- alWaHili .

"كل همي بهالدنيا شلون أرضي ربي وأتقرب منه، وأعيش حياتي بين الصلاة والعبادة وبين بر أمي وأبوية ورضاهم. من أنزوي وية ربي، أذب كل ذنوبي وتقصيري بين إيديه، وأطلب منه العفو والمغفرة بقلب خاشع ومكسور، لأن أدري ماكو ملجأ وباب يرحمني غير بابه. وبنص هذا كله، دنيتي وفرحتي كلها فدوة لـ إمي وأبوية، أدور رضاهم دوارة وأبوس إيدهم ورجليهم، لأن متأكد دعوة وحدة صادقة تطلع من حلقهم هي اللي تفتح بوجهي كل الخير وتوفقني بحياتي وبآخرتي.وعلى كد ما أحاول ألتزم، أبقى بشر يغلط ويقصر، بس قلبي وعقلي ما يملون من الاستغفار والمحاولة. كلما تزل جدمي بالدنيا أو تغلبني نفسي، أرجع أستغفر وأنهض من جديد بدمعة ندم، وأحاول أمسح ذنوبي بالعمل الصالح والتوبة الصادقة، لأن غايتي الأولى والأخيرة بهالدنيا هي رضا الله سبحانه. أركض ورا رحمة ربي وأفر من ذنوبي، وأحاول قدر الإمكان أخلي الآخرة والجنة بين عيوني، وكل أملي أنو ربي يتقبل توبتي، ويغسل قلبي، ويثبتني على الطريق الصح لحد ما ألقاه وهو راضي عني.

"الصديق الحقيقي هو الأمين على الأسرار، الحافظ للود، والمؤتمن على المال والعرض، وهو من يحفظ أمانتك في غيابك وحضورك. تطمئن إليه النفس، وتثق بوفائه، وتزداد مكانته مع الأيام؛ لأن الصداقة ليست بكثرة اللقاء، بل بصدق المودة، وحسن الخلق، وثبات الوفاء. فهو السند والملجأ في أوقات الشدة، والشريك الذي يشاركك الفرحة من قلبه دون زيف، ومن يجمل في عينيك الحياة ويمسك بيدك كلما تعثرت خطواتك. إنه المرآة النظيفة التي ترى فيها عيوبك بلطف ليُصلحها معك، والملجأ الآمن الذي تلجأ إليه بعد عناء الأيام لتستريح، فلا تزيده المسافات إلا قرباً، ولا تغيره الظروف والسنوات."

الدنيا تغيرت والناس تعبت، وصار الواحد بينا يدور رتلة بال ومكان يشيل منه التفكير القلق. صرنا نركض ورا أشياء عبالنا هي السعادة، وتاليتها نكتشف إنو راحة البال الحقيقية مو بكثرة العلاقات ولا بالقيل والقال. الراحة إنو تصفي نيتك، وتشتري دماغك من كل مواضيع ما تقدمك خطوة لـكدام. ركز على نفسك، على رزقك، وعلى وناستك ويا ربعك النظيفين اللي يضحكون وياك من گلبهم. عوف الماضي بـكل مشاكله وأغلاطه، والتفت لباچر، عيش يومك بـبساطة وخلي إيمانك چبير إنو رب العالمين راح يفتحها بوجهك من حيث لا تحتسب، لأن البال المرتاح هو أكبر نعمة يملكها الإنسان بهالوكت المشكلة بينا احنا البشر نضل نعاتب الأيام والظروف، وناسين إنو احنا اللي جاي نحرگ بـأعصابنا على ناس ما تسوى وعلى مواضيع تافهة. يمعود، العمر يركض ركض ومحد بـاقي لأحد، الصديق اللي چنت تظنه سند باچر تلوي بـظروفه، والغالي اللي چنت تحسبه ما يعيش بدونك صار اليوم غريب وما يسأل. فـيا أخي، ليش تضل كاضيها حزن وتفكير وقلق على باچر؟ باچر بـيد رب العالمين، والرزق مكتوب، والوجع يروح بـسجدة أو بـضحكة من گلب صافي ويا ناس تحبك صدگ. عوف الـ "لو" والـ "يا ريت"، وعيش هالدقيقة بـطولها وبـعرضها، اضحك بوجه التعب، ودوس على الزعل، وخلي شعارك بـهالحياة: "أنا ومن بعدي الطوفان" بـكل شي يخص راحتك ونفسيتك. العمر مرة وحدة، فلا تخليه يضيع وأنت تداري بخواطر ناس ما دارت خاطرك بـكلمة.

