احمد الريح "زحزحة"

8739654 احمدالريح حمدالنيل

‏مقطع صوتي من احمدالريح زحزحه

ياحلوة زي صوت الكمان ممكن ادخل ابوك هنا وامك كمان على شرط بس ماتزعلى وتديني ياسومه الأمان سر الختام بيك ياهنايا وكوثر حياتي معاك ضمان فاهماني صاح ياخ انت مافيك فد غلط حتى الغلط فيك عندي صاح وانا قلبي صاح انا لسه في حبة وعي ووالله خايف افارق الوعي والنصاح مابين عيونك والشفاه في قليب تسو دقاتو آه في القامه تاه في المشيه تاه في الخصلة تاه ياسوما بهديك الوداد ومابوفي شي فيك المداد.. دي حلاة شنو وده جمال منو معقولة يابت اقتصاد عينيك دي بنك التنميه عينيك تمول كل بنوك هذي البلاد بت الأراك ممكن أراك قاعدة بي توب الزفاف وانا ماشمال من خوفي قدامك وراك اصلو البراك يوم صورك خلقك براك بت هندسه وبت صيدلة وبت طب وقانون تربية وياسمين سعاد ديل كلهن مابلحقن بت إقتصاد أنا شوقي زاد والحمه خشت في العضام أبقيلي ياخ ترياق وزاد ياوردة هداني السهاد أعمل شنو امشي واكورك في الشوارع في الربا وكل الوهاد تبقى العروس بت إقتصاد سويلي بين نهديك مهاد إستغفر الله العظيم ياالله جنيت شوفلي هاد أنا لسه زي طفلا صغير من غير حنانك لاهجس لاشاف رقاد .. بت اقتصاد عينيك دي بتذكرني الحصاد ياخ بي حلاتك دي إذا كنت المديرة في اي دولة انا مقتنع حيكون اكيد مافيش كساد السين سواد عينيك وماأحلى السواد الميم مربعة قاعدة في جوه الفؤاد الياء يراعي ويقظتي ونومي البفارق بي السهاد الهاء هويتك واحتويتك واصطفيتك واشتهيتك أحييي بس لو تبقي لي أم الولاد

(سرطان الثدي).. .. السمحة زي ظبي الجدي سحروها بس وادوها عين قام جاها سرطان الثدِي لكنها مااتضجرت اتعوذنت واتحوقلت واتعايشت بي قليب رضي دكتور وقرآن وايقنت انو العلاج ياهو وكدي .. والعين هي حق يوم صادفت عود طقه طق خلِّي الجسد فيها العجب فيها الحسد جد مؤلمه بس لما تتطور أكيد لابد من طب يحسما ونرضى بالرب قاسما واي عله الحمد لله بالوعي بنلاقي جرعة بلسما واصلو العلاج في الامتثال للجاية من رب السما وعمرو المرض ماكان هو عيب والعافية في ايدنا وقلوبنا بترسما وانا زولتي نعمة ومن كريم بي رغم سرطان الثدي متفائلة عايشة وباسِمه وبعدالله عافاها الطبيب والفاتحة والإخلاص وسورة البقرة كانت حاسما .. زحزحة

(إما النار إما سميه) .. انا شفت بنات كميه جوه السودان بره السودان أضرب الفين في ميه بت هندسه طب بت صيدله تربيه بت قانون لكنو جمالك جد مافيش معدوم معدوم ياسميه والرايدك يوم مادق عليا من نبرة جرسو من خمة نفسو أنا اتأكدت في حب زي قيس وجميل مليون في الميه .. ده شنو ده يابنيه؟! ده جمال ايه شفاه عربيه عيون هنديه قوام لومال يميل القلب يمين ويقعد يقعد قلبي مكانو وبدل النبضه يدق حنيه انا غايتو كتبت الا الزول لوشافك فعلا يقول قصرت ده كلو شويه خليني ألمح والعاقل يفهم من تلميحي الجمله المعنيه الفيصل انك فيصل يرجع حكم الدوله العباسيه الامويه التركيه الأيوبيه بحلف ياسميه انو حلاتك بيها تصير أفعال الجُمل الكان إسميه صورتك في جواي انا حيه منادي هواك النادى وحيا تهواك الأربعة قلبي ونفسي وعقلي وروحي الميته وحيه انا قلت الروب دايراني أقول يابت أحيا؟! النفس الطالع يحكي سميه القلب النابض نبضو سميه الروح الداخله ومارقه سميه البيت الشارع عقلي الوطن الحلة الشفا والعله تمامة المله سميه .. يابت ده شنو ده ده وانت شنو هل انسيه ام جنيه ام حوريه بيزنطيه اسبانيا سحر الكوره الالمانيه نفس الصوره اليوسفيه أنا احترت وصاحبي اختار بي صفه رسميه صارمه وحسميه بي كل جوارحو الروحانيه والجسميه إما النار إما سميه .. زحزحة

السمحة زي ظبي الجدي سحروها بس وادوها عين قام جاها سرطان الثدي لكنها مااتضجرت اتعوذنت واتحوقلت واتعايشت بي قليب رضي دكتور وقرآن وايقنت انو العلاج ياهو وكدي .. والعين هي حق يوم صادفت عود طق طق خلي الجسد فيها العجب فيها الحسد بس لما تتطور أكيد لابد من طب يحسما ونرضى بالرب قاسما واي علة الحمد لله بالوعي بنلاقي جرعة بلسما واصلو العلاج في الامتثال للجاية من رب السما وعمرو المرض ماكان هو عيب والعافية في ايدنا وعيوننا بترسما وانا زولتي نعمة ومن كريم بي رغم سرطان الثدي متفائلة عايشة وباسمه وبعد الله عافاها الطبيب والفاتحة والإخلاص وسورة البقرة كانت حاسما

‏مقطع صوتي من احمدالريح زحزحه

(ليلة المعراج) .. كل الليالي ليلة المعراجِ فاكرم بها ماشئتَ من محتاجِ هي ليلةٌ بحرٌ وخُصَّ بها الذي لو غاص غيرُه راح في الأمواجِ قلبي أسيرك جزتَ ماأعيا الورَىٰ ونزلتَ بالصلواتِ والمنهاجِ بل جزتَ ماجبريلُ دونه لم يزل من إحتراقٍ في اْفتراق راجِ وكليمُه بل روحُه وخليلُه والمرسلون لصاحب الديباجِ إن رمتَ رضوانَ الإلهِ وحبه صلِّ على من فاق سَيْدَ التاج ِ ربي بها وبفضلها أمي أبي أختي أخي والخِلُّ ابن الناجي ربي بها وبفضلها وطني أمانٌ شامخٌ بل قبلة الأفواجِ وكذا بها محمودُ والريحاني في في زمرة الآباءِ والحجاجِ هي عشرةٌ صلِّ على طه بها والآلِ والأصحابِ والنُّهاجِ .. احمدالريح الشيخ حمدالنيل(زحزحة)

