قناة🦋 للقصائد 🦋والألحان🦋 ملا شهاب 🦋 الاسدي🦋

#نعـي يبات الگلب يحسين محزون عليك اوتهل ادموع العيون آنه اِمنحّله ومغيّره اللون أطب للمدينه او طبّتي اشلون شگلّه الذي عنّك ينشدون شگلهم تركت احسين مرهون شگلّه الذي الدارك يگصدون شگلهم هلي غيّاب ويجون هيهات للمنزل يعودون يحسين لو بيدي الأمر چان بنيت اعله گبرك بيت الأحزان وأنوح بمناحه أطوار وألحان وأنعاك يالعينه امن الأعيان فگدك تظن خويه عَلَي هان اِلك تشتعل بالگلب نيران يتالي هلي بيك الدهر خان يا ذلتي اوفرحة العدوان الشاعر المرحوم عبد الامير الفتلاوي #اللهم_عجل_لوليك_الفرج

#نعـي طولك الجان يونس العين تنشدك رقيه راح لاوين من عكب ذيج الهيبه يحسين بس راس تدخل للدواوين انه ادري حضنك حضن دافي شكد بي نمت نوم العوافي جيتك ركض وبجدم حافي وجابوك الي بس راس غافي متعوده اشوفك حضن مفتوح وجابوك الي بس.راس مذبوح والرمح تارس نحرك جروح مطروح بويه الحمل مطروح يمدلل ابنيتك يزاچي يالما مخلي الحمل راچي ماضل چتف حدر الخواچي ولاح المتن دم التراچي ارد ابچي فوكك لحد ما موت يا من عليك الكلب مفتوت فراك العزيز يطيح البيوت راح اضل عكبك مالي زاتوت مصطفى حرب #أبوذيـات دمع شوكي نزل عالجرح مالاح واخافن واعلى شوفك كمت مالاح اريدن اشم راسك لجن مالاح الرمح عالي وكصيره جفوف اديه بلياك الليالي كثر  يرهن وهضيمه شامتي الدمعات يرهن السلبني التراچي حيل يرهن لحد موتي ووجعهن ضال بيه مصطفى حرب #اللهم_عجل_لوليك_الفرج

قصيدة رجالية لمولاتي السيده زينب ع تحكي جميع مصائبها😭😭 ما يعـــودون علـــيه ما يعـــودون تبچي العيون عليهم تبچي العيون راحو الچانو ضوه عالترب نامو سوه                    مايعودون 🏴🏴🏴🏴🏴🏴🏴🏴🏴 زينب انه ام الحزن وام المصـايب شفت اشـكال المحن بين الغرايب لاتلومـون الگلب بهمـــــومه ذايب واصعب هموم الشفتهه بالخرايب الفركة متهون عليه الفرگه متهون تبچي العيون عليهم تبچي العيون چانو الجرحي دوه عالترب نامو سـوه                  مايعودون 🏴🏴🏴🏴🏴🏴🏴🏴🏴 ما تهـون الفــــــرگه يا يمــه تعـــالي راحوا احبـــابي الاودهم والغـــوالي ابگيت وحدي امحيره من غير والي گمــت اصــــــرخ آ يعــزي ويا دلالي ما يرجعـــون علـــيه ما يرجعـــون تبچي العيون عليهم تبچي العيون چنت اشمنهم هوه عالترب نامو سوه                   مايعودون 🏴🏴🏴🏴🏴🏴🏴🏴🏴 مصاب ابوي المرتضى هدملي حيلي مـن عگـب عيــنه ابـد ما نمــته ليلي يا دمـوعي لجل ابوي الغــالي سيلي انمـرد گلبــي وذاب وتعــــذب دليلي حمل المتــون تمايل حمل المتــون تبچي العيون عليهم تبچي العيون گلبي بحزاني انچوه عالترب نامو ســـوه                     مايعودون 🏴🏴🏴🏴🏴🏴🏴🏴🏴 اخ ومصــاب الحسـن تيــه افكاري من عگب عين الحنين اظلم نهاري زاد بگليــــــبي الحزن زودلي ناري خاليه منهم بقت يا وســــفه داري اصـبر اشلون بعدهم اصـبر اشلون تبچي العيون عليهم تبچي العيون بيــه ما ضلت قوه عالترب نامو سوه                   مايعودون 🏴🏴🏴🏴🏴🏴🏴🏴🏴 وافجع امصيبه عليه مصيبت حســين اگبالي مطروح ويلوج ابصدره سهمين گلبــي متعذب اخـــلافه انفطر نصــين شلي بالدنيـــه بعد وخـــــواني ميتـين ما يرجعـون لخـــتهم ما يرجعـون تبچي العيون عليهم تبچي العيون آ يجمرت نيــــنوه عالترب نامو سوه                   مايعودون 🏴🏴🏴🏴🏴🏴🏴🏴🏴 امصيبة العباس شيب منهه راسي بيــه واسيــني يمن رايــد تواسـي ليش من زغري الزمن وياي قاسي خلصت اسنين العمر نوح ومئاسي بيــه يـدرون اعزهــم بيــه يـدرون تبچي العيون عليهم تبچي العيون انهدم سوري وهوه عالترب نامو سـوه                    مايعودون 🏴🏴🏴🏴🏴🏴🏴🏴🏴 ✍بقلمي المتواضع العلوية ام حسان  الغرابینذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀................... 💎 https://t.me/zdgbj

