إتحاد طلاب كلية الزراعة جامعة المنوفية

https://www.facebook.com/share/p/19MpvUKJxF/ سيشن تعلم كيف تتعلم للأستاذ الدكتور أحمد عبدالقوي رئيس قسم الحشرات الاقتصادية🤍...

السلام عليكم ورحمة الله وبركاته.. لو سمحتم الموجود منهم هنا يبعت تأكيد أنها وصلته ولو تعرفوا حد منهم بلغوه والمهم لل يشوفها يبعت يأكد عشان نحاول نتواصل مع باقي الشباب...

‏صورة من Eman Hagagعلى جميع الطلاب الاتى أسماءهم سرعة إحضار نموزج ا دخول الامتحان لشؤون الطلاب حتى نتمكن من الارسال إلى الجامعة ويتم تخرجهم دور سبتمبر اخر ميعاد يوم الإثنين الموافق ١٠/١٣

لو حد بيعرف يعمل فويس اوفر ومتمكن يبعتلي ليه فرصه كويسه

لو حابب انك تتعلم انجليزي فأنا النهارده جايبلك كنز حرفيا جامعة Oxford فتحت كورسات إنجليزي لكل الناس آه والله، Oxford نفسها مش كورسات باسمها وخلاص و كمان من خلال Oxford University Press يعني الحكاية جد جدا إيه اللي مميز في الكورسات دي؟ اولا: الكورسات فضلا عن أنها من جامعة زي Oxford اللي هي من أعرق الجامعات في العالم و من أفضل الجامعات في العام بعد Harvard و MIT في أمريكا فهي كورسات من "Native speakers" يعني ناس بتتكلم اللغة نفسها ثانيا: المدة لكل مستوى هي 8 ساعات بس ثالثا: المستويات من أول مبتدئ (A1) لغاية المحترف (C2) طيب كل دا بكام؟ المفاجأة أن كل دا بسعر بسيط جدا.. ولا مليم.. كله مجاني من غير ما تسجل حتى تعالى نشوف الروابط على السريع كده: المستوى الأول (A1) – للمبتدئين خالص: https://elt.oup.com/student/englishfile/beginner3/?cc=sa&selLanguage=en المستوى المتوسط (B1) – لو عندك خلفية شوية: https://elt.oup.com/student/englishfile/intermediate3/?cc=sa&selLanguage=en وعشان تعرف مستواك بدقة.. امتحن نفسك من موقع أكسفورد نفسه (قراءة - تحدث - استماع - مفردات) https://www.oxfordonlineenglish.com/english-level-test المثير في الموضوع ان بما ان الكورسات دي من جامعة Oxford نفسها فأنت تقدر تحطها في خانة ال education فال CV بتاعك و تبقى online education بكدا انت عملت حاجه عظيمة جدا تجذب انتباه الشركات ليك.. أثبتت انك بتتعلم بشكل مستمر و كمان عندك ثقافة ال online education مش التعلم المعتاد اللي بيكون في سناتر أو كورسات on-site بس و كمان اتعلمت من جامعة من أفضل جامعات العالم و من native speakers كمان عايز الكلام اللي بجد؟ مفيش أي عذر إنك تفضل تقول "نفسي أتعلم إنجليزي" مجاني أو بفلوس اي حاجه موجوده شوفها ومتفضلش واقف مكانك الفرصة قدامك و كل اللي محتاجه هو لابتوب أو موبايل و سماعة... و ركز و عيش و ادعيلي ❤️ ملحوظه ده هيطور مستواك ولكن مش أساسي لان زي ما قولنا الشهاده المعتمده بره لازم ايلتس او تويفل أو شهادة جامعه الأمريكيه كل المنح و الكورسات الجديدة هنزلها بإذن الله اول بأول فلا تقلق  ودعواتكم ليا بقا اتابع معاكم قبل ما اروح الجيش🫠❤️‍🩹