لي خاطري مين جابر بعرفني ود عمي ممكون وماصابر ضحك الزمن فيني وانا ماشي زي عابر المال بغذي الحب لكني ماخابر وانا من صباي فقران عاشق جميل تابر رغم البعاد والبين لكن انا مكابر قصة غرام طالت مابتكتبا محابر حلوه ونهايتا مر كانت زمن غابر بيني وحبيبة الروح هجيت سنين عابر الا النهاية فراق ممكون وماصابر .. زحزحة الى حمدالنيل

(مرثية ست الجيل) عبدالباقي بعدك ليل بكاهُ طويل يالعمه الحنونه الدافقه زي النيل ياأم هشام يالعارفه بالتنزيل يابت العوض يالطاهره ست الجيل .. هسع يعني يالعمه المشمره فتي وانت الكتي وانت الكتي وانت الكتي استغفارك الماسكاه لامن متي ست الجيل وست البعدو والقبليو وستي وستي .. أم هيثم رحيلك هز عبدالباقي والزيك وكت يرحل فعاد شن باقي صلواتك على المن حوضو كوثرو ساقي بتصليها من الفجر لامن يلاقي .. فوقك عفه لامن فتي للسبعين عفة عائِشة وخولة وكمال في الدين عبدالباقي فاقدك وشوفي نصر الدين وانت فقد عموم لي أهلك الزينين .. زيك مافي نادر في المثيل والعينه والفاجعني موتك يالبشوشه ولينه بعدك تاني لافي حنان ولافي حِنينه يالربيتي صاح يبكيك هشام وبثينه .. محمد حسبك الله الموت إراده وحق وعبدالباقي عندك في بكاك الحق المرق الأصيل في الآخره مابنشق والصلاة والسلام يرضاها رب الحق .. أحمدالريح زحزحة الى الاخ عبدالباقي ٢٧/٤/٢٠٢٥الأحد

من ليس يقرن بالشهادة إسمَه مستغفَلٌ وكأنه لايشهدُ لي من نصيبك رحمةٌ هي أنني ياسيدَ السادات إسمي أحمدُ فبحقه كن نصرتي ومؤيدي وشفاعتي لمَّا يحينُ الموعدُ صلى عليك اللهُ والأملاكُ يا سندي  أنا مِن منشديكم منشدُ ثم السلام وآل بيتك كلهم والمغتفين ومن على الدرب مضوا (أحمدالريح العليش..زحزحة) روحي طاهرة وطيبة وجسمي بيك مغسول في إنتظارك سيدي زورني يالمرسول .. حارت العقول ياإ له الكونِ ماذا عنو أقول حسنو ما معقول وصفوهُ ولكن ما صدق منقول .. اللهيج معسول صهله سهله ومشيتو مااعتراها كسول في المعارك يصول يمشي يغصف نعلو يرعى وهو رسول .. القوام معدول لم يدانو الرسلِ ولم يكونوا عدول الشعر مسدول فاق جمالو البدرِ وغير صفاو مبدول .. مابصيبني عزول في هواهُ صعدت و ما في تاني نزول الكريم وبَذول حبو لامتناهي و عني مابيزول .. رعشتي بتزول والدوار والصكة لو نزلت نزول صدري ليه منزول وانت راحتو ونفَسو وزيهو المغزول .. شعره المسبول لو سبيبة تزورني ببقى مامخبول دقوا طار وطبول امدحوهُ الفاق يوسف المقبول .. أحمد المعزول عاشقك الريحاني بالسقم مهزول كيف يعيش مخزول وانت دخرو وفخرو وعمرو ليك مبزول .. الصلاة من زول لاهو صام لاحجَّ ولاصدق في القول والسلام مشمول بيها ترضَى وتمضَى وتَقضى عنو حمول .. احمدالريح زحزحة

