الطريق الصح️️️🌸💜

صباحكم رسايل خير وسعادة🕊🩵 9 ذي الحجة (يوم عرفة) 📆 👈 النهاردة يوم مش عادي النهارده أعظم يوم في السنة كاملة عاوزين نبدأ اليوم بشكر لله أن بلغنا يوم عرفة🤍 ودعاء أن يعيننا الله فيه على حسن العبادة🍀 الحجاج هيقفوا على عرفات واحنا هنحج في مكاننا بقلوبنا وندعي ربنا نكون هناك السنة الجاية🤲 ادعيها بيقين بس وسيبها لله 🍃ابدأ يومك بأذكار الصباح وقراءة القرآن 🍃صلي الضحى في أي وقت من بعد الشروق بربع ساعة لحد قبل الظهر بخمس دقايق 🍃 من الضهر للمغرب حالة طوارئ بتصلي الفرض والسنة وبعدها رافع إيديك وبتدعي بس🤲 زي ماحبييك فضل رافع ايده طول ال٦ ساعات لدرجة لما ناولوه يشرب أخد بإيد واحدة وساب التانية مرفوعة 💚 🍃مع الدعاء كل شوية تقول "لا إله الا الله وحده لا شريك له له الملك وله الحمد وهو على كل شيء قدير " قولها ألف مرة أو أكتر أو أقل كل واحد وهمته💪 ❌ ممنوع تضييع دقيقة واحدة في السوشيال ميديا 📛 قال رسول الله ﷺ: "خيرُ الدُّعاءِ دُعاءُ يومِ عَرَفةَ، وخَيرُ ما قُلْتُ أنا والنبيُّونَ من قَبْلي: لا إلهَ إلَّا اللهُ وَحْدَه لا شَريكَ له، له المُلكُ، وله الحَمدُ، وهو على كلِّ شيءٍ قَديرٌ" إنت في أعظم فرصة لإجابة دعائك وتحقيق أمنياتك🫶 مستقبلك بين إيديك 📛 اوعى تضيعه 👌 #يوم_عرفة #أفضل_الأيام #نصيحة_الفجر

س/ ايه كفارة الغيبة؟؟ *** ج/ لو اغتبت حد يعني اتكلمت عليه بكلام يضايقه في غيابه حتى لو الكلام ده موجود فيه فعلا فكفارة ده إنك: 1️⃣ تستغفر ربنا من الذنب ده✅ 2️⃣ تتكلم عن الشخص اللي اغتابته بخير مع نفس الناس اللي اتكلمت معاهم عليه بشر 👌 3️⃣ تدعيله ولو حبيت تخرج أي صدقة عنه 🤲 4️⃣ فكرة إنك تطلب منه السماح وتقوله أنا قولت عليك كذا وكذا وسامحني فكرة صعبة شوية وهتسبب قطيعة وصعب حد يسامح فمش من الحكمة إنك تعمل كده أما لو قدرت تاخد منه سماح عام لو حصل منك أي حاجة فده ممكن طب ماقدرتش ⁉️ خلاص كفاية اللي فوق✅ #رسايل

