قصائد السيدة زينب ام المصائب ع

يازينب الله ايعينچ…ماحضروا اربعينچ امنيتچ يجي للمگبرة… حسين ويسبع الگنطرة وماي الورد🥀 بديهم ★★★★★★★★★★ يازينب الوادم تره ويالموته عدهم عاده كلمن يموت ويندفن اهله تجي وولاده بس انتي اميره ابلا اهل واخوتچ كلهم قاده شوا اربعينچ هالاجت ومحد اجه من الساده ابغربه انبنه صيوانچ… .ومحد اجه من اخوانچ الغالي عليچ اشأخرة … حسين ويسبع الگنطرة وماي الورد🥀 بديهم ★★★★★★★★ عاده الجرت عد الخلگ عندچ فلا سووها أول أميره تندفن وخوتها ابــــد مااجوها ياهي الي مثلچ باالغرب يازينب ايدفنوها وياهي اربعينيتها اجت والاهل ما وصلوها ألمن تلافت عينچ…… ماظن يجيج احسينچ   كلمن نزف دم منحرة.. حسين ويسبع الگنطرة وماي الورد🥀 بديهم ★★★★★★★★★★ كل ذكرياتچ بت علــــــي تلتم بالغروبيه واحلامچ اشما خظرن لاچن حلم مسبيه ماتت رقيه اعله الطشت وبيدچ دفنتي ارقيه مو روحچ الفاظت تره زينب دفوا وحنيه يازينب انت اشلونچ. من رادوا ايدفنونچ كل خطوه والمدمع جره. حسين ويسبع الگنطرة وماي الورد🥀 بديهم ★★★★★★★★★★ شوا دارن اعيونچ سوه صوب الگمر واخوانه من كربله الحد كربله عشتي العمر تعبانه ذاك الدلال ابكربله راح وجرح بمچانه من عفتي اخوتچ عالترب زينب صدگ زعلانه ماترهم ايزعلونچ… .والدمع ترس اعيونچ ابسدهم أميرة امخدرة… حسين ويسبع الگنطرة وماي الورد🥀 بديهم ★★★★★★★★★★ كلشي جره عد الخلگ بس ماجرت هالحاله شفتي اخوتچ باالطف سوه تسحگهم الخياله عباس بعيونه السهم بس انتي چنتي اباله ولمن اجه حسين وگعد يم راسه وشگلاله گلاله ذن ذرعاني… الزينب نذر واخواني وبس گل لختنه المعذرة... حسين ويسبع الگنطرة وماي الورد🥀 بديهم ★★★★★★★★★★ اصعب مواقف كربله طيحت عمود اخيامه ومن ردلچ حسين ابكسر ظهرة وامضيع احزامه صدر الگمر كلش رحب ظيف ابگلبه اسهامه وحسين رد حافي الچ يمشي  وبلايه اعمامه من عدها گرب موتچ… ..وصار الهزل تابوتچ ماتوا لإن اميسرة… حسين ويسبع الگنطرة وماي الورد🥀 بديهم ★★★★★★★★★★ ـــــــــــــــــــــــــــــــــــــــــــــــــ ماجد حبيب الخيگاني ونسألكم الدعاء

[[💔لسان حال مولاتي زينب ع وهي تودع الحسين ع من على ظهر الناقة في عصر عاشوراء💔 : ]] ••••••••••••••••••••••• يحسين ياروح الزچیه لتگول ما عندچ حمیه ماخوذتن غصباً علیه میسوره لولاد الدعیه وتدریني لو صح بأديه على گبرك إضلن للمنيه ••••••••••••••••••••••• ثم تمر على قمر العشيرة ع وهو على نهر العلقمي قائلةً 💔: ••••••••••••••••••••••• عباس يا حامل لوانه ولانه الدهر عگبك ولانه حرمة و تحملت بأمانه الله وياك ياخونه وحمانه يالمحد يعوض مكانه ولا يحصل بحبه وحنانه ••••••••••••••••••••••• ✨يهدى ثواب هذا النعي الى روح✨ الجار الطيب(سالم الگرامه أبو فؤاد) ✨ والى الجميع مع الفاتحه الصلوات✨ ••••••••••••••••••••••• & جهاد ألبصيراوي &

يشيعة ألليلة واسوانــي أخوتي خل يحضروني ..................................... أنـــــه زينب أنه يـا ناس أنـــــه أخت ألكمر عباس أنه الضيمي يشيب الراس ألمصايب غيرت لـــــوني ....................................................... غريبة بديرة كلهــــا أغراب ودليلي أمن ألشماته أنصاب هلــــــي كلهم بخت وأطياب وعكبهم خابت أضنونـــــــي .................................................... أنـــــــه الما جان أليه أخيال ومصابي ألمــــا يمر عالبال كمت من أمشي جني أهلال عكب مــــــا خوتي عافوني ......................................................... عافونــــــــــــي ومشيت بليل مجتوفــــــــــــه وهزيلة حيل ومن سوط ألشمر يـــــــا ويل أصيحلهم ألحكونــــــــــــــــي ........................................................ بجثث خوانـــــــــي من مريت طحت وبدمعتـــــــــي أتوضيت قريت ألفاتحـــــــــــــة وصليت لحد مـــــــــــــــا عمين أعيوني ......................................................... لحد كطع النفس والعين تشبح بالنضر لحسين والعباس أجيبه أمنين غريبة ما تدلوني ................ مثل مـــــــــــا خوتي عالتربان بقوا لا نـــــــــــــــاعي لا دفان بقيت بــــــــــــــلا أهل وأخوان ألغرب حضروا يشيعونـــــــــي ................................................... خادم خدمة ألحسين الشاعر محمد ألموالي

