أفيندَار

وِدي أغَافِل ليلهُم وأبْحُر وأذِب گلْبِي بشرِيعَة وِدي أبوْگَن جِسمي وأبْعِد وِدي أفُك بَاب السِنين السَودة وأشْرِد وِدي... لَچن ، شَدَو برجلِي جَرَس يّشهَد عَلَيه وبَس أشيلَن خطْوِتي النَاس تَگعِد .

لَو زُرْتَنا...

أسف وأَدرِي أخرْتَك عَلىٰ البَاب وأَدرِي أستَغرَبت عالشِفتَه بِيه أسف بَس گَبُل ماعَايّش أحسَاس سِچينَه وتِدگ بَاب الضَحيه ماأعرُف ، غَرَابة جيّتَك خَلتني محتَار دَمي بچَفَك وتِسأل عَليه وماأعرُف أجرْحَك لَو أدَاويك حِنين وثَاري گامَلك سويه .

لَك أَنا بِيه عَتَب لَو نِگعَد وينحِچي يوميّن مِنْ الدَمِع ماينشَف ردَانَك .

ولَو ماحَبيت أسَولِف عَن ضَياعي وشثِگلْها حچايَة الله وَيّاك يَم ذِيچ المَحطَات بودَاعي سَافَرِت بَس الجَنَط ماكَفَت دِموْعي ومِتاعي يَ أهلي بالغُرْبَه البَچي عَليكُم بَچيّ يَ أهلي لَو سَاعي البَرِيد يوصللكُم جَرْحي مو بَس الحَچي المَكتوْب مايشرَح ضُروْفي ومايوَصل غُرْبتي ورَچفَات خوْفي وسولَفِت للغُرْبَه عَنكِم ، الوَطَن أُم..قَاسية بلَايه مَحَنه والفُرَات ودِجلَة يَاما عَطّشَنه والعَلَم دَمْنه وشيبنَه وهدوْم أهلْنَا .

بخَير گِتلَك بِيها چِنِت أشَاقَه الخَير وَگَع للخَرِيف أورَاقَة لَا لِيه بِيها مِنْ الجَمَل لَا نَاقَة چَا حَرْبَك ألمَن أَنا أطُبَن بِيها ؟ يَا إِلهِي تِبعَدني أرِيدَك عَني هِنَّ الجُروْح البِيه كِلهِن مِني أَنا المسَودَن روْحِي ومعَذِبني معَذِبها روْحِي وأَنا المأذِيها .

وَحدِي عَايّش لَا شلوْنَك لَا هَلا أحمِد الله وَياي زَينَة العَائِلَة أَنا حَسبَالي الضُروف تجِيبْ نَاس ثَارِي يتبْخروْن بأوَل مُشكِلَة أَنا بَس ضَرْفي صَعَب مَاضَل صَديق ولَا حَبيب ولَا گرَابَة ولَا مِله طَحِت غَير أنْشَال ! وَين الچِفوْف العَبرِتهِن مَرْحلَة بصَف مَرْحلَة ؟

الحمدلله والشكر .

المُشكِلة ألْگالَك ذِكْر بِالرَايحَه وبِالجَايَّه .

رَبِع الطَفولَه شكِثر ؟ بَس هَل كِثر مَابُقوْا .

‏يا عَليّ بنَ الحُسَينِ يا زَينَ العابِدينَ يا بنَ رَسولِ الله يا حُجَّةَ الله عَلى خَلقِهِ يا سَيِّدَنا وَمَولانا ، إنَّا تَوَجَّهنا وَاستَشفَعنا وَتَوَسَّلنا بِكَ إِلى اللهِ وَقَدَّمناكَ بَينَ يَدَي حاجاتِنا، يا وَجيها عِندَ الله اشفَع لَنا عِندَ اللهِ.

بِعيوْني بَچيّ بِگَد الحَچي المَضْموم عند النَاس وبگَلْبِي حَچي بِگَد البَچيّ الرَاكِد بعَين النَاس .

وأجيّ لگلْبِي وأگوْل يِجوز بِيّ صوچ ونَظيّف ألگاه مِثِل گلْب الحَمامات ،