك بيت واطلع انت تجي سبع ايام يخلصن مشاكل اطلع بيت وحدك احنا هم نريد نزوج احد من اخوانك بهاي الغرفه ابوي....شلون اطلع جدي...مثل الناس شوفلك بيت واطلع الله وياك مختار...وهيج نجحت خطة هديل تطلع بيت وحدها يتبع

((((((منتصف العمر ))))البارت الثاني #الجميع مختار....بدت هديل تكبر دائره الخلافات بلبيت وتحاول تخلق مشاكل بستمرار صحيح عماتي مو هينات بس هي كانت على ازغر شي تخلق مشكله كانت بهاي الفتره دور بيت تريد تطلع بس بدون احد يدري هذا اتفاق بينها وبين اهلها حتى ابوي مايعرف طبعا ابوي ذليل كلش كدامها ويحسبلها الف حساب ويخاف على زعلها مااعرف لان هي وكحه وشخصيتها قويه او هو يحبها او خايف يخسرها وعندا منها اولاد ثنيين ويجوز ذني الاسباب كلهن المهم لمن حصلت بيت بصف اهلها بيت ايجار قررت تطلع من البيت بس شلون تطلع لازم مشكله جبيره حتى تطلع من هذا البيت تطلع وبعد ما ترجع تفكير شيطاني خطه جهنميه لازم تنفذها بدقه حتى تحصل الشي الي تريده هلمره عافت غرفتها مفتوحه نهار كامل بدون ماتقفلها كلنا كنا مستغربين شعجب هي اذا تروح للصحياة تقفل غرفتها كانت دائما تبسمر عماتي حراميه ومحد يكدر ياامن بيهن المهم هي قبل هاي السالفه بااسبوع دزت الأشياء المهمه الي محتفظه بيها بلكنتور البيت اهلها الفلوس والذهب وشغلاتها المهمه الغرفه مابقى بيها بس الملابس حتى ملابسها كل ماتروح تاخذ وياها جنطه ملابس ببت اهلها وما ترجعهن حتى إذا طلعت تكون باقي الغراض بسيطه جمانه السعيدي باقي على نزلت ابوي يوم واحد يوم وينزل مجاز العصر هديل دخلت غرفتها وكامت تعيط تعيط بصوت عالي هذا اخوي الزغير خاف وكام يعيط وياها كلنا دخلنا الغرفتها بيبي وعماتي وحتى جدي كان موجود لكيناها تلطم وتملخ شعرها هديل....ذهبي ماكووو ذهبي وينه اريد ذهبي منو أخذا الله واكبر بس اليوم عفت الغرفه مفتوحه انتم شنو حراميه فوك تعبي وخدمتكم ومتحملتكم هاي تاليتها تاخذون ذهبي هسه يطلع الذهب لا اروح اشتكي عليكم جدي....استهدي بلرحمن انتي وين خالته بيبي....شنو احنا حراميه عيب هذا الحجي ما مقبول منج عماتي ثنيينهن كامن يدورن بلكنتور بلكت يطلع الذهب كانن شاكات بيها ضامته وتتبلى عليهن بس هي كانت أذكى منهن وتعرف راح يدورون الغرفه كلها حتى يلكون الذهب ماخذته بيت اهلها هو والفلوس الي عدها الكل انخبص بدور على الذهب وهديل مستمره تعيط وتغلط على عماتي عماتي ساعه يتعاركن وياها ساعه يدورن على الذهب حتى اني كنت ادور وياهن لمن تعبنا وكلشي مالكينا بلغرفه هي جمعت ملابسها وأخذت جهالها وطلعت من البيت وهي تتهدد علينا جمانه السعيدي اذا مايرجع الذهب راح تشتكي علينا كلنا كلش خطتتله بدقه ونذفت بالوقت الصحيح رجع جدي وعماتي وبيبي طلعو كل غراض الغرفه برا يدورون على الذهب الذهب الي هو بيت اهلها اصلا مو بهذا البيت الغرفه بقت بدون غراض حتى البطانيه فوك الكنتور نزلوها ودوروها كلشي ماكوووو مختار....بليل اني انام بغرفة عماتي وياهن بعدني ماغافي سمعت بيبي تسئل عمتي بيبي...ولج حياة انتي اخذتي الذهب حياة....لا اني ابد مااوصل غرفتها ختولي حيه مسمومه ايجوز ضمته وتصيح انباك بيبي....ولله ماادري هذا لطمها كله وبجيها وهي ضامته امل عمتي الزغيره.... كلشي اتوقع منها هاي ك ..ح...ب...