خوية وغلاتج .. لا ما نسيناج من يوم موتج .. ولهسه ننعاج عذريني أني واخوتج ما حاضرين ابدفنتج هاليوم اجيناج .. هاليوم اجيناج ............................----------........... ؛١ خويه من جانه الخبر ما صدكَـينه بيج مو بالشام ندري بالمدينه اشرجعاج الديرت الي ذابحينه جان اجيتي الكربله ومتي اعله ادينه خويه زينب .... حسبيته  ابموتج خويه زينب ... على ريحتة خوتج خويه زينب .... وحشه ظل تابوتج وصلتني الاخبار  .. وحشه الجنازه ولجفوف الاخوان ... جانت بعازه بالشام صارت موتتج ما حاضرين ابدفنتج ..........................__............. ؛؛٢ عن سبب تأخير جيتي لو سألتي حيل ما ظل عندي اجيلج بيه يختي حاضره ابعاشر محرم انتي جنتي وشفت شوفت عينج الخيل اعله جثتي بالحوافر ... طشروهه اعضامي بالحوافر ... لحمي ظل كَـدامي بالحوافر ... سحكَـو اعله احلامي من يوم موتي ...  والهل مسيه يوجعني كلشي ... يل كلشي بيه دمي يصب من روحتج ما حاضرين ابدفنتج ...........................__............. ؛؛؛٣ خوية حقج لو عتبتي انتي عليه وعلى عباس الرخص عمره الأخيه الأخوه عازتهم صدكَـ وكت المنيه وانتي تانيتي نجي وما بينه جيه مو بدينه .... خويه الج ما جينه مو بدينه ....  امن الجروح البينه مو بدينه .... يل الأخت عذرينه المكسور ظهره ... شتعينه يا كَـاع مو هينه يختي ...  نوصلج ابساع وهل السبب كل اخوتج ما حاضرين ابدفنتج ...........................____........ ؛؛؛؛٤ .لربعينج جينه جابتنه المحنه عفنه ظلمه اكَـبورنه وجيناج كلنه الله لا ينطي الزمان الي بعدنه الشام لاديرتنه لا ديرت اهلنه طبت السوكَـ ... لسه خويه ابالي طبت السوكَـ ... بيهه رمح العالي طبت السوكَـ ... تحجي حال اعيالي اتأخرت يحسين ... جنج تكَـولين كَـبرج وصلناه ... دم سالت العين تانيتي انتي وغربتج ما حاضرين ابدفنتج __..........___ ✍️🏻 كلمات موسى الخادم

مانامت اعله الضيم عيني ولاسكن بيهه الوجع لحد ما صــــاحولي زينب وابو فاضـــل ماسمع اسم ماسامعــته غـــربه هذا ياهو الكال بســـــمي من شـــــفت محد يرده اهنا مشه الضيم ويه دمي الناكه لـــو شالتني يهلي ياهو راح ايشــــــيل همي ماصعدت ابلايه اخوتي شلون طــخ الناكه جدمي صعدت الناكه وانداريت محد كام محــد غار هاي الكـــــسره ياعباس انه انشاف صار الصار غايرات عيوني صوبك خويه ماجاسك هظم ادري مابيــــــدك عليه لچــــن بس اطرد زلم من اصف عباس يمـــك احجي وياك ابحرگـتي بلكت اليسمعني يسكت ومايوازيني ابمشــيتي عاد دير اعيــــــونك النه ماشفــــتهه من طلعتي من طلــــعت ابلايه خوه طلعت اخلافك دمعتي شافو دمعـــتي المايوم دمعي ايطيح يمـك جان لو عالدمعه خل تنشاف بس شـــلون طولي ايبان ماصادفت وياي حيــــــره مثل هاي الكلهه هم اركض اعله حسين واسمع خيل عبرت للخــيم فرن الســـــــــــجاد نـــاده يعني ماله حسين جيه يعني زينب لحگي خـدرج فاتت اخيــول ال اميه امراكض المهظومه بالطف يختلف عــــــــن البقيه انه اركض عالـــــــــفواطم والزلم تركــــــض عليه بحبال الخيام انطـــيح ياهي اتكوم تلكه احبال رقيه ابحضني واتعـــثر صار البـــــر كله اطفال اليمشي وي ارماح خلگه ايضيج حگه لو زهگ الرمح مو تــــــابوت حته ايشيل ميــت ياخلگ غير كون العنـــــده موته الهم اكرامــــــــــن دفنهم لادفنت حســــــين بيدي ولا بقـــــــيت اوياه عنهم موش بس اخواني ميته الموت راوونــــي ابدربهم صعدوني ابنــــاكه عرجه لو طحت حسبوني منهم انه الميته فوگ الكاع والـــدفان باجر شـــام انتم عالرمح ميتـــين وانه ابنوك ماكو اخيام خادم القصيده شاكر الصيمري

