Зоҳиджон О‘ЛОВ ижодхонасида... ✍️

​11-avgust sheʼri... O‘N SAKKIZINCHI YULDUZ Axbor Imomxo‘jayev xotirasiga Halokat. Faryodlar olamni tutdi, Urilmagan gollar tortdilar mayus. Unga ham dunyoni tor qilib ketdi Samoga sochilgan o‘n yetti yulduz. Bundoq shumxabarni tinglagan zahot, U tugadi... misli haykaldek qotdi. Shahidlar qatori o‘sha kun hayhot, O‘zidan ayrildi, o‘zin yo‘qotdi. Yoshlik chog‘in qo‘msab kechalari goh, Xazonli bog‘larni kezganda yolg‘iz. Samoga termilar umidvor... ey voh, Milt-milt jimirlaydi o‘n yetti yulduz. “Paxtakor” tiklandi. Ovundi maydon, Davom etdi hayot... shu taqdir izmi... Ammo u ko‘nmadi, ko‘nmadi bir on, Bu boshqa jamoa... Tushunyapsizmi? U sharhlar: “Birinchi raqamda...”, eh yo‘q, Tiliga kelmaydi begona ism. Nima qilsin axir qalbga yoqib cho‘g‘, Jilmayib turadi o‘n yetti rasm. Ular yulduz edi! Yulduz chinakam! Osmon yulduzlarning asil maskani. Bir o‘yin o‘tkazsa, barin qilib jam, Oydan koptok yasab berolsa, qani... Shunday orzu bilan kun kechirdi u, Unga hamroh bo‘ldi abad shu armon. Ertaroq qaritdi uni bu qayg‘u, Oxir... torlik qildi Yer degan maydon. Sheʼr yozmoq ne... so‘zni so‘zlarga ulab, Baʼzan hazin ruhim qoplaganda kuz. Entikib qarayman milt-milt jimirlab, Ko‘kda porlab turar o‘n sakkiz yulduz! Zohidjon Olov

ЯГОНА ВАТАН Илк бор чиқиш қилдим, аммо гап бу ҳақда эмас... 22 июль куни Нурафшон шаҳрига Президентимиз Шавкат Мирзиёев ташриф буюриб, жуда улуғ ишларга тамал тоши қўйди. Вилоятимиздаги ўзгаришлар билан танишди. Улар дунёнинг энг тараққий этган мамлакатларига хос ёндашув, тутум экани мақсаду муддаосидан, ажратилаётган маблағларидан, муҳандису қурувчиларидан, лойиҳаларидан аён. Ҳаммасининг чин ташаббускори, бош ғояси муаллифи Президент!!! Шубҳасиз шундай!!! Бундан 10 йил олдин Тўйтепа шундай кўринишга келади, деса, "Ола, гапниям жа обқочасан-да" дердик. Бу муболаға эмас. Ниҳоятда улкан ўзгаришлар, янгиланишлар юз бердики, тан олмаган кўр бўлади. Оддийгина мисол - Тўйтепада охирги кўп қаватли уйлар совет даврида қурилган... Лекин охирги 5 йилда бутун бошли шаҳар қурилди! Бу қилинаётган ишларнинг мингдан бири, холос. Аслида буларни айтиб ўтириш шартмас. Барини кўриб турибмиз. Президентга минг раҳмат. Дунё тургунча турсин!!! Олтин боши омон бўлсин! Юртим, элим деб чарчамасин! Ўзбекистон абадий бўлсин!!!

#ehtirom Prezident "O‘zmetkombinat" AJning yoshi ulug‘ ishchisiga elektromobil sovg‘a qildi. Tafsilotlar O‘zbekiston 24 telelavhasida. ✅Telegram 🌐Website 📹YouTube✅Facebook 🕊Twitter 🌐Instagram

Мана, инсон қадрини улуғлаш санъати!