موشح في مسير السبايا هاي زينب مادريت شلونها عالهزل راحت ينور عيونها ............ هاي زينب عالهزل راحت سبي ترضه ياعباس يحديها اجنبي خدر ماظل والستر بس بالعبي عالهزل بت فاطمه يشوفونها ............ الچانت وياك بخدرها مدلله هسّه طلعت عالهزل من كربله بس عليل وياها ظل بالعايله بلا كفاله زينب تعوفونها ............ بلا خدر تتعثّر الناگه وتميل وبالحبل مچتوفه زينب يالكفيل شلون لو وگعت يبن حامي الدخيل وآل امية تدري ميّرحمونها ......... راسك براس الرمح يبره الظعن وزينب تصدلك يعباس بشجن اتعاتبت ويّاك بالمدمع اظن وتنظر شلون العده يأذّونها ........... ترضه ياعباس ياليث الحرب بيها يتشمّت شمر طول الدرب زينب ابين الزلم موقف صعب ولو نخت بسمك تره يسبونها ........... شلون لو بالسوگ مرّوها العده عليها تتفرج الناس الحاقده نظرة الشامت سهام امحدّده والكلام الجارح يسمعونها .......... والاشد من هاي بنت المصطفه تدخل لديوان امية مچتّفه يابوفاضل والعدو بيها اشتفه حاولوا  ما  گدروا  يذلّونها سيد زيد الفحام

تعبني الركض يحسين   من الخيمه للتله كل همي اشوفك وين   حتى جسمك اندله وانا من الركض مليت      وبيه زادت العله نايم يالأخو لو ميت       بعدك عايشه بذله بيا كتر جسمك طاح    بيه مكسره الرماح                 وبعدك بانت الخله كل شوغه بسبب بعدك   تمرد روحي بحسره يالنايم كفاك النوم     شنهي معاشر الغبره رك حيلي الركض ويلاه    اركض وأجري العبره يبن امي لفاني الجيش   والخيل لاجت كثره اذاني الجمر والنار      ما أدري شنهي الصار                وجدامي على الغبره ميت لو عدل يحسين      كلي وكلبي تريحه وبجسمك ترك الخيل    وتلايم حزن جرحه ظلمه دنيتي بلياك   ويا ليل الكشف صبحه ما أريد العمر بعدك    ومصابي صعب شرحه    اريدن اكعد وانعاك   وردلي يالحلو ملكاك               وزماني يطعن برمحه مرمرني الحزن ويلاه   وعلى فراكك انا مكدر جم دوب الصبر يحسين  جم دوب الكلب يصبر وازاني الحرك والنار     هم ترجع وألك انطر فتاني الهظم احاه      ومصابك تره يكبر يالنايم لفاني الجيش   اكعد خل اكلك ليش                 ولخيامك وصل عسكر خطيه سكينه من ركضت   فوك الجمره بالهيمه وعلاوي هاشم الشردت    من ما ضلت الخيمه وعبيهن ويلي احتركت    وينك ياابو الشيمه احتارن بالركض ويلاه   لمن هدت الجيمه دارت هالزلم والخيل    نركض ما بقنه حيل                ومرمرني الزمن ضيمه ل أسعد الناصري