يازينب الله ايعينچ…ماحضروا اربعينچ امنيتچ يجي للمگبرة… حسين ويسبع الگنطرة وماي الورد🥀 بديهم ★★★★★★★★★★ يازينب الوادم تره ويالموته عدهم عاده كلمن يموت ويندفن اهله تجي وولاده بس انتي اميره ابلا اهل واخوتچ كلهم قاده شوا اربعينچ هالاجت ومحد اجه من الساده ابغربه انبنه صيوانچ… .ومحد اجه من اخوانچ الغالي عليچ اشأخرة … حسين ويسبع الگنطرة وماي الورد🥀 بديهم ★★★★★★★★ عاده الجرت عد الخلگ عندچ فلا سووها أول أميره تندفن وخوتها ابــــد مااجوها ياهي الي مثلچ باالغرب يازينب ايدفنوها وياهي اربعينيتها اجت والاهل ما وصلوها ألمن تلافت عينچ…… ماظن يجيج احسينچ   كلمن نزف دم منحرة.. حسين ويسبع الگنطرة وماي الورد🥀 بديهم ★★★★★★★★★★ كل ذكرياتچ بت علــــــي تلتم بالغروبيه واحلامچ اشما خظرن لاچن حلم مسبيه ماتت رقيه اعله الطشت وبيدچ دفنتي ارقيه مو روحچ الفاظت تره زينب دفوا وحنيه يازينب انت اشلونچ. من رادوا ايدفنونچ كل خطوه والمدمع جره. حسين ويسبع الگنطرة وماي الورد🥀 بديهم ★★★★★★★★★★ شوا دارن اعيونچ سوه صوب الگمر واخوانه من كربله الحد كربله عشتي العمر تعبانه ذاك الدلال ابكربله راح وجرح بمچانه من عفتي اخوتچ عالترب زينب صدگ زعلانه ماترهم ايزعلونچ… .والدمع ترس اعيونچ ابسدهم أميرة امخدرة… حسين ويسبع الگنطرة وماي الورد🥀 بديهم ★★★★★★★★★★ كلشي جره عد الخلگ بس ماجرت هالحاله شفتي اخوتچ باالطف سوه تسحگهم الخياله عباس بعيونه السهم بس انتي چنتي اباله ولمن اجه حسين وگعد يم راسه وشگلاله گلاله ذن ذرعاني… الزينب نذر واخواني وبس گل لختنه المعذرة... حسين ويسبع الگنطرة وماي الورد🥀 بديهم ★★★★★★★★★★ اصعب مواقف كربله طيحت عمود اخيامه ومن ردلچ حسين ابكسر ظهرة وامضيع احزامه صدر الگمر كلش رحب ظيف ابگلبه اسهامه وحسين رد حافي الچ يمشي  وبلايه اعمامه من عدها گرب موتچ… ..وصار الهزل تابوتچ ماتوا لإن اميسرة… حسين ويسبع الگنطرة وماي الورد🥀 بديهم ★★★★★★★★★★ ـــــــــــــــــــــــــــــــــــــــــــــــــ ماجد حبيب الخيگاني ونسألكم الدعاء

بربعينج ماكو يمج زاير يومج يمر مثل يوم العاشر ماكو جلمه أجبرت كسر الخاطر بعينج انتي الشام مثل الحافر محد اتعنالج بيوم اربعينج ومثل حزنج دام يازينب ونينج الدرب خدامج لهسه ترابي عينج ماجولج ياحنينة ال هاشم هل سنه ولاجاج خادم يصيح يمه بدمع هايم يمه زنيب ــــــــــــــــــــــــــــــــــــــــــــــــــــــــــــــــــــــ يالغريبه ليش صحنج خالي ماكو دمع وماكو صرخت غالي بربعينج صوت ونج عالي على خدج الدمع ضل يهلالي ندعي والمدمع جمر عل خد نسيله كون كبرج يم اخوتج ياالعقيله اخ يالمهضومه من ركب الهزيله يالغريبه كون مو بالغربه كبرج يلي خلص ضيم عمرج تنحني الدنيه عله صبرج يمه زينب ــــــــــــــــــــــــــــــــــــــــــــــــــــــــــــــــــــــ كلها غربه الناس ابد مو ناسج من القصر ذاك منجرح يحساسج وحزن اخوتج يمشي وي انفاسج لون كلبج طلع شيب براسج هيه هاي الخلت ادموعج سيجيبه ميته ويصيحولج زينب غريبه من مصيبه كلبج يروح المصيبه ياهضمتج الشام اخ الشام منه ناسه مابيهم محنه كلوبهم مو مثل اهلنه يمه زنيب ــــــــــــــــــــــــــــــــــــــــــــــــــــــــــــــــــــــ متنه حسره السنه من حرمونه ردنه نوصل ليج ماخلونه الماجالج لهسه تبجي عيونه ويه الغروب بابج يسدونه والله مايستاهلونج يالحنينه الدنيه والوادم يزينب موش زينه عمت عين الدنيه التبعدج علينه اه يزينب حته لو كطعو دربنه كبرج انتي بنص كلبنه انتي امنه وهاذه حبنه يمه زنيب ــــــــــــــــــــــــــــــــــــــــــــــــــــــــــــــــــــــ حسين عبد الزهرة الدراجي