​​Кузатув Бир сатр ғалваси Бир туппа-тузук газетада бир туппа-тузук арбобнинг мақоласи чоп этилди. Ўқиб ўтириб, бир жойга келганида сал ғалати бўлдим. Гап шундаки, унда Бобораҳим Машрабдан деб ушбу сатр келтирилганди: «Дилда дардинг бўлмаса, Сардафтаримни кавлама».   Каминага бу шубҳали туюлди. Чунки бундай сатрни ҳеч эшитмагандим. Ваҳоланки, Машраб бобони болалигимдан ўқийман. Кел, балки адашаётгандирман, деб изландим. Қарасам, ростан ҳам сатр бузилган, аниқроғи, бошқа-бошқа байтлардаги сатрлар бир-бирига уланган экан. Аслида эса улар мана бундай:      Ҳар замоне Лайлидин манга китобатлар келур, Сенки Мажнун бўлмасанг, сардафтаримни кавлама.   То кишига дард тегмай, бўлмади бағри кабоб, Дилда дардинг бўлмаса, дарди саримни кавлама.   Айрим манбаларда ўша охирги жумла «дарди сар» эмас, балки «дарди сир» шаклида ҳам келтирилган. Назаримда, «дарди сар», яъни бошга тушган дардлар маъносида қўлланилгани тўғри. Шоир айтмоқчики, агар ўзинг дард нелигини билмасанг, менинг дардимни кавлаб нима қиласан? Бир марта бировни севиб кўрмаган бўлсанг, муҳаббат ҳақида кўпириб гапиришга бало борми, биродар, дегандек. Хуллас, туппа-тузук акага шуни кимдир етказиб қўйсин. Машраб бобонинг руҳи шод бўлсин!

🇺🇿 Элдор Шомуродовнинг Конго ДР дарвозасига урган голи FIFA танловида гуруҳ босқичининг энг чиройли голи деб топилди. FIFA уни Ўзбекистон ЖЧ дебютининг “энг эсда қоларли лаҳзаси” деб атади. 👉 https://t.me/UZBEKISTANOFFICIAL

Чиройли гол уриш ҳам бир санъат! Биз шоиртабиат халқмиз. Шоирлик эса гўзалликка ошуфта бўлмоқ, дегани. Қаранг, урган ўша саноқли голимиз ҳам гўзал-да! Жаҳон чемпионатида иштирок этиб, ўнлаб голлар урган жамоаларнинг қай бири ҳавас қилмайди бунга?! Ўша гап - битта бўлди, зўр бўлди! Олға, Ўзбекистон!

⚡️ “Jadid” газетасининг 2025 йил 19 сентябрдаги 38-сони билан танишинг: 📱Электрон газета 🔘Абдулла ҚАҲҲОР: ТЎЙЛАР МУБОРАК... 🔘Иброҳим ҒАФУРОВ: ОЙ ТЎЛИН БЎЛГАНДА ШУНДАЙ ОҚАРСА КЕРАК... 🔘Жамолиддин БАДАЛОВ: ПАХТА – КЕЧАГИ АЗОБ, БУГУНГИ ИМКОНИЯТ: ОҚ ВА ҚОРА 🔘Ш.МУСТАФАЕВ: ОГОҲ БЎЛИНГ: “ИНТЕРНЕТОМАНИЯ” 🔘Ҳамиджон РАҲИМОВ: ЭНДИ УСТОЗ ҚАДРИ ҲАМ АВВАЛГИЛАРГА ЎХШАМАС 🔘Биллура ИКРОМОВА: ЭЛ-ЮРТИМ МЕНГА “ТАНКА” БЎЛДИ 🔘Жалолиддин АЗИМОВ: ФАН МИЛЛАТ ТАНЛАМАЙДИ 🔘Рўзимбой ҲАСАН: ҚОДИРИЙДАН ҚОЛҒОН ҚАЙҒУ 🔘Бекзод САЙФИЕВ: ВОРИСЛИК МАСЪУЛИЯТИ ЁХУД ҚАШҚАДАРЁ ВИЛОЯТИДАГИ ЁДГОРЛИКЛАР ҲАҚИДА 🔘Рустамбек ШАМСУТДИНОВ: РЎЙХАТДАГИ 9-МАҲБУС 🔘Мулла ХУНОБ: БУЯМ БИР АШУЛА 🔘Эшқобил ШУКУР: “ЎТ-ЎЛАН”ДАГИ ЎЛАН НИМА? 🔘Зоҳиджон ОЛОВ: ДУНЁНИНГ ЖАННАТИ 🔘Абдували БЎРИЕВ: ҚАЧОН ТЎҒРИ ЁЗАМИЗ? Tilda, fikrda, ishda birlik! Jadid.uz | Telegram | Facebook | Instagram | YouTube 〰️〰️〰️〰️〰️ Kanalga ulanish https://t.me/gazetalar_sharhi