✨ سواعد شباب مصر بتدعوكوا ليوم غير عادي في استاد القاهرة الدولي ✨ يا شباب المنوفية 🔥😍 استعدوا معانا ليوم مليان طاقة وحماس 💪… وفرح كبير بيجمعنا كلنا في مكان واحد! 🚍 موفرين باصات رايحة جاي من محافظة المنوفية للاستاد 🥪 ومعاها وجبة لذيذة طول اليوم 🎶 وفقرات ترفيهية 🎤 وحفلة ضخمة بمشاركة نجوم كبار (المفاجأة لاحقًا ) 📍 المكان: استاد القاهرة الدولي 🗓️ التاريخ: الجمعة 12/9/2025 🍔 يوجد إعاشة 📲 اللي حابب يشارك… يدخل جروب التسجيل من https://chat.whatsapp.com/HJlBMWqK8LT4tfFOvoXwHd?mode=ems_copy_c التحرك يومها من شبين الزياره مجانا بحضور وزير الشباب والرياضة

📢 إعلان – تدريب صيفي مجاني في مجال جودة وسلامة الغذاء هل أنت طالب أو خريج جديد؟ حابب تبدأ مشوارك المهني في مجال مطلوب بجدّية في سوق العمل؟ إحنا جبنالك الفرصة! جامعة مدينة زويل للعلوم والتكنولوجيا بالتعاون مع مؤسسة ميديكس للتدريب وتكنولوجيا التعليم يقدّمان تدريب صيفي متخصص في مجال جودة وسلامة الغذاء — ولأول مرة خصيصًا لطلاب وخريجي كليات الزراعة. المزايا: تدريب عملي ونظري يغطّي أساسيات الجودة وسلامة الغذاء. شهادة معتمدة من مدينة زويل بعد الانتهاء من التدريب. فرصة قوية لبناء المهارات والانطلاق في سوق العمل. المنحة متاحة للطلاب والخريجين الجدد على حد سواء. طريقة التقديم: للتقديم، اتبع هذا الرابط واملأ بياناتك: رابط التقديم: https://form.medixform.com/info3645/form/Untitled373/formperma/oD3TU8kj1l0DpcfzbFJn7vPGBELSZWXAzu35u8OWQbY #اتحادطلاب_كلية_الزراعة_جامعة_المنوفية

& اخر موعد لتقديم الطلاب القدامي في المدن الجامعية غدا الخميس ٨/٢١ & موعد تقديم طلاب الفرقة الأولي ٩/١ حتي ٩/١٥ & ومن يوم ٩/٢٠ حتي ٩/٢٥ الطلاب المتخلفين عن التقديم ويتم القبول في حالة وجود أماكن . & علما بأن لا يوجد تقديم في مواعيد أخري إلا في خلال الفترات السابقة المعلن عنها ، فعلي جميع الطلاب الالتزام بالتقديم في المواعيد المحددة لكي يستثني لنا عمل اللازم . س / فعلا طالب الانتساب ليس له سكن بالمدينة الجامعية ؟ ج / السكن لطلاب الانتظام ولايحق لطالب الانتساب السكن بالمدينة الجامعية .

https://www.facebook.com/share/p/15wRfPTJvM/

لمحافظات ( الغربية .المنوفية) فقط "الشباب والرياضة " تطلق الفوج الثاني من رحلات " إعرف بلدك " إلى الغردقة. تعلن وزارة الشباب والرياضة - الإدارة المركزية لتنمية الشباب ، الإدارة العامة للبرامج الثقافية والفنية عن إنطلاق الفوج الثاني من رحلات " إعرف بلدك " إلى الغردقة. ، خلال الفترة التالية ٢٠٢٥/٨/٢٦حتى ٢٠٢٥/٨/٣٠ لمحافظات( الغربية .المنوفية ) . - مدة الفوج خمسة أيام بأربعة ليال. - المرحلة العمرية: من (١٨ - ٤٥) سنة. - قيمة الاشتراك: (١٥٠٠جنيه) ألف وخمسمائة جنيها من كل مشارك. - الإقامة والإعاشة بالمدينة الشبابية بالغردقة. - الإستقبال على وجبة الغداء. - التسكين بغرف رباعية. - للاشتراك من خلال الرابط الالكتروني التالي: - https://www.emys.app/youth/trip_public - يتم الحجز وسداد قيمة الإشتراك من خلال أي ماكينات فوري او فيزا بنكية. - يمنع السداد وتحويل قيمة الاشتراك عن طريق تطبيق انستا باي أو محفظة بنكية اوإلكترونية . - أولوية المشاركة في الرحلة بأسبقية الدفع..