وفي دنياي رتعت وضيعت الشباب يارسول اللهِ لو تفتحلي باب ادخل بيهو ليكا وانجا من العذاب .. من شر المفاتن بيك يالخير بلوز أضنتني الطلاسم واعيتني الرموز غاراني الدَنِيَّة باالجاه والكنوز بالصديق سألتك دنيا ودين أفوز .. سهران بالمحبة وعازلي النام خَلِـي والنيران لهيبا ملالي الجوف ملي بي جاه كل مرسل صِدِّيق أو ولي رحماك زورني ساءلك بالكرار علي .. بالعزاك وعز الدين قول الهمام بالفاروق وعمك خبار اللطام ال البيت جميع من صار بيهم إمام بالجيلان أشوفك يابدر التمام .. الحُجاج عنوكا وطافوا بالمقام وانا باكي شاكي ومانعاني السقام فقري ثم فقري والحال مااستقام قاعد فوق لظايا وغيري إرتاح وقام .. ياحبيب مولاكا ياسيد الجميع لو اموت في حبك انا طائع سميع بالهداة أصحابك في جاهك وقيع واحسرة شبابي المازرت البقيع .. من سوح طيبة لاح لي برقا لمع فات الحد هيامي ودماعي الدمع إبن الفارض إلا البي إجتمع لاشاف زيو شايف في الناس لاسَمَع .. ياالنسام سألتك بالمرسي الخبير لو تجود تجيب لي من عرفو العبير لاشاغلاني ليلى ولامي لاعبير شوف أعضاي نَحَالا وقلبي  الماش كبير .. صلوات بالألوف ليك والتسليم كذا للأجساد تَصُوبِن وللأرواح غِذا لو تغشاك وترضى فيانعم الجزا يسلم بيها يشفى الرَّيحان من أزَا .. احمدالريح العليش (زحزحة) خُصَّ بالمثاني سيدي النبي العدناني سيدي باالعظيم الشان واحد مالو تاني لامثيل يداني القريب الداني .. بثني بالعدناني رحمة الأكواني من ظلام نجاني قول شفيع الجاني .. يوم وضوعو اضاءت للعيون وتراءت قدرة الله الشاءت آسيا ومريم جاءت .. الخيال وداني والحنين شداني راحة الأبداني مافي قدر يداني .. اللبيب الأمي قبل ابويا وأمي بيهو راحة همي حبو روحي ودمي .. معجزاتو الجمه لاعدد لا كمــا يكفي أنه تمَّ العرج والأَمـــا .. صحبه الشجعان خلدوا المعاني قول الثاني إثناني الفاروق علي وعثماني .. البريق أعياني أماتني ماأحياني خلى ليا كياني ياني عاشقك ياني .. البريق شغلوبه نارو فيها رطوبه ياالله عفوك توبه أعدل المقلوبه .. ناظم الأوزان احمدالريحاني بيك متيم فاني داير اشوفك تاني .. الصلاة الأنسية بالجمال مكسية بيها تمحو السيه وتصلح النفسيه ... احمدالريح العليش(زحزحة) المدحة اتقنا فوق سيد أبوي أنا قول ياالراوي الرسول هنا .. أبداها باللطيف في الكامل الشريف رددها لاتقيف سلسل وثم ضيف .. مختون وضع سليم فاق عيسى والكليم الأنور الحليم ياالله بيهو ليم .. الجانا باالفرج بيهو الظلام خرج أصلحنا من حرج الأسرى والعرج .. النبي الزملو بالعصمة كملو فوق يوسف جملو وبي سرالسر ملو .. المدحة أسبكا احكمها وأشبكا املاها بالبكا يقبلها ربُّك .. أسجعها واتزن صلصلها في الوزن أرويها بالإذن تفرح الحزن .. الريح المدح بي حبكم صدح كسلان وماكدح املوا له القدح صلاة وسلام على القدرو فــوق علا ياالله   تقبلا وترفع البـلا... ... زحزحة خَير الانام حِلمك عليْ لو في المنام لوَّحت ليْ .. رحمن رحيم قيوم وحي والكل بهِ قائم وحي نادَىٰ منادي ليلَىٰ حي وانا في الرسول ميت وحي .. اعضاي شواها غرامو شَي غير الجسد مافيني شَي لو ياقمر طليت عُشَي كان روحي عادت لي حُشَي .. يرضيك أعيش مرضان شُكَي وطبيبي عالم بالحُكَي انا جرحي مابداويهو كَي غير ماأشوفك انتَ كَي .. لو متلي صاح فاجر خُطَي في سعيو ماهرول بُطَي شوف الفَقُر طاويني طَي يالمابدانيك إبن طَـــــــي .. كيف الوصول ليك ياعُلَي ياأبيض اللون ياجُلَي هل يرتضيك حالي العلَي وخلقوني ليك خلقوكا لي .. جِبت الجناس وسجعت خَي في اللين المافظ رُخَي تصغيري تدليل ياأُخي فلعلو يكرمني السُّخَي .. هم قالوا شاغلني الظُبَي وافكاري فيك انا من صِبَي حسان وكِت صعد الرُبٕي شافك صدح ده الجاري بَي .. عطشان ومابترويني مَي غير ماأراك الجوف ظُمَي أبكم واصم واطرش عُمَي فارقت لبني.. سعاد ومي .. أصحابك إن دارت رُحَي الموت يقابلوهو الضُحَي نشروا السلام ماخلوا حي عالين جبين ضاوين محي .. صليت عليك مانادَى حي ياالجزت فوق صاحب الوُحَي تسليم من الريحاني حَــي كتلوا الغرام كيف لسه حَـي.. .. احمدالريح العليش(زحزحة) الجمعة9/7/2021/ 💫(المولدُ)           جاء الهنا جاء المنى والمولدُ فافرح   بمن   كمثيله لايولدُ مرحا بمولده الكريم وسعد مَن به يستفيض ويستجيش ويسعدُ هو أبيضٌ كالشمس بل أصفا سناً كالبِيض في تلصافها بل أبيضُ ختم النبوةَ والرسالةَ مرشدٌ مامثله  بين الخليقةِ  مرشدُ ميلادُه     للعالمين    بشارةٌ دقوا له دفَّ المدائح وانشِدوا لازاد للأرواح مثل مديحِه يابخت من بمديحه قد زُوِّدوا فبفضله غُفرت لآدمَ ذِلةٌ ورست بنوحٍ والخلائقُ تحمدُ ونجا الخليلُ لأجله من نارهم وهو الحبيبُ المصطفى ومحمدُ قل   للبرية   كلها    مذ آدمٍ مَن حُوِّروا مَن نُصِّروا من هُوِّدوا والجنُّ والأملاكُ في عليائه والمرسلون جميعهم والشُّهَّدُ اللهُ  دون  محمد  لايرتضي واللهُ  غير  محمد  لايُعبدُ