ه كلشي تسوي العتب على ابنج ساكت الها ثاني يوم نزل ابوي اول مادخل ماشاف هديل دخل للغرفه لكاها مكلوبه كلاب الغراض والملابس كلها مكومه بلكاع ابوي...شكو شصاير خير بيبي...ارتاح يمه تغدا ونحجي ابوي....لا اريد اعرف وين هديل وليش الغرفه هيج مخربطه شكووو تعاركتو مره ثانيه بيبي....يايمه ابد ما مقربين عليها ولا على غرفتها العصر كامت تعيط ذهبي انباك انتم بكتوني دورنا وياها بلغرفه ماكووو اخذت جهالها وراحت بيت اهلها يايمه بيش تريد احلفلك احنا ما ماخذين الذهب نزع ملابسه ابوي وتغدا ودخل للغرفه وهو تعبان وضايج من هاي المشكله وبدا يرجع كلشي المكانه ويدور على الذهب بلكت يلكا رجع كلشي المكانه بس كلشي مالكه اكثر من ساعتين وهو يدور داخل الغرفه كلشي مالكه بعدين اجا على عماتي ابوي.... باعن اذا ماخذات الذهب انطنيا واني مااحجي راح اروح اكول دورت بلغرفه ولكيته لا تخلن هاي المشكله تكبر ترا هديل مراح تسكت ابد احتمال تبلغ عنجن وساعته مراح اكدر اسوي شي خل انحل هاي المشكله من البدايه احسن عماتي ثنيينهن بصوت واحد صاحن على ابوي ....ما تستحي انت ومرتك شنو احنا حراميه عيب هذا الحجي اسئلها وين ودته ايجوز ضمته وتكول انباك بيبي....لا يمه ما مترجيتها منك ذني خواتك تربيتو سوا شلون تتهمهن هيج اتهام ولله هي هاي مريتك مو راحه ملعبه وكلشي يطلع منها جدي....ابد مااقبل لا انت ولا زوجتك تحجون هيج شنو عمي كاعدين بيت حراميه عيب هذا الحجي

خلال اسبوعين بس الزواج تم واجت هديل حتى اتعيش بيت جدي بغرفة امي اجت حتى تسكن وتعيش بهذا البيت ابداية الزواج كانت ناعمه وحبابه عماتي كانن فرحانات بيها وحتى يقربن عليها ويكسبن ودها كانن دائما يذمن امي كدامها على اساس امي موزينه وهي الزينه رغم امي كانت فقيره بشكل وحبابه عماتي كانن دائما يجاوزن عليها ويضربنها تزعل بغرفتها شويه يكسرن الباب عليها اطلعي اشتغلي شنو طابكه الباب عليج امي ماعدها اي خصوصيه عماتي ينامن وياكلن بغرفتها وياخذن من ملابسها واذا اشترت معطر لو حمره يخلصنها بنفس اليوم لو اضمها جوع الكاع يطلعنها واذا حجت بكلمه راسا يضربنها كانت عايشه اتعس حياة وياهن جمانه السعيدي هسه اجتهن هديل بله خل اشوف شلون يعاملنها اني طبعا انام بغرفة عماتي وملابسي يمهن بلغرفه غرفة امي من ازوجت هديل بعد ما دخلت بيها ابد بيوم السبعه اهل هديل عزموها تتعشى يمهم هي وجدي وبيبي اني بيبي كالت بدل اخذك وياي كيفت رحت حضرت ملابسي اريد ابدل اجت وراي هديل لزمتني من اذني وجرتها حيل كالت انت ماتجي ويانه افتهمت لولا اموتك اذا اجيت ويانه روح كول البيبي اني مااروح واذا جبت اسمي لو كلت هديل ما تقبل اخر يوم بعمرك اموتك تموت تحجي وياي وهي اجر اذني حسيت اذني راح تنشلع من مكانها شمرت الملابس ولزمت ايدها اريدها تعوفني عافتني احس نص راسي طار من الوجع كعدت بمكاني وبعد ماطلعت من غرفة عماتي بيبي من اجت تطلع بقت ادور عليه دخلت للغرفه لكتني كاعد بلركن بيبي....هااا شو مابدلت يله راح نروح مختار....اني مااروح بيبي....ليش ماتروح مختار....بطني توجعني مااروح بيبي...شبيها بطنك مختار....