HUQUQIY YORDAM

Одил судлов - 2030 стратегияси Veb-sayt | Telegram | Facebook | Instagram | YouTube

Mustaqillik bayrami munosabati bilan necha kun dam olamiz? Oʻzbekiston Respublikasi Prezidentining 24.12.2025-yildagi PF-257-son Farmoniga asosan “31-avgust” qoʻshimcha dam olish kuni hisoblanadi. Shu sababli: 🔹5 ish kunida ishlovchilar 4 kun dam oladi: 29-avgust – (shanba) dam olish kuni; 30-avgust – (yakshanba) dam olish kuni; 31-avgust – (dushanba) qo'shimcha dam olish kuni; 1-sentabr – (seshanba) bayram; 🔹6 ish kunida ishlovchilar 3 kun dam oladi: 30-avgust – (yakshanba) dam olish kuni; 31-avgust – (dushanba) qo'shimcha dam olish kuni; 1-sentabr – (seshanba) bayram. 📌Adminga murojaat: @yurist_azamatovich Kanalga ulanish👇🏻 https://t.me/yuridikyordamuzz 🌐 Instagram | Telegram | Youtube

YURISTKADR жамоаси навбатдаги ютуқли иш хабарини эълон қилади! Биринчи инстанция суди мазкур иш бўйича киритилган даъво аризани рад қилиш тўғрисида ҳал қилув қарори қабул қилган эди. Ушбу иш бўйича ўтказилган суд мажлисларидаги ва қабул қилинган ҳал қилув қароридаги хато-камчиликларга алоҳида тўхталиб ўтишни истамайман. Барчаси ортда қолиб кетди, шукур! Фақат бундай мазмундаги хал қилув қарорини қабул қилиш орқали биринчи инстанция суди судьяси амалдаги фуқаролик процессуал қонунчилиги ҳамда меҳнат қонунчилиги, шунингдек Олий суд пленуми қарори талабларини очиқчасига бузган эди. Биз бундай ҳал қилув қароридан ниҳоятда таажубда қолиб, меҳнат қонунчилиги бўйича мутахассис сифатида раислик этувчидан қаттиқ ранжиган эдик. Ҳайрият, бугун Тошкент шаҳар фуқаролик ишлари бўйича судлов ҳайъати апелляция инстанцияси суди судьялари Хасанов Дилшод Розбаевич, Астанова Феруза Рахимжоновна ҳамда Хамраева Эльвира Дамировна томонидан мазкур фуқаролик иши юзасидан даъвогарларнинг даъво талабларини қисман қаноатлантириш ҳақидаги янги ҳал қилув қарори қабул қилинди. Ушбу ҳал қилув қарори билан даъвогарларни ишдан бўшатиш тўғрисидаги буйруқ ғайриқонуний деб топилиб, бекор қилинди, уларга моддий ва маънавий зиёнлар, шунингдек ишга тиклашнинг ўрнига қўшимча товон пуллари ундириб берилди. Ушбу ишнинг кўламини тушунишингиз учун озроқ статистика маълумотларини бериб ўтаман: Мазкур ишда 5 та даъвогарнинг 11 та даъво талаблари 1 та иш доирасида юритилди. Даъвогарларнинг ҳуқуқларини YURISTKADR адвокатлик фирмасидан Устозим Сайдали Мухторалиев, ёш ва муваффақиятли адвокатларимиздан бири Санжарбек Эшқулов ҳамда мен (Хумоюн Сойипов) ҳимоя қилдик. Ушбу иш юзасидан биринчи инстанция судида 9 та, апелляция инстанция судида 8 та, жами 17 та суд мажлиси бўлиб ўтди. Мазкур иш бўйича адвокатлар томонидан жами 200 вароқдан ортиқ ёзма ҳужжатлар (даъво аризаси, фикрнома, эътирознома ва илтимосномалар) тайёрланди. Даъвогарлар 8 ой деганда ишга тикланди. Мазкур иш бўйича суд мажлиси бошланиб қолган вақтда Сайдали Устоз Тошкент туманлараро иқтисодий судида, мен эса Каттақўрғон шаҳар ЖИБ судида бўлиб қолдик. Бугунги ғалаба байроғи адвокат Санжарбек Эшқуловнинг қўлида бўлди! Устозларимиз кўп маротаба айтиб келадиган: "ташқи таъсир билан қуйи инстанция судларида ишни ютиш аслида ғалаба эмас, балки юқори турувчи суддаги катта мағлубият" бўлиши яна бир бор ўз тасдиғини топди! YURISTKADR адвокатлик фирмаси адвокати Хумоюн Сойипов 👉 @yuristkadr

