بەرهەمەکانی خۆشناو

ساڵڕۆژی کۆچی دوایی شاعیری مەزن: حافزی مەهابادی ڕۆحی شاد.

دڵپیسی لە شێعرەکانم دەکەم دەترسم تۆم لێ بستێنن. #خوشناو @xoshnaw000

‍ ‍ ‍ ‍ ‍ ‍ غەزەلی چەندقۆڵی ئەگەر عومرێ، لەپات پاکی زەرەر کەم هەتاسەر جلکی خەمباری لەبەر کەم لە عەشقت کە چرای مان و ژیانمە مەحاڵە من بە ئاسانی گوزەر کەم #هەستیار_قەڵاڕەشی ئەگەر باری جەفاکاریت بکی٘شم وە یا خاکی هەموو عالەم وەسەر کەم کە لەشکر بێت لە باکوور تا بە باشوور مەحاڵە گەر لەتۆ سەرفی نەزەر کەم #قەلەندەر             ئەگەر شۆخی هەموو دنیا بەڕیز بن بەغەیری تۆ لەگەڵ کەس نابێ سەر کەم ئەوەندەم تێکەڵاوی ڕۆح و گیانی مەحاڵە زەڕەیەکت لێ وەدەر کەم #خۆشناو ئەگەر چوار دەورە تەنرابێ بە تێلبەند هەزار جاران ئەمن هەست بە خەتەر کەم تەنانەت ببنە دوژمن باب و کالیش لەبۆ عەشقت لە گشت عالەم حەزەر کەم #ماهــمونیر

دنیا تێکچووە شڵەژاوە تەنیا دڵی تۆ لە نێو دڵم نەبزووتوە و لە جێی خۆی ماوە! #خۆشناو @xoshnaw000

هۆ غەزاڵەی چاو خومارم، چاوەڕێی جێژوانتم تۆ کە بێری ناو مەڕی بی بێ شکە من شوانتم عەتر و بۆی زوڵفت عەزیزم مەست و ماخولیام دەکا هۆگرت بووم، شێت و شەیدای لێو و خەندەی جوانتم #خۆشناو @xoshnaw000

ئەی دڵم خونچەی گوڵم تا تۆم هەبێ، تەمەنی من ساوا دەبێ بەڵام کاتێک لێم ون دەبی لەگەڵ بارینی فرمێسکم له نێو زەریای بێکەسیمدا ڕۆژێ سەد جار خۆری تەمەن ئاوا دەبێ #خۆشناو          @Xoshnaw000

شێعرێنی دوو برا مامۆستایان: قەلەندەر و خۆشناو

❂ناوەندی فەرهەنگی - هونەریی جامی❂ 📀 دەنگەفایلی نەوەد و پێنجەمین دانیشتنی ناوەندیی فەرهەنگی هونەریی جامی تەوەر: دیداری سەردەشت(بەشداریی ئەنجومەنی ئەدەبیی سەردەم لە شاری سەردشت هاوڕێ لەگەڵ خوێندنەوەی بابەتی ئەندامانی ئەنجومەنی سەردەم) ١٤٠٥٫٠٤٫٢٩ 🆔 https://t.me/nawendy1

بەشداریم بە خوێندنەوەی شێعری تەنزی (یاڕەڵماسی)

دەمهەوێ بێیتە خەوم هەموو شەوێ بەڵام خۆ لە بێ تۆیی هەر خەوم لێ ناکەوێ #خۆشناو @xoshnaw000

بولبولی شەیداتم و تۆ ئاسکە چاوەڕوانەکەی تۆ شکۆفەی نەوبەهار و من هەوا و بارانەکەی سەوزەڵانی دەشتی سینەت ڕۆح دەبخشێتە لەشم من مەلی عەشق و ئەوین و تۆ مەلی سەر لانەکەی #خۆشناو

سەردەشت! هەر کە ناوت دێنم، زامی دەروون دەکولێتەوە لە هەر شوێنێ کە دەتنووسم، وەکوو مۆمێ دەتوێتەوە #خۆشناو

شەوە و دیسان لە بەختی خۆم دەنۆڕم هەدا نادا خەیاڵ و بیری تۆڕم لە بێتۆیی لەدەوری خۆم دەهاڵێم خەوم نایە بەسەد جێ، جێ دەگۆڕم #خۆشناو

