الاستاذ مصطفى الموسوي

قوانين الكيمياء الصف السادس الاعدادي

https://vt.tiktok.com/ZSuWtgLLD

نصيحة لكل طلاب السادس الإعدادي اللي دايخين من الامتحانات ويكولون “خايفين وما نكدر نركز”: أول شي لازم تعرف، الخوف طبيعي، مو انت وحدك هيج. كلنا مرّينا بهالمرحلة، وكل اللي عبرها يكلك نفس الشي: الامتحان مو وحش، هو مجرد ورقة وأسئلة، وانت مو أقل من غيرك. لا تقعد تفكر بالنتيجة من هسه، لا تفكر بـ “إذا رسبت شنو يصير؟” لأن هالفكرة تدمرك نفسياً قبل لا تبدي. فكر بس باليوم اللي عندك وبالدرس اللي تقراه هسه. خطوة خطوة، صفحة صفحة. رتب وقتك، حتى لو تحس متأخر. ساعة دراسة صح أحسن من خمس ساعات وانت مشتت. سوي جدول بسيط، لا تعقدها، وخلّي وقت للراحة لأن المخ إذا تعب ما يستوعب. لا تقارن نفسك بغيرك. واحد يحفظ بسرعة، واحد يفهم من أول مرة، واحد يحتاج يكرر عشر مرات. مو مهم، المهم توصل بطريقتك. المقارنة تكسّر الظهر. وإياك تيأس إذا نسيت أو غلطت. النسيان مو فشل، النسيان جزء من التعلم. اليوم تنسى، باچر تتذكر. الطبيعي هيج. قبل الامتحان نام زين، لا تسهر لحد الصبح، لأن التعب يخليك تنسى حتى اللي تعرفه. وكل زين واشرب مي، جسمك إله حق عليك. وأهم شي: ثق بنفسك. انت مو غبي، انت تعبت سنة كاملة، درست، قريت، حاولت. هاي وحدها إنجاز. توكل على الله وسو اللي عليك، والباقي مكتوب. تذكر: السادس مرحلة، مو نهاية حياة. تنجح؟ حلو. ترسب؟ مو نهاية الدنيا. الحياة أطول من امتحان، وأنت أقوى مما تتصور

حلول الايام الفاطمية نعزي الأمة العربية والإسلامية جمعاء بذكرى استشهاد السيدة الطاهرة فاطمة الزهراء عليها السلام، بنت رسول الله ﷺ، وسيدة نساء العالمين، وبضعة النبوة، ومصدر النور والرحمة. في هذه الأيام الأليمة، نقف بخشوعٍ وألمٍ نستذكر فيها تلك السيدة العظيمة التي حملت رسالة الحق والإيمان، وواجهت الظلم بصبرٍ وإيمانٍ عظيمين. كانت الزهراء عليها السلام نموذجاً للمرأة المؤمنة، رمزاً للطهارة والعفة، صوتاً للحق في وجه الباطل، وامتداداً لرسالة أبيها النبي الأكرم محمد ﷺ. استشهادها لم يكن مجرد حدثٍ تاريخي، بل هو جرحٌ باقٍ في وجدان الأمة، يذكّرنا بواجبنا في نصرة المظلوم، والتمسك بالقيم التي دافعت عنها الزهراء حتى آخر لحظة من حياتها. سلامٌ على الزهراء يوم وُلدت طاهرةً مطهّرة، ويوم عاشت حاملةً لواء الإيمان، ويوم استُشهدت مظلومةً مكسورةَ القلب، ويوم تُبعث حيةً عند ربها راضيةً مرضية. نسأل الله أن يرزقنا في هذه الذكرى التأمل في سيرتها العطرة، وأن يجعلنا من السائرين على نهجها، المقتدين بعفتها وصبرها وإخلاصها لله تعالى. عظّم الله أجورنا وأجوركم بهذا المصاب الجلل، وجعلنا وإياكم من محبيها وشيعتها الصادقين.

📚✨ نصيحة من الأستاذ مصطفى إلى طلاب السادس الإعدادي ✨📚 أحب أگلكم يا طلابي الغالين كلمة من القلب ❤️ السادس مو سهل، بس مو مستحيل، واللي يتعب اليوم راح يفرح باچر. كل تعب، كل سهر، كل ملل تمرون بيه، راح يصير ذكرى حلوة، لأنّه كان طريق حلمكم. 💪 لا تخلّون الخوف يسيطر عليكم، ولا تسمحون لأحد يقلّل منكم. أنتو تگدرون، بس آمنوا بنفسكم، واشتغلوا بصدق، وخلّوا هدفكم قدام عيونكم دايمًا. كل صفحة تقروها، كل سؤال تحلّوه، هو خطوة تقربكم من النجاح. ⏰ نظّموا وقتكم، وخلّوا التعب وسيلة مو عائق. التعب مؤقت، بس الفخر يبقى طول العمر. ولا تقارن نفسك بغيرك، لأنّ كل واحد إله طريقه وزمنه، أهم شي تمشي بثقة وتخلي نيتك طيبة، والله راح يسهّلها عليك. 🌸 وأنا كأستاذكم، فخور بيكم من هسه، وواثق إنكم راح ترفعون راس أهلكم وتفرحوني بنتائجكم. شدّوا حيلكم، وخلّوا شعاركم دايمًا: "ماكو شي مستحيل على الطالب المجتهد" 🎯 الله وياكم بكل خطوة، وإن شاء الله نشوفكم بأعلى المراتب 🙏💫 — أستاذكم مصطفى