خطة عملية للـ ٣٠ يوم رمضان ان شاء الله: ١- الـ ٥ صلاوات في المسجد للشباب. الـ ٥ صلاوات في وقتهم بدون تأخير للبنات. ٢- السُنن الراتبه ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء ) ٣- صلاة الضحي ( بتبدأ من بعد شروق الشمس بـ ربع ساعه ... لحد قبيل أذان الظهر بـ ربع ساعه ..... أقلّها ركعتين لحد ٨ ركعات ..إنت وهمّتك ) ٤- أذكار الصباح والمساء ( أذكار الصباح بعد الفجر .... وأذكار المساء بعد العصر ) ٥- صلاة التراويح - للشباب .... في المسجد مع الإمام واختار إمام يكون صوته حلو علشان تحسّ بالصلاه _للبنات ..لو هتصليها في بيتك ده الأفضل ولو هتنزلي المسجد يبقى بكامل حجابك ٦- الصدقه ( يوميا ....ولو بمبلغ بسيط ولو ربنا موسّعها عليك تصدّق بما يليقُ بك ...وافتكر في النهايه ان انت احوج للصدقه وأجرها من الففير ) ٧- عمره و حج يوميا ...معاك ٣٠ حجة وعمرة ماتسيبهمش في رمضان ( بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... لك بذلك أجر حجه وعمره تامه تامه تامه ..) ٨- قراءة القرآن - لأصحاب الهمم العاليه مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مره - لأصحاب الهمم المتوسطه مش أقل ٣ ختمات في الشهر ... بواقع ٣ أجزاء يوميا .... يعني هتختم كل ١٠ أيام مره - للمبتدئين وأصحاب المشاغل ... مش أقل من ختمه في الشهر .... بواقع جزء كل يوم فقط ٩- الدعاء ( عندك ٣ أوقات مافيش فيهم كلام ) - النص ساعه قبل الفطار - الساعه اللي قبل الفجر - اخر ساعه بعد العصر من كل جمعه ١٠- ركعتين في جوف الليل ( عاااااارف ياسيدي والله إنك صليت التراويح .... بس ده ميمنعش انك تصلي ركعتين خفاف في وقت النزول الالهي ... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوى ) -------------------- دول ١٠ خطوات ..... لو داومت عليهم....خلال الـ ٣٠ يوم ..... هيكون أحسن رمضان عيشته في حياتك ....وهتخرج من رمضان إنسان تاني ..... كأنك لسه مولود .... مين عارف مش جايز رمضان السنه دي هو نقطة انطلاقك اللي كنت مستنّيها من زمان ؟ جايز - منقول #رسايل #رسايل_رمضان

«‌‌‌‌‌‌‌‌‌‏على أعتابِ رمضانَ، دعني أقولُ: يا كريمَ القلب، إنَّ هذا الشهرَ ليس مجردَ موسم يتكرَّر، بل هو ميقاتٌ إلهيّ تُبعث فيه القلوبُ من سباتها، وتتنفس الأرواحُ الصعداءَ بعد عامٍ من الغفلةِ والتثاقل. وأيُّ استقبالٍ أكرمُ وأجلُّ من أن يُطرقَ بابُه بتوبةٍ صادقة، تُعيدُ للنفسِ صفاءَها، وللروحِ طُهرَها، وللقلبِ معناه؟ التوبةُ ليست طقسًا يُؤدَّى، بل تحوُّلٌ عميقٌ في مسار الحياة، وانعتاقٌ من أسر الذنوبِ إلى سعة العبودية، وإعلانٌ صريحٌ أن القلبَ لم يُخلقْ ليظلَّ مُثقلًا بأوزاره. فمن أراد أن يذوقَ حلاوةَ هذا الشهر، فليلقِ عن كاهلهِ أثقالَ المعصية، وليدخلْ على اللهِ بقلبٍ صادق، قد غسلته دموعُ الأوبة، وزيَّنته رغبةُ اللقاء.»

👈س / اتوضيت ولبست شراب ينفع امسح عليه ؟ ج / ايوة ينفع المسح على الشراب بشرط _يكون الشراب ملبوس على طهارة يعني بعد ما تتوضا _يكون الشراب تقيل مش شفاف يبين القدم _يكون الشراب مغطي القدم كاملة لحد الكعب وهي العضمة اللي في جنب الرجل 👈س/ينفع بدل مااتوضا اغسل رجلي بس ؟؟ ج/لا ....ماينفعش لازم وضوء كامل 👈س/ امسح على الشراب لمدة اد ايه ؟؟ لمدة ٢٤ ساعه من لبسه لو مقيم ولو مسافر ممكن تمسح عليه ٣ أيام 👈س/ المفروض امسح ازاي على الشراب ..امسح الشراب من فوق ولا تحت المكان اللي بيلمس الارض ويتوسخ ج/هتمسح من فوق بس لإن ده فعل النبيﷺ حتى ان علي بن أبي طالب رضي الله عنه قال : لو كان الدين بالرأي لكان أسفل الخف أولى بالمسح من أعلاه ، وقد رأيت النبيﷺ يمسح ظاهر خفيه 👈س / لو قلعت الشراب او عدى ٢٤ ساعة اعمل ايه ...لازم اتوضا تاني قبل ماالبسه ؟؟ ج /اه لازم تتوضا تاني 👈س / ينفع امسح على الشراب كل يوم ؟؟ ولو خلعته وانا متوضية يبطل الوضوء ولا لا ؟؟ ج/ اه ينفع كل يوم ولو خلعتيه وانت متوضية مش هيبطل الوضوء بس مش هينفع تلبسيه تاني وتمسحي عليه غير لما تتوضي تاني #أ_ب_فقه #رسايل