✨✨✨✨ لە کازیوەی بەیاناندا نەبوو جوانتر لە ڕوخسارت نەخێر نابێ چلۆن دەکرێ, کە من نەبمە گرفتارت وڵاتان زۆر گەڕاوم شار و دێهاتان یەقین وایە نەبوو شیرین شکەرتر بێ, لە لێو و خەندەکەی زارت #مامۆستاخۆشناو✍ @kaziveh2525 ✨✨✨✨

کۆتری لێقه‌وماو شه‌وه، درەنگە، سارد و سه‌رمایه جگه‌ له ‌کوندێ چ ده‌نگێ نایه ‌ له ‌ناکاو بیستم ده‌نگی باڵه‌فڕ ڕاپه‌ڕیم له‌پڕ ڕامام مات و کڕ هه‌ڵاتمه‌ ده‌رێ بزانم چ باسه دیتم دوو کۆتر گه‌لێک به‌تاسه ‌ که‌وتوو ون له‌به‌ر ده‌رکی بێڵایه‌ شه‌که‌ت و ماندوو له ‌به‌ر سه‌رمایه ‌ گوتم :کۆتره‌کان کۆتره‌ باریکه‌ له‌ کوێ بوون به‌ ئه‌و شه‌وه‌ تاریکه؟ ‌ گوتیان له‌ سه‌ر ئه‌و شاخ و هه‌ردانه به ‌زه‌حمه‌تی زۆر کردمان هێلانه کەچی قه‌له‌ڕه‌ش، پێی فرۆشتین شه‌ڕ له ‌ماڵی خۆمان پێی گرتووین گه‌ڕ جووته ‌و جوجکه‌مان هه‌مووی کوژراوه‌ ماڵ و لانه‌مان تاڵان کراوه ‌ ڕێمان پێواوه ‌و هاتووینه‌ ئێره‌ تۆش ئه‌مانمان ده‌ کارێکی خێره ‌ بهێڵه‌ له‌نێو ئه‌و سوانانه‌ به ‌جووته‌ بژین ساز که‌ین هێلانه وتم: مه‌لانی خۆش خاڵ و ڕه‌نگم له ‌ئاستی ئێوه‌ ئه‌من بێده‌نگم هه‌رکوێیه‌ خۆشه‌ له ‌ده‌ر و سه‌ربان هێلانه‌ ساز که‌ن به‌که‌یفی خۆتان هەر وە سبه‌ینێ ڕا به‌ پووش و په‌ڵاش لانه‌یان ساز کرد له ‌جێیه‌کی باش ئه‌وه‌ چه‌ند ساڵه‌ ئه‌و دوو کۆترانه‌ لەگەڵ مە دەژین لەو به‌ر هه‌یوانه‌ #خۆشناو زستانی ۱۳٦۵

شەوت باش بێ گوڵی باخی ئەوینم لە حەسرەت تۆ گەلێ مات و خەمینم شەمی شەومی، پەپوولەی دەورەتم من لەدەوری تۆ گەڕێم ئەی نازەنینم #خۆشناو @xoshnaw000

غەزەلی هاوبەش کە سەد تیری خەدەنگ لای دڵبه‌رم بێ مەکەن باوەڕ ئەگەر کاریگەرم بێ هه‌زاران ساڵ له پاش مه‌رگم ده‌بیسن هه‌وای یارە لە نێو کاسه‌ی سه‌رم بێ #مام_خەیاڵ کە سەر جارێک وەسەر ڕانی دەکەم یار دەڵێ پێم ئەو دەبا جێگەت نەرم بێ سەری غەفڵەت نەجووڵێنی و نەخەجڵێی حەیا باشە کە تۆزێکت شەرم بی #قەلەندەر حەیای تۆیە دەسووتێنێ دەروونم گڕی عەشقت وەکوو دڵ با گەرم بێ بسووتێنێ سەراپایی وجوودم منیش با دڵبەرێ ئەفسوونگەرم بێ #خۆشناو کە یارم هاتە سەردانم بە سەت ناز ئەشێ بۆ و نازە گیان بەخشم، شەڕم بێ لە پێناو عاشقی و عەشق و ئەوینی بەسەر چۆپی لە دەوری سەت گەڕم بێ #موحیببی منم سالاری گشت دڵداری دنیا ئەگەر ئەو کێژە کوردە سەروەرم بێ بەدەستە خوشکی ژینای گەل دەشوبهێ چ فەخرە تا کوو  هەرمان  ڕابەرم بێ #ئاکام