Instagram .

"صار فصام بمجتمعنا، عبالهم التدين ماركة أو (براند)؛ تلبس ثوب، تعقد حاجبك، وتحرم الأخضر واليابس، وصرت شيخ! هذا مو دين، هذا تمثيل. التدين الحقيقي هو (سلام داخلي) ينعكس على تعاملك ويا البشر. هو الإنسان اللي من تمشي وياه تحس بأمان، مو كاعد على أعصابك وتخاف ينتقد لبسك أو صلاتك. المتدين الصدك هو اللي يملك (أدب الخلاف)؛ يسمعك للاخير ويمتلك رحمة تخليه يعذرك إذا غلطت، مو يوزع صكوك غفران وجنة ونار بكيفه. هو اللي تشوفه بالمواقف الصعبة؛ يشيل هم الناس، يمسح دمعة الصغير، ويسند الجبير بدون ما يطلب مقابل أو كاميرا تصوره. الدين مو غتّرة ولحية ومسبحة، الدين (أثر وطيبة ومواقف) تطيب خاطر المكسور. المتدين الحقيقي هو اللي ينزل للناس ويخدمهم، مو اللي يعتزلهم ويشوف نفسه نبي عليهم. باختصار؛ إذا شفت إنسان يخليك تحب الحياة وتحب رب العالمين بأفعاله مو بصياحه، فهذا هو المتدين. أما اللي عايش دور القاضي والجلاد على عباد الله، فمع احترامي إله، هذا (مُدّعي) جاي يدين الناس مو (متدين) يتقرب لرب الناس 🩶."

لماذا نحزن وفي السماء إله يسمع؟ إن تأخرت أمانيك، فذلك لأن الله يختار لك الوقت الأنسب، وإن أُغلق في وجهك باب، فاعلم أن الله سيفتح لك أبواباً لم تكن تحلم بها. إن الابتلاء ليس علامة سخط، بل هو محطة لتنقية الروح ورفع الدرجات. انظر إلى قصص الأنبياء؛ كيف نجا يوسف من الجب ليصبح عزيز مصر، وكيف شق الله البحر لموسى حين ظن الجميع أنهم مدركون.

Our appointment is : 2027/1/11 🎉 .

- alWaHili . pinned «"السلام عليكم ورحمة الله وبركاته، أما بعد التحية راح أحجيلكم على موضوع جداً مهم في وقتنا الحالي أو الصراحة هذا الموضوع ما يعتمد على هذا الوقت بس وإنما على طوال الحياة اللي هو موضوع التعالي الدنيوي والتفكير بالدنيا أكثر من الآخرة شلون يعني؟ بمعنى كل إحنه اليوم…»

"السلام عليكم ورحمة الله وبركاته، أما بعد التحية راح أحجيلكم على موضوع جداً مهم في وقتنا الحالي أو الصراحة هذا الموضوع ما يعتمد على هذا الوقت بس وإنما على طوال الحياة اللي هو موضوع التعالي الدنيوي والتفكير بالدنيا أكثر من الآخرة شلون يعني؟ بمعنى كل إحنه اليوم نفكر إنو شلون نجيب أحسن بيت والكل يتنافس حتى يستلم راتب أكثر من كرايبه أو يجيب السيارة الأحسن أو الشهادة الأحسن ونسينا إنو هاي كلها كشخة وراحة مؤقتة، وتاليها راح نتركها بلمحة عين وما نأخذ ويا القبر غير قماش أبيض مترين بمتر.بس تعال إحجيلي منو بينا يفكر بمراتب الجنة؟ منو بينا يتنافس على ألقاب الآخرة مثل القانتون المتصدقون الراكعون الخ... من الألقاب الجميلة الحقيقة الدائمة اللي تبقى وياك بقبرك وتنور طريقك، وتشفعلك بيوم القيامة يوم القيامة اللي الكل يركض بيه ويصيح نفسي نفسي، على عكس ألقاب الدنيا الفانية المهندس الدكتور المعلم والخ.... من الألقاب الفانية اللي تموت بمجرد ما يلفونه بالكفن وينادون الجنازة باسمك المجرد بدون أي لقب دنيوي.يقول الإمام علي عليه السلام اعمل لدنياك كأنك تعيش أبداً واعمل لآخرتك كأنك تموت غداً أي بمعنى شنو؟ إنت لا تعوف ألقاب الدنيا الفانية لأنها على زوال! لعد شنو الفائدة أتعب نفسي عليهن! إي تعب نفسك عليهن وادرس واشتغل واطمح لأن رب العالمين يحب الإنسان الناجح واللي يعمر الأرض بضمير، بس ها مو تخليهن المرتبة الأولى ضمن قائمة اهتمامك المرتبة الأولى ضمن قائمة اهتمامك المفروض هي: أعمل لآخرتك كأنك تموت غداً، حتى توازن بين دنيتك وآخرتك وما تطلع من الدنيا خسران الأمرين؛ ضيعت عمرك بالركض ورا السراب، وخسرت مقعدك بالفردوس الأعلى. وبنهاية الكلام أسأل الله أن يغفر لنا وأن يردنا إليه رداً جميلاً .