Мексика элидан махсус (Жаҳон чемпионатида илк бора янграган мадҳиямизга воқеа жойида жўр бўлган илк мухлис ҳақида) Лотин Америкасидаги энг катта, афсонавий "Ацтека" стадиони атмосфераси... Футболнинг зўр томонлари кўп. Биттаси ва энг аълоси халқни бирлаштиради! Том маънода ватанпарварга айлантиради. Айниқса, бегона жойда улкан мусобақада ўз юртинг, ўз ватанингнинг номини, шаънини улуғлаш бошқача туйғу, ҳиссиёт бахш этади. Айни видеода ҳеч қандай таъмасиз, шаъмасиз Юртга, Ўзбекистонимизга бўлган муҳаббати жўшган иним Суннатбой Холматов миллий мадҳиямизни тили билан эмас, нақ дилидан айтяпти. Ҳамма ёқда саап-сариқ либосли мухлислар. Колумбия фанатлари! Бизникилар эса саноқли, лекин овозини қаранг - барчасининг сасидан баландроқ! Самимий! Ҳа, ватансеварлик ҳеч кимга ўргатилмайди, у бирдан пайдо бўлади ва бутун вужудингизни эгаллаб олади! Футбол шуниси билан ҳам гўзал ва бетакрор! Яшасин, футбол! Яшасин, Ўзбекистоним! Олға, оқ бўрилар, олға, Суннатбой!!!

​​ОЛҒА, ЎЗБЕКИСТОН! Жаҳонни икки бор уйғотган халқсан, Сени кўрсатурлар, десалар: “Бек ким?” Ўзингсан Осиё, сен ўзинг Шарқсан – Олға, Ўзбекистон! Олға, ўзбегим!   Беруний закоси очган тупроқда Колумб йўл тополмай кезган фироқда. Зафар қуч дунёни қолдириб доғда, Олға, Ўзбекистон! Олға, ўзбегим!   Сен бор – термулмайман афсоналарга, Куним қолмас турфа баҳоналарга, Мухлислик қилмайман бегоналарга, Олға, Ўзбекистон! Олға, ўзбегим!   Ўйна, аввал Ватан – ҳур диёр учун, Қозоқ, қирғиз, тожик – дўсту ёр учун, Самога сочилган “Пахтакор” учун, Олға, Ўзбекистон! Олға, ўзбегим!   Четга суриб шафқат, муросаларни, Қувонтир Шаҳлою Шаҳнозаларни. Гол ур, тешиб ўтсин дарвозаларни, Олға, Ўзбекистон! Олға, ўзбегим!   Бардам бўл, биргамиз ҳар он сен билан, Ўттиз саккиз милён инсон сен билан, Энг Олий Мухлисинг – Сарбон сен билан, Олға, Ўзбекистон! Олға, ўзбегим!   Янги тарих ёзмиш “оппоқ бўрилар”, Дуоларга тўлмиш супа-сўрилар. Тепсанг бас, қолганин Тангрим тўғрилар – Олға, Ўзбекистон! Олға, ўзбегим!   Юз йил тўлаб келди бож-хирожингни, Рақиб, қоч, йўлидан териб тошингни... Футбол, тайёрлаб тур олтин тожингни, Олға, Ўзбекистон! Олға, ўзбегим! Зоҳиджон ОЛОВ