#أبوذيـة اخوتي وطيف بحلامي مره الهم مره الشمر يضربني مره الهم هلي يدرون بالغربه مره الهم دخلت نص دواوين ال اميه علي جبار الكعبي الفاتحه لوالدي #اللهم_عجل_لوليك_الفرج

#نعـي لتكول خويه شبيج مابيج ولتكلي  ياهوه المبجيج الشام وادمهم يشتمون محد يكلي الله يجويج راوني  خويه  اشاكل والوان يفرون بينه وحنه  نسوان وكل ما نكول لحكنه يحسين يگولون خليناه عريان عطاب  كلبي نترس عطاب لمن حدوني خويه الاجناب كالولي مده الجرح ويطيب وسوك جرحه اخضر وماطاب مجبوره اسولفلك البيه من ياوكت اختك سبيه والله زمن من عكب عباس كالو على زينب خطيه قاسم الغزالي #اللهم_عجل_لوليك_الفرج

#نعـي حبست ادموع عيني اعليك للشام خوف اتشوفني اعيون الشماته وأخنگ عبرتي وأدفن بالالام حرام انچان ساعه الليل أباته عله اظهور الهزل دارتنه الأيام ومشونه بدرب ما ماشياته يتفرج علينه الخاص والعام واحنه إخيالنه ما شايفاته تدگ اطبولها ويضرب الدمام وسمعّونه الحچی الما سامعاته و مرامي اعيونهم امضه من السهام وأصبح خارجي حسين وخواته تفز جروح بينه لو جرح نام كل ليل الخرابه امساهراته من بلد البلد والروس جدام وراسك عمه اعيون امدللاته كل خطوه بجرح ماشيت الأجناب وكل نظرة ابسهم ترميني العيون وكل يوم اليسر عديته بمصاب و ما بيه جرح بمصيبتي ايهون ريت بدال راسك راسي ينصاب گد ما بالحجر جانوا يرامون هلاهلهم طرب واطبول نشاب علينه وأستحي اشجانوا يگولون گد ما خوفنه جان اعله لحجاب ردنه الگوم بينه بليل يمشون دولبنه الزمان اشلون دولاب وضعنه بالخلگ مثل اليضيعون عزيز الفيصلي #اللهم_عجل_لوليك_الفرج

هاي السبايه كوم وتلكاها اشلون زينب تعثر بممشاها *** طلعت ويحدي الشمر بضعونها والعقيله الله يكون بعونها اشلون زينب كامو ايشتمونها وبالحبل بت حيدر يجتفونها وماكو واحد من اهلها اوياها وهاي السبايه كوم وتلكاها * اوياها جم حرمه سبوها وجم طفل وزينب اخوتها كضو بالطف جتل اشلون زينب صعدت اضهور الهزل كون حي عباس ابو الغيره وعدل الدنيا جا حمره الكمر سواها وهاي السبايه كوم وتلكاها * امن المصايب زينب اهواي انحنت وهاي ما صارت كبل حرمه نسبت ومن عكب عين الكفلها اتيسرت وعالوجن دمعتها بت حيدر جرت بصوطه جا ليش الشمر اذاها وهاي السبايه كوم وتلكاها ** اميسره تدرون والموقف صعب ابلا كفيل ام عون والوادم غرب حته راس حسين ضل دمعه يصب اشلون للديوان بت حيدر تطب ابلا اهل وسفه الوكت خلاها وهاي السبايه كوم وتلكاها *** الشام واهل الشام كلها اتجمعت ومن وصل ضعن السبايه هلهلت واعله زينب ليش كلها اتفرجت وتطر ذاك السوگ ابد ما حسبت وهذا حال الضيعت ولياها وهاي السبايه كوم وتلكاها * بالخرابه اتبات مو هينه تره بيا وكت زينب تطب اميسره والعرب يدرون حرمه للمره اشلون يسبون العقيله الطاهره وبالخرابه ما غفت عيناها وهاي السبايه كوم وتلكاها **** تمت تحسين الخفاجي

