قصائد اشعار بدوية

.

بـوح أخـر الليل يـأهل الليل غـربال وهموم ‏يطري علـى البال ما يطري مـن الدنيا وصكاتها.

تعبت من السهاد ومن تناهيدي على ماضيكِ ‏لو تنام الجفون من التعب جفن الوله ما نام يعلم الله إني تغاضيت مواقف وتصرفات وكلام ‏للحد اللي ماعاد ياسعه لا صدري ولا صبري .

‏تمر اسماء غيرها مالها موقع من الإعراب ‏ويمر اسمها سحابه في جفاف الروح مسكوبه ‏أحبها كثر ما هاجر عن فصول الخريف أسراب ‏وأحبها كثر ما أرض الوطن تتوارث شعوبه.

.

أنا الهادي اللي ما شكى جورة الخلان يشوف الخطأ ويصدٌ ما جادل أصحابه

وش لزومي في مفاهيم البشر مخطي وصايب العقول مقسمة والعاقل بعقله تقدّا أستميل لعزلتي وأبعد ولا عندي سبايب غير حبي للهدوء إللي عن اللجة مبدّا

غرايب وشطحات وخروجٍ عن المألوف لي سنين أمثل مجتمع ماا يمثلني تعرضت لأمور صعاب ماني بهّا مكلوف بعضها ظلمني كبرها مع صغر سني .

‏تجنبت عن حبك ولاشفت لي مفعول ‏لازال الغلا في حبّك العذب حابسني ‏عشقتك مع ان سيف الهجر في يدك مسلول ‏وقدّست قلبك ليت قلبك يقدسني ‏انا من فقدتك عايش الواقع المجهول ‏سروري مهمّلني وحزني مجالسني ‏كرهت البشر والحب والأرض عرض وطول ‏ولاعاد به شيءٍ سواتك يحمسني .

- من تناقضات الحب لـ محمد بن فطيس : اسمك يروعني لامر طاريه واحب ملقوف يسولف وطراه .. وقال : لحد يعشق وليف قد عشق قبله وليف والله إن يبطي وهو يونس مرارة غلطته

من وصايا بن فطيس : ‏لا شعرت إن المُواصل يذل النفس ‏كابر حتى ولو إنك من الشوق ميت .

لكن يا دكتور — جعلك ماتهون ابغيك كلمة راس دامك مابديت اسمع ولا ابغى اللي وزانك يسمعون ربي كتب يكشف لك أسراري وجيت صورة عديل الروح عندك في العيون واخاف تقطعها بموسك ما وعيت ! ماعليك امر - اطوّها تحت الجفون وعقبه لو تقطع عيوني ما شكيت — محمد بن فطيس

بكرا اليا مريتني بالدرب وعيونك تشوف في شاربي لعلمك كيف العيون تهابها.