زينب بقت رايـة بت حَيـدرهَ هايه ************************** أعظـم مَــرَه بالـــكُرة الأرضيـة تنطـي عِــــبُر ودروس يومـيـة وبرغــم مـا عالنـــوكَ مســـبية بـت حيـــدره ذَلـت بنــي امــية بطف كربلـه آيــة بت حيدرهَ هــايه ************************** رادوها تركـع بــس بقــت قِمـة تشبــه شكَــد زينـب أبــو اليمـه قائـد؟ إخت عبـــاس مو حُرمه بمجلس يزيـد الطــاغي وتذمــه بداخلها فـد غايــة بت حيدرهَ هايــه ************************** شايف مــره برغـم المِحن قدوة بحـركَ الخيـــام تحَولـــت لَبـُـــوة احســـين أخوهــــا منذبــــح تـوه وچنهــا أميــرة بمُنتهى القـــــوة للضــعن حَمــــايه بت حيدرهَ هايـــه ************************** ليـــل اهدعـــش الله يحيـــرتها فــوكَ المصيبة وذَبحَــة أخوتـها أعلِنـَــت ذاك اليــــوم ثورتــــها مـــن الحقــــد نزلــــــو رايتــها چي لنهــا وفايـــة بت حيدره هايـــه ************************** يتبـــاها من حقــه الزمــن بيها حاسدنــه كــل العـــــالم اعليــها بـت فـاطمـــة محـــد يوافيـــــها المفروض بينــه أرواح ننطيــها ونكَصدهــا مشــاية بت حيدرهَ هايـــه ************************** الجيش كلـه يخــاف من عدهــا چــي لنهـا تشــبه علي وآلـدهـا كل الكــواكب هـــاي تحســدهــا دُرة بصحن زينـب تظــل ودهـــا سِبحَه ومصلايــه بت حيدرهَ هايـــه ************************** نجدد عهــدنـه ويـــاچ يالحـــُرة كل شيعي زينـب ضاملچ عُمـره بيمـن نوافــي المنكَـــطع نحــره والخيــل يمــچ تسحـكَ بصــدره وكل هَلـه مدَمــايه بت حيدرهَ هايـــه ************************** لـو غيــر زينـب يمكـن؟يجــامل؟ بس هيــه صـارت قــائـد يقـــاتل طــاح الكفــيل وصــارت الكــافـل شكَـد تشــبه العباس أبو فاضــل من علي موصايه بت حيدرهَ هايــه ************************** زينب أَبَــت؟أن تخضــع الظــالم صارت عليهم من حچــت؟حـاكم هيبتـــها كــل هيـــبة بنـي هاشـم يأخـذ بكـــل ثـــآراتـــها القـــــائم ويزورهــا ويــايــه بت حيدرهَ هايـــه ************************** حيدر حسين الكًرعاوي

اســتر وجـهي بيميني .. ويسراي الحادي السوگهم طره .. ويسراي زينــب ســالفه صارت .. ويسراي المايســـون شـــي يحچــــون بيه *** اريد اشتم عطر اهلي .. بلا شام واريد اتغمض اعيوني .. بلاشام مــو بفلوس شوفتـها .. بلاش ام عــــون ولــمـــو الـــوادم عـــــليه *** هلي اهل الشام من لمو ..  شملهم عـــلّي وعيالي المگاطف .. شملهم دخـــلنه وساعة السوده .. شملهم عـــيد ابيـــوم جــــابــــوني سـبيه *** تــره اخـدودي ابـدمع عـيناي .. صلـيت واثـــار الـظــرب بـــالصــوط .. صلـيت عـلـى الـناگـه جلـوس الـيوم .. صلـيت الحــبل وي كـــل فـــرض يـاكـل بــديه *** دمـعــي اعـليـك يالكــافـل ..مينشاف وســهـم شمـاتـك ابعــيني .. مينشاف (ميه انشاف) طــولـي الـچـان يـاخويــه .. مينشاف شــــافـو طـولــي واخــذونـي سـبـيه *** وحــق البـالحــبل خــويه .. تلو ون إلــي اليتلــون بالمصحف .. تلو ون الـسوط بـلـــون دم متنـــي .. تلون مــــن گـــد الظـــرب يابـــو رقــــيه *** عگـبك ياگـمر هـاشـم .. تره اسماي ظلمـه وعـرفو الـوادم .. تره اسمي زيـنـب كافلــچ گــالــو .. ترس ماي لـــــو لا رادو ايشــــمتـــــون بــــيه *** جرحهم مــن علـي بحسـين .. شــافــوه وگلـبي اشــاف مـن الـشـام .. شافُ أوه طـولــي الچـان مـاينـشـاف .. شــافــوه افــَــزع يــــاهـــو والــــكافــــل رمــــيه *** حيدر تركي الكربلائي