باچر ايسألوني وين أصحابي راحوا وخلوني وحدي احبابي * اشلون لو منكر سألني ابغربتي والذنوب اهواي نزلت دمعتي حيرتي بالوحشه صارت حيرتي وانه بالخدمه صبغت اثيابي *** ابتدي اللحظات لو دمعي همل والسؤال اشلون لو منكر سأل بالگبر وهناك لو جسمي نزل تبتدي اول مسيره اعتابي *** بيه لو ضاع الامل وسط التراب باچر يسالوني عن يوم الحساب وين افنيت العمر وين الشباب تنزل الدمعه ويطول احسابي *** ابيا فعل گلي بديته بهل الحياة لو يسألونك يجي فرض الصلاة بس ابو اليمه صدك باب النجاة خدمتك صارت بدايه اجوابي *** اشلون بچاني واخذ يبدي العتاب وين عمرك لو بده يحصي الكتاب انه اجاوب خدمة احسين الجواب هاي دمعاتي وجروح اصوابي *** باچر اهوال الگبر حسره وآنين مشهد الشفته يظل منظر حزين بالگبر ونريد تحضر ياحسين نعرف الونه وبيان اسبابي *** انه لو وسط الگبر ظلمه اصبحت ولا الي واحد صعب موقف شفت حسين ما يتركني وحدي اتوقعت بالمجالس وي طيب احبابي *** بالگبر شفته اجه وگرب الي وانه كل صوتي دخيلك ياعلي غابو احبابي ومشو عني اهلي بالسلامه خدمتي وجلبابي *** بالگبر مخنوگ بس جاني الهوه گام بيده احسين يشعلي الضوه گلبي لهفان واجه ابچفه ارتوه خادم احسين بيميني اكتابي *** تمت بعون الله تعالى الشاعر_يوسف_الفتلاوي

قناة🦋 للقصائد 🦋والألحان🦋 ملا شهاب 🦋 الاسدي🦋 pinned «تعبني الركض يحسين   من الخيمه للتله كل همي اشوفك وين   حتى جسمك اندله وانا من الركض مليت      وبيه زادت العله نايم يالأخو لو ميت       بعدك عايشه بذله بيا كتر جسمك طاح    بيه مكسره الرماح                 وبعدك بانت الخله كل شوغه بسبب بعدك   تمرد روحي بحسره…»

آ يحسين ومصابه لجله العين سچابه --------------------------------- الك يحسين ناذر من زغر روحي ‏تضل دوم لمصابك عبرتي ونوحي ‏مجروح و عزائك بلسم جروحي ‏يالجدام لمجالس فاطمه روحي ‏بيهه الخير وأسبابه آ يحسين ومصابه ‏ --------------------------------- ‏ تدوّر عالمجالس فاطمه الزهره ‏ گبل كل الخدم نلگاهه متحضره ‏ مارادت نطالب للگبر حضره ‏گالت حضرتي بگلب اللطم صدره ‏خلهه أتكون بحسابه آ يحسين ومصابه ‏--------------------------------- ‏أكتب واقره الچ يا زهره تدريني ‏أسمع ونّتچ ما شافتچ عيني ‏أجيت بحاجة فاطم لا ترديني ‏أريد الدمعه ما تنشف على حسيني دمعة شوگ لهابه آ يحسين ومصابه ‏ ‏-------------------------------- ‏ شجاهه الناس خادمكم يلومونه ‏ بالون و اللطم گامو يعيرونه ‏ لون شافو مقام الشافته عيونه ‏ محمد وآله كل مجلس يحضرونه ‏يسطع نور بأعتابه آ يحسين ومصابه ‏ --------------------------------- ‏ حليب الطاهر بطبعه اليدلّي الناس ‏ على أطباع الكرامه الغيره والنوماس ‏ يضل طبع اليخدمچ عدنه رفعة راس ‏ شرف ما شفنه مثله وداعة العباس الخدمه اتنور بكتابه آ يحسين ومصابه --------------------------------- أبد ما عوفه مجلسكم عهد عندي ‏لون بيه تزهد الوادم أضل وحدي ‏يقين أم الحسن موجوده والمهدي ‏غير حسين أگلهم كلشي ما عندي ما دگيت بس بابه آ يحسين ومصابه ‏--------------------------------- ‏ الشاعر ابو محمد السعيدي ‏ ‏