للأسف المجتمع يعتقد أن المثقف هو الشخص اللي يشرب القهوة ويقرأ الكتاب ويكعد بالمتنبي ويحچي فصيح واللخ... من هذه الخزعبلات. المثقف هو الإنسان اللي دائماً يدفع بالتي هي أحسن، دائماً متواضع بشوش، دائماً إيجابي ملتزم، ودائماً ويا الأشخاص اللي أصغر من عمره يحاول قدر الإمكان أن يوصل إلهم الفكرة على حسب عمرهم ومع اللي أكبر من عمره كذلك. المثقف اللي يبتعد عن القال والقيل والغيبة (الثرّم)، المثقف العرف يميز بين الجد والمزاح وبين الصواب والخطأ، المثقف الحقيقي هو اللي يحترم عامل النظافة مثل ما يحترم مدير دائرته، واللي بابه وقلبه مفتوحين للكل، مو اللي يعزل نفسه ببرج عاجي ويشوف الناس من فوك ليجوة. هو اللي يتقبل الرأي الآخر برحابة صدر حتى لو اختلف وياه، وما يحسس المقابيله بالنقص لمجرد إنه قاري كتابين زيادة، لأن الثقافة وعي وأسلوب حياة مو استعراض عضلات، وهو اللي يترجم كل شي تعلمه بحياته إلى مواقف وأفعال تفيد المجتمع، مو بس حبر على ورق وصياح بالنقاشات. نقطة رأس سطر تحسه هيچ إنسان راقي بمعنى الكلمة فهذا هو المثقف، أما المثقف اللي محصور بالقهوة والمتنبي وهذه الخزعبلات مع احترامي إله هذا مثقب مو مثقف 🩶."

- alWaHili . pinned «كلش أحب الوقت اللي أكون بيه وحدي بدون دوخة راس، وعندي رفيج واحد نتمشى سوية نسولف شوية نزور وننطلق لأهلنا وهاي كل سنة ضوئية يلا نتشاوف،وأحلى شي الوقت اللي أكضيه بيني وبين نفسي وإذا قريت كتاب أحبه يا بوية هذا صار من أحلى الأيام اللي عندي، وإذا كعدت بالمرقد وأطكلي…»

هَل تَعرفُ إمامَ زَمانِك ؟ وإن مثله في صغر السن عند الامامة كمثل يحيى بن زكريا الذي اتاه الله الحكم صبيّ. ومثله في طول العمر كمثل نوح الذي لبت في امته الف سنة الاخمسين عاما (كذلك الخضر الذي مازال حيا حتى يومنا). وفي الامام سنن من الانبياء جميعا و هو الذي يعلن بعد ظهوره و اسناد ظهره الى الكعبه ان من اراد ان يتعرف على آدم ونوح وإبراهيم وموسى وعيسى فليتعرف علي.