.. بالصِّديق فَــداك بــي روحو صاحْب الغارِى والفاروق أعَــــزَّ الديــن وصــاح (ياسارِي ) ذوالنورين هُوْ نِعم التالــــــي نِعم القاري وسيد الحكمة.. سيد السيف علــي الكرارِ .. يامولايا آه انا مارميــــــــت وبَــذَرْتَ ماعاينتَ بيتك وللمدينــــــه نظــــرتَ مالميت حَــقَــبْتَ وقمــتَ واتــوازرتَ مالبِّــيت نِــداك ماطــــفتَ مكة وزرتَ .. يامولايْ أزتْــني العِلَّه فــــــوق العِلَّه وظرفي الماسَمَح بالشوفه ساي والطله روحي مشحتفــــة وقيدي اللِّي ماإِنحله للمغوارْ.. أريــــد أسد النبي وأسد الله .. جبتي الشامي جبتي الصيني جبتي الهندي طربانين وجبتي القاضــــــي جبتي الجندي وانا ياطيبه غير فيــــض الدموع شِن عندي يامــولايْ أشــــــــد الحيل وأَكرُب زِنْــدِي .. نَــسَّامك يفوح ياطيبــــه آه من بِينــي وبرقك لَيْ يلوح ســــَهَّد قليبي وعيني إلاَّ الفاقَــــه واقفة تمَلِّي بينك وبينــي يامولايــا فِك إيــدَيْ  أســدد ديــــني .. الصلاة والسلام توصل تقيف في  بابــو ترِضي الآل وترضي التابعيــن  واْصحابو الريــحانْ يفــوز بيها ويصــــفِّي حسابو (كابوشرا والعــِبِيد والتوم)تعلِّي جنابــو .. نظم/احمدالريح العليش( زحزحة) (سيف الله المسلول خالد) .. رضوان الله ياخالـد يغشاكَ وذكـرك خالد .. بالنعمة بقــــــر ماجاحد رافع كفيَّ وشاحـــــــد اللهْ   الفرد   الواحـــد لايفضل كافـــــر واحـد .. ثنيت بالنبْي الطاهـــــــر ذو الوجه الكا الشَم ظاهر النور الماحي الباهر والخلفا بشاشي واجاهر .. قول بالصديق إرتحت وثم الفاروق أفلحت بي ذي النورينِ ربحت وكرار شاشيت ونجـحت .. ال بيتو وكل أصحابو ثم التابعيــــن أحبابو الجيلي بقيف في بابو الباز العالي جنابــــــو .. أنظم في الشانو معلَّى البيهو الإسلام إتعلَّى العـــزَّ الدين والمله قول خالد ياسيف الله .. أقرا التاريــــخ الشاهــد محفوظة سِيَر ومَشاهد صادق في ماهُوْ معاهد والعمر أفناهو مجاهـــد .. القطْ ماخاب نيشانو الكفر هـــدم حيشانو قال الفاروق في شانو أبكن يا نسوة عشانو .. سيف الله المانام طرفو السيل الكاسح جرفو الدِمي ساعات ينكرفو بيهو الفرسان بعترفو .. من قام ماخاب في محاصة والنبي تماهــــــــو فراسة حنكة وتكتيــــك ودراسة هدم الأصـــــــنامِ وداسه .. من قام ماخاب في رمايه والنبي تماهو عنايــــــــه سيف الله الواضح آيـــه مين متلو الــشال لَهُ راية .. سيف الله الباقي وخالد في عزو ومجدو التالد لا أم بتجـــــود لا والد مـــعدوم متلك ياخالد .. رضوانُ اللهِ علَيكَ والدينُ يحنُّ إليكَ كل الأبطالِ لديكَ ماجادت مثل يديكَ .. بي خالد قول جد لينا يارب نصرك جود لينا الرَّحَـا إن دارت بيــنا نغنم ماتبقــى عليــنا .. هب يانسام جيب عرفو من قام الخوف ماعرفو العرب المابنصَـــــــرفو والشام والروم بتعرفـو .. صلَّى الريحاني وسلَّم للشاهد ربو وكلــــــم الداس الحجب وسلم وتدلى وأرشد وعلَّــم .. احمدالريح العليش(زحزحة) اللهم صلِّ على سيدنا محمد وعلى آله وصحبه وسلم ⚡⚡ عَين الكمالِ عن يميني  وعن شمالي       ياالمصطفى .. ياخالِق الروح ذو الجلالِ أدعوكَ فاْصلحنــي وآلي ضوِّي بعد العتمة حالي واذوق شراباً كاسو حالي          باالمصطفى .. النَّورتْ بيهو الليالي يوم وضوعو الكون يلالي جاءَ مختون في إعتدالِ أصفَى من لَصف اللآلي .. قبل آدم في الخوالي فاقْ كليم الله (كذالي) عيسى بل نوح لاأُغالي والخليل القدرو عالي .. حُسْنِ يوسف من جمالو قلبي ليهو الشـوق أمالو أثرو مابان في رمـــالو نُور....وربنا زاد كـــــمالو .. ببكي من الفرقه حَتَّىٰ مافضل من دمعي حِته ثمرو شايل فرعو حَتَّ أَمَّ إدريس وابن مَتَّىٰ .. صحبهُ القُر الفدوهـــــو بي نفوسم وأيدوهـــــو حصنهم بيو شيدوهــــو وجرَّعوا الخزلان عدوهو .. الأربعة الخلفوهو أَمُّو وكلهم كالبـــــدرِ تمو ثم جيب أسدالله عمو والهُداة الحولو هَمــو .. البريق شقاني شقَّــه وقلبي لي لقياهو دقَّ غنَّى حنَّ ولآن ورقَّ واللهيب في جوفي بقَّ .. الصلاة الكاملة العجيبه ديمة بالتسليم بجيبــا احمدالريحان يطيبـــــا وبيك يصير داني وقريبا          يالمصطفى .. احمد الريح العليش(زحزحة) الساكنين فؤادي .. الساكنين فؤادي وللعين غائِبين ياحبيب اللهِ رؤياكم متين .. ياكريم ياباري تواب يامعين يالطيف اياكَ نعبد ونستعين أخواني وصحبي وقُرَنَاي اجمعين تحفظني وجنايا من كيد اللعيـن .. قول يافمي وأصدح جيب دراً ثمين في المليح الأنور خاتم المرسلين الرؤوف الصادق والهادي الأمين الشفيع الخاتم والماحي الضمين .. الحنين علمني أقوم من نومي تاب

