النور.

لازم تكون متأكد إن في الزمن اللي احنا فيه ده كل إنسان بيعاني في حياته بشكل أو بآخر ! كل واحد دماغه مسوّحاه في مليون اتجاه ومش عارف هيعمل ايه في الموضوع اللي شاغله.. كل واحد في حياته ابتلاء مخفي عن عيون الناس ومحدش عارف عنه حاجة ، كل واحد بيعافر ويقاوم ويقع ويقوم من تاني.. الفكرة بس إن فيه ناس ما بتعرفش تشتكي ؛ فكل ما تقابلهم هتلاقي على وشهم ابتسامة طيبة وما بيقولوش غير الحمد لله.. فأوعى تتمنى حياة حد ولا تتهمه إن باله رايق ومفيش حاجة شاغلاه لمجرد إنه ساكت ، لأن الناس كلها بلا استثناء فيها اللي مكفيها.

مفيش حاجة على الإطلاق مضمونة في الدنيا لا وظيفة و لا مال و لا علاقات و لا محبة و لا صحة. كل حاجة حرفيا في إيد ربنا و ممكن يتغير حالها في أقل من ثانية أو موقف صغير مهما فكرنا اننا مسيطرين على الأمور السيطرة على حياتنا وهم كبير جدا مفيش حد عارف ممكن يحصل إيه بعد دقيقة من الوقت. علشان كدا أكتر حاجة بتمناها إن ربنا يديم علينا نعمه و يحفظها من الزوال!

قد إيه الإنسان بيجاهد ميفضلش في النسخة اللي حواليه فرضوه عليها بكل ما أوتي من قوة وسعي!! أنا عندي إحساس كل يوم بصراع إن كان جوايا أحلى من كدة بكتير بس محدش يستاهل الحلو ده والنتيجة نسخة من نفسي مكنتش في يوم تشبهلي.. وده مش معناه إني مش راضية عن نضجي دلوقتي..لكن كان في نسخة أحلى وأنقى وأروق وكنت بحبها يا رب قرب منا اللي يستاهل الحلو والحب والعطاء اللي جوانا وباعد بينا وبين كل حد يجبرنا نخبي أحسن ما فينا علشان بس نحميه من تقلبات القلوب والحياة.. الحمد لله ❤️‍🩹.

مع الوقت اكتشفت إننا الناس بتشوف على قدر المحبة وبالقلوب مش العيون ، اكتشفت إن كل العيوب اللي ممكن حد يشوفها فيك ؛ حد تاني قادر يشوفها مميزات! الدوشة والصداع ممكن يتشافوا حيوية وطاقة ، الزن يتشاف اهتمام ، والرغي يتشاف حب ، وحتى السكوت يتشاف ونس! العيب طلع في العين اللي ما بتشوفش تصرفاتنا بعين المُحب ومبيوصلهاش إشارة بجمال كل تصرف طالع من قلبنا.. فيه ناس كتير في الدنيا هتقابلهم ويشوفوك حلو زي ما انت بدون ما تبذل أي مجهود وهيلاقوا إن حتى عيوبك بتحليك. احنا حلوين بس مع ناسنا وفي مكانّا الصح.

هيفضل كل واحد عايش وجعه ومحنته لوحده مهما كان حواليه ناس، هيفضل شايلها بكل تفاصيلها جواه. وهتفضل في أسرار وحاجات مستخبية محدش يعلم بيها إلا ربنا، هيقابل ربنا بيها وهو صابر ومحتسب، مخبيها عن عيون الناس ومستور بستر ربنا وتحت رحمته الكبيرة. ربنا واحده هو اللي بيستر عباده، وبيتلطف بيهم ويرحمهم، وهو الوحيد اللي حاسس بحجم الألم اللي بيمروا بيه بكل تفاصيله، اللي الناس متفهمهاش ولا تعرف عنها حاجة. ربنا هو اللي عالم باللي جوانا وبالحتت الحزينة المكسورة في قلوبنا، هو الأمل اللي بندور عليه في كل خطوة، والسكة اللي بنحاول نمشي فيها عشان ننول رضاه، رغم كم الصعوبات والتحديات الرهيبة اللي بنقابلها كل يوم. يا رب اكتب لكل واحد بيمر بتعب أو حزن أو ابتلاء أجر عظيم، واجعلنا دائمًا من الراضين الصابرين، وارزقنا قربك وأنسك، ولا تكلنا لأنفسنا ولا لغيرنا أبدًا .