BOOOOOOM💣 8 oy deganda adolat qaror topdi. Alhamdulillah, yana bir katta ish oʻz nihoyasiga yetdi va yuzimiz yorugʻ boʻldi Toshkent shahar sudi apellatsiya instansiyasi sudlov hay’ati tomonidan bizga ishonch bildirgan da’vogarlar bilan tuzilgan mehnat shartnomasini bekor qilish toʻgʻrisidagi buyruq gʻayriqonuniy deb topilib, bekor qilindi, da’vogarlarning barchasiga moddiy va ma’naviy zararlar undirish belgilandi. Ma’lumot oʻrnida, bizga ishonch bildirgan da’vogarlar MK ning 161 moddasi, ikkinchi qism 2-bandiga asosan, ya’ni qisqarish sababli ular bilan gʻayriqonuniy ravishda mehnat shartnomasi bekor qilingan edi. Mazkur ish boʻyicha batafsil post kechroq yuboriladi. 📌Adminga murojaat: @yurist_azamatovich Kanalga ulanish👇🏻 https://t.me/yuridikyordamuzz 🌐 Instagram | Telegram | Youtube

#bilasizmi 2026 йил 1 сентябрдан: ➖меҳнатга ҳақ тўлашнинг энг кам миқдори (МҲТЭКМ) – ойига 1 360 000 сўм; ➖ базавий ҳисоблаш миқдори (БҲМ) – 440 000 сўм; 2026 йил 1 июлдан: ➖ пенсияни ҳисоблашнинг базавий миқдори – 504 000 сўм; ➖ ёшга доир энг кам пенсия миқдори – 983 000 сўм; ➖ ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 1 083 000 сўм; ➖ меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 1 083 000 сўм; ➖ белгиланган ёшга доир энг кам пенсия миқдоридан (983 000 сўмдан) 1 083 000 сўмгача пенсия олувчиларнинг ёшга доир пенсиялари – 1 083 000 сўм; ➖ зарур иш стажига эга бўлмаган кекса ёшдаги фуқароларга бериладиган нафақа – 878 000 сўм; ➖ иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 878 000 сўм; ➖минимал истеъмол харажатлари қиймати бир ойда киши бошига – 715 000 сўм. Telegram I Instagram I Youtube

Қайси меҳнат низоларида исботлаш мажбурияти иш берувчи зиммасида? 1. Муддатли меҳнат шартномасини тузишга доир низоларда – шартноманинг муддатли тузилиши асослилигини исботлаш иш берувчи зиммасида (МК 111-моддаси); 2. Ишга қабул қилишни рад этилиши билан боғлиқ низоларда ишга қабул қилиш қонуний рад этилганлигини исботлаш иш берувчи зиммасида (МК 120-моддаси); 3. Ходимнинг розилигисиз меҳнат шартларини ўзгартиришга доир низоларни аввалги меҳнат шартларини сақлаб қолиш имконсиз эканлигини исботлаш иш берувчида (МК 137-моддаси) 4. Ходимнинг иш берувчи билан бошқа жойга кўчиб ўтишни рад этганлиги билан боғлиқ низоларда ходимнинг ҳақиқатдан ҳам кўчишни рад қилганлигини исботлаш иш берувчида (МК 146-моддаси); 5. Ходимни ишдан четлаштиришга доир низоларда четлаштириш қонуний бўлганлигини исботлаш иш берувчи зиммасида (МК 154-моддаси); 6. Меҳнат шартномаси ғайриқонуний бекор қилинган ходимни ишга тиклашга оид низоларда жараённинг қонуний бўлганлигини исботлаш мажбурияти иш берувчида(МК 174-моддаси); 7. Икки ёшгача бўлган болани парвариш қилаётган ходимнинг бошқа ишга ўтказиш шарт бўлган вазиятларда, аксинча уни ўтказиш имкони бўлмаганлигини (бўш иш ўрни мавжуд бўлмаганлиги ёки ходимнинг ўзи таклифни рад қилганлигини) исботлаш иш берувчида (МК 395-моддаси). Ходим даъвогар бўлган бошқа меҳнат низоларида исботлаш мажбурияти икки тарафлама бўлади. Бу дегани, дастлаб ходим ўз даъвосини, кейин эса, иш берувчи ўз эътирозини исботлаб бериши керак. 👉@yuristkadr

