ÄȞMÄĐ

Live stream finished (775 days)

Channel name was changed to «ÄȞMÄĐ»

Channel photo updated

Fact :

هوه طالب ملزم : لو ينام صبح و يدرس باليل 🤓 لو ينام بالليل و يدرس صبح 🙋‍♀️ إلا انتوا صبح تنامون و باليل تنامون

مِنِّي السّلامُ عليكُم يا مُنيَتِي عددَ النجومِ وكلِّ طَيرٍ في السَّمَا..

1:11

اليحبك مِن صدگ لو سهم يتلگاك شيلمه الگاع تصغر لمن تودعه اليصير مرايتك يندل حسرتك وين ويعرف وين بيك مچودرة الوجعة اليظفر حيرتك بچفوفه تلگه أعذار الحنينك بيه تطشر يگدر يجمعه اليطفى گبال وجهي انطي عُذر ينشاف ما خليت نسمة بخاطر الشمعة انا الضايگني يعرف طينتي مِن الهور بيه ملوحته وما بدلت طبعه واتلگه اليجيني منين ما يشتاگ اليُمر عابر عليّ مِن روحي ما اطلعه لعدوي وصاحبي تغبُش ضحكتي وياي اليجي سيف إعلى نحري أستحي وما ارجعه وأفرزن ريحتك مِن يا درب مريت اليجي مشتاگ ، يثگل والهوا يدفعه أختصر كِلشي واطول مِن اريد أنساك وأحِس كِل صُبح بارد وجهك يتبعه واشمك شمة المهضومة ع المكتول غريبة وبس تريد مِن الدمع فزعة وكِل مُغرب يُمر تترس شليلة عتاب وحچيها يضل أثر بچتاف اليشيعه وتنده كل گبر بيه حسرة ع الكتال ودمعها مِن التراب الغاطة يفرعه وتشرب كِل فجر يوصلها ما بيه طيف ويفز كِلشي حنين وياها مِن تنعه بروحك چم سِما وما غيمت وياي ! عليّ تزُخ عطش ومنشف السبعة أدورلي نفس بوجوه غرگانين كون بگد هواك وغيرك يزرعه المفارگ مبين عذره يمشي وياه الما بيه شوگ ، طافي العشگ بيه لمعة بگصايب يا حلم شديت روحك خيط ؟ خيطك مِن يُمر دخان ما اگطعه ثِگلت بروحي ، جثة وما لگت جناز وخيالك گُمت اشوفه منين ما اضيعه اليسافر للبچي ياخذ عيون متاع إعلى جفني ولام جاية مخيطة الدمعة اليفارگني شبر أبقى التفتله سنين واتاني بكِل جرح يا لچمة الترجعه انا مِن الحچي يبللني طاري الماي ويُمر إسمك وينشف خاطري بسرعة عليّ بُردت الدِنيا وبعده وجهك حار مشيت وبيه ضاگن صدري والوسعة - علي رشم