𝒁𝑨𝑺

كنت مقررة هالسنة أكتفي بالتعبير عن مشاعري بمناسبة الذكرى السّنوية لتأسيس زاس… بس الوقت ما راح يسعفني لحت أعبّر بشكل كافي، لأن عندي مقابلة عمل بعد كم ساعة (ادعوا لي)

كلّ سنة تمر، احسّ إن ذكرى تأسيس زاس مو بس احتفال بعمرها… هي بطريقة ما احتفال بجزء من عمري أنا هم 💛

يمكن أكثر مفارقة أحبّها اليوم، إني بدأت زاس وأنا بالسادس، بوقت كان المفروض أدرس لامتحانات تحدد مُستقبلي وكنت اسخت حت انشر بالقناة واليوم أكتب عن ذكرى تأسيسها وأنا مستعجلة لأن بعد كم ساعة عندي مقابلة عمل لخطوة جديدة من مستقبلي

قبل فترة كنت احچي لشخصي المُفضل عن غصتي وحزني، لأن مو گادرة أكون بنفس نشاطي السابق بزاس، وعن شعور الذنب الّي يجيني أحيانًا لما أتذكر شگد كنت أكتب وأنشر وأبحث، وأشوف شگد الحياة أخذتني اليوم بعيد عنها بس رد عليّ بكلام مستحيل أنساه… گلي: «المهم أنتِ تركتي بصمة لا تُنسى بهذا المجال، والمهم أكثر إنك تعلمتي هواية من كلّ شيء قدمتيه.» ومن وقتها وأنا أفكر بكلامه يمكن فعلًا مو كلّ شيء يُقاس بالاستمرارية اكو أشياء قيمتها بالأثر الّي نتركه، وبالّي نتعلمه ونكبر بيه وأنا فعلًا جدًّا سعيدة بكلّ الّي قدمته طوال السنوات السابقة، وسعيدة أكثر بكلّ الأشخاص الّي تعرفت عليهم من خلال زاس بسبب زاس تعرفت عل أشخاص صاروا جزء لا يتجزأ من حياتي وأعتقد هذا هو ربحي الحقيقي والأكبر من كلّ هالسنين 💛

ولهذا يمكن أكثر شيء يأثر بيّ لما أفكر بزاس، هو إني طوال هالسنين كنت أعتقد إني أنا الّي دا أبنيها، وأكبرها، وأنطيها جزء مني… وما انتبهت إلا بعد سنوات إن زاس كانت بنفس الوقت تبنيني، وتكبرني، وتترك أجزاء منها بكلّ مكان وصلت له 💛

وقتها ما كنت أفكر بمهارات، ولا CV، ولا وظيفة، ولا شنو مُمكن استفاد من كلّ هذا بالمُستقبل كنت بس دا اسوي شيء أحبّه…

واعتقد احلى شيء صار بدون ما أخطط له، إن زاس ما علّمتني عن الفلك وبس علّمتني أبحث، وأدقق، وأكتب، وأبسط، وأختار كلماتي، وأفكر بالشخص الّي راح يقرأ من بعدي وحت طريقتي بالكتابة اليوم، الّي صارت جزء كبير مني ومن شغلي، أعرف إن جزء منها انولد هنا وتصدگون؟ يمكن من أكثر الأشياء الّي تخلّيني استوعب شگد زاس متداخلة بحياتي، إن حت شغلي الحالي زاس كانت إلها يد بي قبل سنة ونص تقريبًا، من قدمت عل شغلي وأنا حديثة التخرج وما عندي ذاك الرصيد الكبير من الخبرة الّي اگدر اعتمد عليه، كانت زاس واحد من الأسباب الّي خلّت مديري يشوف بيّ شيء يستحق الفرصة ويقرر يقبلني وكلّما اتذكر هالتفصيلة، احسّ بشعور غريب وحلو بنفس الوقت

واعتقد ما اگدر اتكلم عن زاس بدون ما اذكر كارل ساغان… 💛 تأثير ساغان عليّ ما اقتصر عل حبّي للفلك اصلًا، وإنما امتد لطريقة نظرتي للمحتوى وطريقة كتابتي إله منه تعلّمت إن تبسيط العلم ما يعني أبدًا التقليل من قيمته، وإن المعلومة مُمكن تكون دقيقة وعلمية، وبنفس الوقت مكتوبة بطريقة حلوة وقريبة من الإنسان كانت كلماته دائمًا تذكرني إن العلم مو مجرّد حقائق نحفظها، وإنما طريقة نشوف بيها أنفسنا ومكاننا بهذا الكون

ما كان عندي أي تصوّر عن شنو مُمكن تصير زاس، ولا وين مُمكن توصل، ولا حت إذا راح استمر بيها اصلًا كلّ الّي كنت امتلكه هو حُبّ حقيقي للكون، وفضول تجاه كلّ شيء موجود ابعد من عدنا، ورغبة إنيّ اشارك هذا الحُبّ بطريقتي

أحبّ كلّما أفكر بزاس ارجع للحظة الّي بدأ منها كلّ شيء لأن البداية لوحدها كفيلة تخلّيني ابتسم بكلّ مرة اتذكرها بفترة الامتحانات النهائية للسادس، وبعزّ الوقت الّي المفروض أكون بي أدرس وأفكر بس بمُستقبلي، قررت اسخت بطريقتي الخاصة 🤣 ومن بين كلّ الأمور الّي كان مُمكن اسويها حت اسخت واضيع وقتي… طلعت بفكرة زاس ما أعتقد وقتها خطر ببالي ولو للحظة بس إن محاولة التسخيت هاي راح تتحول لشيء يستمر ويايّة كلّ هالسنين، ويكبر ويايّة، ويصير مرتبط بهالكمية من الذكريات والأشخاص والمشاعر

وما كنت أريد اكتب الكلام من فترة، لأن ردت الكلام يكون مكتوب بنفس اليوم، لحت أكون فعلًا عايشة شعور هاليوم وأنا اكتب وبالتالي أتكلم عن زاس من المكان الّي وصلت له من بعد كلّ هالسنين، مو من شعور حاولت استحضره قبل وقته

كنت مقررة هالسنة أكتفي بالتعبير عن مشاعري بمناسبة الذكرى السّنوية لتأسيس زاس… بس الوقت ما راح يسعفني لحت أعبّر بشكل كافي، لأن عندي مقابلة عمل بعد كم ساعة (ادعوا لي)

اليوم، 14 أغسطس | الذِّكرى السنويَّة السَّادسة لتأسيس 𝒁𝑨𝑺 🪄

وصفات كونيَّة | كيف تعمل نجم بثلاث مقادير موجودة بكلّ مطبخ؟

مساء الخير… دا نشتغل عل تطوير قسم السكن كير بصيدليتنا وسويت هذا الاستبيان حت نعرف شنو المشاكل الّي تواجه بشرتكم وشنو المنتجات الّي تحبّوها + تقديرًا واعتزازًا بوقتكم ومشاركتكم كلّ شخص يكمل الاستبيان حيكون له كود خصم وتوصيل مجاني وشكرًا مقدمًا 🪿 ❍ https://forms.gle/VaCf3hfb3FzsVurN6

Richard Feynman