"آخر اهتمامي هو كلام الناس شنو كالت الناس انا اعرف نفسي منو واعرف أنو كلامهم مو حقيقي مجرد حروف ما إلهن معنى بالنسبة إلي ما يهمني مدح الناس ولا ذمهم ولا يهمني شنو ياخذون نظرة عني عايف امر الناس لرب الناس واجبي و وقتي مو للناس واجبي بالدنيا يعتمد على افعالي ونجاحاتي بالاختبارات الإلهية لو تحجي عليه منا لبعد الف سنه مدحك الي مراح يبنيلي قصر بالجنة ولا ذمك الي راح يخرب شي عليه وبالنهاية أسأل الله ان يكفينا شر عباده.

"عجيب كيف يتحول الليل من وقت للراحة، إلى مسرح تعرض فيه الذاكرة كل المواقف، الأفكار، والخطط المؤجلة دفعة واحدة! تبدأ بالمستقبل وتنتهي بالمواقف الحزينة المخيبة وفجأة نتذكر أول صديق وبنص هل تفكير نفكر بأول شي لازم نسوي الصبح..دائماً تتصارع الأفكار من نحط راسنا على المخده؛ ذاك الي يفكر بالحب، وذاك الي يفكر بالماضي والفرص الي راحت منه، وذاك الي شايل هم باجر ومصاريفه..أما أنا بالنسبة إلي؟ أعوف كل مشاكل الكوكب وأصفن بتصميم البيت، بيا لون راح أصبغ الغرفة؟ وين راح أخلي مكتبتي؟ وشلون راح أترس المكان هدوء يشبهني.. وأرجع أفكر شوكت راح أحقق هل الأحلام الي كاعد تتراكم عندي بـ (رَف الذاكرة) ولحد الان ما حققت ولا حلم منها هههه!المشكلة مو هنا، المشكلة أنو أحنا نعرف هذا التفكير كله ما راح يغير شي من الواقع حالياً، وما راح يحل الأزمة، بس عقلنا يعاند، يرفض ينام إلا بعد ما يسوي جولة سياحية بكل هموم وطموحات حياتنا. وتبقى الأفكار تاخذني وتجيبني لحد ما أنام وأكعد حلمان بشنو اخر شي فكرت بي..بالنهاية.. الله يريح كل عقل ما كاعد يهدأ بهل ليل، ويرزقنا الأحلام الي نتمناها وتصير واقع نعيشه مو بس صفنات على المخدة. 💤"

بسم الله الرحمن الرحيم تذكيرٌ لنفسي ولكم في زحام هذه الحياة... 🤍" لا تُعطِ الدُّنيا الأهميّةَ الأكبر؛ لأنّها في النِّهاية مُجرّد رِحلة، والأُخرى هي الدّار المُستقرّ، كما قال تعالى في كتابه الكريم: {وَمَا هَٰذِهِ الْحَيَاةُ الدُّنْيَا إِلَّا لَهْوٌ وَلَعِبٌ ۚ وَإِنَّ الدَّارَ الْآخِرَةَ لَهِيَ الْحَيَوَانُ ۚ لَوْ كَانُوا يَعْلَمُونَ}. سَامِحْ، وتَجَاهَلْ، وصَالِحْ، فلا تدري في أيّ سَاعةٍ ترحلُ إلى دَار حَقّك. رَتِّبْ يومك ولا تَتهاوَنْ في صَلاتك أبداً. أَرْضِ والديك وقُمْ بوَاجبك تِجاههم، ويجب أن تَتوب عن كلّ ذنوبك قبل فوات الأوان. نسأل الله العلي القدير أن يردنا إليه رداً جميلاً، وأن يجعلنا وإياكم من المقبولين."أَسْأَلُ اللهَ أن يَغْفِرَ لكم ولنا 🤍.

كلش أحب الوقت اللي أكون بيه وحدي بدون دوخة راس، وعندي رفيج واحد نتمشى سوية نسولف شوية نزور وننطلق لأهلنا وهاي كل سنة ضوئية يلا نتشاوف،وأحلى شي الوقت اللي أكضيه بيني وبين نفسي وإذا قريت كتاب أحبه يا بوية هذا صار من أحلى الأيام اللي عندي، وإذا كعدت بالمرقد وأطكلي ستكين جاي وجكارة وياهن باسم الكربلائي لو سيد سلام وأتربع وأكعد أسلطن سلاماً على الدنيا ومن فيها،إجتني فترة أباوع أفلام ومسلسلات هواية لدرجة سويت قناة وكمت أنشرهن وما أدري وين راحت القناة الله يعلم بيا حساب راحت المهم هم جنت أحبها،شايف من تسوي أجواء لروحك وتكعد تلعب لعبتك المفضلة وتكعد تختم على بلايستيشن أو الحاسبة مالتك وتطفي الضوة وتشغل الإضاءة الخفيفة باللون اللي تحبها؟ تحس روحك قائد قوات الأكو والماكو وبالأخير تطفى الوطنية وأبو المولد عطلان هنا أنت مثل الأسد تبقى تفر بأذنك وشكراً للعراق العظيم.