ОРЗУ Кеча қадрдон, соф адабий кўрсатув — "Қақнус"га бордим. Ўзбекистонда хизмат кўрсатган маданият ходими Ботиржон Эргашев ижодига бағишланди. Лекин акам ўзим ёлғиз ўтирмай, қолаверса, шу болаям "Шуҳрат"ли бўлди, деб мени чақирибди. Хуллас, меҳмон иштирокчи бўлдим. Дарвоқе, бу кўрсатувга қўшиқчилар ҳам таклиф этилади. Улар ўша шоирнинг шеърларидан фойдаланган бўлади одатда. Менда ҳам шеърларимни қўшиққа айлантирган дўстларим бор, шукр. Бироқ кеч, бир кунгина олдин айтганим учун, ўхшамади. Ваҳоланки, тўй хизматига одамлар ойлаб олдин айтиб қўйишади. "Қақнус"да ўтирарканман, барибир Ботиржон акага яна ҳавасим келди. Нега? Сабаби, ҳозиргача бирга нечта кўрсатувда қатнашган бўлсак, Ўзбекистонда хизмат кўрсатган артист Абдурашид Йўлдошев доим ёнида. Жиддийроқ тадбир бўлса, Озодбек Назарбековнинг ўзи охиригча туриб беради. Ажабмас, шеърларим яна қўшиқларга айланиб, машҳурлардан таклифлар кўпайсаки, ёзиб улгуролмай қолсам... Шунда кўрсатувларга чақирилсам, мен ҳам қўшиқчим билан борардим! 😁😉

Ифтихор БИР МАҲАЛЛАДАН ЧИҚҚАН ИККИ "ХАЛҚ ШОИРИ" ДАВРАСИДА Бугун Паркент тумани ҳокими Элмурод ака Пўлатов ташаббуси билан Ичкиқўрғонда ўзига хос адабиёт байрами бўлди. Анжуманда устозларим билан бирга қутловлар, табрикларга буркандик. Самимий фикрлардан илҳомландик. Шеърлар ўқилди. Дилбар шоира Шарифа Салимова "халқ шоири"ни олган куни устозим Маҳмуд Тоир каминага қувонч билан қўнғироқ қиларкан, "Иккита "халқ шоири"нинг орасида туриб, бир расмга тушаркансан, болам", — деганди. Қаранг, ўша воқелик шу бугунга насиб қилган экан. Устозларим омон бўлсин! Шундай ажойиб ва самимий тадбир ташкил этган туманимиз ҳокимига миннатдорлик билдираман!

Қувонч Каминага кейинги беш-олти кунда катта муваффақиятлар олиб келаётган "Ягона Ватан ичра" сарлавҳали шеърим кимсан "ЯНГИ ЎЗБЕКИСТОН" газетасининг 3 июнь сонида нақ 1-саҳифада чоп этилди! Бу ман учун улкан шараф! Бунинг учун устозга, нуфузли нашримиз фидойиларига миннатдорлигимни изҳор этаман!