غَيْــرهُ حاشــــا.............مالَــنا وَطَــــــــــنُ إنَّــما الصُّـــــــــوفي مَــنْ صَــــــفَا قَلْــــــباً فَسَمَــــــــــتْ فيــهِ الــروحُ والبَــــــــــــدَنُ .. ياإلــهـــــــــــــــي ياإلهــاً لاشَــرِيــكَ لَــــهُ سَــبَّحَ الرعـــــــدُ والطــيــــــــرُ والفَنَــــــنُ لاتَكِلْــنَا سَــــــــــــــــــوَى لِمُــؤتَــمَــــــنٍ يــَعْرِفُ الحَــــــــــــــــقَّ حِيــنَ يُــؤْتَمَــــــنُ وَبِــجَاهِ (الأَعْــــــــــــــــــــراكِ )سادَتِــــــنَا مَــــنْ بِفَــــضــْلِكَ أَسَّــسُـــــــوا وبَــــنُــــوا المُكْـــرَمُــونَ أنْــجَــــــالُ فاطِــــــــمَــــةٍ خَيــر مَــــنْ تــرســو بِبَــرِّهــِــمْ سُــفُــــنُ المُخْلَــصُـونَ إلــى الحُسَيْــــــــن..ِ.. يَــــدٌ كَفَــضْــلِْها قَـــط لــم تَــسْمَـــــــــــع الأُذُنُ رَبِّـــــي فاسْتُــرْنا فــي الحيــــــــاةِ وفــي نــزعــــــةِ الــروحِ وسِـــتْرُكَ الكَـــفَــــــنُ .. ماالحِــجَــــــــازُ  بُــرُوقُــــها    بَــــرَقَــتْ والعِـــــراقُ  ومِــــصْــــــــرُ واليَــــــــمَنُ ماتَــلَــقَّاهــا ثَـائِـــــــرٌ  وَمَــــــضَـــــــى لــِفِدَا الحَقِّ...... رُوحُــــــــــــهُ ثَــمَــــــنُ صَــلِّ ياربِّــي والســـــــــــــــلامُ عَــــلَى مَــن بِــهِ النَّــاسُ كافَّــــــــــةً أَمِــنُــــــوا قُــلْ صَــــــلاةً لاعِـــــــــــــــــدادَ لَــها لايــسعــها المَــــــكان ُ والــزمَـــــــــــنُ يَسْــتَــنِي يابلابل الدوح أصدحــــي فوق طه سيدي وأمدحى وعلى الحبايـب روِّحــي .. بي مرسل الروح الوحِــي ياآية الحــــــــق لوِّحــي الداحي للأرضيــن دحِــي أصلِك ملاقياو فاكدحــــي .. بالإسمــو مقرون أفــرحي سوقي المدايح وامرحــي في حبو هيمــي وأسرحي عــن بابو قــط لاتبرحــي .. لولاهو شي لم يربحي والظلمة كان لم تصبحي ميلادو قال لها أسبحــي في النور وصلي وسبحي .. من خُلقو خُلقِك ســَمِّحي الدينو حاشــاو ينمحــي ياعينــــي لما تلمحــــي أقري السلام واستسمحي .. يانسمة عاشقك بوِّحــي بي عُرْفو جودي وفوِّحي بكِّي العشوق كدي نوِّحي خليهو هايم وســــوِّحي .. للسلم ميلي وأجنحــي وريش المعارك جنحــي لو ليهو عمــرك تمنحــي زي ناس عُكاشه بتنجحي .. كالخلفا بابك افتحــــي وقول للجراح لاتنتحــي صِدِّيق حياو متلو استحي وشرب النبوةِ كنتحــــي .. فاروق إمام الكُــــــــدَّحي صَحِّي الضمير في الصُدَّحي جيبي الملايكــــة بتستحي وعلي من علومو استفتحي .. صلوات عليك بالواضحي ماصلى سلم مادحــــي الريَّح أمرو توضحــي وفي سترتك لاتفضحــي .. نظم/احمدالريح العليش( زحزحة) (مدينــة الخِيــر) ⚡⚡ ويــن ياناس مدينــــة الخــــير وين ياناس أنا كان قُمــتَ أخيــر .. باللهِ بديــت  مشتاق حنيــــــت يارب البيت   أجِد السيــــــــــر .. بالنبي ثنيت    ومدحت رَوِيــــت ياريت ياريت   من قَبْلِ نِكيــــــر .. الشوق الشوق  وحنيــن النــوق بطير بي فوق   وبحاكي الطيــــر .. لمتين لمتيــن   أضناني البيــــن ياقاســم دين   دفعوهو الغِيــــر .. بي بيتو أطوف   والروضة أشوف أواهْ ياظــروف    مافيكِ الخيــــر .. عليَّ نُــــذور    أصحــــابو أزور الساس وجزور  النور والنِيــــــر .. شاغلي المفزور   ماعندي بذور قول ليْ معذور   كإبنِ زُهِيــــر .. لِي صاحب الغار   فاروق القــــار عثمان القــــار    ولِي إبنِ عُمِيــر .. واللهِ وقيــــــع     مازرتَ بقيــــع في حر  وصقيع     نيــران وهجيــر .. أسدالله حنيــن    أشواق وأنيــــن ضيعــتَ سنين    (في لايك وشِيــــر) .. ياست النــــــاس     وينو العــباس بي حمزة الساس     مجنون كَكُثِيــــر .. ياطيبــة هــواك    ماكان لسواك طال بيَّ نـــواك    ياصباح الخيــر .. نسَّامِك فــــاح     نور بــرقك لاح الريـَّـح صــاح      ياأهل الخيــــر .. صلوات وســلام   على خَيرِ إمام ماهائم هــــام    بمدينة الخيــــر .. نظم/احمدالريح العليش( زحزحة) يامولايــــــا آه من طَيبــــه من الباهره طاهره وطيبــــه            يامولايْ .. يامــــــولايا ببدابك رنيــن اوزانــي يامولايا بشكيــــــلك بكايْ واْحزاني من شوق طيبه قاسي عليَّ حر نيراني أكرِم عيــنِي بيها أنا الفقيــر الجاني .. ثــنِّيت بالأميــــــن المصطفى العدنانــي سيدي وسيد جناي راحتي وضراي وأماني يامــــــــــــــولايا بيهو تتــم ليَّ أماني ماتشغلني ليلــــى ولبنى مَــــي وأماني