BOOOOOOOM 💣 Fuqarolik ishlari boʻyicha Chirchiq tumanlararo sudi tomonidan menga ishonch bildirgan xodim foydasiga 2,8 mlrd soʻmdan oshiq summa undirilish belgilandi. Qoʻshimchasiga, tegishli davlat organlariga xususiy ajrim ham chiqariladigan boʻldi. …

Пойтахтдаги меҳнат низоларига ихтисослашган судьялар рўйҳати тасдиқланди. Дўстлар, Тошкент шаҳар фуқаролик судлари бўйича меҳнат низоларига ихтисослашган судьялар рўйҳати тасдиқланди. Улар жорий йил 1 августидан ўз фаолиятини бошлайди. Рўйҳат қуйидаги…

BOOOOOOOM 💣 Fuqarolik ishlari boʻyicha Chirchiq tumanlararo sudi tomonidan menga ishonch bildirgan xodim foydasiga 2,8 mlrd soʻmdan oshiq summa undirilish belgilandi. Qoʻshimchasiga, tegishli davlat organlariga xususiy ajrim ham chiqariladigan boʻldi. Bu boʻyicha kechroqqa qarab, batafsil post yozaman, ungacha reaksiyalarni bosib turinglar 📌Adminga murojaat: @yurist_azamatovich Kanalga ulanish👇🏻 https://t.me/yuridikyordamuzz 🌐 Instagram | Telegram | Youtube

Ishdan bo‘shasa, aliment to‘lash to‘xtaydimi? Oila kodeksiga ko‘ra, ishdan bo‘shash aliment to‘lash majburiyatini bekor qilmaydi. Agar aliment to‘lovchi ishlayotgan bo‘lsa, ish beruvchi uning ish haqi yoki boshqa daromadidan alimentni ushlab qoladi va uni 3 kun ichida aliment oluvchiga o‘tkazadi. Agar aliment to‘lovchi ishdan bo‘shasa-chi? Oila kodeksiga muvofiq: ✅ ish beruvchi 3 kun ichida mehnat shartnomasi bekor qilinganligi haqida davlat ijrochisi va aliment oluvchini xabardor qilishi shart; ✅ aliment to‘lovchining o‘zi ham yangi ish joyi, yashash joyi yoki boshqa daromadi haqida davlat ijrochisi va aliment oluvchini xabardor qilishi lozim. Ishsiz davr uchun aliment qanday hisoblanadi? Agar aliment to‘lovchi ishlamasa yoki daromadini tasdiqlovchi hujjatlarni taqdim etmasa, aliment qarzi O‘zbekiston Respublikasidagi o‘rtacha oylik ish haqi asosida hisoblanadi. Hozirgi kunda MIB aliment kalkulyatorida qo‘llanilayotgan o‘rtacha oylik ish haqi 7 437 251 so‘mni tashkil etadi. Shunga ko‘ra, ishlamaydigan shaxs uchun aliment miqdori quyidagicha hisoblanadi: 1 nafar bola uchun – 1 859 312,75 so‘m (ish haqining 1/4 qismi); 2 nafar bola uchun – 2 479 083,67 so‘m (ish haqining 1/3 qismi); 3 nafar va undan ortiq bolalar uchun – 3 718 625,50 so‘m (ish haqining 1/2 qismi).   "Ish topgunimcha kutib turing", degan gap aliment hisoblanishini to‘xtatmaydi. Ishsiz o‘tgan har bir oy uchun aliment qarzi yig‘ilib boradi. Agar aliment to‘lovchi keyinchalik ishga joylashsa, davlat ijrochisi yangi ish joyiga ijro hujjatini yuboradi va aliment yana ish haqidan ushlab qolinadi. Ishsizlik alimentdan ozod qilmaydi. Aksincha, ishlamagan davr uchun ham aliment qarzi qonunda belgilangan tartibda hisoblanadi va keyinchalik undiriladi.   📲 Telegram | Instagram | Veb-sayt