​Кеча Президент фармонини ўқиб, Шарифа Салимованинг фахрий унвон олганини кўрдим-у, шу заҳоти қўнғироқ қилдим. Биринчилар қаторида қутлашнинг гашти бўлак. Одамларга суюнч хабар етказишнинг завқи бошқача… Шундан сўнг бизга акалик қилиб келаётган бир қанча ижодкорларнинг исму шарифини бирма-бир ўқий кетдим. Яна қўнғироқ қилгани тутиндим-у, рўйхатнинг охири ўзига тортаверди. Бу орада ажойиб ёзувчимиз Байрам Алининг исм-фамилиясини кўргач, бўлмади, акага сим қоқдим. Ахир, мен бу ёзувчи ҳикояларининг мухлисиман. Айниқса, “Ҳамдардлар” ҳикоясида оилавий муносабатлар, миллий қадрият ва жамиятдаги муаммолар юксак бадиий талқин этилган. Буюк ва талабчан устозим Ҳалима Аҳмедова ҳам бу ёзувчига умид билдириб, бир катта шоир сифатида ижодидан мамнун бўлганди. Иккинчи линияга тушгач, рўйхатни давом эттирдим. Унинг охирида, дарҳақиқат, мени ўзига тортиб турган одамнинг исм-фамилияси бор экан. Холов Зоҳиджон Аширмат ўғли - Ўзбекистон Ёзувчилар уюшмаси Тошкент вилояти бўлими бош мутахассиси, шоир. Бу жумлага яқин ҳафталардан кейин “Паркент тонги” газетаси бош муҳаррири” дея қўшимча киритиш мумкин. Шу заҳоти Зоҳиджон аканинг рақамини тердим. Мукофот билан табриклаб, “Шуҳрат”ингиз порласин токи бор жаҳон” десам, ишонмади. Сўнг фармоннинг тўлиқ номини ўқиб бердим. “Нега менга беради?” дейди. Кейин бирма-бир санай кетдим: • ҳар йили Мустақиллик ва Наврўз байрамларига бағишланган Тошкент вилоятининг асосий байрам тантаналари сценарийси ёзсангиз, Ўзбекистон санъат арбоби Бахтиёр Тўраев билан бирга саҳналаштириб келаётган бўлсангиз; • “Маърифат” газетасида спорт бўлимини бошқариб, “Адабиёт зиёси” газетасини йўқдан бор қилишда қатнашиб келаётган, заҳмат чекаётган бўлсангиз, қолаверса, Паркент тумани ҳокимлигининг “Паркент тонги” газетаси бош муҳаррирлиги ҳам зиммангизга юкланган бўлса; • Ўзбекистон Ёзувчилар уюшмасидаги меҳнат фаолиятингиз ҳам кўпчиликка намуна қилиб кўрсатгулик бўлса; • асосийси, гўзал ва ҳассос шеъриятингиз, бу шеърларингиз билан атоқли ҳофизларимиз куйланган ўнлаб қўшиқлар халқчиллиги билан машҳур бўлган бўлса (шоирнинг кейинги икки китоби чоп этилиши учун нашриётма-нашриёт югуриб юрмайди, Маънавият маркази ҳам, Ёзувчилар уюшмаси ҳам ўзлари ташаббус кўрсатиб чоп этди); • адабиётимиз ва маданиятимиз учун хизмат кўрсатиб келаётган бўлсангиз, яна қандай сабаб керак Сизга? Шу жойида Халқ шоири бўлган халқнинг шоирасини табриклаб айтган гапимни такрорладим: - Сизга бу мукофот Мустақиллик байрами бўлгани учун, касб байрами ё бирор сана муносабати билан эмас, айнан адабиёт вакили бўлганингиз ва адабиёт соҳасидаги хизматларингиз учун алоҳида фармон билан берилди. Буюрсин! Шундан сўнг “Чанги” қишлоғининг тепаликларидаги ишкомда соҳибкорлик билан банд бўлган суҳбатдошим ҳаяжони бир оз босилгани миннатдорлик сўзларини айтаётганида яққол сезилди. Яхши хабар айтиш барибир яхши. Зоҳиджон Олов каби дили ва тили бир, истеъдодли ва билимли, жўмард ва ҳалол инсонга биринчи бўлиб етказишнинг завқи эса ундан-да яхшироқ. Яна бир бор табриклаймиз! Илоҳо, доимо суюнчилаш насиб этсин! Отабек

Дебоча... Дўстлар, устозлар, улуғлар, ака-укалар, опа-сингиллар... барчаси қутлади, қутловлар давом этяпти. Кеча муҳтарам Президентимиз фармони билан каминага берилган "Шуҳрат" медалини бугун Нурафшон шаҳридаги тақдирлаш маросимида вилоятимиз ҳокими, маърифатпарвар инсон Зойир Мирзаев қўлидан қабул қиволдим. Бу рамзий маънога эга, назаримда. Аслида, жуда босиқ бўлишга интиламан, лекин бу шодлигимни сизлар билан баҳам кўргим келди. Худо мақтанчоқ қилмасин... Кўнгилда гаплар кўп, пайти келса, ёзгум. Умрингиз узоқ бўлсин, азизлар!!!🙏 (Ролик Тошкент вилояти ҳокимлиги телеграм каналидан олинди.)

