تكنولوجيا المعلومات

#تنويه|| هي القناة على واتساب غير رسمية ولا تتبع لوزارة التربية والتعليم الحسابات الرسمية لوزارة التربية والتعليم على مواقع التواصل الاجتماعي: تلغرام https://t.me/SyrMOEgov فيسبوك https://www.facebook.com/share/1SjmoZVbfY/ انستغرام https://www.instagram.com/syrmoegov?igsh=MTMwZGF3ZzlvZzhocA== يوتيوب https://youtube.com/@syrmoegov?si=_9AHuL9vceTB4w0H الموقع https://moed.gov.sy اكس https://x.com/SyrMOEgov #كروب_تكنولوجيا_المعلومات أ. ياسر قاسم

🚨⛔ في داعي نذكر ضرورة تفعيل المصادقة الثنائية والتحقق بخطوتين على جميع حسابات السوشال , مع الالتزام بتغيير كلمات المرور بشكل دوري❓❗ 🛡✅ طريقة التفعيل ⬇️ 🔻 فيسبوك & انستغرام : الإعدادات >> مركز الحسابات >> كلمة السر والأمان >> المصادقة الثنائية "اختار الحساب" اختار طريقة التحقق { رسالة SMS أو تطبيق مصادقة } .. 🔻 حساب Google : ادخل على Gmail >> إدارة حسابك على Google >> إعدادات الأمان >> التحقق بخطوتين >> تابع خطوات التفعيل .. 🔻واتساب & تلغرام : الإعدادات >> الحساب >> التحقق بخطوتين .. #كروب_تكنولوجيا_المعلومات

● التطبيق المستخدم في الفيديو هو PushClock وهو متوفر فقط على Appstore أي لأجهزة آيفون . ● للأندرويد يمكنك تحميل تطبيق Alarmy . #كروب_تكنولوجيا_المعلومات أ. عبدالله العريقي

لما تعلن الوزارة عن نتائج التاسع رسمياً غالباً راح يصير واحد من اثنين: تحديث جديد للتطبيق الحالي حتى يظهر فيه خيار شهادة "التعليم الأساسي (التاسع)" أو تفعيل الخيار اللي كان موجود أصلاً داخل تطبيق الثانوية (بدون تحديث جديد) في كل الحالات المصدر الرسمي راح يكون موقع الوزارة moed.gov.sy او صفحة وزارة التربية والتعليم السورية لا تعتمد على أي روابط أو تطبيقات تانية بتدعي إنها تطبيق التاسع لتحميل تطبيق الثانوية : https://apk.edu-access.net/moed.exam_directorate.apk #كروب_تكنولوجيا_المعلومات أ. ياسر قاسم

اعداد جديد داخل مجموعات فيسبوك يتيح للمسؤولين ايقاف الالقاب او تشغيلها #كروب_تكنولوجيا_المعلومات أ. ياسر قاسم

لا تلحقو الشائعات والبوتات والروابط والتطبيقات والكلام اللي كلو وهمي وهدفو تصيد احتيالي وجمع معلومات لاستخدامها ضدك لاحقك اكيد شي مرة شفتو حدا عم يسأل فلان عرف رقمي واسمي ومعلوماتي .. وانابعمري ماحكيت معو او مع غيرو عرفتو هي المعلومات من وين بتنجاب !؟ هاد اسمو التصيد الاحتيالي عن طريق بوتات وبرامج وروابط وهمية بتطلب منك معلوماتك واذونات وبتستغل حدث ما متل ظهور نتائج الامتحانات او غيرها وفيما بعد بيتم مواجهتك بهي المعلومات اللي انسحبت منك وبيعملو عليك هندسة اجتماعية فيها وانت ع اساس بتتفاجئ .. لك كيف عرفو عني هي المعلومات 😳😳 هدول الناس لو بيشغلو عقلهن باشياء ايجابية تفيد غيرهن كانت عمرت #كروب_تكنولوجيا_المعلومات أ. ياسر قاسم

