زَهـْرَة ديسـَمبِر

الحمدلله 🩷.

💕!!

♥️

إدراك النعمة، نِعمة♥️

تصير تخاف على نفسك زايد وتكون حذر من هواي تجارب جديدة وتبدي تبتعد اول ماتحس ان المكان اللي انت بي جاي يأذيك لان انت متأكد اذا تتأذا محد راح يهتم بيك غيرك انت، محد راح يداوي جروحك بالأخير غير ايديك تعرف انك تحتاج تبقى بخير لان ماكو الك غيرك.

شلون حيكون اول صباح النا بعد ما حققنا أحلامنا بفضل الله و وره كل هالتعب والسعي؟ شلون حتكون تجهيزاتنا للمرحلة الجديدة اللي النا هوايه ننتظرها؟ شلون حتكون مشاعرنا ؟ شلون حتكون دگات هالگلب؟.

أحِبّ فكرة إنو الخير يرجع لصاحبه شگد ما تأخر، وإنه رزق متوزع علىٰ گد ما تزرع منه تحصده بعدين، فكرة آمنة تصير بعقلك تجاه نفسك وإنك تتعامل بأصلك الطيب وخيرك الّي تشوفه نعمة من ربّ العالمين عليك وتحاول تخليه باللي يفيد النّاس ما يضرهم، وأبدًا لا تفكر إنّ طيبة گلبك وخيرك الّي توهبه لغيرك بوقت الحاجة غباء منك لو ما يستاهل، بالعكس واثقة إنو ربنا راح يدّخره الك بوقت حاجتك ويرجعه الك بطريقة تبهرك وتخليك تسأل نفسك "أني شمسوي من خير بحياتي حتّىٰ الله هيچ يجازيني جزاء يجبرني بيه".

الاشياء الحلوة اللي منتظرتك راح تكون اكثر بهواي من الاشياء الصعبة والحزينة اللي مريت بيها .. كلشي راح يكون بخير ♥️

اتمنى المس كل شي بحياتي بدون خوف ويجي اليوم الي اكون بيّ هادئة من الداخل لدرجة ما يهدد هدوئي لا مكالمة ولا موقف ولا اختبار ،هادئة وحسب لان كل الأشياء بحياتي حتى وأن كانت ما مؤذية لكن من خوفيّ تحولت وأذتنيّ -

الله يدري، الله يدري كلشي، محاولتك وسعيك وتعبك، حزنك ومشكلتك وظرفك، مرضك وبلائك ودعاء گلبك، يدري بخطواتك الثگيلة الّي خطيتها وأنت مليان خوف من الفشل، يدري بشعورك الّي خافية عن الكلّ بس ما مخفي عنده، يدري بكلّ مرّة حسّيت بيها الدنيا ضدّك وضيّعتك، يدري بكلّ فكرة ومحاولة منك حتّىٰ ترجعله وترضيه، والحَمدلله لأنّه يدري.

سأُصلّي لأجل قلبي دومًا، لأجل ضميري، وصِدقي، وصَبري، وقناعتي، ورِضاي. سأُصلّي لأجل هذه المُضغة الصغيرة -الّتي تحمل كُلّ هذا- أن تبقى بيضاء. -هالة الجبوري

❤️

الفرح معدي و الخوف معدي وكل المشاعر معدية كل ما تحيط ذاتك باشخاص يحيطونك بمشاعر سلبية و افكار سلبية وتوقعات مليانه بسوء الظن كل ما تدرك حقيقة وحده انك تؤثر و تتأثر بكل شيء حولك لذلك انتقي انتقي انتقي.

❤️

إذا هسة تشوفون إختصاصكُم ، شغلكُم مو نفس اللي ببالكُم رح يجي يوم وتعرفون ليش صار جزء من حياتكُم ورح تشكرون القدّر عليّ ❤️.

الشخص لازم يراجع نفسه كُل فترة ويشوف هو شنو حاجي وبشنو متدخل وشنو حاكم على الناس بشيء هو ما يعرف حقيقتة وبشنو مأذي الناس سواء بعلمه أو بدون علمه لأن محد ضامن نفسه ومحد ضامن حياتة فَ حتى لو الشخص جان غلطان بحق احد المهم هو يكون مدرك ويتعلم مِن الغلط.

في وسط العلاقات غير الصحية، وفي زمن يسوده الكثير من الجنون، أخيرًا وجدت نفسي أعيش علاقة صحية، خالية من القيود والشروط، مع رجل شرقي يصفه الناس بالمغرور، لكنه معي يتحول إلى أطيب وأشد الناس تواضعًا. هو في عالمه، وأنا في عالمي، نحترم عوالم بعضنا البعض. عالمي الزمردي الذي أعيش فيه أنا، لا يخلو من ألوان الزهور، والأفلام الكلاسيكية، ومزيج من أغاني لانا ديل ري وفيروز. ٧ وعالم الأبطال الذي يحارب فيه هو من أجِلي، عالم مملوء بالمسؤوليات والسوداوية أحيانا، وحين يخرج من عالمة يدخل على عالم زمردة وكانه لم يعش للحظة ف ذالك العالم يتمزج معي ويصبح وردياً ،على رغم من حبه للأسود القاتم لا تجمعنا ترندات، ولا يؤمن هو بالتصوير هو لا يخشى أن يُظهر حبه لي، لأنه لا يريد أن يرتبط هذا الحب بأي شيء سوى بنا نحن فقط. علاقة قائمة على الطمأنينة، لا على الاستعراض. علاقة حقيقية لا تحتاج لإثبات أمام الآخرين، يكفينا أننا نرى في عيون بعضنا ما يغنينا عن العالم بأسره.

ربنا اللي يعرف كم دمعة نزلت من عيونك من اجيت لهاي الدنيا لحد هسه يعرف شلون يخلي هاي العيون تدمع من گد الفرح همين .. اطمئن ♥️

:) 👍🏻