نعي للسبي حنينه لأبونه حنت النوگ مثل المخيم گلبي محروك تكتل تره ياطبت السوگ ✦▬▬❖•◐❁❁◐•❖ ▬▬✦ راس الابو يمشي گبالي شاله برمح والرمح عالي عاين عليه چنه الوالي ✦▬▬❖•◐❁❁◐•❖ ▬▬✦ صد لبناتك شوف اديهن الحبال بويه تاذيهن تاه الدرب من يدليهن ✦▬▬❖•◐❁❁◐•❖ ▬▬✦ هلت عيوني على اليتامه تدرينه مانحمل ملامه الليل اليمرنه مانامه ✦▬▬❖•◐❁❁◐•❖ ▬▬✦ يكتل تره نوم الخرابات واحنه الدلاله معلمات صحنه شيرد اهل المروات ✦▬▬❖•◐❁❁◐•❖ ▬▬✦ ننعه بنواعي لذيچ اهلنه ونات على بيهم محنه هناا يمن طشو شملنه ✦▬▬❖•◐❁❁◐•❖ ▬▬✦ ╔═══❖🌹❖═══╗ 📝 كتبت القصيدة عام 2026 ✍️ الشاعرة والمله أم عراق الشمرية (بغداد ♦️) ╚═══❖🌹❖═══╝ نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه الى ارواح امواتنا وامواتكم وبالاخص الى روح والدتي ام مصطفى واخي الشهيد مصطفى جمال الشمري 🤲

✏نعي مفجع حال الرباب بعد فقد عبدالله الرضيع أهـزن بـالـمـهـد بـهـداي بـهـداي عَـگـلـي ذهـيـل وتــايــه الـراي راح الـرضـيـع اولـبّـت احـشـاي اشـضـل بــعـد اعـمـن عـيـنـاي گـبـلــه مـتـت يـاريـت يـاريـت غـاب الـوَلـد وبحزني ضـليـت اشگـد احملت وشگـد تـمـنيـت يـوم الـمـهـد عبـدالله لـولـيـت ضليت اداوي اجروح بـجـروح خـالـي الـمـهـد ومعلعله الـروح ادري بـعـزيـز الـگـلـب مـذبـوح وأنـطـر يجيني ابعطره اليفوح ادري الــصــبـر يــنــراد يــنــراد لـٰـكــن عـلــيــه الــحــزن يـزداد كـلـمــا يــمــرنـي طـاري الأولاد ايـحـرّم حـيــاتـي اولـذّت الـزاد *------------------*---------------* ✍خادم الحسين ع الشاعر رعد الجريخي 🏴أنت المعزى سيدي يا صاحب الزمان ... عظم الله اجوركم💔 ✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا https://t.me/hhhhhzxcvb