🔥 أخيراً واتساب يطرح ميزة #الرقابة_الأبوية 🧑‍🧒 أهم المميزات وطريقة الربط : ⬇️ • إدارة المجموعات : منع الغرباء من إضافة طفلك إلى مجموعات غير معروفة • التحكم بجهات الاتصال : تحديد الأشخاص الذين يمكنهم مراسلة طفلك وحظر الأرقام غير المرغوبة • تنبيهات النشاط : وصول إشعارات فورية عند قيام الطفل بحظر شخص أو تعديل بياناته • قفل الأمان : حماية جميع الإعدادات باستخدام رقم سري { PIN } لا يعرفه سوى ولي الأمر طريقة الربط 🔁 1. من هاتف طفلك : - افتح تطبيق واتساب وانتقل إلى الإعدادات - اختر قسم الرقابة الأبوية - اضغط على "ربط حساب ولي الأمر" لإنشاء رمز QR 2. من هاتفك { ولي الأمر } : - امسح الرمز : افتح كاميرا واتساب وامسح رمز QR الظاهر على هاتف طفلك - أكّد الهوية : استخدم بصمة الوجه أو الإصبع لتأكيد عملية الربط - قفل الإعدادات : أنشئ رمز PIN خاصاً بك لمنع طفلك من إلغاء الإشراف #كروب_تكنولوجيا_المعلومات

الاخطاء الشائعة في تطبيق منصة خدمة الوكلاء _تأكد انك تملك احدث اصدار من التطبيق _حمل التطبيق من المصدر الرسمي فقط: بوابة الخدمات الإلكترونية: moed.gov.sy/services (ابحث عن "منصة خدمة الوكلاء") _أو الرابط المباشر الذي نشرته الوزارة عبر حساباتها https://drive.google.com/drive/folders/1CbTaFJ-R9-sGHiqZk3Hv2nIXRNoFLZPA _تأكد من اتصال إنترنت مستقر، وحاول في أوقات أقل ازدحاماً _امسح ذاكرة التخزين المؤقت (Cache) للتطبيق أو أعد تثبيته إذا واجهت مشاكل في الفتح أو التحميل _تحقق من صحة الوثائق (بصيغة مناسبة، عادة PDF أو صور واضحة) والبيانات الشخصية قبل الإرسال _إذا استمرت المشكلة، توجه إلى المديرية مع هاتفك والوثائق الأصلية للمتابعة الميدانية #هام || شرح خطوات التسجيل للوكالات، على "تطبيق الوكلاء" الإلكتروني. https://www.facebook.com/share/v/1LMSk6FJci/ #كروب_تكنولوجيا_المعلومات أ. ياسر قاسم

#الضغط😵‍💫 حلقة من كتاب درعك الرقمي .. لقراءة الكتاب كاملاً كتاب درعك الرقمي على قناة تلغرام https://t.me/yasser987/4689 كتاب درعك الرقمي رابط خارجي https://www.mediafire.com/?i6n2gfpswy8gfr3 كتاب درعك الرقمي على مكتبة نور الرقمية noor-book.com/sucq9yd #كروب_تكنولوجيا_المعلومات أ. ياسر قاسم

قفل التطبيقات 🔒 غوغل تختبر ميزة جديدة في أندرويد الميزة تتيح لك قفل التطبيقات مباشرة باستخدام رمز PIN أو كلمة المرور أو البصمة , بدون الحاجة لتطبيقات خارجية أو نقل التطبيقات إلى المجلد الخاص .. كما يمكنك ربط حساب بريد إلكتروني لاستخدامه في إعادة تعيين كلمة مرور قفل التطبيق في حال نسيانها .. الميزة متاحة حالياً بشكل تجريبي من : الإعدادات >> الأمان والخصوصية >> قفل التطبيقات 🔐 #كروب_تكنولوجيا_المعلومات