بُشْــــرَى يارحــمن وصْــلَهُ نْضُــــوقو نروِي زي حَــسَّان مادْحــو مــــصدوقــو أفضــل الإنســــان بَلْ ومَــخَلُــــوقــــو .. يوم وُضُــوعو الكون ضَــوَّا بِشْــرُوقــو   دايْــر أَوَصــِّفو كيــف إنتو بس رُوقُــو يوسف الصِّــديق مــــِن سَــنا بْــرُوقو     والبِشوفــو جميــع أَمْسَى مَشْـــرُوقو .. الجوهــر الفردي القلبــي مطــــروقو فيني داخلــة الروح ومارْقَــة بِمْــروقو أَصْلهُ إنســــــــانْ هيئَــة بس رُوقــوا لامَثِيــلْ والنــور يجــــري في عــروقو .. رحمــة الكونيــن جُوفــي مَــحَرُوقــو أَصْحَــا بِي لِيمــو وامسَى مَــفْرُوقــو شِعري منذ صِــباي الْــلَيْ وَمَسْــروقو مِنـْهُ لايخلـو وفِــي الغُنــا بُــرُوقــــو .. كامِــــــل الأوصــاف السلــيم ذوقــو    ياقَــــمَارِي كفــاي تانـي ماتْقُــوقــو ده الجمــــال كلو    إِنحصــر فُوقــــو      وخَلَّى( بُــرَعِي) يحِــن زي حَنين نُـوْقُو .. لاح بـــريق اللاَّن فَــــــرْعو مَــمْشوقُو     وأذكَــى من الطِّــيب جانِـي مَـــنْشُوقو أحمد الرَّيْحــــــــــــانْ حَــنَّ لِنْشُــوقو              لَيْــلَى عاشقك ويــن أضْحَــى مَعشــوقو .. الصــــــــــــلاة مليــــار بل وَمَطْبُــوقو             واشتياقــــــي سلامَك ديمــــه مَسْبُوقو مانَــفَخْــلك ذو........ ذو مِئْــرَةٍ بُـــوقو             لو تعـــود بالطَّـــــاب فيــنا... مَعبُــوقو .. نظم/حمد الريح الشيخ العليش(زحــزحة) ١٩/١٢/٢٠١٩ الأربــعاء (مَــــوْطِــنُ  النُّــــــــــور..) ... تسلسل الطــريق وأساسه في أصلاب آل البيــت مِــن النبي صلى اللهُ عليه وسلم إلى الإمام علــي وموصَّى إلى نسلــه مِن كل الجــهات حتى أن وصل إلى نجل سيدي الحسن  السلطان عبدالقادر الجيلاني فكان هذا الإنتشار والقبول الرباني .. النــص/ أنــا جَـــــيْلانــي أنــا أنــا كَـــيْــلانــي أنــا 💫💫 بِسْــــــــمِــــكَ اللَّــهــُــــــــــمَّ  أَِبــــْدَأُها لاعَلَيْــــــــــــــــها... ولا بِــها وَثَـــــــــــنُ وأُثــَنـِّـــــي بأحمــــــــــــــــــد الهــــادِي مــَنْ بِجَاهِــــــــــــــــهِ تُخْمَــــدُ الفِــــــتــَنُ بِــأبِــي بَــكْــــــــــــــرٍ حَــيْثُ أبْــعــَثُــــــها صَــيْحـَـــــــــــــــــةً لاتَنِــيْ ولاتَــهِــــــــــنُ يَــرتضيــها الفـــــــــــــــــــــــاروقُ عَادِلَــــةً عنــد عُــثْــمَــــــــانَ........... وكُلُّهُــــمْ أَذِنُــــوا .. مِــن إِلــهِ الخَــــــــــــــــــــلْقِ قُــلْ وإلــــى صاحــبِ الوَحْــــــــــــــــيِ وهــو مــــُؤْتــَمَــنُ ثُــــــــــــمَّ مــِــنْــهُ إِلَــى النَّبِــــــــــيِّ إلــى بــــــابِ عِلْمِــــــــــــــــــهِ ذلــكَ الفَــطِــــــنُ ومِــن عــــَلِيٍّ بأَمْــرِ مــــَــــنْ أَوْصَــــــــــــى لهــا الحُسيــــــنُ كــــــــذلكَ الحَسَــــــــــــــنُ لِآلِ بَــيْــــــتٍ هُــــــــــــــــمُ سُــلاَلتَــــــــــــهُ وتَــسْــتَــمُــــرُ لينقضــــــــــــــي الزَّمُــــــــــنُ   .. لِخَيْــــــــــــــرِ ســـــــاداتٍ طُــــــهــِّرُوا وبــها رَقُــــــوا مَــــــرَاقٍ بعيـــــــــــــــدةً ودَنُــــوا مابِسَهْــــــــلِ المُهُــــــــــــــــورِ أَبْسَطِــــــها زُوِّجُـــــــــــوها...............أموالَـهمْ رَهَنُــــوا بَــلْ بِجُــــلِّ الخُــــــــــطُوبِ أَعْــظَــــــــــمِها كُــذِّبُــــــوا عُــــــذِّبُـــوا فــيــها وَاْمْتُحِنُــــوا أَوْصَلُــــــــوها لِغَـــايَــةِ التــــــــــــــقوَى لاتُفَــــــــــــــرِّقُ بينــــــنا السِّـــــــــحَــنُ قُــتــِّلُوا فيــــــــــها وهــــــي خالِــــــــدَةٌ وعليــــــها  أَعِـــــــــــــــــزَّةً    دُفِنُــــــوا .. أيُّــها النــَّــــــاسُ نحــــــنُ مِــــــنْ نُــطَــفٍ طُــــــهِّــرَتْ  لا     ماشَــــــــــابَــها       دَرَنُ لِرِجَــــــــــــــــالٍ أرواحُــــــــــهم بَلَــــغَتْ رَفَــرَفَتْ ولــها فــي أرضِــــــــــــــهِ سُــنَــنُ ُ (يُــذكَــرُ الفَضْــــــــــــــــلُ كُــلَّمَا   ذُكِــــرُوا وهــــو يَعتَــــــزُّ حِيــــنَ يَقْتِــــــــــــــــرِنُ) نَــشــرُوا العِلــــــــــمَ في الــــورَى أبــداً لِتُضِــيئَ الأريــــــــــــــــافُ والمُـــــــــدُنُ وقليــلــونَ الــذيـــــــــــــــــــنَ هُــــــمُــو حِيــنَ نُــوْدُوا للنِّــــــــــــــــــــدِا فَــطَــنُــوا وَسَــل الجَــيْلِــــــــــــــي عَــــنْ طَــرِيقَــــتِنا الفَصِـــــــــــــــيحُ بِــــنا وَمَــــنْ رَطَنُــــــــوا مَوَطِــــــــنُ النُّـــــــــــــــورِ ذاكَ مَــــــوْطِنُنَا