تمددت وتغطيت كتلها اريد انام عافتني بيبي وراحت للعزيمه واني بقيت بلبيت وياا عماني وعمامي عماتي بس طلعت هديل استغلنها فرصه دخلن غرفتها وماكو لبس ما قاسنه لا صبغ اضافر ما جربنه واخذن منها معطرات وصبغ اضافر حتى ملابس داخليه متوقعاته مثل امي تسكت وما تحجي ساعتين غابت هديل عن البيت بلعزيمه ورجعت هي وبابا وبيبي وجدو بيبي بس دخلت حضنتني وكالت هااا شو كاعد صرت زين هديل دخلت غرفتها شويه وطلعت وكفت وتخصرت هديل....منو داخل غرفتي ووين المعطر السمائي ووين صبغ الاضافر حتى ملابسي الداخليه ماكو عمتي....شمدرينا قابل احنا حراميه هديل....ماكو غيركم بلبيت منو اخذهن غيرجن عمتي الجبيره....انجي لج لا اجي اشك حلكج بت الفكر انت شنو شايفه نفسج هديل....هسه ترجعن كل غراضي لا اصير ليله سوده عليجن عمتي لزغيره.....ليله سوده على الخلفوج كبت عركه بليتلها امالخ بين عماتي وهديل وابوي الي بعدا عريس وفرحان بعروسته ومايريد يخسرها جدي وبيبي وكفو وياا عماتي وابوي وكف وياا هديل عماتي ماقبلن يرجعن الغراض وهديل من هاي اللحظه اعلنتها حرب بينها وبين عماتي من بعد هذا الحادث هديل اذا تروح للصحياة تقفل الغرفه وتأخذ المفتاح وياها حياتنا كانت عباره عن مشاكل مستمره بين هديل وعماتي اكثر شي طبعا هديل مالها علاقه بيه اذا كنت بالسما او بلكاع عماتي وبيبي الي كانو يهتمون بملابسي واكلي وحتى مدرستي هي مااطيق حتى تشوفني بعيونها رغم اني كلشي ما مسوي ولا مقرب عليها حتى ما تقبل ابوي ينطيني مصرف كان ينطني من وراها اكثر شي جدي ينطيني مصرف بعد سنتين زواج وتحديد من اني نجحت من اول ابتدائي هديل جابت ولد بعدها بسنتين جابت ولد ثاني سنة ١٩٨٠ بدت الحرب بين العراق وايران وابوي التحق بلجيش من يلتحق ابوي لمن يرجع يوميه مشكله بين عماتي وهديل هديل وكحه وعماتي اوكح محد تسكت للثانيه من يتعاركن وياها يترحمن الامي الي كانت لا تهش ولا تنش يضربنها ويغلط عليها وترجع تخدمهن وتغسل ملابسهن وتطبخ وتخلي كدامهن يتبع

(((منتصف العمر. ))؟ البارت الاول #الجميع اني مختار مواليد ٧٠ اني معلم ابتدائيه ادرس علوم اني نولدت بااسره بسيطه ابوي كان مزوج وعايش بيت جدي البيت بسيط وقديم ابوي رجال يشتغل عماله احنا من سكنة محافظة بغداد حياتي قبل لا يصير عمري خمس سنوات مااذكرها من بعد ما صار عمري خمس سنوات اذكر لان قبلها جنت زغير وماافتهم ليش اذكر حياتي بعد عمر الخمس سنوات لان امي ماتت اني اذكر اليوم الي ماتت بي امي جان شتا والدنيا بارده كعدت الصبح على صوت عياط بيبي وعماتي وهنا يحاولن يسعفن امي او يحركنها بس امي كانت مثل الخركه تروح وترجع باايدهن شكد حاولن يوعنها بس بدون فايده جدي راح ايجيب ابوي من الشغل لان ابوي يطلع الفجر من البيت شويه واجا ابوي يمكن بيومها مجان محصل شغل لان جدي لكا بلمسطر واكف جابه واجا ابوي من دخل للبيت مرعوب ماكان على السانه غير كلمة كعدته الصبح وماكعدت كلت خليها تنام خطيه عفتها وطلعت شفت ابوي يبجي اول مره اشوف ابوي يبجي حسيت اكو شي موزين شي خطير صاير لان ابد مشايف ابوي يبجي قبل الي اشوفها دائما تبجي امي ليليه تنام مقهور وتبجي بسبب المشاكل بيت جدي رحت على ابوي حضنته وكمت ابجي وياااا شويه واخذتني عمتي من حظنه ابوي وعمامي وجدي شالو جثة امي واخذوها للمستشفى حتى يطلعونها شهادة وفاة جمانه السعيدي بيبتي ام ابوي دزت خبر الاهل امي كلهم راحو ورا امي للمستشفى حتى يتأكدون شنو سبب الوفاة اهل ابوي