Миллат умиди. ✍Зоҳиджон Олов сўзи. 🎼Зоҳиршоҳ Жўраев мусиқаси.

​Ол-а! "РЕАЛ"ДАН БИТТАЯМ ЙЎҚМИ? Испанлар 2021 йилдан бери илк марта йирик халқаро турнирда "Реал Мадрид" футболчиларисиз ўйнайди, ўшанда — Европа чемпионатида ҳам терма жамоа уларсиз ўйнаган эди! Ғалати-я! "Қироллик клуби" бўлса-ю, қурғур, биттаям термага лойиқ футболчиси бўлмаса! Хуллас, якуний таркибга 26 нафар футболчи киритилган. Эътиборлиси, уларнинг 8 нафари "Barselona" шарафини ҳимоя қилади. Таркиб билан танишишингиз мумкин: дарвозабонлар — Унаи Симон (" Atletik"), David Raya ("Арсенал", Англия), Жоан Гарсия ("Барселона"); ҳимоячилар — Pau Kubarsi, Эрик Гарсия (иккаласи ҳам "Барселона"), Aymerik Laport ("Атлетик"), Mark Kukurella ( "Chelsi", Англия), Alejandro Grimaldo ( "Bayer", Германия), Mark Pubille, Markos Llorente (иккаласи ҳам - "Atletiko", Pedro Porro (" Tottenxem", Англия); ярим ҳимоячилар — Педри, Гави, Dani Olmo (барчаси – “Барселона”), Fabian Ruis (“ПСЖ”, Франция), Martin Zubimendi, Mikel Merino (иккаласи – “Арсенал”, Англия), Родри ( “Manchester Siti”, Англия), Aleks Baena (“Атлетико”); ҳужумчилар — Mikel Oyarzabal ( “Real Sosedad”), Lamine Yamal, Ferran Torres (иккиси ҳам “Барселона”), Нико Уильямс (“Атлетик”), Ереми Пино ( “Kristal Pelas”, Англия), Borxa Iglesias (“ Selta”), Viktor Munyos (“ Osasuna”). Шунақа гаплар! Очиғи, кутмагандим. Испаниянинг номдор жамоаси бўлсанг-да, ўз давлатинг термаси учун биронта вакил беролмасанг... Назаримда, қаймоқранглилар телескопни ҳуда-беҳуда юлдузга қаратавермай, оёқ остига ҳам назар ташласа бўларкан. Ҳар ҳолда Бразилия ёки Франция шарафини ҳимоя қилаётган болалар "Реал"нинг футболкасида майдонга тушмайди-ку...

Миллий ғурур... Миллий терма жамоамизнинг умумтаркиби. Хурсанд бўлганим: қарийб барчаси ўзимизнинг ўзбек болалари, буғдойранг, қоракўз ўзбекларимиз!!! Ҳақиқий миллий жамоа!!! Бир пайтлар битта-яримта ўзбек номи учрарди бундай нуфузли жамоаларимизда. Ўша Хиросимадаям анча-мунча рус ва бошқа миллат вакиллари бор эди. Тўғри, улар қалбан ўзбек бўлиб кетгандир, лекин ҳамма ёғи ўзимизники бўлгани маза-да! Бу йигитларни Тангрим Ўзи қўлласин, юзини ёруғ қилсин, бошини баланд этсин!!! Олға, Ўзбекбобонинг болалари!!!

Роберт Левандовский. Ноёб футболчи. Танаси, вазни, бўйи ва имкониятлари, эришган ютуқлари ўз йўлига. Лекин қалби, садоқати, ҳаваси, ҳурмати унча-мунча спортчида йўқ. "Барса" тарихида бундай футболчилар кам эмас, аммо тўрт йилда бу қадар муҳаббатга сазовор бўлгани йўқ. Роберт, раҳмат сенга!!!