لاتتجاوبو مع هي البوتات بطاقة الدخول للملاهي ارتب منها 😂 #كروب_تكنولوجيا_المعلومات أ. ياسر قاسم

لا صحة للاخبار التي تتحدث عن ايقاف خدمة النت الهوائي في سوريا هالقرار بيطلع لمن بيكوون صار عنا بنية تحتية للانترنت بتغطي وبتخدم كامل الاراضي السورية #كروب_تكنولوجيا_المعلومات أ. ياسر قاسم

تطبيق نتائج التاسع لسا ما اتوفر ع موقع الوزارة ماحدا يحمل تطبيقات عشوائية بس يتوفر التطبيق بتحملوه من الموقع او من صفحة الوازرة ع الفيسبوك موعد اعلان النتائج غير واضح هن بمرحلة تنتيج وادخال لسا بنسبة 50% والترجيح المتوقع هو يوم الجمعة او السبت #كروب_تكنولوجيا_المعلومات أ. ياسر قاسم

📞 تيك توك يختبر ميزة جديدة تتيح إجراء مكالمات صوتية مباشرة عبر الرسائل الخاصة , لتعزيز التواصل داخل التطبيق .. #كروب_تكنولوجيا_المعلومات

📌 ملاحظة مهمة لتوضيح ميزة تسجيل الخروج من واتساب في ناس اختلط عليها موضوع تسجيل الخروج من تطبيق واتساب، فخلّونا نوضّحها ببساطة 👇 🔹 أولاً: تسجيل الخروج ما بيحذف المحادثات من نفس الجهاز. يعني الشات بيضل محفوظ على الموبايل، بس ما عاد بيكون ظاهر ومتاح ضمن التطبيق بعد تسجيل الخروج. 🔹 طيب، فيني سجّل خروج من موبايلي وافتح نفس الرقم على جهاز تاني؟ إي، أكيد فيك. بس الجهاز التاني ما رح تلاقي عليه المحادثات القديمة تلقائياً. أما إذا رجعت وسجّلت الدخول بنفس الرقم على الموبايل القديم، رح تلاقي المحادثات الموجودة عليه، لكن رح تكون البيانات المتاحة هي لحد وقت تسجيل الخروج، وما رح تتزامن مع الرسائل اللي وصلتك أثناء فترة تسجيل الخروج. 🔹 ليش واتساب عملت هالميزة؟ الفكرة مو بس تغيير الجهاز، وإنما إنك تقدر تسجّل خروج من واتساب وتفصل حالك عن الرسائل والإشعارات، بينما الإنترنت بيضل شغّال على الموبايل وباقي التطبيقات بتشتغل بشكل طبيعي. وكمان بتفيدك إذا بدك: 📱 تستخدم رقم واتساب تاني أو تالت بسهولة، بدون ما تضطر تحذف الحساب أو تعمل خطوات معقدة. 🔐 وفي حالة تانية مهمة: إذا بدك تعطي موبايلك لشخص لفترة قصيرة حتى يعمل عليه شي، فيك تسجّل خروج من واتساب، وهيك ما بيقدر يوصل لمحادثاتك من خلال التطبيق. ⚠️ بس انتبه لنقطة مهمة جداً: ميزة تسجيل الخروج ما بتغني عن النسخة الاحتياطية. إذا ناوي تفتح نفس رقم واتساب على جهاز تاني وبدك تحافظ على محادثاتك، الأفضل تتأكد مسبقاً إن عندك نسخة احتياطية محدثة قبل ما تعمل تسجيل خروج أو تنتقل لجهاز جديد. باختصار: تسجيل الخروج = فصل واتساب عن الجهاز، مو حذف الحساب أو حذف الشات. ✅ #كروب_تكنولوجيا_المعلومات أ. لؤي كنعان