الكليم بل نوح والخليل الأفلح وَمَليح الكون مِنِّو أحلى وأملح              أنا..بَحِب ياسين .. الجَوَى يتقَــرَّح  مِن بِريق الحور    السهاما بتجرح صار منامي خزاز جفا طرفي المطرح ليلَى ياليلَى... وليلَى لاهية وتمــرح                كفا.. كفاني أنيــن .. الصلاة ماصَــيَّح   بي نِدا الآذان   لكَ رافع وبَيَّــح والسلام يغشاك من   سَمِيك الرَيــَّح أحمد العشمان فـي الُدنَى يَــــتَريَّح                  بِك..َ وَيَوم الديــن .. نظم/احمدالريح العليش(زحزحة) (نبــي الكمال) .. بَتْأمَّــلَكْ......بَتْأَمَّــلَكْ.....ْ بَتْأَمَّــلَكْ 💫💫 بــادِي القصيــــــــد بالجَــمَّــلَكْ بالبارئ أبــدع في بهاكــا وكــَمَّلَكْ يالْفُقتَ كل المرسليــن  ماأَجْمَــلَكْ لايوسف الصِّـــدِّيق ولامِتلك مَــلَكْ                                        بتْأمَّــلَكْ .. بِــي أوَّل الخُلَـــــــــــــــــــــفا الــوَلِــي فاروق معاو شمس الحقيقــــــــــة بتنجلِـــي بالتالت البازِل تَــلاَ القــــــــــــــــرآن تَــلِي بالرابع الفارْس الجسور بِي سِيدي بالكرار عــَلِي                                         بَتأَمَّــــلَكْ .. نِــعْم الصحــــــابةْ... النجـــــــوم الكُــمَّــلَكْ سِيف الله خالــــد والأَمِيــــــن  قُول شُــمَّــلَكْ بِي حمــزه حاشاهو الغَيــُــــور ماهَمــَّــــــلَكْ بِي أُمُّــنا الأولَــى الحبيــب الدَّثــَّرك والزمَّــلَكْ                                                   بَتْأَمَّــــلَكْ .. بِي صاحِــب الحــــــــال والمَــــــــدَدْ بالجيــلي بالبــدوي ورُفاعيــك العَبــَــدْ بالهائــم الماعَــبَّ جوفــو وماهَــــــجَدْ بيهــم وبالأحــيا الطريــق صادِق سَــلَكْ                                         بَتْأَمَّــــلَكْ .. لــولاكــا      آدم       مااْنــــدَرَكْ أَيُّــوب.. ويونُــــس في الحُــــلَكْ كان الخليــل في النــار هَــــــلَكْ يالْفُقْتَ نــوح ثم الكليــم داؤود وإِبنــو وَمَامَــلَكْ                                                    بَتْأَمــَّلَكْ .. بَتْأمَّــلَكْ بَتْأمَّــلَكْ سِيــدي النَّـــــــــــبِي بَتْأَمَّــلَكْ مِن قُــمْتَ بِي حُــبَّك صَــــــبِي أنا في ضَراكْ روحي وجَــنَايْ أُمِّــي وأَبِي                                        وبَتْأَمَّــــلَكْ .. بتأمَّــــــلَكْ إِحــــــــساس وطِــــيفْ بَتْأَمَّــلَكْ وانا كيف أفوز باللقيــا كِــيفْ؟! صَدِّقني يانُور الوجــود وَدْ عِيــنِي مابِتْحَمَّــلَكْ                                                 بَتْأَمَّــــلَكْ .. بتأمَّــــلك لافي خــــيال  لافي حُــجَا نــوراً بَــهَر للعالميــن بالرحمــه جَــا بتأمَّــــلك نافِي الضلال ماحِــي الدُّجَــا        دون الجميــع إنت الشفيــع عَــشَم العُــــصَاة والمُرتَــجَا        بتأمَّــــلك مَــــوْلِد فَــرَح يأسِــر مشاعــــري ويبهــــجا        وساعــة تقــــــــــــــوم نــار الجحــــــيم مُــتْأَجِّــجَــه        يــوم السعيــر كيــف المصيــر ميـن الضميــن ويــن النَّجَا                                     وبتأمَّــــلَكْ .. بْتْأمَّــــلَكْ لاح البُــــرِيق قــال أَوْصِــفَكْ قُتْلِيــهو عاد كيف والحــروف مابْتَنْــصِفَكْ لمتيــن أزور والقَى الحُبُــور واتــكَرَّفــكْ                                                بَتْأمَّــــلَكْ .. صَــلِّيت عليــــك ماناح حَــــــــمامْ ماصاح عشــوق مِــن الهُــــــــيامْ ماطــاف حجــيج حَــول الــمَقــــامْ عَــدْ ماقَعَــــد مخلـــــــوق وقــامْ تشفيــــــــــينا بيها من السِّــــقامْ الرَّيــــَّح    النَّــــظَم    الكَــــــلاَمْ بــارِك غُــــنَاو أحفــظ جَـــنَاو تَمِّــم مُــــنَاو.........ثُــم الســلامْ                    بَتْأَمَّــــلَكْ ... نظم/احمد الريح الشيخ العليش(زحزحة) (كامِل الأوصــاف... السلــيم ذوقــو) اللهم صَلِّ على سيدنا محمد وعلى آله وصحبه وسلم 💫💫 قلبــي زاد شوقــو  ويــن    سِيدي.. معشــوقو                 مُحمــد السليــم ذوقــو ... عالِــــي غير الله مافِي شَــيْ فوقو حَوْلُو صَحْبُــو نجــوم دِرْعُو بل طُوقو بادي بالصِّــــــدِّيق تانـي فاروقــــو ثــــم ذو النوريــن التَّــــلاَ حقــوقو .. غِير علي الكــــرار البِساسُــوْقُــو      قَــدَمي ليك يالخير عاد منو بسوقو شارِي بايع فيــو بَــخْتِي وآسُــوقو ده المَــعَ النِبيــان  جَــرَّ واَسُــوقو .. حمــزة كيف أنساو أصحوا لَيْ فُوقـوا أَبْ جَهَــــــل سِيــدُم ذاكَ مَصْفُــوقـو نِعْــم َأســـــــد الله فِيضُــو مَـدْفُوقو    وغِير يَخُــرْ مغــدور عاد مِنُــو بْفُـوْقُـو .. قُول عُــكَاشة الصَّان فِــعْلو.. مَنْطُـوقــو

