ألا بذكر اللّٰـهِ تـطمـئـن القُلـوب💚

ربنا يرحم كل إنسان غلبته نفسُه!

هي علاجها عُمرة والله الملِمّ فيها شتات قلبي. - فاللهُم عمرة

أستغفرُ اللهَ العظيمَ وأتوبُ إليه .

آية مُرعبة { وَعَصَيْتُم مِّن بَعْدِ مَا أَرَاكُم مَّا تُحِبُّونَ ۚ} يرزقك بالستر فتتجاهر بالمعصيه وتفتخر بيها قدام الناس.

يا رب هذبني بالعطاء مش بالمنع يا رب خد بايدي ليك بالاحسان مش بالامتحان.

يا ربّ.. مُستقبلي وحياتي الجاية تكون مليانة سَلام وطمأنينة تخليني لما أفتكر الماضي وقتها أقول: الحمد لله على النجاة من كُل المخاوف والقلق والزعل والتفكير المُفرط، ويكون المقسوم ليا من عند ربنا خير يفرحني ويعوّضني."))

دعوتُ الله بشيء ما،ثم بكيت.. بكيتُ مرة لأنني تخيلتُ إستجابتها، ومرة لأنني تخيلتُ عدم إستجابتها ومراتٍ كثيرة لأنني أرغبُ بها بشدة! لاأملك أمامَ هذه الدعوة سوى ارتجاف صوتي، وقلة حيلتي، ويقيني يارب يا منَّان."))

واحدة من دعواتي التي أحبها: ‏اللهم كما وهبت سيدنا-عبد الرحمن بن عوف-ثراءًا واسعًا وإيمانًا صادقًا وسخَّرته لإنفاق ماله في رضاك.. ‏افتح عليَّ فتحًا واسعًا وصُبَّ عليَّ الرزق صبًّا، وسخرني للمسلمين من حرِّ مالي في عفو وعافية. يا ربّ هب لنا جميعًا المال الكثير وأعِنا على إنفاقه في الحق!

تعرفوا ليه بنحس بالنوم بعد ما بنزعل جامد او نتعب او ننضغط ونتوتر ... ! ‏لان ربنا بينزل ده علينا كنوع من الطمأنينة ‏ثُمَّ أَنْزَلَ عَلَيْكُمْ مِنْ بَعْدِ الْغَمِّ أَمَنَةً نُعَاسا يَغْشَى طَائِفَةً مِنْكُّم

ربنا بيقول في سورة البقرة: ﴿وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ﴾ الآية دي مش تهديد — دي خريطة. ربنا مش بيقولك ممكن تتعب — بيقول هتتعب ، مش بيقول في ناس بتخسر— بيقول هتخسر. الابتلاء مش استثناء في حياتك — هو جزء من التصميم الأصلي. وده مش كلام قسوة — ده أعمق أنواع الرحمة. لأن لما بتعرف إن الطريق فيه خوف وجوع ونقص من الأول — بتوقف تسأل ليه أنا بالذات ؟ وبتبدأ تسأل إزاي أعدي؟ السؤال الأول بيخليك واقف. السؤال التاني بيخليك ماشي. إحنا بنتعامل مع الابتلاء كأنه خطأ في السيستم — كأن المفروض الحياة تكون سلسة وأي وجع معناه إن في حاجة غلط. وبنفضل في حالة احتجاج على ما بيحصل بدل ما نتعامل معاه. لكن ربنا بيقول من الأول: الخوف هييجي، الفقد هييجي، النقص هييجي والبشارة مش لمن اتجنبوا ده، البشارة للصابرين. يعني اللي دخلوا فيه وفضلوا ماشيين. الصبر في الآية مش سكوت وانتظار — الصبر إنك تفضل ماشي وقلبك لسه واثق إن اللي بيحصل مش عبثاً وانه مش دايم مهما طال . فسلم عشان تسلم