السلام عليكم ورحمه الله وبركاته دول لينكات جروب وقناة الدفعة 87 الفرقة الأولي كلية الزراعة بجامعة المنوفية ،هنا هتلاقوا كل اللي محتاجينه من مساعده وردود علي أسئلتكم طوال فتره دراستكم وبنفضل معاكم بفضل الله لحد تخرجكم وربنا يوفقكم جميعآ❤️ وابعتوه لزمايلكم اللي داخلين جديد لينك القناة: https://t.me/elferka_eloula87 لينك الجروب : https://t.me/+EJe2w84AU9JlOThk

يشباب آخر تسجيل للناس اللي خدت إستثناء بكره

السلام عليكم ورحمة الله وبركاته تنويه هام لجميع الطلاب لكل طالب أو طالبة كان ناوي يسجل مواد في الترم الصيفي (Summer Term) ومتضرر من قرار إلغائه أو من عدم السماح بالتسجيل لأي سبب: التسجيل هيفتح من دلوقتي ولغاية بكره بليل 📝 رجاءً قم بتسجيل بياناتك في الفورم…

السلام عليكم ورحمة الله وبركاته تنويه هام لجميع الطلاب لكل طالب أو طالبة كان ناوي يسجل مواد في الترم الصيفي (Summer Term) ومتضرر من قرار إلغائه أو من عدم السماح بالتسجيل لأي سبب: التسجيل هيفتح من دلوقتي ولغاية بكره بليل 📝 رجاءً قم بتسجيل بياناتك في الفورم التالي بدقة، علشان نرتب الحالات ونعرضها بشكل منظم علي إداره الكليه والجامعه بشكل نهائي: 🔗 رابط الفورم: https://forms.gle/StEXR5hdWueYyqcz8 تكون كنت ناوي تسجل سمر فعلاً. تسجل بياناتك كاملة بشكل محترم. نسأل الله التوفيق والسداد ما زلنا وسنبذل ما في وسعنا لما فيه مصلحة الجميع. 📣 شاركوا الرابط مع زملائكم لأي حد مسجل ترم صيفي

📢 السلام عليكم ورحمة الله وبركاته زملائنا الأعزاء حاببن نوضح ليكم آخر المستجدات بخصوص الترم الصيفي بناءً على ما أكده معالي عميد الكلية حتى الآن: 🔹 الطلاب المسموح لهم بتسجيل الترم الصيفي هذا العام هم فقط: ✅ الطلاب المتوقع تخرجهم هذا العام بحد أقصى ٤ مواد. ✅ الطلاب المعرضين للفصل النهائي من الكلية في حالة عدم التسجيل. ✅ طلاب التشعيب (الفرقة الثانية) اللي شايلين مادة أو مادتين أو ثلاث مواد فقط. ❌ طلاب الفرقة الأولى: للأسف، مش هيقدروا يسجلوا الترم الصيفي السنة دي، وده بناءً على قرار الكلية الحالي. ⚠️ تنويه مهم: الترم الصيفي مش هيتفتح تاني بنفس النظام ده يعني السنة دي هي آخر سنة يتم فيها السماح بهذه الاستثناءات. وحاولنا بكل الطرق توسيع الفئات لكن ده أقصى ما تم السماح به وهي الحالات الحرجة فقط. 📝 بالنسبة للطلاب اللي شايلين مادة الإحصاء وواقفين عليها لو حاسس إن ليك درجات انزل قدم تظلم فورًا، خصوصًا إن عدد اللي قدم تظلم حتى الآن قليل جدًا. التظلم في مادة الإحصاء فقط بدون رسوم 📌 ملحوظة أخيرة: نرجو من جميع الطلاب اللي هيُفتح ليهم الترم الصيفي الالتزام بالحضور والانضباط الكامل. 🔁 نتابع معاكم أول بأول وأي جديد هنبلغكم بيه فورًا. مع تمنياتنا للجميع بالتوفيق 🙏🌱 اتحاد طلاب كلية الزراعة – جامعة المنوفية