Пойтахтдаги меҳнат низоларига ихтисослашган судьялар рўйҳати тасдиқланди. Дўстлар, Тошкент шаҳар фуқаролик судлари бўйича меҳнат низоларига ихтисослашган судьялар рўйҳати тасдиқланди. Улар жорий йил 1 августидан ўз фаолиятини бошлайди. Рўйҳат қуйидаги судьялардан иборат: 1. Тошкент шаҳар фуқаролик ишлари бўйича судлов ҳайъатининг судьялари: ➖Касимов Ихтиёр Уралович; ➖Каюмов Хамиджон Журақулович; ➖Шаропов Жамшид Бурхонович; ➖Хамраева Эльвира Дамировна. 2. ФИБ Мирзо Улуғбек туманлараро суди судьялари: ➖Рахматов Аброр Алиевич; ➖Бобораимова Мавлуда Мирзакаримовна. 3. ФИБ Миробод туманлараро суди судьялари: ➖Хажиев Мақсуд Илхомович; ➖Ҳайитова Адиба Ғофуровна. 4. ФИБ Учтепа туманлараро суди судьялари: ➖Гадоев Бекзод Ишқобилович; ➖Ўтанбоева Лола Умирзоқовна. 5. ФИБ Шайхонтоҳур туманлараро суди судьялари: ➖Мамаюсупов Жасурбек Баходирович; ➖Мамараимова Гулрух Махмудовна. 6. ФИБ Яккасарой туманлараро суди судьялари: ➖Солиева Зиёдахон Комилжоновна; ➖Кенжаева Нигора Эсанбоевна. P/S: Муҳими, тажрибали, билимли ва қатъиятли судьялар танланибди. Худо ҳохласа, Тошкент шаҳар судида меҳнат ҳуқуқи борасида бошқаларга ўрнак бўлувчи ҳақиқий мактаб яратилади. 👉@yuristkadr

Нотўғри иш тутяпсиз! Кеча телефон орқали давлат ташкилотида ишлайдиган бир синглимиз мурожаат қилиб қолди. У ўтган жума куни ишга 5 соат кечикиб келибди. Ишхонадаги кадрлар хизмати ходимлари ва бошқалар бу бўйича акт тузишибдида, ундан ёзма тушунтириш хати сўрашибди. Кечга томон унга ҳолатни “прогул” деб баҳолашганини маълум қилишибди. Хуллас, уни “статья” билан ишдан бўшатишмоқчи экан. Муҳим жойига қаранг, ўша синглимиз ўз тушунтириш хатида фарзанди борадиган мактабгача таълим ташкилоти, яъни болалар боғчаси аномал иссиқ туфайли ёпилгани сабабли, 3,5 ёшли боласини ёлғиз ташлаб кетолмаганини ёзиб кўрсатибди. Бироқ, иш берувчи томони бу сабабни узрли деб қабул қилмабди. Аниқ биламан, ўша ташкилотнинг кадрлар хизмати ходимлари мени кузатади. Уларга айтар гапим, агарда, ходим билдирган сабаб ҳақиқатдан ҳам тасдиқланадиган бўлса, бу суд томонидан узрли сабаб деб баҳоланиши аниқ. Бундай вазиятда ходимни ишдан бўшатиш ғайриқонуний бўлади ва суд ходимни тиклайди. Маслаҳатим, шошяпсиз ва нотўғри иш тутяпсиз, ходимнинг узрли сабабини қабул қилинг ва ҳозирги бўшатишни тўхтатинг. Акс ҳолда, биз унинг ишини олишга ва сиз билан судлашишга мажбур бўламиз. Бу иш навбатдаги текин хизматларимиздан бири бўлади. Ҳозирги вазиятда ишнинг натижасига ишончимиз жуда юқори. 👉@yuristkadr