نعي للسبي حنينه لأبونه حنت النوگ مثل المخيم گلبي محروك تكتل تره ياطبت السوگ ✦▬▬❖•◐❁❁◐•❖ ▬▬✦ راس الابو يمشي گبالي شاله برمح والرمح عالي عاين عليه چنه الوالي ✦▬▬❖•◐❁❁◐•❖ ▬▬✦ صد لبناتك شوف اديهن الحبال بويه تاذيهن تاه الدرب من يدليهن ✦▬▬❖•◐❁❁◐•❖ ▬▬✦ هلت عيوني على اليتامه تدرينه مانحمل ملامه الليل اليمرنه مانامه ✦▬▬❖•◐❁❁◐•❖ ▬▬✦ يكتل تره نوم الخرابات واحنه الدلاله معلمات صحنه شيرد اهل المروات ✦▬▬❖•◐❁❁◐•❖ ▬▬✦ ننعه بنواعي لذيچ اهلنه ونات على بيهم محنه هناا يمن طشو شملنه ✦▬▬❖•◐❁❁◐•❖ ▬▬✦ ╔═══❖🌹❖═══╗ 📝 كتبت القصيدة عام 2026 ✍️ الشاعرة والمله أم عراق الشمرية (بغداد ♦️) ╚═══❖🌹❖═══╝ نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه الى ارواح امواتنا وامواتكم وبالاخص الى روح والدتي ام مصطفى واخي الشهيد مصطفى جمال الشمري 🤲 💔https://t.me/omiraqalshamary ‏تابع قناة الشاعره والمله ام عراق الشمرية (بغداد ♦️ في واتساب: https://whatsapp.com/channel/0029Vb81L7F3WHTgPw8mAI2K

#ثكيل منبريه ما أشد وحشة هذه الليله على السيده زينب عليها السلام قصيدة ( لا كفيل ولا خيم ) ألليل أجاني و بس حرم لا كفـــيــل ولا خيِـــــمْ يــــا أبــو فاضـل يــــا أبــو فاضـل * خيّـم الليل ابظــلامه وانــته غـايـب منين ما اصد بالنظر بس الأجــانـب خويــه بعــدك شفنه آلام و مصايب خويـــه أعظم نايبه مـــن هالنوايب أسيره أبالي مــــا مـر هالخبر أسيره مــن بعــد گطــع النحر أسيره وأنتـــه غايب يا گمــر يــــا أبــو فاضــــل يــــا أبـــو فاضــل * هـــذا اول ليـل بـــتْ حيدر سبـيه خويه مـا ظنـيت هيـچ يمــر عليه والله صعبه يا گمر فوگ الــوطيه آه يـــا فگـــد الاخـو اكبــر رزيــه غريبه امفارگه أحبابي وهلي غريبه صعبه مــا عندي ولـي غريبه مــن رحـت يـا كافلـي يــــا أبــو فاضـــل يــــا أبــــو فاضـل * هــذا أول ليــل مـــا بيــن الشـمـــاتــه اليفگد أحبابـــه بعـــد شلّــه بحياتـــه آه يـــا درب الســـبي ويـــــا نــايبـاته الگمر غايب وسفه عن أهله وخواته يخويه اگعـــد وشـــوف الســده يخويه وحــدي مــا بين العـــده يخويه وشخصي كلها اتشـاهده يــــا أبـــــو فاضــل يــــا أبــو فاضـــــل * خويــه صعبـه تنسبي بنت الـوديعه ومــو وكتهــا طيحتك يـم الشـريعه بعيني ضاگت يا گمــر هاي الوسيعه يــوم صـدت عيني چفينــك گطيعه سبيه بعد طيحت يمنتـك سبيه مــن هويت برايتـك سبيه خويه ترضه غيرتك يــــا أبــو فاضـــل يــــا أبـــو فاضـل * شگــد تمنيــتك يبن حـــامي الحمـيه تنظـــر لـــزينب يخــويه بهـل المسيه آه يـــا ليــل اهـــدش بـــالغــاضــريه اسهام نظـــرات العــدو چنها المنيــه حسافه يهلـــي أظـــل أمحيره حسافه نمتو تالي أعلـى الثــره حسافه زينــب انـــه أميســره يــــا أبـو فاضـــل يــــا أبـو فاضـــل * شنهو لذت الـــروح لــو فگدت أهلـها ريــت ويـــاكم لـَـوّن مــر بيهـا اجلـها يوم شفـت الرايه چـف شامت حملها ويــن زينب نــاده چـــا ويــن الكفلها يزينب ويــــن شـــَيّال الٓــــوه يزينب طـــاح منْ أيده وهوه يزينب بعينـه مــوتنا الضـوه يــــا أبــو فاضـــل يــــا أبــو فاضـــل ** الشاعر موسى البديري