"طلاب السادس، اسمعوا مني كلمة من القلب هالمرحلة يمكن أكثر مرحلة تحسون بيها تعب وضغط، بس صدكوني، هي مرحلة تصنع منكم شخص ثاني، أقوى وأنضج. لا تخافون من الكتب ولا من الامتحانات، الخوف هو أكبر عدو للنجاح. كلشي بالبداية صعب، بس يوم بعد يوم يصير سهل، لأن التعب عمره ما يضيع، واللي يزرع جهد، يحصد فخر. خليكم مؤمنين بنفسكم، لا تسمحون للي يحبطكم يأثر عليكم، لا تقارنون نفسكم بغيركم، لأن كل واحد بيكم عنده طريق مختلف. يمكن اليوم حيل متعبين، بس بعد كم شهر راح تبتسمون وتكولون (الحمد لله ما استسلمت رتّبوا وقتكم، ناموا عدل، واهتموا بصحتكم، لأن الجسد التعبان ما يقدر يبدع. لا تخلو الدراسة تسلب منكم راحتكم، بس خلوها تكون هدفكم، كل صفحة تقرونها، كل سؤال تحلّوه، يقربكم من حلمكم خطوة. واذكروا دايمًا، إن رب العالمين يشوف تعبكم وما راح يضيّعه، فتوكلوا عليه بكل لحظة، وراح تشوفون شلون يسهلها عليكم وحدة ورا الثانية خلو ثقتكم بنفسكم مثل الجبل، وابتسامتكم ما تغيب، لأن النجاح يحب الناس المتفائلة الاستاذ مصطفى الموسوي

اني وياكم بكلشي كلش احبكم ♥🙂

ابرز ما جاء في التعليمات الجديدة : 1- اصبح 14 انشاء مطلوب بالإنكليزي 2- رفع درجة الأدب الى 15 3- خفيض درجة الإنشاء الى 15 بدل 20

https://www.instagram.com/zy_vm?utm_source=qr&igsh=MXA1ZXNtdjZ1dmpoaA==

https://www.instagram.com/zy_vm?utm_source=qr&igsh=MXA1ZXNtdjZ1dmpoaA==

١٧ ربيع الأول متباركين ولادة خير الكائنات وافضل المخلوقات وسيّد الأنس والجن ابو الزهراء وأخ الامام علي رسول الأنسانية والسلام النبي محمد (صلى الله عليه وآله) وايضاً ولادة رئيس المدرسة الجعفرية العالم غير المُعَلَم الفاهم غير المُفَهَم سيّد العلماء وأول من أسس أساس علم الكيمياء عن طريق تلميذه جابر ابن حيان الأمام جعفر الصادق (عليه السلام ) متباركين هذه الولادات الميمونة اللهم بحق اصحاب هذه المناسبة أن تمن علينا بالأمن والأمان والثبات على صراطهم المستقيم

لا تخافون من السادس، هالسنة بس تحدي ومو نهاية العالم." "كل تعبكم هالسنة يفتحلكم باب الجامعة والمستقبل الحلو." "نجاحكم مو حظ، نجاحكم من جهدكم وصبركم." "اليوم اللي تركزون بيه يختصر عليكم أسابيع من القلق." "تذكرون: السادس مرحلة وتعدّي.. بس شلون تعدّي يرجعلكم." بالتوفيق حبايبي ❤

📅 جدول دراسي مقترح لطلاب السادس ⏰ الصبح (8 – 11): مادة رئيسية تحتاج تركيز (رياضيات / فيزياء / كيمياء). ⏰ استراحة (11 – 12): أكل خفيف + راحة بسيطة. ⏰ الظهر (12 – 2): مادة ثانية متوسطة الصعوبة (عربي / أحياء). ⏰ استراحة غداء + قيلولة (2 – 4): ⏰ العصر (4 – 6): مراجعة ملخصات / حل أسئلة وزارية. ⏰ استراحة (6 – 7): أكل + مشي خفيف أو راحة. ⏰ المغرب (7 – 9): مادة تحتاج حفظ (إنكليزي / قواعد / حفظ تعاريف). ⏰ الليل (9 – 10:30): مراجعة سريعة لما درست اليوم. 📌 ملاحظات: وزّع المواد حسب مستواك، خلّي الصعبة بأول النهار. لا تترك يوم بدون مراجعة. كل أسبوع خصص يوم لمراجعة شاملة. الاستاذ مصطفى الموسوي https://t.me/zy_vmr