وفاة السيده زينب ع كتلتني لهموم/منتظره هاليوم    يجمعني وياچ الگبر    منتظره يالزهره شكثر       ++++++++++ خلصت وصارت سوالف دمعي يحچيها يزهره التاكل ابگلبه الهظيمه نبرة الصوت التفسره اتجاوزت عثرت مشيتي بالنفس صارتلي عثره اتطول سالفتي الگصيره بين چلمه وچلمه حسره لمصيبة جسين/وحرگ الصواوين    نگعد سوه ونبچي جمر     مشتاگه يالزهره شكثر     +++++++++++++ لا تلچميني والچمچ من اشبگچ الزچيه لا تنزليها عيونچ لاتصد  اثار اديه بالبقى مني اجيتچ كلشي غالي راح اليه طاحت ابطيحة اخوتي مني چلمة هاشميه هسه اعله كل حال/اتمنه تنگال    چلمة هله ام الخدر    مشتاگه يالزهره شكثر       +++++++++++ شيلتچ هاي اعله راسي امتربه يمچ جبتها رمله چانت من خيامي الوگعت حسين اركضتها من صرت عنه مسافه خيل يم جسمه شفتها مو بعيده التله عنّه كسرت ضلوعه سمعتها وابونّته چان/ايناديني عطشان    وي ينحره ذابحني الشمر     مشتاگه ياازهره اشكثر       ++++++++++++ امحمّله بگلبي سوالف لكن اذكر منها وحده زلمه ليسلّب رقيه وانه حرمه شلون ارده يالبديچ اشگفتي سوطه امچتفه انه بيش اصده شوغت البسمار ارحم من حبل لبئيدي شده يجرح بلحساس/يْمه حچي الناس    والموتي عالهزله انتظر    مشتاگه ياازهره اشكثر      ++++++++++++ لسه رجفه امعاشرتني من درب ذاك المشيته مانشف حبل البديه من دمع عيني البچيته اعيون ماهي عيون اهلنه والغريب الرافگيته والسبي شطوله نهاره ياعلي ادرگني گضيته لمن يجي اليل/ونوح المداليل    ادعي يجي وكت الفجر    مشتاگه يالزهره شكثر        +++++++++++ الغربه ما عافتني تالي حته بالموته غريبه قلّه لحباب التجيها ازيارتي صعبه المصيبه اتنشف جروحي المواكب واليون اسمع نحيبه حته وانه بگبري انادي منين ابو فاضل اجيبه لا ينقفل باب/وتعود الاحباب     لطمتهم ابصحني تِسر     مشتاگه يالزهره شكثر ثائر الربيعي

لا فـاتـحـه ولالـي مـنـاحـه الحد موتتي وما مستراحه لانـاعـيـه الـتـنـعــه عـلـيّـه ولا غـربـت ولـيــان بــيـّــه لا چـف اخـوّ نعشي يشيله وشحت نعاوي اعله العقيله لانـي مـتت بـأرض للمدينـه ولاني اوصلَت حامي الضعينه لانـي عـلـيـه نـاس تـنـعـه ويطـوح الناعي واسـمـعـه *---------------------*-----------------* ✍خادم الغريبه ع الشاعر رعد الجريخي

اليالي الزينبيه عيني الدربهم عيني الــــــــــدربكم والكلب نار هاي السنه هــــــــــم ماكو زوار ولا زاير بنص مرقدي وهم راح اظلن وحدي ــــــــــــــــــــــــــــــــــــــــــــــــــــــــــــــــــــــــ متانيتكم عيني مشـــــــبوحه الدربكم بيه لتكطعون يــــــــــــالتدرون احبكم سنه صــــــــــار متانيه بس جيه منكم ارد اون لحسين اخــــوي انه اويه ونكم ضلـــــــيت دمعي يلالي ولا زايــــــر اتعــــــــنالي انه الاميره اخت حسين والغربه مـــــــــــاتحلالي حكه الكلب نصين ينطر مرت سنه ولا خادم المر وبيا جرح بالله ابتدي وهم راح اضلن وحدي ــــــــــــــــــــــــــــــــــــــــــــــــــــــــــــــــــــــــ الوحشه البكــــبري مثل وحشت العاشر وكمت اشوف الشام جن بعيوني حافر الحسره كــــــــــــام اتبان بوجوه المناير جي فـــــــــرغ صـــــحني ولامر بي زاير بروح التكــــــــــــطع كلبه خلــــــــــصوني من الغربه ينسد ضـــــريحي الغروب هاي الهضـــــــيمه وصعبه يالشام حــــــــط بالروح عله ينذل تــــــــــــره المايمه اهله ولا خوتي اجو لا والدي وهــــم راح ضلن وحدي ــــــــــــــــــــــــــــــــــــــــــــــــــــــــــــــــــــــــ هواي مشتاكه استــــــــمع نبرت بجيكم بصحني تلتـــــــــمون وانه انضر عليكم اتطيب كسرت خــاطري بلطمت اديكم السنه اذا مــــــــــاجيتو راح انه اجيكم لو مــــــــا اجيتو الكبري انه اجي بدمعي اليجري وفتر علـــــــــيكم يحنان والحسره نـــار بصدري اتعــــنالكم يابيض الكلوب ومشيلكم محبوب محبوب يا أهل حزني السرمدي وهم راح اضلن وحدي ــــــــــــــــــــــــــــــــــــــــــــــــــــــــــــــــــــــــ اخ مـــــــــــن الغربه خنكتني يخدام والله لو بيدي فلا ضل ساعه بالشام جـــــــــن ليالي طف عليه اتمر الايام نار وصياح وذبــــــح لو مرت احلام ياجلـــــــــــمت المسبيه جــــــن سيف وتحز بيه تكرهني يـــاناس الشام محد يحــــــــــــن عليه ماريد اضل بالشام ماريد اخذوني يم حسيني الحيد ذاكه اخوي وسندي وهم راح اضلن وحدي ــــــــــــــــــــــــــــــــــــــــــــــــــــــــــــــــــــــــ الشام اخ الشام خله بـــروحي هضمه ناسه تتعــــــــمد تجي الجرحي تلجمه جيشهم ضــــــــــدي تجهز وانه حرمه الشام يلجم كلبي صــــــاير حته اسمه يـــــــــــاشامهم تعبني والناس ابــــد متحبني زينب غريبه يصيحون وهـــــاذ الاسم عذبني عاشت بروحي شجم مصيبه اليمته اضـــــــــــل انه غريبه وبس الحزن بيه يحدي وهم راح اضلن وحدي ــــــــــــــــــــــــــــــــــــــــــــــــــــــــــــــــــــــــ حسين عبد الزهرة الدراجي