المشرعه وحراسهه الا اكصن راسهه ** انه صعدت الفواطم والضعن بيهن حده شايل بروحي المحبه وعلحرم انزل نده من يغثون العقيله اكسر ظهور العده الكفر وارجاسهه الا اكصن راسهه ** انه يازينب كفيلج لا تهمين بخطر الا اطبنهه الشريعه والا اوصل للنهر انه طاعون العساكر بالحرب اسمي انتشر لو زعل عباسهه الا اكصن راسهه *** اي وحق عودج يازينب الا اكص راس الضمه انه اكدر هسه اجيبن ماي من جبد السمهه مو نهر يبعد مسافه عني يابنت فاطمه الشريعه وناسهه الا اكصن راسهه **** انه عريس المنايه وكاشخ بسوح الحرب هلهلت سوح المعاره بكربلا وطش الرعب كالو نسد الشريعه ونكطع اعليك الدرب الا اهدم ساسه الا اكصن راسهه *** فارس وسيفي بيميني وشايل الرايه بعزم الا اطب اعله الشريعه والا ار ويهه الحرم راح اشد الموت بيدي واخذ ارواح الزلم الا اشل انفاسهه الا اكصن راسهه الشاعرعلي زيدان الفريجي

قصيده لاستقبال شهر محرم. 🏴 اجه شهر الحزن لحسين شــدو احـــزم للخــدمه ـــــــــــــــــــــ•ــــــــــــــــ اجه شهر الحزن والنوح وين اليخـدم المذبـوح كل مجلس عزاء ايـروح شدوا العـزم والهمــــــه ـــــــــــــــــــ•ـــــــــــــــــ هالكـون اخـتلف وضعه حزنانـه الســمه السـبعه هنيــــــاله اليـهل دمعـه توگــــع بيـــد ابو اليمه ــــــــــــــــــــ•ــــــــــــــــ الشعائر واجبه احـيوها الحسـينـيات افرشـوها والـــرايـــات علگــوهـا بيــــــن بالسمـــه دمه ـــــــــــــــــــ•ــــــــــــــــ حضـــــروها مـــآتمكـم والــزهــره التــــوفقكـم حسيـن بخيمـــته يلمكم عنـده الخـــدم ملـتمه ــــــــــــــــــــ•ـــــــــــــــ كلمــــن لطـم بجفـــوفه الزهــره بعيـنهـا تشـوفه تسـجله حاشــه متعوفه هنـاك الجـائـــزه تســلمه ـــــــــــــــــــــ•ــــــــــــــ دوم اعـله الخـدم تفتـر كل مجلس عــزه تحضر تبچي الگطعت المنــــحر الضل اعله الثــره جسمه ــــــــــــــــــ•ـــــــــــــــــ تمـت بـعـون الله تعالـى بـ✍️خادمـة الحسين "عليه السلام" الملـه أم مـجتبـى (مداد الطف) نسالكم الدعاء بتعجيل الفرج لصاحب الزمان نشر قصائد حسينيه العلويه ام حيدر الموسوي https://t.me/idgfjgdbso 💢💢🏴🏴🏴💢💢

#نعـي اجتنا الگوم وجهي وين اديره لا خوان ظلت لا عشيره وماكو العلينا بيه غيره وتاليتي على الهزل اسيره چبيره مصيبتي والله چبيره #اللهم_عجل_لوليك_الفرج

#نعـي بخيول عشرة عليه جالت وراسه على راس الرمح شالت لن صيحه من زينب تعالت من شافته حنت وگالت بينا الارض يحسين مالت ودموعي مثل دماك سالت #اللهم_عجل_لوليك_الفرج