⤶لـِ فتاه تجاهد ٫💕 › .

‏صلاة الفجر ليست يقظة جسد إنما هي يقظة قلب ذاق أسرار الصلة بـ الله وروح عرفت طريقها إلى الله فهنيئًا لمن قام يصليها . ‏قوموا وتذوقوا جنّة الدُنيا

عصيت؟ عُد إلى الله. ضاقت بك الدنيا؟ عُد إلى الله. تاهت بك الطرق، وثقلت عليك الأيام؟ عُد إلى الله. أنت لست بحاجةٍ إلا إلى الله، فالله غنيٌّ عنك، وأنت الفقير إليه في كل لحظة. فكُن مع الله، واستمسك به، واطلب منه العون والسكينة… يكن الله معك. لا تؤجل التوبة، فباب الله مفتوح، ورحمته أوسع من ذنوبك. اللهم ردّنا إليك ردًّا جميلًا، ولا تجعل الدنيا أكبر همّنا.

عايزاكي تجيبي ورقة وقلم وتسألي نفسك. إيه غايتك من الدنيا ؟ حددي الغايات والهدف وانشغلي واشتغلي عليهم، هتملي وقتك وهتؤجري عليه. كل إنسان مات بيتمنى يرجع ساعة يزود عمله الصالح. فانشغلي بعمل صالح وإحتسبي الأجر وتوكلي على الله. خلي غايتك الأولى في الدنيا هي محبة الله لكِ لو اشتغلتي على الحتة دي فانتِ هتعملي كل شيء صالح وهتجاهدي كتير وهتبقي مبسوطة مهما كنتِ تعبانة عشان الغاية عظيمة.

وما تخطَّينا الصعب إلا بقُدرتك، فنسألك العوَض بعد الصَّبر. - حَوقِلُوا ⁩♥️.

الإستغفار يفتح الاقفال والأبواب المغقله «أستغفِرُ ﷲ العظيم واتوب إليه» «أستغفِرُ ﷲ الوهاب» «أستغفِرُ ﷲ الرحمن» «أستغفِرُ ﷲ الرحيم» «أستغفِرُ ﷲ الملك» «أستغفِرُ ﷲ القدوس» «أستغفِرُ ﷲ المؤمن» «أستغفِرُ ﷲ الذي لا إله إلا هو الحي القيوم واتوب إليه عدد خلقه، ورضا نفسه، وزنه عرشه، ومداد ڪلماته»

مهما تكون ذنوبك كتيره الصلاة ملهاش دعوة!! الصلاة ملهاش دعوة بذنوبك اصلا كفايه مبررات!! براحتك انتي عماله تتبعي في خطوات الشيطان وباب ربنا مفتوح ارجعي قبل مايتقفل.

ياصديقتي اقفي مع نفسك دقيقة واسأليها أنا لبسي ده بيرضي مين؟ ربنا ولا الناس؟ إنتِ مش مجرد جسم يتبص عليه ولا جمال محتاج كل العيون تشوفه إنتِ إنسانة ليكي قيمة وكرامة وأغلى من إنك تلبسي حاجة تخلي عيون الناس تتعلق بيكي مش كل حاجة الموضة بتقول عليها حلوة تبقى مناسبة ليكي ومش كل حاجة البنات حواليكي بيلبسوها لازم تلبسيها إنتِ مش مطالبة تثبتي جمالك للناس ربنا هو اللي يستحق إنك تختاري عشانه يمكن اللبس الواسع والخمار في عين ناس كتير مش موضة لكن عند ربنا الستر له معنى تاني ويمكن في الأول تحسي إنك مختلفة لكن صدقيني أجمل اختلاف إنك تختاري رضا ربنا حتى لو الناس كلها اختارت غيرك يا بنتي الدنيا مش مستاهلة إنك تكسبي إعجاب الناس وتخسري رضا ربنا ولا تستني لما تكبري عشان تقولي يا ريتني كنت بدأت من بدري استري نفسك النهارده قبل ما ييجي يوم تتمني فيه لو كان عندك فرصة ترجعي للدنيا وتختاري غير كده اختاري ربنا لأن كل شيء في الدنيا هينتهي لكن اللي بينك وبين ربنا هو اللي هيفضل

ماتيجي نبدأ من جديد يا صُحبه؟ وننسى اللي فات ونفتح صفحة جديدة مع ربنا صفحة مفيهاش غير الطاعة والقرب منه والله مفيش وقت نضيعه العمر بيجري واللي من سننا شباب وبنات بيموتوا كل يوم ومحدش عارف دوره إمتى هتفضلي مستنية لحد إمتى؟ هتبقي جاهزة للموت إمتى؟ هو لازم نستنى لحد ما الدنيا تاخد مننا حد غالي عشان نفوق؟ يلا ياصُحبه نرجع لربنا من دلوقتي ونبدأ من جديد صلاة، قرآن، استغفار، وقلوب صادقة مع ربنا يمكن دي تكون أجمل بداية في حياتنا ويمكن تكون الصفحة اللي ربنا يكتب لنا بيها النجاة. يلا نبدأ مفيش وقت. 🥺🤍