اليالي الزينبيه مومالت هزيله مو مالت هزيله وســــــــــوك وانه مدللت حيدر هضيمه على الهواشم هاي سبيه وبالحبل انجر ــــــــــــــــــــــــــــــــــــــــــــــــــــــــــــــــــــــــ مضلعه الناكه جــــــابوها وعليها غصب رجبوني ومن كربله الحد الشام مــــــاكف مدمع اعيوني بنص ذاك ازدحام السوك الحادي وكف اضعوني تلكوني بشتم وحجار مـــــــــــوش بهلا اتلكوني غربه وناس تنشد ناس وكلها اتصد على الخدر هضيمه على الهواشم هاي سبيه وبالحبل انجر ــــــــــــــــــــــــــــــــــــــــــــــــــــــــــــــــــــــــ مشوني بــــــــدرب يحسين لاينمشي ولاينطر وموجدمي الكلب يـــــاخوي ضل بدكته يتعثر وناس الشام مــــابيـــــهم ابو غيره العلي ينغر مثل مغزل بذاك السوك بينه الحادي ضل يفتر ومثل منجل عيون الناس بركاب الورد تنحر هضيمه على الهواشم هاي سبيه وبالحبل انجر ــــــــــــــــــــــــــــــــــــــــــــــــــــــــــــــــــــــــ درب خطـــــواته كلهن اخ واحنه التعب كاضينه عطشنه ومالكينه اجفوف وكت العطش تسكينه مابي رحمه قــــــــاسي هواي ميت كلب حادينه يتعـــــــــــــمد يطك راسك يم ضعني ويبجينه ومن نبجي اشوف الراس خويه علينه يتحسر هضيمه على الهواشم هاي سبيه وبالحبل انجر ــــــــــــــــــــــــــــــــــــــــــــــــــــــــــــــــــــــــ رحت منك لجن يحسين مــــــــــاريدك علي تزعل موش بكيفي صـــــــار الراي وانه ام راي المعدل شسولفلك بضــــعني شصار شده وما اضن تنحل مثل شجره وجفاها الماي شويه شويه من تذبل ابد مـــــو حلوه لختك هاي تالي الشيب تتيسر هضيمه على الهواشم هاي سبيه وبالحبل انجر ــــــــــــــــــــــــــــــــــــــــــــــــــــــــــــــــــــــــ ضعن الورد طب ذبلان الديره الماكو بيها افياي ناس اوجوهم صبخه بكصصهم ماكو كطرت ماي تسلح جيشهم ضدي وانا وحـــــــدي وعليل وياي كلها اتصيح مــــــــن طبيت زينب هاي زينب هاي طولي الجان مــاينشاف وسف شافو يبو لاكبر هضيمه على الهواشم هاي سبيه وبالحبل انجر ــــــــــــــــــــــــــــــــــــــــــــــــــــــــــــــــــــــــ حسين عبد الزهرة الدراجي