https://www.facebook.com/share/p/15sh2sVfBp/

المذكرة المقدمة من اتحاد طلاب كلية الزراعة جامعة المنوفية بشأن قرار الترم الصيفي تم اليوم عرض هذه المذكرة علي معالي وكيل الكلية لشئون التعليم والطلاب ومعالي عميد كلية الزراعة ا.د أحمد صلاح الخولي وصرح سيادته بتشكيل لجنة لمراجعة النتائج المتدنيه وتوضيح أسباب الرسوب ثانيا إتخاذ قرار بفتح التظلم للطلاب المسجلين لمقرر ماده الإحصاء وبدون أي مصاريف ويتم الإطلاع علي الورقه كامله منعا لأي شك ثالثا سوف يتم التواصل مع رؤساء الأقسام وتقديم اعتذار رسمي نيابه عن الطلاب وأن ما حدث من إثارة للرأي هو من بعض الطلبه الذين لا ينتمون للكلية ومن يتم ثبوت إشتراكه بتحريض الطلبه سوف يتم إتخاذ الإجراءات اللازمة ضدة رابعا من تقرر لهم السماح حتي الآن هم الطلاب الخريجين ب ٣ أو ٤ مواد علي الأكثر لهذا العام والطلاب الذين سيتم فصلهم نهائيا إذا لم يسجل أي مواد في الترم الصيفي وحتي الآن نتابع بشأن التماس تعديل هذا القرار لأنه قد يضر بمصلحة الطلاب وسنوافيكم بالجديد

السلام عليكم ورحمة الله وبركاته ازيكم يا شباب يارب تكونوا بخير وفي أفضل حال حابب أوضح حاجه بالنسبه لظهور النتيجه وإستعجال بعضكم عليها وده حقكم ولكن زي ما وضحت إن كل المواد اتعلمت من فتره ولكن إضافتها علي الموقع هيا اللي كان فيها مشكله فبإذن الله النتيجه بانت النهارده ولحد بكره بالكتير هتكون النتيجه ظهرت للكل والموقع اتظبط ودلوقتي شغال https://stdch.menofia.education/static/index.html وهتكون اعتمدت من الجامعه يعني أي حد حتي لو ليه درجات لازم يعمل تظلم طيب لو انت شاكك إن ليك درجات روح أعمل تظلم الدكاتره مش ملايكه وارد يكون في خطأ سعر التظلم السنادي هيكون ١٥٠ جنيه طيب علشان تعمل تظلم هتاخد إيصال من الشئوون وهتسلمه لمكتب سكيرتاريه الوكيل طب لو عملت وليك حتي درجه ورجعتلك هتاخد فلوسك تاني بالنسبه للسمر سعر الماده ٦٠٠ جنيه وضروري الحضور السنادي طالما هتدفع المبلغ ده لازم تستفيد وتعدي الماده والجدول السنادي بينقسم أونلاين وحضور في الكليه سواء محاضره أو سيكشن إن شاء الله أي حد عنده مشكله السنادي وتكون المشكله موجوده بالفعل أو محتاج يستفسر او يقترح حاجه هنشوفها في فورم الخاص بمشاكل الطلبه ونحاول نحلها بإذن الله مع اداره الكليه https://forms.gle/neKxtkGQh5aAFUXv5 وبإذن الله خلال اليومين الجايين هنعمل ميتنج مع حد من الشئون يرد علي معظم أسئلتكم خلال الفتره الجايه بإذن الله إتحاد طلاب كلية الزراعة جامعة المنوفية قائم وسيظل هو المدافع الشرعي والوحيد لمشاكلكم داخل الكليه وخارجها وتوصيلكم للجهات المعنيه بالنسبه لموضوع مشاكل التربيه العسكريه وعدم اللحاق كثير منكم للدخول ووجود مشاكل في الموقع فسيتم رفع تقرير للإداره بإلحاق طلاب كلية الزراعة التي ظهرت لهم مشاكل أو الموجود لهم مشاكل بالفعل وإلحاقهم بالدورات القادمه في أسرع وقت ودمتم جميعا بألف خير وألف مليون مبروك للناجحين 🥰 رئيس الاتحاد م/السيد خالد جمعه