نوّر بصيرتي ياربّ ، دلّني دايما للطريق الصحيح ولا تضلّني ارشدني واحميني ياربّ من التوهه

بحاول أكون نسخة أحسن من نفسي بحاول أغير من نفسي بحاول أبدأ حياه جديدة كل يوم بحاول أخلي علاقتي مع ربنا احسن وابقى الإنسانة اللي في المستقبل فخورة بنفسها " انا في سباق مع نفسي مش مع حد"

بسم الله الرحمن الرحيم ربِّ يسِّر وأعِّن🌱📝 تُعلن أكاديمية مــ𓂆ـأوىٰ عن فتح أبوابها لاستقبال دفعات جديدة بالمسارات التالية : 1⃣ معسكر الحصون الخمس : ▪وجه باليوم= 5 بالأسبوع. ▪ بدايةًَ من : • سورة البقرة ✅ • سورة التوبة ✅ • سورة يوسف ✅ • سورة الأعراف ✅. ▪يتضمن بطاقة تمام يومي وأوراد تسميع وتفسير وتحضير ومراجعة واختبارات وسرد دوري لكامل المحفوظ. ▪ للمبتدئات ومن تفلَّت محفوظها،ومتاح الانضمام للجميع بشكل عام. 2⃣ معسكر الجبال الرواسي : ▪ ربع باليوم = حزب بالأسبوع. ▪يتضمن بطاقة تمام يومي وأوراد تسميع وتفسير وتحضير ومراجعة واختبارات وسرد دوري لكامل المحفوظ. ▪ بدايةًَ من : • البقرة✅. ▪ للخاتمات سابقًا،ويُشترط أن تكون المتقدمة مُتقنة . 3⃣ مسار الحفظ الحُر : جديد🌷 ▪ حلقات فردية وجماعية . ▪ مرونة في تحديد النصاب يُمكن للطالبة مضاعفة نصابها بأيام إجازتها وفراغها وتقليله بأيام انشغالها . ▪ يتضمن تصحيح تلاوة ومتابعة فردية و اختبارات شفهية وإلكترونية ومراجعة. ▪متاح للجميع، وخيار مناسب لأصحاب الانشغالات. 4⃣ مسار الحفظ المُيَّسَّر : ⏳ جديد وسيُعلن عنه قريبًا..ماذا تتوقعون؟👀💚 📍للاستفسار والاشتراك : راسلينا هنا @MAwaaa175_bot باسمكِ الثنائي والمسار المُراد الالتحاق به. 🗓 التسجيل مُتاح حتى اكتمال العدد بإذن الله. "من وُفّق لحفظ القرآن، قد زُرق الخير كله".

دخلنا على النص التاني من السنة! تحس إن أول ٦ شهور عدّوا في لمح البصر.. أيام جريت، وحاجات اتغيرت، وحاجات كنا فاكرينها مستحيلة وربنا هوّنها، وحاجات اتأجلت ولسه مستنيين توقيتها ... اللهم اجعل النصف الثاني من العام بداية لكل خير، واجبر خواطرنا، واشرح صدورنا، ويسّر أمورنا، وحقق لنا ما نتمنى إن كان فيه خير، واصرف عنّا كل سوء، وارزقنا أيامًا أجمل مما مضت، واجعل القادم مليئًا بالبركة والطمأنينة والرضا.

مش عارفة هتفهموني ولا لا، بس أنا بتمنى لما أتجوز ميبقاش شكلي ست متجوزة، يعني مقصرش في حق نفسي وأهملني عشان أنا دلوقتي عندي الأهم، ومهملش صحتي وشكلي وأكون مطفية، بتمنى أفضل كدا، مُشعة وحية وبحس بالجمال وبشوفه في كل حاجة وأكون مبسوطة ومتهنية: يا ربّ ارزقني بزوج…