📣 ندااااااء لأصحاب الحضانات الأطفال أمانة عندكم دينهم وعقيدتهم دي أمانة لو حافظتوا عليها هيفضلوا طول العمر في ميزانكم أما لو علمتوهم إن الكريسماس ده عيد واحتفال هيتغرس برضو فيهم ويعيشوا طول عمرهم يحتفلوا بيه وبرضو في ميزانكم عارف إن حضانات كتير بتعمل كده وإنكم بتحتفلوا بسنة جديدة وإن الحفلات بتحبب الأطفال في الحضانة بس في الآخر...ده احتفال مرتبط بعقيدة ناس بيقولوا إن ده ميلاد الرب فما ينفعش نشاركهم فيه ولا نجيب الشجرة ونويل اللي عندهم رموز لعقيدة بتقول الرب اتولد رزقك في السماء مش في الأرض والحفلات دي مش هتوسع رزقك ولا حاجة والله هو ده وعد النبي اللي قالنا: "ولا يحْمِلَنَّكم اسْتِبْطاءُ الرِّزقِ أن تَأخذُوهُ بِمعصيةِ اللهِ ، فإنَّ اللهَ لا يُنالُ ما عِندَه إلا بِطاعتِه" ❌ فماتعودوش الأطفال على الاحتفال بالكريسماس❌ #عيدك_هويتك #رسايل_الكريسماس #رسايل_نهاية_العام #كاريكاتير_رسايل

💌 لكل أم وأب أولادكم مسؤوليتكم إنكم تحافظوا على صحتهم النفسية مسؤوليتكم زي بالظبط مامسؤليتكم تحافظوا على صحتهم الجسدية👌 🔹️لما ترجع من شغلك ولا تبص لابنك ولا تحضنه ولا تكلمه = إنت ماكينة 🏧 مش أب خااالص🤷‍♂️ 🔹️لما يبقى دورك تغسلي اللبس وتحضري الأكل وبس = إنتي كده آلة مش أم😅 ✋أصل وظيفتنا الأولى كأم وأب إننا نربي أطفال أسوياء ▫️أسوياء في دينهم ماعندهمش شبهات مش لاقيين رد عليها💯 ▫️أسوياء نفسيا بإني أشبعهم حب وحنان وأحضان🥰 ▫️أسوياء جنسيا بإني أحافظ على فطرتهم من إنهم يشوفوا أي مناظر خادشة على التليفونات وأنا مش واخد بالي ▫️ وأكون أمان ليهم يقدروا يحكوا كل حاجة من غير خوف أو تردد🤍 #رسايل