Тушунтириш хатига оид мана бу постга қўшимча. Дўстлар, тушунтириш хатига доир мана бу қоидага яна бир бор эътиборингизни қаратмоқчиман: МК 313-моддаси иккинчи қисми: “иш берувчи ходимдан интизомий жазо чораси қўлланилгунига қадар, шу жумладан агар интизомий қилмиш хизмат текшируви натижаларига кўра аниқланган бўлса, ёзма тушунтиришни талаб қилиши шарт”. Хизмат текширувига оид муҳим жойига аҳамият беринг, агар интизомий қилмиш хизмат текшируви натижасига кўра аниқланган бўлса ҳам иш берувчи ходимдан ёзма тушунтириш талаб қилиши шартлиги белгиланган бу ерда. Мана шу қоида хизмат текшируви чоғида хизмат текшируви комиссияси томонидан сўраладиган тушунтириш бошқа, иш берувчи томонидан интизомий жазо қўллашдан аввал сўраладиган тушунтириш бошқа нарса эканлигини 100 фоиз тасдиқлайди. Эътибор беринг, бу ерда МК 313-моддасидаги “хизмат текшируви натижаларига кўра аниқланган бўлса” деган жумлалар асосий ролни ўйнамоқда. Қаранг, хизмат текшируви комиссияси МК 310-моддасига асосан хизмат текшируви далолатномасини туздими, бўлди, хизмат текшируви тугалланган ҳисобланади. Хизмат текшируви комиссияси сўрайдиган тушунтириш хати эса ана шу далолатномагача яъни текширув натижасига қадар олинадиган ҳужжатдир. Текширув тугалланганидан кейин комиссиянинг текширувга доир барча ваколатлари тугайди. Яъни, комиссия далолатнома тузилганидан кейин ходимдан тушунтириш хати сўрай олмайди. МК 313-моддасидаги интизомий жазо қўллашдан аввал ходимдан сўраладиган тушунтириш эса “хизмат текшируви натижаларига кўра”, яъни хизмат текшируви тугаганидан сўнг айнан иш берувчи томонидан талаб қилинадиган ёзма ҳужжатдир. Тушуняпсиз-а? Хизмат текшируви тугаганидан сўнг! Оддий қилиб айтганда, хизмат текшируви комиссияси хизмат текшируви тугаллангунига қадар ходимдан тушунтириш хати сўраши мумкин ва бу ҳужжат комиссияга текширув якуни бўйича ўз хулосасини бериш учун зарур бўлади. Яъни, бу бошқа тушунтириш хати. Иш берувчи сўрайдиган тушунтириш хати эса, МК 313-моддасига асосан хизмат текшируви тугалланганидан кейин ходимга интизомий жазо қўллашдан аввал расмийлаштириладиган ҳужжатдир. Демак, хизмат текшируви комиссияси томонидан хизмат текшируви чоғида сўраладиган тушунтириш хати бошқа ҳужжат, иш берувчи томонидан хизмат текшируви тугаганидан сўнг талаб қилинадиган тушунтириш хати бошқа ҳужжатдир. Иш берувчиларга тавсия: ходимга хизмат текшируви натижаси бўйича интизомий жазо қўлламоқчисиз ва хизмат текшируви комиссияси ундан тушунтириш хати олган. Маслаҳатимиз, иш берувчи номидан ходимдан яна алоҳида тушунтириш хати талаб қилинсин ва шундан сўнг интизомий жазо қўллансин. 👉@yuristkadr

Фуқаролик кодекси 109-модда. Битимнинг оддий ёзма шаклига риоя қилмаслик оқибатлари Битимнинг оддий ёзма шаклига риоя қилмаслик унинг ҳақиқий эмаслигига олиб келмайди, бироқ низо чиққан тақдирда тарафларни битимнинг тузилганлигини, мазмунини ёки бажарилганлигини гувоҳларнинг кўрсатувлари билан тасдиқлаш ҳуқуқидан маҳрум қилади. Тарафлар битимнинг тузилганлигини, мазмуни ёки бажарилганлигини ёзма ёки бошқа далиллар билан тасдиқлашга ҳақлидирлар. Қонунда ёки тарафларнинг келишувида тўғридан-тўғри кўрсатилган ҳолларда битимнинг оддий ёзма шаклига риоя қилмаслик унинг ҳақиқий эмаслигига олиб келади. 📌Adminga murojaat: @yurist_azamatovich Kanalga ulanish👇🏻 https://t.me/yuridikyordamuzz 🌐 Instagram | Telegram | Youtube

Бундай кўргуликдан худо сақласин! Бир хил клиентларимиз бор, судлар ва дарслар билан бўлиб телефонини кўтаролмасак, кейинчалик гаплашганда шундай гапларни гапиришади: “телефонимизни кўтармаганизга нариги томон босим қилдимикан ёки сизни сотиб олдимикан деган ҳаёлга бордик”. Шу кунгача бундай бўлмаган, бундан кейин ҳам бўлмайди. Аслида бу кўргулик. Адвокатни бундай кўргуликдан худонинг ўзи сақласин! 👉@yuristkadr

Kadastr hujjatingizni tezroq qilib beramiz” desa – ishonmang! Agar kimdir sizga: ➡️ “O‘zboshimchalik bilan egallagan yer hujjatini tezlashtirib beramiz”; ➡️ “Pul bersangiz, hammasi hal bo‘ladi” desa — ularga ishonib, pul bermang! @u_generalissimus