لا مو غريبه ام عون بالشام ــــــــــــــــــــــــــــــــــــــــــــــــــــــــــــــــــــــــ زينب اميره ورافــــــــــعه الراس غصبن علــــــــــــيهم تبقى ياناس وجفوف اخـــــــوها عليها حراس ماتنـــــــــسبي اردود اخت عباس مهيوبه تبـــــــقى بت الكرام لا مو غريبه ام عون بالشام ــــــــــــــــــــــــــــــــــــــــــــــــــــــــــــــــــــــــ يشرفهم اسم ام عــــــــــــون كلهم البس بالخـــــــــزي معروف اصلهم الــــــــزينب اذا وصـــــــلو نكلهم مــــــــن الارض نمــــــــحي نسلهم احنه زلمــــــــــها ولها خدام لا مو غريبه ام عون بالشام ــــــــــــــــــــــــــــــــــــــــــــــــــــــــــــــــــــــــ زلم ابــــــــــــو فاظل احنه كلفين شيعه بعركنه انكـــــــــــحل العين ولو وصــــــــــــلو البت السلاطين انــــــــــــزين لحاياهم والحسين ونـــــزرع جثثهم مثل اللغام لا مو غريبه ام اعون بالشام ــــــــــــــــــــــــــــــــــــــــــــــــــــــــــــــــــــــــ تاريخـــــــهم كــــــــــله قـــــريناه مابيه زيــــــــــنه قــــــــــسم بالله وجدهم سبع بالشــــــــرده شفناه وكدام جـــــــدنه هـــــــــدمه ذباه واسمه خزي صار عله السلام لا مو غريبه ام عون بالشام ــــــــــــــــــــــــــــــــــــــــــــــــــــــــــــــــــــــــ الصــــــــــارو زلــــــــــم تالي عمرهم ذلتهم ام عــــــــــون بقــــــــــصرهم وجــــــــفها مثل حــــــــمزه سطرهم بوجــــــــــــوهم بين كــــــــــــسرهم بالقــــــــصر ردت ثار الخيام لا مو غريبه ام عون بابشام ــــــــــــــــــــــــــــــــــــــــــــــــــــــــــــــــــــــــ حسين عبد الزهرة الدراجي

من الطف الهذا اليوم انه بسكرات موتي بدمعي متت والكلفه ماهم يمي اخوتي الموت مومن تغمض العين الموت هوه فراك الحسين من الطف انازع بالعزيزه ويوميه موتن موته ياناس الموت اجاني بكربله هناك وي الحسين ويا عباس الموت هوه فراك الخوان طلعت الروح وخنك النفاس يحس بيها المفارك عزيزين الموت هوه فراك الحسين ******* هوه اليفارك وجه الحسين تخلص حياته ويبدي موته مايبقه حي وي الي حيين بالطف امفارك كل اخوته ميت يحس وي الي ميتين ومن الصياح يروح صوته والموت مره وماهو مرتين الموت هوه فراك الحسين ******* ميته انا احس من يوم عاشور وي اخوتي وبس الجسد ظال ميته انا لمن شفت الحسين فوك التراب مكطع اوصال بلا روح لمن رحت للشام شبه لهم ومكيده حبال وين اكدر على فراك الحنين الموت هوه فراك الحسين ******* الروح بالطف طلعت اهناك والحيل خلص بالطف الحيل الموت اجاني منسمعت صوت صاح نجتل عالشاطي الكفيل والعمر اخر لحظه وياه من داست على حسينه الخيل الموت مو من مرض ونين الموت هوه فراك الحسين **** روح وجسد جنت ويالحسين وشنهو الجسد لو طلعت الروح وشيبقه بيها العلتل اتشوف ابن امه بين الزلم مذبوح بكثر الجروح الصابت حسين انا بدليلي صارت اجروح لا جرح واحد لاهي جرحين الموت هوه فراك الحسين رائد جبار الزيادي

يادرب السبي شســـــويت بيها ميته وطابع السوط اعلى ديها بيها شسوت  الشام.... آ  ياجرح الأيام ميته وطابع السوط اعلديها ......___...... گبل المــــــــــوت چانت تنتظر شي وچانت على الباب امخليه الإعيون يابس ريجها وبعــــــــــــازت الماي وماي الشام ما يروي اليعطــشون ماخذها الألم وامتانيه المــــــــوت واسياط الشـــــــمر ماخلّت امتون ما طوّل عمرها اخلاف الحــسين حنينه ومن فگدهم ماتت ام عون ام عون الچبيره ام المـــــواقف آية من الصبر وسط المصاحف بطاري اخوانها اتنام....آ  ياجرح الأيام ميته وطابع السوط اعلى اديها ....... عاشت كل عمــــرها امگابله الباب سر ومـــــــــــــا لگت بغيابكم بير من وجه الصـــــبح لليل وام عون بس وكت الصلاة عن كربله اتدير بس يخلص فرضها اترد للحسين واعتاب الحزن بدموعها ايصـــير الخيل الداستك من ركضت اعليك يوميه اعلى گلبي اخلافك اتغيير الداسن فوگ صـــدرك والتهن بيك أحسهن فوگ گلبي من اَنظر اعليك اجن بالدم للخيام .....آ  ياجرح الأيام ميته وطابع السوط اعلى اديها ....... گبلك ولـــــــــدي ماتوا ما اهــتميت لچن من طــــــــحت هديتلي الحيل ميّت عــــــــــون شفته بس تعديت ورحت اركض عليك املاگيه الخيل اركض والتفت واعـــــيالك  اوياي نسوان وعفــــــــــــتهن جايهن ليل وحده اتشد جرح وحده التهز بيك وحده ابلا وعيها بجــسمك اتشيل يمّك والشمر سوطه اعلى الچفوف كون اترد عدل واعيونك اتشــوف اختك ماتت آلام....آ. ياجرح الأيام ميته وطابع السوط اعلى اديها _ سنة ونص ماكو چلمة (خويه) بجفاك تجبر خاطري، اتنسّيني لحضـــــــــات على افراش المنيّة وعندي امل ﺟــان تجيني ودوم اگول حسين مامــــــات حرامات اعلى عمري الفات ماگـــــول بس ابعيدة اموت اكبر حرامـــــــــات ردت بالفاتحة العبّاس موجــــــــــود خاطر ما اَنعد ويّ الغريبـــــــــــــــات يامحلى اليمــــوت ابيّن اخوته يحاچيهم لحد مايكضي صوته يادهري شبعد ضام.... آ ياجرح الايام ____ لهسّة ومعصبي اعلى الراس مشدود البيه ريحتكم يرد وحــــــشة البيت صعب تفگد شخص.. چا زينب شلون انا الرحت بعشيرة اوّحــــدي ردّيت اعاتب والعتب شـــــــــلعان الگلوب بس وداعة العـــــــــــــــباس حنّيت تعبانين اذا عمّك والحســــــــــــــين يالاكبر چا لعمتك ليش ماجـــــــيت عفتهم وينه وينه التارس الروح شثگلهة روحـــته المارايد يروح اجر بالگوة الاجدام.... آ ياجرح الأيام ميته وطابع السوط اعلى اديها كاظم الحولاوي وعبد الامير السهلاني