⛔ أحاديث مكذوبة في فضل شهر رجب ⛔ 1 - (( صومُ أوَّلِ يومٍ من رجبَ كفارَةُ ثلاثِ سنينَ ، والثاني كفارةُ سنتينِ ، والثالثُ كفارةُ سنةٍ ثُمَّ كلُّ يومٍ شهرًا )) 👈 ضعفه الألباني في 📚 ضعيف الجامع - رقم : (3500) 2 - (( كان إذا دخل رجبٌ قال : اللهم بارِكْ لنا في رجبٍ وشعبانَ ، وبلِّغنا رمضانَ ،، )) 👈 ضعفه الألباني في 📚 ضعيف الجامع - رقم : (4395) 3 - (( سُمّيَ رجبُ لأنهُ يُترجَّبُ فيهِ خيرٌ كثيرٌ لشعبانَ ورمضانَ )) 👈 قال الألباني موضوع في 📚 السلسلة الضعيفة - رقم : (3708) 4 - (( لا تغفُلوا عن أوَّلِ ليلةٍ في رجبٍ فإنَّها ليلةٌ تسمِّيها الملائِكةُ الرَّغائبَ ،،، )) 👈 قال الشوكاني موضوع في 📚 الفوائد المجموعة - رقم : (47). 5 - (( خمسُ ليالٍ لا تُرَدُّ فيهن الدعوةُ : أولُ ليلةٍ من رجبٍ ،،، )) 👈 قال الألباني موضوع في 📚 السلسلة الضعيفة - رقم : (1452) ✋ الله يرضى عنكم ياشباب قبل ماتنشروا أي أحاديث 🛑 اتأكدوا إنها أحاديث صحيحة مش باطلة أو موضوعة #رسايل

*س/ هو ينفع انوي الصيام بالنهار لو بصوم سنة مش فرض؟* **** ج/ أيوة ينفع تنوي الصيام بالنهار في السنة مش لازم قبل الفجر *بس بشرط ماتكونش أكلت أو شربت قبل ماتنوي* لحديث أم المؤمنين عائشة رضي الله عنها قالت: قال لي رسول اللهﷺ ذات يوم يا عائشة: هل عندكم شيء، قالت: فقلت: يا رسول الله ما عندنا شيء، قال: فإني صائم ✋بالمناسبة.. *لو صايم سنة وأكلت أو شربت وإنت ناسي تكمل صيامك عادي خالص زي مابتعمل في الفرض* لحديث: "مَن أكَلَ ناسِيًا وهو صائِمٌ، فَلْيُتِمَّ صَوْمَهُ؛ فإنَّما أطْعَمَهُ اللَّهُ وسَقاهُ" الحديث عام في الفرض والسنة فتكمل صيامك عادي #س_و_ج #رسايل

كل ثانيه فيها خزائِن من الحسناتِ فـَ أكثروا مِن الصلاة على النبي ليلة الجُمعه ، من أراد إنشراح الصدر ، وغُفران الذنب ، وتفريج الكرب ، وذهاب الهَم فليُكثر من الصلاة على النبي ﷺ . " اللهم صلِّ وسلم على نبينا محمد عدد ما ذكره الذّاكرون ، وعدد ماغفل عنه الغافلون " .

و ما الجُمعةُ إلا عيدٌ لقلبكَ -رتّل آياتِ الكهف -صَلِّ على النّبي -ابعث دعواتكَ إلى ربّك لا تنسوها يا كرام و ذكروا بها❤️

❌ما تقولش لحد ع فيلم يسمعه أصله جامد ❌مااتبعتيش لحد أغنية أصلها جديدة أو عجبتك ❌ماتقوليش لحد ع مسلسل تتابعه ❌ماتحطوش استوري فيها أغاني ❌ماتساعدوش حد يحجز لحفلة ولا سينما ولا أي حاجة زيهم ✋حتى لو بتسمعوا ✋حتى لو بتسمعوا ✋حتى لو بتسمعوا خلي ذنبك على قدك ليه تيجي يوم القيامة شايل ذنوب كتييير ع ضهرك خفف حملك الله يسترك #رسايل

إن شاء الله يوم الأحد القادم في خسوف كلي للقمر في مصر من الساعة ٧:٣٠ م ويستمر  ٥ ساعات صفة صلاة الخسوف ركعتين الركعة الأولى: هنقرأ الفاتحة و بعدين قراءة طويلة لأي سورة و بعدين نركع و بعدين نقوم من الركوع وتقول سمع الله لمن حمده ...وبعدين مش هتسجد بقى هتبدأ قراءة الفاتحة مرة تانية و تقرأ سورة مرة تانية و بعدين نركع و نقوم من الركوع و بعدين نسجد السجدتين . و بكده نكون خلصنا أول ركعة هنكرر نفس الخطوات في الركعة التانية . المفروض نطول في القراءة على قد ما نقدر الأفضل طول وقت الخسوف ، و القراءة في الركعة الأولى تكون أطول من التانية. شير لأن في كثير لا يعلمون أن يوجد صلاة خسوف القمر يوم الأحد وهي سنة عن رسول الله صل الله عليه وسلم..