انتهت المعركة... 🏴 سكتت صليل السيوف، وصمتت ضجة العسكر.. ولم يبقَ في كربلاء إلا صدى الأنين. استشهد الحسين عليه السلام... وظلّت الدنيا بلا نور. وانقطعت كفوف العباس عليه السلام... فانكسر ظهر الجود، وجفّ النهر خجلاً. وانطفأت شمعة القاسم عليه السلام... قبل أن تزفّه السنين عريساً. وسُهمٌ ذبح الرضيع... فبكت له السماء دماً. وبقيت زينب(عليها السلام) .. وحيدةً بين رماد الخيام، تحرسُ الأيتام وتَحملُ جرحاً يعجزُ الكون عن حمله آه يا زينب.. بدأت رحلة السبي، وانطفت كل الشموع إلا شمعة صبركِ. 💔 عظّم الله أجوركم بهذا المصاب الجلل

عَرشُ الخُلُودِ بِنَيْنِوَى يَتَرَبَّعُ ... وَبِغَيْرِ حُبِّكَ لَا يُفِيدُ المَجْمَعُيَا سَيِّدَ الشُّهَدَاءِ كَنْزُكَ لَمْ يَكُنْ ... مَالاً، وَلَكِنْ بِالمَكَارِمِ يَسْطَعُلَمْ تَمْتَلِكْ ذَهَبَ الدُّنَا لَكِنَّمَا ... لَكَ فِي قُلُوبِ العَاشِقِينَ مَنَابِعُأَغْنَيْتَ هَذِي الأَرْضَ طُهْراً خَالِداً ... كُلُّ المُلُوكِ أَمَامَ مَجْدِكَ رُكَّعُثَرِيتَ بِالإِيمَانِ يَا ابْنَ مُحَمَّدٍ ... وَبَذَلْتَ نَفْسَكَ لِلْعَدَالَةِ تَشْرَعُتَرَكُوا العُرُوشَ وَقَدْ تَفَتَّتَ طِينُهَا ... وَمَقَامُ عِزِّكَ فِي الثُّرَيَّا يُرْفَعُأَنْتَ الغَنِيُّ وَإِنْ قَضَيْتَ مُعَطَّشاً ... كُلُّ الوُجُودِ مِنَ ارْتِوَائِكَ يَجْرَعُذَاكَ الثَّرَاءُ الحَقُّ نُورٌ سَرْمَدِي ... يَبْقَى شِعَاعاً فِي المَدَى لَا يُطْفَعُمَا قِيمَةُ الأَمْوَالِ عِنْدَ خَسِيسِهَا ... إِنْ لَمْ يَكُنْ فِيهَا الهُدَى يَتَجَمَّعُ؟أَمَّا رَصِيدُكَ فَالنُّفُوسُ شَوَاهِدٌ ... بِدَمٍ زَكِيٍّ فِي المَحَافِلِ يُدْمَعُمَلَكُوا الفَنَاءَ وَأَنْتَ تَمْلِكُ دَهْرَنَا ... حَيَّاً تُزَارُ، وَمَنْ أَمَاتَكَ يُبْطَعُهَذِي المَلَايِينُ الَّتِي قَدْ أَقْبَلَتْ ... تَبْغِي جِوَارَكَ، فِي ضَرِيحِكَ تَرْكَعُهِيَ ثَرْوَةُ الأَحْرَارِ حِينَ تَنَازَعَتْ ... دُنْيَا الطُّغَاةِ، وَصَوْتُ حَقِّكَ يَسْمَعُأَعْطَيْتَ كُلَّ النَّاسِ دَرْسَ كَرَامَةٍ ... هُوَ ذَا الثَّرَاءُ، وَمَا سِوَاهُ مَطْمَعُ .