#تحذير ⚠️ ميزة تسجيل الخروج بواتساب وصلت للجميع بتلاقوها ب اعدادات الواتساب ثم الحساب لكن انتبهو تسجلو خروج حاليا الميزة فيها اخطاء وفي محادثات مارجعت عند بعض المستخدمين بعد تسجيل الخروج انطرو التحديث الجديد للتطبيق #كروب_تكنولوجيا_المعلومات أ. ياسر قاسم

#صباح_الفل يا جماعة 🙋‍♂️💙 📱 ميزة تسجيل الخروج وصلت على واتساب! صار فيك تعمل تسجيل خروج من حساب واتساب بكل سهولة، متل فيسبوك، من دون ما تخسر بياناتك أو محادثاتك، وبتقدر ترجع تسجّل دخول بأي وقت 🤝 🔹 قبل، إذا بدك تستخدم رقم تاني على واتساب، كان لازم تحذف التطبيق أو تعمل خطوات مزعجة لتبدّل الحساب. أما مع الميزة الجديدة، الموضوع صار أبسط بكتير 👌 📍 لتلاقيها: الإعدادات > الحساب > تسجيل الخروج الميزة وصلتني من شوي 👀🔥 #كروب_تكنولوجيا_المعلومات أ. لؤي كنعان

» طفولة رقمية , ونفسية تتشكل بصمت تحت تأثير التكنولوجيا « بزمن صار فيه الموبايل بإيد الطفل قبل ما يعرف كيف يعبّر عن مشاعرو وصار التلفزيون واليوتيوب والألعاب الإلكترونية جزء من يومو , تربية الأطفال ما عادت مسؤولية المدرسة لحالها ولا الأم لحالها وما بتختصر بالأكل والشرب واللبس والدراسة .. تربية الطفل بتبلش من البيت وبتبلش من الأب والأم قبل الطفل 📱 الموبايل مو مربية 📺 التلفزيون مو وسيلة لإسكات الطفل 🎮 الألعاب مو بديل عن اللعب الحقيقي 🌐 والإنترنت مو عالم آمن لمجرد إن الطفل قاعد قدامنا علموا أولادكم إنو في وقت للموبايل , وقت للدراسة , وقت للنوم , وقت للعيلة , وقت للعب , وقت للحكي .. راقبوا شو عم يحضروا , شو عم يسمعوا , مين عم يتابعوا , شو الألعاب يلي عم يلعبوها , ومع مين عم يتواصلوا .. وما تستنوا الطفل يخبركم بكل شي .. اسألوه , قربوا منو , واسمعوه بدون سخرية وبدون تهديد لأن الطفل يلي بيخاف من ردة فعل أهلو , ممكن يتعلم يخبي مشكلتو بدل ما يطلب المساعدة .. ما فينا نطلب من الطفل يترك الموبايل ويقعد معنا ونحن طول الوقت ماسكين موبايلاتنا وما فينا نطلب منو الاحترام ونحن ما عم نحترمو ولا الهدوء ونحن عم نصرخ كونوا واعيين للمحتوى يلي عم يشوفو ولمخاطر الإنترنت والتنمر والخصوصية والاستغلال لنربّي أطفالنا ليستخدموا التكنولوجيا , مو نسمح للتكنولوجيا هي يلي تربي أطفالنا ❤️ #كروب_تكنولوجيا_المعلومات

#عاجل 🔥 هيئة الإعلام والاتصالات تتخذ إجراءات لإيقاف عمل شركة كورك في #العراق تحذر الهيئة مشتركي #كورك من تجديد الاشتراكات أو تعبئة الأرصدة في الوقت الحالي , داعيةً إلى الاحتفاظ بشرائحهم لحين صدور توجيهات جديدة بشأنها .. #كروب_تكنولوجيا_المعلومات

نتائج الصف التاسع ⚠️⚠️تحذير مهم جداً .. ياريت تشاركو الفيديو #كروب_تكنولوجيا_المعلومات أ. ياسر قاسم