السلام عليكم ورحمة الله وبركاته صباح الخير يا شباب ألا يكفيك قول الله تعالى: {وَاللَّهُ يُرِيدُ أَنْ يَتُوبَ عَلَيْكُمْ...} الله عز وجل "تواب" يحب التوبة من عباده.. فلا تحرم نفسك من فضل الله عليك.. ولا تملّ من التوبة مهما تكررت ذنوبك.. حتى يتوب الله عليك.

"خرزة زرقاء ـ عين ـ كف ـ حدوة حصان..." صور كتير من حاجات زي دي وغيرها الناس بتحب تستخدمها عشان يمنعوا عن نفسهم أو غيرهم العين والحسد! ولكن الحقيقة إن استخدام الحاجات دي كلها حرام ولا يجوز لأنها بتعتبر من التمائم.. قال رسول الله ﷺ: "إنَّ الرُّقَى والتَمائِمَ والتِّوَلَةَ شِرْكٌ." وقال ﷺ: "من علَّق تميمةً فقد أشركَ" فتعليق التمائم دي مع اعتقاد الشخص إنها بتمنع عنه العين والضرر بذاتها = شرك أكبر.. وإن اعتقد أنها لا تنفع ولا تضر بذاتها، وإنما هي مجرد سبب فقط = شرك أصغر.. وحتى تعليقها واستخدامها من باب الزينة من غير اعتقاد فيها = لا يجوز؛ وده لتجنب الشبهات وسد الذريعة. فتجنب الأمر سواء كنت تعتقد أو لا تعتقد فيها.. وتذكر أن الله عز وجل هو الحافظ وهو أرحم الراحمين. #اعرف_الصح t.me/moh_elghaleez

تاسوعاء و عاشوراء الجمعة و السبت انوي الصيام و ذكري غيرك شير في الخير ❤

قال رسول الله ﷺ: "اجعلوا من صلاتكم في بيوتكم ولا تجعلوها قبورا" وطبعاً المقصود هنا بالنسبة للرجال صلاة النافلة، لكن تعليق النبي ﷺ: ولا تجعلوها قبورا .. فعلاً، البيت اللي مفيهوش صلاة، اللي أهله لا يصلون ولا يذكرون الله عز وجل، فعلاً مثل القبر ..😢 وكذلك برضه قلب الشخص الذي لا يصلي ولا يذكر الله كثيراً، قلبه مثل القبر، مظلم، موحش .. 👈 لذلك قال ﷺ: "مثل البيت الذي يذكر الله فيه والبيت الذي لا يذكر الله فيه مثل الحي والميت" وفي لفظ تاني: "مثل الذي يذكر ربه والذي لا يذكر ربه مثل الحي والميت" 👈 يعني البيت اللي فيه ذكر ربنا حي، فيه حياة، فيه طمأنينة، فيه راحة، فيه سعادة ..💙 ❌ والبيت اللي مفيهوش ذكر ربنا بيت مليان بالظلام والكآبة، سواء الذكر ده كان ذكر بالصلاة أو بأي عبادة تانية .. 👈 وكذلك الشخص اللي بيذكر ربنا قلبه حي مطمئن، وراضي، وصابر، ومستلم لأوامر ربنا وحياته طيبة.😍 ❌والشخص اللي لا يذكر الله عز وجل، لا يصلي ولا يذكر الله بلسانه ولا يؤدي ما عليه من العبادات، قلبه مظلم، موحش، دايمًا مكتئب .. قال الله عز وجل: "وَمَنْ أَعْرَضَ عَن ذِكْرِى فَإِنَّ لَهُۥ مَعِيشَةً ضَنكًا" ش. مصطفى محفوظ ^^