"وأنا أقرأ في قصّةِ سيدنا موسى، تنبّهتُ لخاطرة، كيف أصبح موسى عليه السلام من بين الأنبياءِ جميعًا كليمَ الملكِ -عزّ وجل- على عقدةِ لسانه الظاهرة وصحّةِ لسانِ باقي الأنبياء ! إذ يقول عدوَ الله -فرعون- فيه "أَمْ أَنَا خَيْرٌ مِّنْ هَٰذَا الَّذِي هُوَ مَهِينٌ وَلَا يَكَادُ يُبِينُ " أي: ولا يكاد يبين الكلام من عِيّ لسانه. فقلتُ لنفسي : صدق رسول الله: إِنَّ اللهَ تعالى لَا ينظرُ إلى صُوَرِكُمْ وَأمْوالِكُمْ، ولكنْ إِنَّما ينظرُ إلى قلوبِكم وأعمالِكم ! سبحان الله ! قد يصطفيكَ الله من موطن الضعف فيك !" - مقتبس.

يوم عاشوراء ♥️ تركت أمري إليك وهُوَ عَلَيَّك هَيِّنٌ، ووكّلتك أمري كُله وأنت الذي إِذَا أَرَدَت شَيْئًا قُلت لَهُ كُن فَيَكُونُ .. تمنيت ورفعت يديّ إليك وأنت الحييٌّ الكريمٌ الذي يستحْيي أن يرُدَّهما صِفْرًا خائبتين .. اللهم كما نجّيت موسى برحمتك ومنَنت عليه بكرمك وواسع فضلك، نجّني مما أخاف وأحذر، وأمنُن عليّ بإجابة دعواتي وتحقيق كل ما أتمنى وأنتظر، وأرزقني اليقين بأن ما أرجوه سوف يكون .. أنت أقرب من وريدي، والعالم بما يحتاجه قلبي، والقائل "ادْعُونِي أَسْتَجِبْ لَكُمْ" فاستجِب لكل دعوة يتلهف لواقعها قلبي. ♥️

فجر يوم عاشوراء.. رَجائي أن تعفُ عني، وتغفر لي ذنبي كله وأن تقرَّ عيني بِكُل دُعاء لا يعلمهُ أحدٌ سواك، يا ربّ يا رحيم اجعلَني مِمَن جبرت قلوبهم في ذلك اليوم .

في مثل هذا اليوم انفلق البحر بضربة عَصا ! لا تيأس

لو صُمت ( يوم عاشوراء ) ربنا بإذنه هيغفر لك كل ذنوب السنة اللي فاتت صيام يوم واحد بس = تكفير ذنوب سنة كاملة الخميس هيكون عاشوراء إن شاء الله، وكلنا في حاجة إن ربنا ينظر لينا نظرة عفو ورحمة ويغفر لنا ذنوبنا لو فكرت حد وصام، هتاخد نفس أجره إن شاء الله، ولو فكرت حد ومصامش، هتاخد أجر على التذكرة إن شاء الله والدعوة إلى العمل الصالح 🌿

أستغفر الله العظيم واتوب إليه💚

نحن من الله وإلي الله.

💚

واحد بيقولي ظروفي كانت صعبة جدا والابواب كلها مقفولة ، بقيت أعمل ورد يومياً من الصلاة على النبي ﷺ فـ بدأت بـ 500 مرة في اليوم ، وبقيت كل يوم أزود شوية ، لحد ما جاه عليا وقت بقيت أصلي على النبي ﷺ 5000 مرة في اليوم. وفي خلال 6 سنوات شوفت العجب العُجاب في حياتي. 1/ رأيت النبي ﷺ في المنام. 2/ ثم حجيت بيت الله الحرام. 3/ وعملت 5 عمرات بفضل الله. 4/ ورزقت بالزوجة الصالحة. 5/ ورزقت بـ بنوتة زي القمر. 6/ وحاليا بقي عندي شركة. كل ده بفضل الصلاة على النبي ﷺ #علي_زهيري

