قناة ادارة الأعمال

ما قصرت يونس وشكراً على كلشي قدمته النه وربي يوفقك ونشوفك ب اعلى المراتب يارب انت وعبدالله وكل الزملاء والزميلات في قسم ادارة الأعمال 🌸💙✌️

السلام عليكم آخر امتحان آخر تبليغ آخر رسالة بالقناة اخر يوم نتصور بي بالكلية بشكل جماعي آخر يوم دوام النا باجر 💔 بعد 4 سنين هاي الرسالة حتكون آخر رسالة أنزلها الكم كممثل لدفعة أسود الرافدين صراحة الشعور غريب لأن تعودت كل يوم أشوفكم وأتابع أمور الدفعة والتبليغات وفجأة وصلنا للنهاية راح أشتاقلكم كلش للأيام الحلوة للضحك و للمواقف وحتى للضغط والمحاضرات والتعب الي كنا نتحمله سوية 4 سنين مو قليلة، عشنا بيها هواية تفاصيل وتعودنا على بعض، وليهسة مو مستوعب باجر آخر يوم النا بالكلية حيكون شعور مؤذي صراحة بس بالمقابل حنحصل الشهادة ونحقق حلمنا الي تعبنا بي❤️ سامحوني اذا قصرت بيوم من الأيام بحكم ضغط الدراسة وضغط الحياة ياريت اكون ماقصرت..اتمنى التوفيق للجميع. تحية خاصة وشكر للزميلة رجاء والزميل عبدالله والزميل علي كامل الي كانو ممثلين والي ساعدو بموضوع الممثلية وبقية الزملاء ماقصرتوا❤️ ...تحياتي🌸🌸

📍المحاضرات المشمولة بأمتحان يوم الأثنين مادة حوكمة الشركات

📍عطلة رسمية اليوم وباجر الخميس

🎉 بخصوص حفلة التخرج المركزية راح تكون بملعب الجولان بشهر 4

📍تبليغ من العمادة الطلاب الي مادافعين قسط ألكم باجر والخميس آخر يوم في حال محد دفع ليوم الأحد ممنوع من حضور المحاضرات

⭕️الأسبوع القادم يوم الأثنين 4/6 أمتحان حوكمة الشركات(يتم تحديد المحاضرات الي داخلة بالأمتحان لاحقا) يوم الأربعاء 4/8 امتحان ادارة الجودة (الفصل 3 + الفصل 4)

📍غدا امتحان ادارة المعرفة من البداية لغاية صفحة 30

⭕️تم تأجيل امتحان ادارة الجودة هذه الاربعاء تحضير الفصل الرابع

صراحه بقية الكتاب ما بيه شي مهم غير قطع بالكتاب قريناها وما ظنتي ح يجيب منها اسئلة لانه مو منطقية وما يرهم منها سؤال ممكن يجيبها ك قطعة كاملة ونختار منها جواب وبهيج حالة زين لانه موجودة تكون أمامنا

هذي في صفحة ١٣ الكلمات ممكن يجيبها الي توهم مع home والي ترهم مع house

وهسه ح انزل الكم الصفحات المهمة من الكتاب اطلعوا عليها خاف يجيب منها معاني مثلا او قطعة

يا جماعة المادة مو هوايه لا تخافون ترة الي كتبته فوك اغلبه توضيح ان شاء الله تجي سهلة الاسئلة

يا جماعة الإنشاء هذا في حال ما حدد هو الاستاذ ونصيحة مني انتوا ما راح تدبروها إذا حددنا بشي آخر احفظوا هذا ومن يجيب بالامتحان كولوله نكتب عن انفسنا بالعموم اخاف يحددكم بموضوع ما راح تعرفون تعبرون عنه ويصعب عليكم كلش

وللعلم الإنشاء هذا خليته عام علمود يرهم للبنات والشباب

هذا الإنشاء عام وبدون ذكر اسم يتكلم عن شخص من العراق ويسكن مدينة الفلوجة ويدرس اختصاص ادارة الأعمال في جامعة الفلوجة ومن هواياته قراءة الكتب ولعب كرة القدم في أوقات الفراغ وأكلته المفضلة هي الكباب ويحب قضاء وقته مع العائلة خصوصا ويأكلوها سوية وهو شخص يعمل بجد وشخص صدوق ودائما يحاول يطور من نفسه ويأمل ان يكون شخص ناجح في مجال ادارة الأعمال بالمستقبل

Hello dear, I’m from Iraq. and I live in Fallujah. I am a student of Business Administration at University of Fallujah. In my free time, I enjoy reading books and playing football. My favorite food is kebab, which I like to eat with my family. I am a hardworking and friendly person who always tries to improve myself. I hope to become a successful businessman in the future.

تكدرون تعتمدون هذا النموذج للإنشاء