شوط كربلائي . . . يا اكبر جــرح بعـــيون .. تــاريــخ الانســـانـــــيه يستر الدنيــا والمثلـــچ .. جريمه تروح مســــبيه   -------------   انتــي اول عـــبايه اتــروح .. فــوگ النوگ مگيوده وانتي اعظم ستر عالگــاع .. ابزمـان العفه مفگوده وانتي اول اسيره انشوف ..على حشمتها محسوده الحراير من يــشوفنچ يزينب شــو يحسدنچ كعبه اعله الهزل چنچ ســـتار الكعبه يازينــــب .. مـــنـچ ماخـــذ اشويه   …………   على الناگه ركبتــــي اجروح .. لا واحـــد ولاعــشره الزغير البيـــهــن اتــــصــور .. ست اشهر اظن عمره سافرتي اعله سچت موت .. ويلي اشطولها السفره چن شجـــره وبلا ســباح من كل صوب عج ورياح واخوتـــچ روسهـم برماح صبـــر ايوب يــم صـــبرچ .. طلـــع لا شي يـعلويه   ………… .   من چان السكوت بــروح .. بالديـــون صرتي السان نطقتي من سكت كلشي ..بوكت بيه كثرة الخرسان يحسچة حيدر ونعمــين ..البلاغه البيـــچ چن قران السانــه الرايد ايمده اگبالچ يجرء اشحده تنطيه طينـته ابخده السانچ ابشط امن السيف .. تربيتـــچ حسـيـــــــنيه   ………… ..   القصرهم من دخلتـــيله .. چــانو همه منتصرين سليتي السوالف سيف .. وسكتو سكتت الميتين والديون راســا صـــار .. چن ساحة حرب صفين وطب حيدر علي بسيفه وگــام يلگــــط ابــــكيفه يعرفوه من يـرد حـــيفه خلستــــي ايزيد ديـوانه .. ابنبـــــره كــربلائيه   ……………   زينب چان وصفچ ماي .. وصـــعبه الـماي يتوصف اجيتي ومحد ايعرفچ ..وطلعتي امگيده امن الطف الكل حاجه اكو تعريف .. وبــــس ســـترچ ميتعرف الشالچ ماي بعـيونه عليه ظعنچ يمرونه يبو فاضــل ينادونه الچانت بيـــك مهـــيوبه .. اديــهـــا بحبـــل مدميه   ……… .   شمس واچم گمر شفتي .. فــــوگ الگـاع بعيونچ الله يسـاعدچ يم عون .. حچي الوادم ايسمعونچ هدل من السياط الحيل .. اشگد ماشايله امتونچ يعيــــنچ الله يازيـــنب النار ابداخـلــــچ تلـهب الحملتيه لو جبل يتعب ثگل الگيد وعيــــالچ .. مــنها صرتي محــنيه ------- حيدر تركي الكربلائي

نعي السيده زينب بعد رجوعها للمدينه تدخل البيت زوجها عبدلله ابن جعفر اجـيـتـك ولـِد مـاعـنـدي وَلَـه اخـوان بـاب الـبـيـت سِـده وغـلـگ الــديـوان يـبـن عـمـي مـصـيـبـه اتـهـز الاكـوان ألكم تنسبي ابـتـالي الـوكـت نـسـوان وعـلــه نـوگ الـهـزايــل فَـرّن اوطـان عگب شيخ العشيره الچـان سـلـطـان انـسـوّي البـيـت هـذا بـيـت الاحـزان يعبدلله الـبَـچـي وكته الـبَـچـي حـان گـلـب زيــنـب تـخـبــرك بـيـه نـيــران وفوگ المتن سوط الـشـمـر نـيـشـان                 *-----------------------*-------------------* خادم زينب ع ✍الشاعر رعد الجريخي