ЁЗЁВОН ТУМАН ҲОКИМЛИГИ

Қоратепа МФЙда аҳоли мурожаати ўрганилди Туман ҳокими Дилшоджон Джалилов Қоратепа МФЙда бўлиб, масъуллар иштирокида аҳолининг тоза ичимлик суви таъминоти билан боғлиқ мурожаатини ўрганди. Мурожаат жойига чиққан ҳолда ўрганилиб, мавжуд муаммолар ва уларни бартараф этиш чоралари муҳокама қилинди. Туман ҳокими масъулларга аҳолини сифатли ва тоза ичимлик суви билан таъминлаш, аниқланган муаммоларни қисқа муддатларда бартараф этиш бўйича тегишли кўрсатма ва топшириқлар берди. Мазкур вазифаларнинг ижроси назоратга олинди.

#Ҳоким_ҳудуларда Канализация тармоғини тортиш ишлари ўрганилди Туман ҳокими Дилшоджон Джалилов Андижон кўчасида бўлиб, ҳудудда олиб борилаётган канализация тармоғини тортиш учун траншея қазиш ишлари билан танишди. Ташриф давомида амалга оширилаётган ишлар жараёни, сифат кўрсаткичлари ҳамда белгиланган лойиҳа талаблари муҳокама қилинди. Туман ҳокими масъулларга ишларни сифатли ва белгиланган муддатларда амалга ошириш, аҳолига ноқулайликларни камайтириш ҳамда ҳудудни обод ҳолатда сақлаш бўйича тегишли кўрсатмалар берди.

#Ҳоким_ҳудудларда Марказий спорт ўйингоҳида қурилиш ишлари ўрганилди Туман ҳокими Дилшоджон Джалилов тумандаги Марказий ўйингоҳида бўлиб, бириктирилган вакиллар ҳамда масъуллар иштирокида олиб борилаётган қурилиш ишлари билан танишди. Ташриф давомида спорт иншоотида амалга оширилаётган қурилиш ишларининг бориши, сифати ва белгиланган лойиҳа талабларига мувофиқлиги кўздан кечирилди. Туман ҳокими масъулларга қурилиш ишларини сифатли ташкил этиш, белгиланган муддатларга қатъий риоя қилиш ҳамда спортчилар ва аҳоли учун замонавий шароитлар яратиш бўйича тегишли кўрсатма ва тавсиялар берди.

#Ҳоким_ҳудудларда 38-мактабда замонавий IT марказ ташкил этилмоқда Туман ҳокими Дилшоджон Джалилов 38-сонли умумтаълим мактабида бўлиб, таълим муассасасида қурилаётган IT марказ билан танишди. Ташриф давомида IT марказнинг қурилиш жараёни, хоналарнинг жиҳозланиши ҳамда ўқувчилар учун яратиладиган шарт-шароитлар муҳокама қилинди. Туман ҳокими масъулларга марказни замонавий талаблар асосида ташкил этиш, ўқувчиларнинг ахборот технологияларини пухта ўзлаштириши учун зарур шароитларни яратиш бўйича ўз тавсияларини берди.

#Ҳоким_ҳудудларда Иттифоқ МФЙда ариқларни бетонлаштириш ишлари ўрганилди Туман ҳокими Дилшоджон Джалилов тумандаги оғир тоифага киритилган Иттифоқ МФЙда бўлиб, бириктирилган вакиллар ҳамда масъуллар иштирокида ҳудудда амалга оширилаётган ариқларни бетонлаштириш ишлари билан танишди. Ташриф давомида бажарилаётган ишлар сифати, ҳудуднинг ободонлиги ва ариқларнинг ҳолати кўздан кечирилди.

#Ҳоким_ҳудудларда А-373 йўлидаги айланма ҳаракат ҳудуди янгиланади Туман ҳокими Дилшоджон Джалилов А-373 автомобиль йўлидаги айланма ҳаракат ҳудудида бўлиб, мазкур жойни замонавий ва кўркам қиёфага келтириш бўйича амалга ошириладиган ишлар муҳокама қилинди. Учрашувда масъуллар, қурувчи ва лойиҳачилар билан биргаликда айланма ҳаракат ҳудудини ободонлаштириш, замонавий архитектура ечимларидан фойдаланиш, кўкаламзорлаштириш ҳамда тунги ёритиш тизимини яхшилаш масалалари кўриб чиқилди. Туман ҳокими ҳудуднинг туманга киришдаги муҳим нуқталардан бири эканини инобатга олиб, уни замонавий ва сайёҳлар ҳамда аҳолида яхши таассурот қолдирадиган кўринишга келтириш бўйича ўз тавсияларини берди.