احمد الريح "زحزحة": بسم الله الرحمن الرحيم (التوسل الرَّيحانــي) مزيج مابين الدارجي والفصيح مع بعض الضرورات الشعرية رَكِّز في التشكيل كي لاينكسر الجرس الموسيقي يُقرأ في حالة الضيق عامة مادي أو معنوي..واللهُ الموفق .. النص/ ياكَمَالَكْ ياكَمَــالَكْ    ياالنَّبِــي آسِرْنا جمالَكْ .. يامَهِيب ياعظيم في جلالَكْ مُتَنَزِّه مافــــــــي مِثالَكْ صَوَّرتنا مِــــن صَلصالْــك بِي طه نبيـــــــكْ جينالَك .. يارسولَ اللهِ  أَتَينــا وهواكَ يَبيــنُ عَلَينـا ومــددنا إليــكَ يدَينا فاكرمنا بِمَن أوحالَكْ .. دَعَا بِكَ إبراهيــــــــمُ ولدؤواد التَّرْنيــــــــمُ تَنَــبــّأَ عنكَ كَلِيمــــــو بالبشرَى عيسَى أتالَكْ .. بِخَليــلِ اللهِ دَخَلنــا وبِروحِ اللهِ ســَأَلنــا بِكليمِــــه(ِ تاوَسَّلْنــا) وبنــوحٍ  أبحــرنالَكْ .. بِأَيــــــــوبٍ أَدْرِكــنا وبيعقــــــــوبٍ بَارِكْنا لغيــــــــــركَ لاتتركْنا جِرْنا بِضــــراكْ وحِيالَكْ .. بِي يوسف حُلْوَ المَحْيا وحَصــــور الأنبيا يحيا إنَّـــا موتَى... قد نحيا لو لامسناهو خْــــيالَكْ .. بِدعــوةِ كُلِّ نبــيٍّ وببابِ العِلــمِ عَلِيٍّ بحضــرةِ كلِّ ولِــيِّ وعشوقٍ هُــوَ غَنَّالَكْ .. بِي صاحْب الغار الفاضلْ ثم الفاروقْ العــــــادل عثمان المُعطِـــي وباذل كــــــرار الرامي نِبالَكْ .. بِمَريَــمنا العــــزراءِ وَبِفاطِمـةِ الزهــــراءِ خديجــةِ والحَــــوْراءِ بِي آسْيا وسائــر آلَكْ .. بِي أُمْ كلثوم الزاهْــدَه وَرُقيه وزينب شــاهْده بي أول زهرة مُجاهْده بِي عائِشة راحــة بالَكْ .. بِــأَمِيــنِ الأُمَّــــةِ ذاكَ وبِعَمِّــــكَ مَن عَــزَّاكَ لاعَيْــشَ لِمَــــن آزَاكَ بِي خالدْ وبِــي أبطالَكْ .. بِعُكاشَةَ مَــنْ بَشَّــرْتَ وبحمزةَ يومَ أَشَــــرْتَ بِكعبٍ حيــــــن عَذَرتَ وبِأول مَــن حَيَّــــالَك .. مَن اخفوا الأمرَ وساحوا وكذاكَ بِمَن قد باحــــوا بِإْخوانِكَ ها قد لاحــــوا برجالِ الغَيْــــبِ رجالَكْ .. بِي مالِكْ مُفتِي الأُمَّــة وأبو حنيفــﮭ الأَمَّــــة بالشافْعي البدر التمة واحمد مُرشِــد أجيالَكْ .. إِنَّــــا لانرجــو     إلاَّّ أن ينهضَ أهلُ المِــلَّه ضُعفــــاءٌ نحــنُ وقِلَّه فانشُــــر فينا أشبالَكْ .. بِسَكينتِنا العَلَويَّــۿ الذاكرةِ النبويــــۿ وبِرابعــةِ العدويـۿ وكل الصوفية فِدالَكْ .. بالبدوي القُطْب الوارِثْ ودُسُوقي الهايم وحارسْ وُرُفاعِي الواعظ ودارسْ بالجيلي وبِــــي أبدالَكْ .. طالت أيامُ المِحْنَــۿ وَلِبــابِكَ مابارَحْــنا يارسول اللــهِ أرِحنا فقراءٌ فاْمضِي إيصالَكْ .. بُروقُ الوصْــــلِ أضاءَتْ ولِمــَن يهــــواكَ تراءَتْ نفسُ الرَيْحَــــانِ أساءَتْ ولِمَحْوِ الذَّنْــبِ سعالَكْ .. صَلِّ اللهــــم وسَـــلِّـم على خيرِ الخلــقِ مُعَلِّم وابْرِئْ قلبــــاً متألــم أجرَى الأوزانْ وشكالَكْ .. نظم/احمدالريح العليش(زحزحة) (أنا بَحِب ياسيــن) مدحة في النبي (ص )على حافر أغنية الحقيبة (ياجميل يامدلل) .. ياصادِح أصَــدَح  بــي نِــدا الآذان  والمُشَـفَّـع أمــدح                   عَسَى قلوبنا تَليــن .. ربي بيو قد صَرَّح  مَدْحو في القرآن  إنَّكَ وألَم نشرح المُنير محياو لو رإِيــــــتو بتفرح والقلوب ترتاح تغدو هايمه وتسرح                متى يلوح ويبيــن .. ثم جيب الأرجح  كَفَّــة في الإيمان باالجميع قد رَجَّح واذكرالفاروق واْقتدي به تُمنَح وكذا عثمان دنيا  واَخْره بتنجح                لِذا كلهم تاميــن .. باالجسور البِطرح  أعظم الفرسان  مَن أناب في المَطرح مافي ياالكرار إن عَلَوتَ المسرح لابيان لالسان تاني زيك بشــرح                   عَلِي إمام الدين .. بي صحابتو الكُــدّح  يشهد الميدان   حمزة ذاك البِردَح ثم صاحب الحال والمدد مَن صَرَّح يامريدي تعال هِمْ وغني وأشطَح            بِنا.. تجدني مُعين .. يوم وضوعو الصُدَّح فَرْحَا في الاغصان    لاهيه زاهيه وتصدح عِرفَت إنو الكون جاهو نوراً أوضح مِن سنا البدرين للمعالــــم وَضَّح           هُوَ الصدوق وامين .. الزهور تتفتح  لو عــَبَر بالروض  من شذاهُ وتنفح قلبي من الشوق جَرْحو قَنَّب ينتــح للسواهُ يميــــــن مافي جنة بتفتح                كذا ومافي ضميــن .. شان بضاعتك تربح    أجمع الحبان  لِي جنابو وأذبح في بحور الريد أنزل أغرف واسبح للِّفي كفو   الحــــــــصا قد سبح             بَكَى الجِزِع في الحين .. الأمين الأصلح  مافي في النبيان    مثلو ذاكر وأصلح

يامن دام بقاكا صل على مصطفاك واشوقي لمتين اراكا .. قيوم في علاكا لامعبود سواكا الارضين دحيتا يارافع سماكا .. ثنيت بالأتم الدين والرسل أم رحمتو كافة عمَّ البلغ نباكا .. ياعاشق تباكا وامدح سيد اباكا النور السباكا وللإيمان حباكا .. يوم ميلادو ذاكا ضو الكون كذاكا الكونين فرحت نارت بيو دناكا .. في صاد مدحو هاكا نون وبذا كفاكا مهما يروي فاكا مابصدق وفاكا .. برقا من قباكا قال لي واغباكا واأسفاك ولومك يالضيع صباكا .. صل على الأتاكا وبالأنوار كساكا الريحان عصاكا أوكزو بي عصاكا .. يادايم بقاهو صليت يوت على هُو حمدالنيل يجاورو والريحان يراهو

تعال ياشاب تعال نوريكا وين تمشي وتدق الباب تعال نوريكا كيف تقطف ثمار المانجو والأعناب تعال نوريكا كيف يبقى المكان جذاب تعال نوريكا بالتنظيم هو كيف راقي وكيف منساب تعال نوريك إدارة وتنظيم الفعاليات ومابتخسر على اي حساب أكان داير تَفَرِّح لمه بين احباب وكان داير تَنظم جلسة بين اصحاب وكان داير تلطف جو مع الأغراب لتنظيم الفعاليات اكيد بُكَّاب .. مع تحياتي احمدالريح زحزحة

عمك ياعريس على فرحك دايماً باقي حريص فرحان على انك جوه الميس هو البازل ليك الحالي الغالي وكل نفيس .. ياعريس ياراقي وياجذاب عمك ياعريسنا عوض بُكَّاب عمك زفاكا وبالترحاب ورفع عينيك بين الأتراب عمك ياعريسنا عوض بُكَّاب .. حسن وحنان ياأحلى عروسين قطفو الأفنان مبروك وتزغرد ليكم فرحه رنا وريان محمد ابوك بالجد نشوان عامريه يدوم فرحك ياأم ياسيدة كل النسوان ورشيدة براءة الكل بفرحكم جد فرحان .. مبروك عامريه مبروك على اجمل فرحه وعيديه تهاني واماني عيال في مال وليالي هنيه حياه مفروشة بورد الفل وسعيدة رضيه حياه زوجيه على الأحلام والحب مبنيه حياه زوجيه سعيده اكيده تَضَوِّي بهيه حياه زوجيه بي سورة الناس محروسه وبالإخلاص والصلاة ع النبي محميه حياه زوجيه بسورة الناس محروسه وبالإخلاص والصلاه ع النبي محميه .. مع تحياتي احمدالريح زحزحة