النصيب حاجة عجيبة .. محدش يعرف يهرب منه ، ممكن تبعد وتلف الدنيا كلها ، وفي الآخر تلاقيه مستنيك في المكان إللي ماكنتش متوقعه..! النصيب بيجي في وقته ، وفي أحسن صورة لينا حتى لو ماكنش على هوانا في البداية كل حاجة بتحصل في حياتنا مكتوبة ومقدرة، والنصيب جزء من الخطة إللي ربنا حاططها لنا، ساعات بنستعجل الأمور وبنحاول نفرض سيطرتنا، لكن في الآخر بنلاقي إن النصيب له رأي تاني ثق إن إللي جاي أحسن، وإن النصيب هيجي في الوقت الصح ومع الشخص الصح خليك دايمًا متفائل وواثق إن ربنا مخبي لك الأحسن، واوعى تسيب نفسك لليأس، النصيب دايمًا في صفنا، وبيخدنا للطريق إللي فيه راحتنا وسعادتنا

"الأمانُ جميل جدًا..أظنّه شعورٌ يستحق عناء البحث عنه! تأمن وأنت تتحدث وأنت تنفعل، وأنت تعبّر عن مشاعرك. تأمن أن عفويتك محبوبة ومقبولة، أنك لا تحتاج إلي التصنّع كي تبقى مرغوبًا. وأن كل ما تُعانيه من نفسك لا يمثّل مشكلة للآخر، بل هو مُحببٌ له.."

هتتحاسبي على فكره!!!! هتتحاسبي على الميكب الجميل الواو اللي بتحطيه دا!! هتتحاسبي ع الميكب الخفيف اللي هو مش خفيف برضو واسمه تبرج هتتحاسبي ع الدريس المشلح اللي بتقولي عليه ميني زفت هتتحاسبي ع كل بنت شافته عليكي أو شافت اي لبس ضيق ميرضيش ربنا وجابته تخيلي لو بنتين تلاته شافوه عليكِ واشتروه وبنتين تلاته شافوهم واشتروه وهكذا احسبي كده كام بنت وكام نظرة انتي هتتحاسبي عليها يعني سيئات جارية لا تنتهي ببساطة كده مش بس اللبس انتي هتتحاسبي ع الميكب الجميل ونوع البرفان الواو واي حاجة مترضيش ربنا جبتيها وبنت شافتها عليكِ وقلدتك وكل اللي يجيبوه من بعدك عن طريقك هتتحاسبي ع الحتة اللي بتبقى باينه من رجلك....... تخيلي برضو أن حكم إظهار حتة من الشعر كاظهارة كله اومال الجسم بقا! ماهي رجلك من جسمك وزيها زي اي حتة انتي مينفعش تلبسي كت أو نص كوم بس تبيني رجلك عادي وايزي!!!!!! هتتحاسبي ع البنطلون الضيق الموضه الي بيترفع شبر دا عرفاه!! متنسوش في جنه وفي نار ربنا هيحاسبكوا فوقوا لنفسكوا الموت ممكن يجي في اي لحظه

أكتر حاجة ممكن تشدني في الشخص اللي قدامي وتخليه في وقت قصير جدا من أقرب الناس هي (الحنية).. لأن الشخص الحنين عمره ما هيكون أناني، لأنك بتلاقيه بيحط نفسه مكان اللي قدامه في أي وجع فبيحس اوى بيك، شخص بيعرف يهتم بالتفاصيل اللي تفرحك وبيخلقها من تحت الأرض، شخص ممكن يروح النوم من عينه لو إنت زعلان، شخص يؤتمن في الزعل قبل المحبة.. ربنا يرزقنا بالناس دي في حياتنا لأن بيهم الحياة بتنور.

"وسندًا صالحََا يـَـ الله إن طبخت غسل الأطباق مُبتسماً".

إنت خايف من حاجة لسه ما حصلتش! «هعمل إيه بعدين؟» «هقدر أنجح؟» «هشتغل فين؟» «مستقبلي رايح على فين؟» أسئلة كتير بتدور في دماغك.. لحد ما تلاقي نفسك عايش في «بُكرة»، ومضيّع بركة «النهارده». بتستنزف طاقتك في سيناريوهات ممكن أصلًا ما تحصلش! اهدَى.. ورتّب أفكارك. ربنا طلب منك السعي والأخذ بالأسباب، لكن ما طلبش منك تشيل همّ الغيب ولا تعرف بكرة هيحصل فيه إيه. قال تعالى: ﴿وَمَن يَتَوَكَّلْ عَلَى اللَّهِ فَهُوَ حَسْبُهُ﴾ اعمل اللي عليك النهارده: اجتهد، اتعلم، خد بالأسباب، واسعى في طريقك.. وسيّب تدبير بكرة لربنا اللي خلقك وخلق بكرة وكل اللي فيه. القلق مش هيغيّر اللي ربنا كتبه، لكنه ممكن يسرق منك راحة اللحظة اللي إنت عايشها دلوقتي. إنت مطالب بالسعي.. أما النتائج فبيد الله. 🤍

يلا بقى نبدأ من جديد ونفرح ربنا بينا كفاية تأخير ده ربنا مستنيكِ وخطوتك دي ممكن تكون بداية لحياة جديدة