‏انت عارف انه فيه حاجه لو عملتها ‏ تخلي نعم ربنا عليك تزول منك فجأة زي ما حصل مع الأبرص والأقرع !!؟ متيجوا نشوف قصتهم وايه الحاجه دي؟ ‏ربنا أراد يختبر 3 رجالة من بني إسرائيل: ‏ ‏*1. الأبرص* - جسمه كله بقع بيضا والناس بتقرف منه ‏*2. الأقرع* - راسه مفيهاش شعر خالص وشكله مش حلو ‏*3. الأعمى* - مبيشوفش ‏ ‏فبعت لهم ملك في صورة راجل فقير. ‏ ‏*الاختبار الأول - الأبرص:* ‏الملك قاله: "إيه أكتر حاجة نفسك فيها؟" ‏قاله: "لون حسن وجلد حسن ويروح عني اللي الناس قرفانة مني عشانه" ‏الملك مسح عليه ربنا شفاه فوراً وبقى أحلى واحد. واداه ناقة عشرا وقال: "بارك الله لك فيها" ‏ ‏*الاختبار التاني - الأقرع:* ‏نفس السؤال، نفس الإجابة: "شعر حسن ويروح عني قذري" ‏الملك مسح عليه بقى شعره زي الحرير. واداه بقرة عشرا. ‏ ‏*الاختبار التالت - الأعمى:* ‏قاله: "نفسي ربنا يرد عليا بصري" ‏الملك مسح على عينه فتح وشاف. واداه غنم. ‏ ‏*هنا بقى الاختبار الحقي، اختبار الفلوس:* ‏ ‏بعد سنين، الملك رجع لهم في صورة فقير معدم ولبسه بهدلة. ‏ ‏*راح للأبرص قاله:* "يا راجل يا طيب أنا مسكين وانقطع بيا السبيل، مفيش حد يوصلني غير الله ثم انت. أسألك باللي اداك اللون الحسن والجلد الحسن والناقة دي... بعير واحد أوصّل بيه" ‏ ‏عارف قال إيه؟ *"الحقوق كتير"* 💔 ‏يعني "معلش يا عم عندي التزامات". نكر النعمة ونسي إن ربنا هو اللي شفاه. ‏ ‏*راح للأقرع قاله نفس الكلام* قاله برضو: "الحقوق كتير". كفر بالنعمة. ‏ ‏*راح للأعمى قاله:* "كنت أعمى فرد الله عليا بصري، وكنت فقير فأغناني. خد اللي عايزه، والله لا أجهدك بشيء أخدته لله" ‏ ‏الملك قاله الكلمة اللي تزل: *"أمسك عليك مالك، فإنما ابتليتم. فقد رضي الله عنك، وسخط على صاحبيك"* ‏ ‏*الخلاصة اللي توجع:* ‏1. *الأبرص والأقرع* = كفروا بالنعمة ربنا سلبها منهم ورجعوا زي ما كانوا ‏2. *الأعمى* = شكر النعمة ربنا باركله في بصره وماله ورضي عنه ‏ ‏*3 دروس تمس القلب:* ‏1. *النعمة اختبار مش تكريم* الصحة والفلوس والشكل دي ورقة امتحان. هتشكر ولا هتتكبر؟ ‏2. *"لئن شكرتم لأزيدنكم"* [إبراهيم 7] الشكر مش كلمة "الحمدلله"... الشكر إنك تعطي من اللي ربنا اداك. ‏3. *اليد العليا خير من اليد السفلى* الأعمى كان فقير بس إيده عليا عشان معطاء. الاتنين الأغنياء بقوا إيد سفلى عشان بخلاء. ‏ ‏النبي ﷺ قال: *"انظروا إلى من أسفل منكم ولا تنظروا إلى من هو فوقكم"* [مسلم 2963] عشان تعرفوا قيمة نعمة البصر اللي الأعمى كان هيتجنن عليها. ‏ ‏جزء كبير ناس بتقع فيه وهو نكران النعمة ونسيان فضل ربنا عليك لما كنت في وضع صعب وكنت ضعيف من جهة معينة وبعدين ربنا أكرمك ومنّ عليك ‏مطلوب منك انه تتنتبه للي في نفس الوضع ده وتحس بيه وترفق بيه وتحسن إليه.. ‏ ‏ربنا يجعلنا من الشاكرين مش من الجاحدين ♥️؟