مش عارفة هتفهموني ولا لا، بس أنا بتمنى لما أتجوز ميبقاش شكلي ست متجوزة، يعني مقصرش في حق نفسي وأهملني عشان أنا دلوقتي عندي الأهم، ومهملش صحتي وشكلي وأكون مطفية، بتمنى أفضل كدا، مُشعة وحية وبحس بالجمال وبشوفه في كل حاجة وأكون مبسوطة ومتهنية: يا ربّ ارزقني بزوج صالح يخلي الحياة بالنسبة لي أسهل وأخف ولا أشقى بصحبته أبدًا يا ربّ نُور

﴿وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ﴾. سبحانَ الذي تظنُّ به خيرًا، فيهبك فوق ما تمنيت، ويُكرمك أضعافَ ما رجوت الحمدُ لله حمدًا كثيرًا طيبًا مباركًا فيه اللهم لك الحمد كما ينبغي لجلال وجهك وعظيم سلطانك، الحمد لله دائمًا وأبدًا.🤍🥺 Finally up to Level 3🤍.

ادعولي") 💕

رأيكن؟ 🫣

هذَا يعني عَجبكّن تصميماتي! 🫣 أن تفاعتلم علىٰ هذة الرسالة ، هعملكم شوية حلوين💚. وهرسلهم للقناة وأيضًا مسموح النشر.

وهذأ أيضًا 🥰.

رأيكن؟ 🫣

والله ياجماعه الدنيا مش بتوقف على حد اقسم بالله كله بيعدى وكله ف اقرب مقلب زباله وبيترمى فمش عاوزين قرف اصل خلينا متفقين ان اللى هيبيعك مره هيبيعك الف مره وكل مره هتديله فرصه هيخسرها وهيحطك على الرف ده اذا اصلا مكنتش محطوط عليه من الاول فخلاص عدو بقى الوقت كفيل انه يخليكو تنسو اصلا وياريت تفوقو شويه وفكونا من جو الاسف والاعتذار عشان مالوش لازمه .. خلصت وانتهت وشطبنا، كان فى وخلص … الاوراق اترتبت من الاول وكل واحد يرجع لحجمه الطبيعى ومكانه اللى مفروض مكنش يطلع منه.

ربنا يطيب خاطري على صبري، ويجبر قلبي بعد كل اللي شافه وسكت عليه… على كل مرة استحملت فيها وأنا موجوع، وعلى كل مرة عدّيت وعدّيت وكأني مش فارق معايا، وأنا جوايا ألف حاجة بتتكسر. ربنا يعوضني عن كل إحساس اتدفن جوايا ومقولتوش، وعن كل مرة فضّلت غيري على نفسي، وعن كل حاجة استاهلت فيها أكون مرتاح وماكنتش. أنا ما صبرتش ضعف أنا صبرت عشان كنت شايف إن في أجر، وإن ربنا عالم، وإن في يوم هييجي التعويض اللي ينسيني كل التعب. يارب طبطب على قلبي، وبدّل تعبي براحة، وصبري بفرحة، وخاطري بجبر يليق بك ..

وسط كل الدوشة اللي حوالينا، وكل الناس اللي بتجري تغير من نفسها عشان ترضي غيرها... فيه حاجة واحدة بس هفضل متمسڪه بيها، وخايفة الزمن ياخدها مني: إني أفضل أنا. أنا بكل تفاصيلي... بطبيعتي اللي ممكن متعجبش الكل، وشكلي اللي ربنا خلقني بيه، وأسلوبي اللي ممكن يكون مختلف، وطريقة تفكيري اللي مش لازم تشبه حد. عمري ما كان شاغلني أبص في ورقة غيري ولا أقلد نجاح مش بتاعي. معنديش طاقة ألبس وش مش وشي، ولا أتعامل بطبع مش شبهي، ولا أتوه في زحمة الشخصيات عشان أنول إعجاب لحظي من حد. رحلتي الوحيدة اللي مصدقاها وماشية فيها هي رحلتي مع نفسي. كل يوم بحاول أكون نسخة أحسن، أنضج، أهدى، وأقوى من نسخة امبارح. مش عشان أسبق حد، بس عشان أبقى فخورة وأنا ببص في المراية وأقول: "أيوه... دي أنا، ودي أفضل نسخة وصلتلها لحد دلوقتي" وده مش مجرد كلام... ده العهد اللي بيني وبين نفسي، والهدف اللي هفضل أسعى ليه لآخر يوم في عمري.🤍