Зўр янгилик: меҳнат низоларига ихтисослашган судьялар ташкил этилади! Олий суд матбуот котиби Азиз Абидовнинг хабар беришича, меҳнат низоларига ихтисослашган судьялар фаолиятини ташкил қилиш бўйича Олий суд раёсатининг тегишли қарори қабул қилинди. Ниҳоят орзуларимиз амалга ошмоқда дўстларим! Энди республиканинг асосий ҳудудларида меҳнат низоларини фақатгина ихтисослашган судьялар кўрадиган бўлади. Энди бу соҳада судларимизда амалиёт бирхиллашади, ҳеч ким ўз билганича қарор қабул қилмайди ва ўз-ўзидан ортиқча аралашувларга ҳам барҳам берилади. Оддий қилиб айтганда, бундан буёғига меҳнат ҳуқуқи соҳаси сифат жиҳатидан янги босқичга кўтарилади. Миллионлаб ишчи-ходимлар дардига бефарқ бўлмай, аксинча, уларнинг ҳақ-ҳуқуқлари борасида қатъиат кўрсатганлиги учун Олий суд раҳбариятига миннатдорчилик билдираман. Бу янгиликдан бошим кўкка етди, жуда ҳурсандман! 👉@yuristkadr

⚡️ ДАВЛАТ ХИЗМАТИГА КИРИШДА ЁШЛАР УЧУН ЯНГИ ҚОИДАЛАР Хабарингиз бор, эртага — 1 июлдан бошлаб ёшларни давлат фуқаролик хизматига қабул қилиш тизимида очиқлик ва шаффофликни таъминлашга қаратилган мутлақо янги қонунчилик талаблари кучга кирмоқда. 1️⃣ Суҳбат саволлари 1 ой олдин очиқланади. Эндиликда давлат органига ишга киришдаги танловнинг суҳбат босқичида тушадиган саволлар ташкилотнинг расмий сайтида камида 1 ой олдин эълон қилиниши шарт. ❌ Энг муҳими: бир ой олдин эълон қилинмаган (рўйхатда йўқ) саволларни номзодга бериш қатъиян тақиқланади! 2️⃣ Иш стажи сўралмайдиган лавозимлар "Тажрибанг йўқ" деб ёшларни қайтаришга чек қўйилмоқда. Ички танловлар ўтказилмайдиган ҳамда номзодлардан умумий ёки махсус иш стажи умуман талаб этилмайдиган лавозимларнинг махсус рўйхати тасдиқланади. 3️⃣ Стаж учун максимал чеклов — кўпи билан 2 йил Агар бирор лавозим учун барибир иш стажи талаб қилинса ҳам, бундан буён номзоддан кўпи билан 2 йиллик умумий ёки махсус иш стажи талаб қилиниши мумкин. Ундан ортиғини (масалан, 3-5 йиллик стаж) сўрашга йўл қўйилмайди. Бу нормалар, биринчи навбатда, "ишга кириш учун тажриба керак, тажриба орттириш учун эса иш керак" деган эски бюрократик парадоксга зарба беради. Қолаверса, суҳбат жараёнидаги турли субъектив баҳолашлар ва таниш-билишчиликнинг олдини олиш учун зўр фильтр бўлиб хизмат қилади. Давлат ишига киришни ният қилган ёшлар учун бу реал имконият. 👉@yuristkadr

⚡️ БУГУНДАН ИСЛОМИЙ БАНК ФАОЛИЯТИГА ЙЎЛ ОЧГАН ҚОНУН КУЧГА КИРДИ Бугун, 29 июнь куни Ўзбекистонда исломий банк фаолиятини жорий этишга қаратилган қонун кучга кирди. Энди мамлакатимизда исломий банк хизматларини кўрсатиш учун тўлиқ ҳуқуқий асос яратилди. Бугундан бошлаб тижорат банклари исломий банк фаолияти учун лицензия олиш мақсадида Марказий банкка ариза топширишлари мумкин. Қонунга мувофиқ, лицензия бериш ҳақидаги қарор 2 ой ичида қабул қилинади. ☝️Демак, энг мақбул сценарийга кўра, Мустақиллик байрами арафасида Ўзбекистонда биринчи исломий банк ўз фаолиятини бошлаши мумкин. 👍Каналга уланиш: @Bankxabar