بيبي وعماتي رتبن البيت ولبسن ملابس اسود تحضيرات للفاتحه لان كانن متاكدات هي ميته من اللحظه الي شألوها للمستشفى بلمستشفى صارت عركه بين اهل امي وأهل ابوي اهل امي اتهمو اهل ابوي هم الي قتلوها لان امي جانت دائما تشكي من معاملة عماتي وبيبي الها دائما يغلطن عليها ويضربنها كم مره امي رايحه زعلانه البيت جدي وهي مكتوله ومسحوله سحل تقرير الطب الشرعي اكد جلطه دماغيه ضربتها أثناء النوم تقريبا الجلطه ضربتها الساعه ثنتين وثلث بليل رغم عمرها جان زغير بوقتها تقريبا ٢٥ سنه امي كانت دائما حزينه وابوي يعرف امه وخواته جاي اياذنها بس مايكدر يسويلها شي كانت أضم بكلبها وتسكت المهم اهل امي سووا فاتحه بيتهم وأهل ابوي سوو فاتحه بيتهم اهل امي يكولون همه كتلوها اهل ابوي يكولون شلون يتهمونا بكتلها عيب هذا الحجي بحقنا موت امي كان سبب القطعيه بين العائلتين من بعدها ما شفت اهل امي ولا حتى اجو سئلو عليه جمانه السعيدي صح اني زغير بوقتها بس جنت افتهم اهل ابوي ابد ما حزنو حزن حقيقي على وفاة امي بس كانو يمثلون الحزن لابسين اسود هيج مضاهر كدام الناس بس من يبقون وحدهم بلبيت الوضع جدا عادي التلفزيون يشتغل والسوالف الضحك حتى للاربعين ماراحو بحجت اهل امي راح يكونون هناك طبعا هم يكدرون يرحون بعد يوم او يومين بس ماراحو للاربعين بعد ست اشهر من وفاة امي بيبي بدت ادور على عروسه الابوي تريد ازوجه حتى ما استحت من الناس والجوارين كان ردها دائما هو رجال شنو يبقى حزين على مرته يريد وحده تخدمه اني مابيه حيل اخدمه وأخواته هسه يعرسن على فكره عماتي بس طلعت أربعين امي نزعن الاسود ورجعن يلبسن اللوان بس بيبي بقت لابسه اسود المهم ست اشهر ثانيه يله بيبي لكت مره الابوي مو مره حشاكم جلبه حتى الجلبه ارحم منها مره شفت مقطع جلبه ترضع جهال بزونه وما تقبل احد يقرب عليهم مااعرف ليش من شفت هذا المقطع اذكرتها لان حتى الجلبه احسن منها المهم زوجت ابوي كانت ابنيه مامزوجه بس جبيره عمرها ٣٠ طبعا مفهوم ٣٠ سنه قديما مو مثل هسه هسه ٣٠ مامزوجه عادي تجيها قسمه زينه حتلو عبرت التلاثين اما قبل البنيه تزوج بعمر كلش زغير من ١٢ إلى ١٦ سنه هديل زوجت ابوي كانت شبه يائسه من الزواج ٣٠ سنه ومحد متقدملها رغم ابوي انسان عادي لا جمال ولا مال ولا شغله زينه بس هديل وافقت علي مجرد ما راحت بيبي تطلب ايدها وافقو اهلها فورا اذكر من راحت بيبي الهم مره ثانيه علمود تتفق على التفاصيل اني رحت وياها كعدت بحظن بيبي بيبي...هذا مختار ابن سليم ماعدا غيره اريدج اديرين بالج علي اني راسا باوعت عليها من هاي اللحظه من شفت نضرتها اليه كرهتها اني طفل وزغير وماعندي تجارب بلدنيا وحتى ماافتهم هلكد بس باوعت عليها كرهتها حيل كلبي مااطمن الها ابد بيبي....اريدج اديرين بالج علي هديل.....اي مختار....حتى مادنكت عليه باستني ولا قربت عليه وكانما تكول مااريده بس جيب الي يفهم لغة العيون ويعرف هي كانت رافضتني من اول مره شافتني بيها المهم بيت جدي بدو يجمعون العدهم والي ماعدهم علمود هاي الزوتجه اتم لان بيبي بقت ست اشهر ادور عروسه يله لكت هديل

البعض يطلب تكمله القصه ميار ولانه ما كامله راح انزل قصه ثانيه (منتصف العمر)

كيفيه استخراج ماده الهدرين كروم المحافظه ع الشباب

معلومات مهمه